Leita í fréttum mbl.is

Sigurður Ingi

er ráðherra. Hann sýnir að ráðherra  ræður. Þessi ráðherra ákveður að ráða en er ekkert að skipa nefndir í málin eins og aðrir ráðalausir gera.

Hann bara réði því að leggja niður  nýju náttúruverndarlögin og taka upp þau gömlu aftur. Hann bara réði því að gefa síldveiðar í Breiðafirði frjálsar. Hann bara réði  því að rétt væri að afnema gömlu rammaáætlunina um virkjanaröðina sem kommarnir höfðu sett til að fjötra þjóðina til framtíðar. Hann er bara Ráðherra með stóru Erri.

Af hverju heyrir maður ekki að einhver annar ráðherra en Sigurður Ingi hafi bara ákveðið að ráða einhverju?  

 

 


« Síðasta færsla | Næsta færsla »

Athugasemdir

1 Smámynd: Ómar Ragnarsson

Sigurður Ingi gaf út tilskipun í stíl Pútíns og Jeltsíns um það að hann væri búinn að ákveða að afturkalla náttúruverndarlögin. Úr því að það er svona rosalega gott að ráðherrar ákveði hlutina án þess að þingið sé spurt, er þá bara ekki best að leggja Alþingi niður?

Ómar Ragnarsson, 22.11.2013 kl. 23:41

2 Smámynd: Helga Kristjánsdóttir

Sigurður Ingi veit hvað er bráðaðkallandi og skiptir sköpum fyrir Íslendinga. Fyrri ríkisstjórn virtist hafa það að markmiði að hefta allar framfarir okkar í efnahagslegu tlliti. Býður í grun að tilgangurinn hafi verið að fjötra þjóðina,eins og þú segir Halldór og draga hana í Esb. Nema hvað,? Nær allt sem hún gerði í 4 ár var að vinna að því,allt á hæpnum forsendum; Umsóknin,Icesave,stórnlagaráð,IP-styrkir,á sama tíma og hún hafði tögl og haldir á stærstu miðlunum,þar sem rödd fullveldissinna var skrúfuð niður. Næsta mál er að skila umsókninni til Brussel.

Helga Kristjánsdóttir, 23.11.2013 kl. 03:30

3 Smámynd: Anna Sigríður Guðmundsdóttir

Sigurður Ingi hefur þann góða styrkleika, að greina vel það mikilvægasta í forgangsröðinni.

Ekki veit ég nákvæmlega hvað stoppaði blessunina hana Svandísi forvera hans, en hún fékk sig alla vega ekki til að sinna neyðarviðbragðs-ráðstöfunum, í sambandi við síldarslysið. Fyrir því geta verið ástæður sem við höfum enga hugmynd um hvernig voru í framkvæmd. Sannleikurinn er lygilegri en lygin. Ég trúi öllu illu á þá sem fengið hafa að stjórna og kúga óheftir á bak við tjöldin í áratugi, til að ræna og sundra þessari fámennu og villuráfandi þjóð.

Þegar ráðherrar og aðrir gera sitt besta í að vinna af viti á erfiðum tímum, þá eigum við að sjálfsögðu að standa við bakið á þeim einstaklingum. Eins eigum við almenningur að veita þeim rökstudda gagnrýni (rýna til gagns) og aðhald, sem eru í fremstu víglínu, og hafa ekki möguleika á að framkvæma af réttlæti án þrýstings frá almenningi.

Það þarf heila þjóð til að veita valdamiklu fólki nauðsynlegt aðhald. Frelsi fylgir ábyrgð.

Þökkum fyrir það sem vel er gert og gagnrýnum af hörku það sem ekkert vit er í.

Náttúruverndina hljóta allir að fara að átta sig á að er hluti af okkur, og þarf að vernda á viðeigandi hátt sem nauðsynlegum hluta af velferðarheildarmyndinni. Engu verður breytt í einu vetfangi, og síst af öllu rótgrónum og illbreytanlegum hugsunarhætti hjá okkur fjölmiðlaheilaþveginni þjóðinni. Það voru fjölmiðlar og falskirkjur sem drógu Íslands-vagninn niður í andlegt og fjárhagslegt gjaldþrot.

Nú þarf almenningur og fjölmiðlar að veita mjög mikið og hárbeitt aðhald, til að makríllinn fari ekki í sömu kvótadrápsrútínuna, eins og síldin var sett í. Uppstillingar-"fræðingarnir" vita ekkert hvernig á að telja makríl, því það er ekki hægt að telja þessar engisprettur hafsins.

María Damanaki og fleiri "fiskifræðingar" hérlendis og erlendis, ættu að kynna sér staðreyndir.

M.b.kv.

Anna Sigríður Guðmundsdóttir, 23.11.2013 kl. 11:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband