Leita í fréttum mbl.is

Góður Guðni !

 

 

Guðni Ágústsson skrifar afbragðs grein í Mogga um Icesave. Mér finnst við hæfi að árétta nokkur  hans orð hérna:

 "SÓLMYRKVI« hefur um leikið Ísland allt frá því að Gordon Brown haustið 2008 lýsti Ísland gjaldþrota, beitti landið hryðjuverkalögum og felldi Kaupþingsbankann breska og móðurskipið féll hér heima. Þessir örlagaatburðir eru þúsunda milljarða virði í skaðabótakröfum sem ekki hefur verið hirt um að sækja af hálfu Íslendinga.........

......Ólafur Ragnar Grímsson sýndi að hann er margra manna maki þegar hann er kominn í rökræður við öflugustu fjölmiðlamenn Evrópu. Hann skoraðist ekki undan að viðurkenna að ákveðna ábyrgð bærum við, en mjög takmarkaða. Hann upplýsti umheiminn og breytti viðhorfum til Íslands, að sögn Evu Joly. Nú kemur fram hver sérfræðingurinn á fætur öðrum sem lýsir sök á hendur Bretum og Hollendingum sem hefðu misfarið með varnarlausa þjóð og hefðu nauðgað Íslandi til að taka á sig drápsklyfjar sem þeir og Evrópusambandið bæru meiri ábyrgð á en við. Martein Wolf, ritstjóri Financial Times í London, skýrði frá breyttu viðhorfi í garð Íslands og rekur málavöxtu af þekkingu. Íslensk stjórnvöld hafa því miður þvert á öll rök fundið upp slagorð í þessari baráttu sem er. »Við verðum að borga og standa við okkar skuldbindingar.« Þó eru þetta skuldir og brask einkabanka en ekki almennings á Íslandi hvað þá barnanna sem nú sitja á skólabekk. Tryggingarsjóður innistæðueigenda fer auðvitað upp í kröfurnar og ber að gera það. Eva sagði að Íslendingar væru eina þjóðin sem bæði væri gerendur og þolendur í haftaafnámi heimsins í helför kapítalismans.....

.......Nú hefur sú réttlætissól brotist fram úr skýjum Icesave-deilunnar að öflugir einstaklingar með ríka réttlætiskennd hafa komið fram og útskýrt á einfaldan hátt að Evrópusambandið, að breska fjármálaeftirlitið og það hollenska beri þyngri ábyrgð á framgöngu Landsbankans í Bretlandi og Hollandi en íslensk stjórnvöld. Þarna fer Íslandsvinurinn Eva Joly, sem hefur kafað ofaní öll rök, en er nú snupruð af ríkisstjórninni fyrir. Hún hefur gengið í hlutverk íslenskra ráðherra og rætt við höfunda EBS um bankalöggjöfina og komist að niðurstöðu sem ríkisstjórnin því miður hundsar. Össur Skarphéðinsson gerði meira gagn í því að bera töskur þessarar hetju en að grátbiðja um að ekkert trufli EBS-drauma Samfylkingarinnar......

Ég vil svo nefna íslensku lögfræðingana Sigurð Líndal, Stefán Má Stefánsson og Lárus Blöndal svo og Ragnar Hall sem hafa verið rökfastir um lagalegar hliðar þessa máls allt frá upphafi. Hvers vegna binda íslenskir ráðherrar sig fasta í þessa vitleysu að um sé að ræða »skuldbindingar íslensku þjóðarinnar«? Þetta er ekki boðlegur málflutningur að mati færustu sérfræðinga sem nú tjá sig um málið heima og erlendis. ....

Þegar svo ráðherrar vinaþjóða einsog Norðurlandanna og AGS tyggja sömu tugguna er von að spurt sé, kynnir íslenska ríkisstjórnin málið á röngum forsendum erlendis, segja ráðherrarnir virkilega að Icesave-skuldin sé »skuldbinding íslensku þjóðarinnar,« hvað sem raular og tautar? Er það svo þegar forsætis-, fjármála- og utanríkisráðherra Íslands hitta kollega sína, halda þeir þá fram þessum bresku og hollensku rökum. Nú kann það vel að vera að vinstrimenn skammist sín upp fyrir haus út af framgöngu útrásarvíkinganna, það gerir þjóðin líka. Hins vegar opnaði þeim þessa leið slakt íslenskt eftirlitskerfi en ekki síður gölluð evrópsk lög. Rétt er rétt og sú hlið málsins hefur loksins skýrst við synjun Ólafs Ragnars Grímssonar á lögunum......"

Guðni greinir hér réttmæti orða fyrrum samstarfsmanns síns Davíðs Oddssonar. "Við  ætlum ekki að borga erlendar skuldir óreiðumanna."

Það er ríkisstjórn uppgjafar og ömurleikans sem nú situr sem ætlar að keyra okkur inní myrkur örbirgðarinnar að hætti  Haiti-búa sem voru kúgaðir til að kaupa sér frelsi af þrælahöldurum sínum 1804 . Á Með sömu rökum og nú er beitt á okkur af sömu aðilum, Evrópubandalaginu og AGS.

Biðjum þetta lið bara vel að lifa og leitum okkur nýrra bandamanna. Til dæmis þar sem dollararnir eru. Við þurfum ekkert á ESB að halda og getum alveg lifað án Breta ef þeir vilja ekki við okkur tala. 

Burt með þessa ríkisstjórn uppgjafar og ömurleika.

Góður Guðni !

 


« Síðasta færsla | Næsta færsla »

Athugasemdir

1 Smámynd: Ómar Bjarki Smárason

Þið eruð góðir, Halldór, þegar þið leggið saman, þú og Guðni......!

Ómar Bjarki Smárason, 22.1.2010 kl. 12:29

2 Smámynd: Haraldur Hansson

Vel mælt hjá Guðna og viðbótin í lokin góð sömuleiðis.

Því miður hefur eitruð blanda af uppgjöf og aumingjaskap dregið máttinn úr ríkisstjórn okkar, sem virðist á köflum telja að "alþjóðasamfélagið" samanstandi af Bretlandi, Niðurlöndum og klíku Barrosos. Þjóðin verður að taka í taumana og fella IceSave 2 með glans.

Haraldur Hansson, 22.1.2010 kl. 12:59

3 Smámynd: Björn Emilsson

Ég bara spyr, voru það ekki landráð þegar Steingrímur skrifaði undir samninginn í skjóli nætur?

Björn Emilsson, 22.1.2010 kl. 16:04

4 Smámynd: Ómar Bjarki Smárason

Það þarf að fara vandlega yfir það, Björn, hvar "landráðamörkin" liggja. Það má spyrja hvort einkavæðing bankanna, eins og hún var framkvæmd, getur ekki flokkast undir landráð. Nú og aðgerðar og aumingjaskaður forsvarsmanna þjóðarinnar að horfa upp á að auðvisarnir voru að sigla hér öllu í strand og ráðherrar og embættismenn bara horfðu á og dásömuðu þessa vitleysinga..... Þeir hljóta jú að vera vitleysingjar allir með tölu því hvaða óvitlaus maður hefði getað horft upp á þetta aðgerðarlaust....?

Ómar Bjarki Smárason, 22.1.2010 kl. 16:41

5 Smámynd: Björn Emilsson

Ég var í stuttri heimsókn til Íslands vorið 2003. Undraðist þessa framkvæmdagleði ríkjandi. Bankakonan mín spurði mig hvort mér findist ekki mikið til koma. Ég gaf lítið útá það, en spurði, si sona, hvaðan kemur fjármagnið? Einhver svaraði, frá álverunum auðvitað!!

Björn Emilsson, 22.1.2010 kl. 18:21

6 Smámynd: Júlíus Björnsson

Íslensk útibú um árabil skeið dældu fjámagni inn á Breskan sjálfábyrgan markað. Skattar skiluðu sér í Breskan Ríkissjóð, breskar keðjum haldið gangandi , tryggði fleira fólki atvinnu.

Í hinum raunverulega heimi viðskiptanna fara fyrirtæki ekki á höfuðið á einni nótt. Aðdragandin er í samræmi við umfang fyrirtækisins.

Spurning er hvenær veit stærsti lánadrottinn fyrst um hvert stefnir? Þetta er spurning um x ár.  

Ábyrgur lánadrottin eins og Deutche bank er alltaf á verði. Þið getið fengið það staðfest hjá honum sjálfum.

 Hvað gerist fyrst ef aðilar hafa ekki gert það nú þegar þá kynna þeir sér málsmeðferð skuldalúkningar.

Svo byrja ráðbruggið. Stærsti lándrottin oftast innheimtir greiða fær skuldnaut til að minnkaskuldir við sig og koma yfir á fleiri. Einning er hægt að gera óhagstæða lánasamninga við lándrottna til að byggja upp hjá þeim varasjóði. 

Svo getur ílka sama gerst hjá næst stærst lánadrottni. Þá vex spenni og lándrottnar fara í innbyrði samkeppni  um að tapa sem minnst eftir x ár.

Þeir sem aldrei hafa migið í salta sjó, mömmudrengirnir sem komu út uppeldistofnunum á fertugaldri læra ekki svona hluti í vernduðu stofnunum.

Þótt ég sé einni Íslenski aðilinn sem hef vit á svona hlutum af þeim sem ekki tóku þá í stefna í gjaldþrot, þá eru margir út um allan heim sem álíta að Íslandi sé stjórnað af simpönsum.

Bretar er fyrirgreiðslu stofnum Íslenska stjórnmálamenn.  Þeir eru bara að hugsa um sig og sína og allt baktjaldbak sem ekki er hægt að sanna verður aldrei staðið við.

Síðust 5 ár nágrannaríkis með foréttindi til að sækja um formlega aðild að EU þegar fyrirgreiðslur verða ólögleg mismun gagnvart öðrum Meðlima-Ríkjum í innri samkeppni sjálfábyrgra efnahagslögsaga, grundvelli EU Seðlabankakerfisins sem selur evrur.  Þær er seldar á þjóðargengi Meðlims.

Taka mið af þjóðartekjum síðustu fimm ára  og endurskoðast á 5 ára fresti minnst.

Þjóðartekjur á haus samkvæmt opinberu mati IMF verði helmur þess sem gerist í Danmörku 2014. Ef við förum inn þá.  Greiða Lettar og Grikkir þá fyrst atkvæði að okkur verði hyglað til að ná upp þjóðartekjum? Bretar með sinn fasta 25% hráefniskvóta, Spánverja um 12%, þjóðverjar um 8%,.... samþykkja þeir að hækka þá hefðbundnar þjóðartekjur Ísland.

Maður kynnir sér hinn aðila áður en maður fer í samninga og veit hvað hægt að græða þegar sest er að samninum [farið að prútta].

T.d. ef þú ætlar að kaupa mikið af kökum til endursölu þá athugarhvað hráefnin kosta í hana og á hvað kjörum hinn aðilinn gæti fengið þau, eis er get með framleiðslu kostnaðinn, eining er reynt að leggja mata á fjárhagslega styrkleika og skoða aðra skuldunauta hans og lánadrottna. Þá veit maður hvað maður getur fengið. Maður spyrð ekki eins og fávís, heldur af falskri kurteisi. Svo þarf líka að athuga hvort hægt er að liðka fyrir.

Yfirstéttin Breska er ekkert betri en Ítalska mafían þegar kemur að semja.

Hinvegar að stefna Bretum á grunnforsendu  EU að sérhvert Meðlim-Ríki er sjálfábyrg  lögsaga. Bretar eigi sinn innri bankasamkeppni markað einir og óskiptir. Þar af eigi þeira ekki að mismuna útibúum á þjóðernislegum forsendum.  Eyðileggja möguleikan að LB og KB gætu fjármagnað einkatryggingarsjóðsinn vegna Glitnis. 

Ég sé Þjóðverja í anda samþykkja samtryggingarkerfi Meðlima-Ríkja á eigin heimamörkuðunum. Breta afsala sér ábyrgð á eigin bankamarkaði.

Bretar hafa supervision og contol skyldur gagnvart útibúum í samkeppni án þess að mismuna. EFTA tryggir okkur aðgang að EU dómstólum til að kæra.

Hér er engin sekur svo Bretar fara ekki að kast steini. Íslendingar voru í slagtogi með Breskum ríksborgurum.

EU er samansafn heraga og herkænsku þjóða, raggeitur og væluskjóður ekki hátt skrifaðar. Enda er næst áfangi eftir landvinninga.  Uppbygging herafla til að endurheimta forna virðingu á Atlandshafinu. Sbr. Berlin plus. Og finalisering. Það mun ef ég þekki þjóðverja rétt skera niður óþarfa kostnað eins og við skoðanir nefnda Meðlima-Ríkja sem þær útnefna á útfærslum Umboðs valdahafanna  sem byggja á vandaðari vinnu bestu fagmanna EU í stofnum EU.   Breyttir tímar breyttar áherslur. Áttvísi hjá hæfum meirihluta EU. Stefnumörkun hjá Íslenskum stjórnvöldum síðan 1995.  Dráttarhesta stefnumörkun minnir á augnhlífar dráttarhestanna á meginlandinu. 

Það eru Bretar sem koma illa út úr málaferlum gagnvart hæfum meirihluta í EU. Áhersla Breta í málum EU svo sem að kaupa ekki hlut í Fjárfestingabankanu eða Evrópska Seðlabankanum segja sitt. Þjóðverja hirða þarna mikinn hagnað enda meðal stærstu hluthafa. Þeir geyma hagnaðinn í Lúxemburg.

Júlíus Björnsson, 23.1.2010 kl. 01:24

7 Smámynd: Júlíus Björnsson

Bretar eru ekki fyrirgreiðslu stofnum Íslenska stjórnmálamanna.  Þeir eru bara að hugsa um sig og sína og allt baktjaldbak sem ekki er hægt að sanna verður aldrei staðið við.

Júlíus Björnsson, 23.1.2010 kl. 01:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 6
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband