Leita í fréttum mbl.is

Íraki fer úr landi

sendur í morgun til Noregs þaðan sem hann kom hingað sem hælisleitandi. Skelfing og ósköp segir lögfræðingurinn og höfðar mál. Maðurinn segir dauðann geta beðið sín í Írak. Það er allt í einu okkar mál að leysa úr fortíðaarvanda  hans.

Svo orti Moskvuskáldið Halldór Kiljan í orðastað Bjarts í Sumarhúsum:


Spurt hef ég tíu milljón manns
séu myrtir í gamni utanlands.
Sannlega mega þeir súpa hel
ég syrgi þá ekki, fari þeir vel.

Afturámóti var annað stríð
undir grjótkletti forðum tíð,
það var allt útaf einni jurt
sem óx í skjóli og var slitin burt.

Því hvað er auður afl og hús ef engin jurt vex í þinni krús ?

Hversu megum við böl heimsins bæta Íslendingar? Getum við setið upi með afleiðingar af gjörðum manna í fjárlægum löndum? Mönnum sem taka upp vopn í baráttu við landsmenn sína og verða undir? Mönnum sem eru svo óheppnir að fæðast í múslímaríkjum og þeirri fátækt sem því fylgir? Mönnum sem þrá betri kjör en þeir búa við?

Hér margt í ólestri sem lengi má telja. Samanborið við það versta í heiminum er það sjálfsagt ekki merkilegt. Spurning hvort við eigum nokkurn rétt umfram aðra til að búa hérna? Sumir halda því þó fram.

Eigum við að taka upp lottó með íslenskan ríkisborgararétt  eins  og Bandaríkjamenn? Þú getur kannski keypt miða á Betson og komist til Íslands ef engin jurt vex í þinni krús þar sem þú fæddist?

Eiga hér allir vísa landvist sem hrjáðir eru og hraktir? Einn prófessor okkar og stórkrati var ekki í vafa og vildi milljón manns frá Afríku  á Suðurland strax. Það er sjónarmið út af fyrir sig.

Hver á að ráða því hvort einn Íraki fer eða kemur? Hvursu margir eru Írakar og hvursu margir eru Íslendingar ? Maður gæti heyrt fyrir sér rödd Halldórs Kiljans spyrja þessarar spurningar úr því að maður má sjálfur ekki spyrja slíkra spurninga. Það eru víst einhverjir aðrir sem sitja uppi með hin réttu svör.

 


« Síðasta færsla | Næsta færsla »

Athugasemdir

1 Smámynd: Eyjólfur Jónsson

Ónei, þeir hafa ekki svör, en þá reikna ég með að þú meinir ríkisstjórn. En þeir sem slá pólitískt gull af þessu ástandi skiptir ekkert annað máli. Hinir eru lögfræðingar kokkar og hótel eigendur eða "flóttamannablóðsugan" Allt snýst um peninga og eða völd..

Eyjólfur Jónsson, 24.9.2012 kl. 14:25

2 Smámynd: Kolbrún Hilmars

Það er athyglisvert að þessi íraski flóttamaður hafi verið hér í heilt ár (frá s.l. hausti) og eigi enn enga íslenska kærustu.   Annað hvort er orðinn skortur á kærustum eða að maðurinn er of gamall.

En svona gamanlaust - af hverju nýta íslensk yfirvöld ekki gögn og niðurstöður frá Noregi og Svíþjóð þegar flóttamenn þaðan flýja hingað?

Kolbrún Hilmars, 24.9.2012 kl. 15:47

3 Smámynd: Ómar Ragnarsson

Enginn virðist hafa kynnt sér það að það er flóttamannastofnun Sameinuðu þjóðanna sem leggur hart að þeim þjóðum, þar sem flóttamenn eru, að veita þeim þar hæli í stað þess að senda þá úr landi.

Samkvæmt alþjóðlegu samkomulagi um þetta er landi að vísu heimilt að senda menn til þess lands sem þeir komu frá  en eins og áður sagði leggur flóttamannastofnun Sþ hart að löndum að gera það ekki.

En menn virðast víst álíta að innan þeirrar stofnunar sé fólk sem hefur ekki hundsvit á flóttamannavandamálunum.

Íslendingar hlutuðust auk þess til um og gerðust viljugir meðmælendur innrásar í Írak og það er því holur hljómur í því að tala um að fortíðarvandi hans komi okkur ekki við.

Ómar Ragnarsson, 24.9.2012 kl. 18:58

4 Smámynd: Kolbrún Hilmars

Ómar, íslendingar hlutuðust minna til um innrásina í Írak en innrásina í Lybíu.  Ekki það að það skipti mestu máli. 

Konur og börn eru yfirleitt mestu og varnarlausustu  fórnarlömb stríðsátaka.  Af hverju sjáum við ekki neinn úr þeim hópi leita hér hælis?

Af hverju sjáum við bara unga og spræka karla?  Í kærustuleit - ef ég má minna á þann þátt.  Áttu þeir ekki kærustur í heimalandinu, líkt og aðrir ungir menn?  Jafnvel börn?  Hvar eru þau? 

Kolbrún Hilmars, 24.9.2012 kl. 19:48

5 Smámynd: Helga Kristjánsdóttir

Alltaf ertu Kolbrún mín heilsteypt.

Helga Kristjánsdóttir, 24.9.2012 kl. 23:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 5
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband