Flugvallarfundir

voru haldnir í dag. Þar var ekki B.Dagur né S.Björn heldur þeir helstu vitmenn sem hægt er að finna um flugmál.

Fundur var boðaður í SES sem þýðir samtök eldri sjálfstæðismanna. Fundinn átti að halda  í Valhöll. En þessi samtök undir formennsku Halldórs Blöndal hittast þar á hverjum miðvikudegi kl 10:00 árdegis. Þarna koma einhverjir tveir tugir gamalla baráttujaxla og ráða ráðum sínum. Nú bar svo við að þeir auglýstu að Friðrik Pálsson hótelhaldari á Rangá og Arngrímur Jóhannsson kenndur við Atlanta myndu hefja umræðuna um framtíð Reykjavíkurflugvallar.

Nú brá svo við að fundarrýmið sprakk utanaf fundnum og varð Blöndal að hafa hraðar hendur á að dirka upp aðalsalinn til að taka við fjöldanum sem fyllti hann. Þetta sýnir að að Rreykjavíkurflugvöllur er ekki yfirgefinn illum örlögum og þeim banaráðum sem vinstra liðið í Borgarstjórninni er að brugga honum. 

Arngrímur og Leifur fluttu inngangserindi og svöruðu spurningum fundarmanna sem voru margvíslegar. Rauður þráður var að Rögnu-mefndin myndi ekki finna neina nýja staði undir flugvöll í Borgarlandinu. Enda búið að leita áratugum saman. Dagfinnur Stefánsson, Geysisflugmaðurinn gamli", sagði sína skoðun óhaggaða að gott flugvallarstæði væri á Álftanesi en hvergi annarsstaðar utan Vatnsmýrar.Hann hefði sjálfur rannsakað þetta og vissi þetta upp á hár. En þetta myndi kosta fé og hvar myndi þess von?

Fram kom á fundinum að meirihlutinn í Reykjavík hefði komið Rögnu-nefndinni á fót með slægð og undirferli í því skyni að segja kjósendum að flugvallarmálið væri ekki á dagskrá í kosningunum þar sem það væri í ákveðnum farvegi í þessari nefnd. Mikilvægt að fólk léti ekki blekkjast í áróðursmoldviðrinu sem er rétt að bresta á.

Enda koma á daginn í máli Leifs Magnússonar að lítið væri gert með svör eða ályktanir á bæ meirihlutans. Miklu heldur væri ekki hægt að rökræða við þetta fólk um flugmál því það hefði enga þekkingu fram að færa né hefði áhuga á vitrænum umræðum hér að lútandi og svöruðu í besta falli útúr með óskyldum klissíum.

Þessi lýsing passaði  beint við þann atburð þegar stórkaupmaður Jóhann J. Ólafsson,  3. maðurinn í samtökunum um betri byggð fór í pontu og hélt því fram að flugvallarmálið væri ekki kosningamál, það væri ekkert á dagskrá og vildi því tala um leikskóla eða þvílíkt í borginni. Hann var hálf-púaður niður hann Jóhann J. eftir þetta og fór því skipulega  úr ræðustólnum. Eftir stendur að fjöldi fundarmanna vildi ekki heyra annað en flugvallarmálið væri höfuðkosningamálið. Allar tilraunir meirihlutaflokkanna til að drepa því á dreif myndu renna út í sandinn.

Fram kom á fundinum að Reykjavíkurborg geti ekki sannað eignarhald sitt á landinu undir flugvellinum á nokkurn hátt hverju sem B.Dagur og S. Björn halda fram öðru. Borgin keypti einhverja fermetra  af Vatnsmýrarbletti 5 sem var erfðafesta Eggerts bónda í Viðey. Jón Kristjánsson seldi íþróttafélaginu Val sína erfðafestu á Hlíðarenda og þar er Valur enn sem eigandi.  Á öðru  þyrfti Borgarstjórn að sanna eignarrétt sin á og lögsögu yfir svæðinu, sem ekki er almennt viðurkennt þar sem íslenska ríkið fékk völlinn afhentan frá Bretum 1947 með öllu sem honum fylgdi. En Ólafur Thors, formaður Sjálfstæðisflokksins og þá ráðherra , veitti vellinum viðtöku fyrir hönd þjóðarinnar allrar.

Halldór Hallddórsson oddviti Sjálfstæðismanna koma á fundinn og sagði einhug nú ríkja í framboðsflokknum. Hildur Sverrisdóttir, Áslaug Friðriksdóttir og Marta Guðjónsdóttir hefðu allar greitt atkvæði gegn þeirri deiliskipulagstillögu sem nú ræðst gegn flugvellinum.  Um flugvallarmálið ríkti nú alger einhugur meðal framboðsfulltrúa til Borgarstjórnar í lok maí maí-mánaðar. Menn geta því treyst Sjálfstæðisflokknum til  nauðsynlegrar varðstöðu um Reykjavíkurflugvöll sem skildi Sjálfstæðisflokkinn frá öðrum framboðum sem ekki væru svo afdráttarlaus og einföld í sinni liðveislu við Reykjavíkurflugvöll. Var gerður góður rómur að máli Halldórs en ekki var laust við að fundarmenn drægju getu  flokksins til að kynningar vera takmarkaðann í besta falli. Enda kom afram í máli Halldórs að bæði svonefndir Baugsmiðlar og RÚV sniðganga Sjáflstæðisflokkinn á áberandi hátt.

Seinna um daginn fór bloggari á fund Framsóknarmanna á Reykjavíkurflugvelli þar sem þeir gerðu grein fyrir órofa samstöðu sinni við flugvöllinn áfram í Vatnsmýrinni. Þessi flokkur Framsóknarmanna er hið fríðasta lið og vel máli farið, Það var ekki hægt annað en senda þeim heillaóskir í tilefni dagsins þar sem þeir eru komnir með listann á hreint. En af einhverjum ástæðum lét honum miður að skrifa frásögnina við undirleik vindhörpunnar frekar en við vísitöluskrölt bankanna.

Þetta var ánægjulegur dagur að finna það að stuðningur við áframhaldandi tilvist Reykjavíkurflugvallar í Vatnsmýrinni  er vaxandi og að svo margt gott og góðviljað fólk er komið í varnarsveitina. Vallarvinir eru ekki lengur einir á báti því málsmetandi fólk úr stjórnmálunum er komið til liðveislu.

Flugvallarfundirnir í dag eru vonandi aðeins forsmekkurinn af almennum stuðningi við Reykjavíkurflugvöll sem hefur svo  ótalmarga efnahagslega kosti fyrir Reykjavík sem höfuðborg Íslands. Völlurinn þekur aðeins 1.4 % af byggingarlandi Reykjavíkur. Því verður ekki trúað að hagræðing geti leyst þá eftirsjá sem sumir hafa á landinu undir vellinum. Þeim sömu er bent á að horfa á byggðakjarnana  á henni Florídu þar sem varla er til svo aumt þorp eða pláss að ekki sé þar flugvöllur. Samt eiga Bandaríkin þá dýrlegustu vegi sem nokkur staðar finnast og umgangast náttúruna með  slíkri varfærni að við gætum margt af þeim lært.      

Styðjum þau öfl í stjórnmálum sem bera  Reykjavíkurflugvöll fyrir brjósti en styðjum hin ekki. Og greinum milli lygi og sannleika.  Af ávöxtunum skulið þér þekkja þá.                           

Athugasemdir

[Ómar Bjarki Smárason, 30.4.2014 kl. 23:31]

Það ætti að vera flestum ljóst að Álftanesið er eini kosturinn fyrir flugvöll á höfuðborgarsvæðinu, komi til flutnings vallarins. En við höfum vart efni á því að flytja hann í bráð.
Annars er nokkuð augljóst að það mætti lengja A-V brautina út í Skerjafjörð og losa þannig um svæðið austan til á flugvallarsvæðinu. Það ætti ekki að vera mjög flókið, en líklega þurfum við að halda NA-SV og N-S brautunum til að uppfylla öryggiskröfur vallarins og ásættanlega nýtingu, ásamt því að hann geti gegnt hlutverki varaflugvallar.
Takk fyrir skrif þín og atorkusemi, Halldór Jónsson.

[Örn Johnson, 30.4.2014 kl. 23:55]

Takk fyrir þetta Halldór og Ómar Bjarki. Allt rétt sem þið segið. Finnst ykkur ekki aumt að Gísli Marteinn og tvær konur í borgarstjórnarflokki Sjálfstæðisflokksins skulu hafa eyðilagt flokkinn innan frá. Gísli er að vísu flúinn frá sínu skemmdarverki en dömurnar tvær sitja uppi með ca 15% lista Sjálfstæðisflokksins í Reykjavík. Framsókn búinn að taka fylgið yfir. Ef ég réði flokknunm í RVK myndi ég senda þessar konur á einföldum miða til Svalbarða. Þar eiga þær heima en ekki í forystuliði Sjálfstæðismanna í Reykjavík, jafnvel þótt þær hafi eitthvað skammast sín fyrir sín hryðjuverk síðustu daga. Veit einhver hér nöfn þessara kvenna??? 

[Jón Valur Jensson, 1.5.2014 kl. 02:11]

. 

 

Lækum þessa góðu grein

vors gamla Dóra.

Borginni' yfir Gnarrinn gein,

gladdi sig við launin ein ...

––Vesöl bæði' og svifasein

Samfylkingin slóra

vill í þrifaverkum hér,

en Vatnsmýrina girnist,

–––seint ósvinnan fyrnist–––

öfgar kýs og óra!

En svo mætir sterkum þér,

minn Halldór, hetjan.

––Ekki þarf til að hugsjónanna' að hvetj'ann.

[Jón Valur Jensson, 1.5.2014 kl. 02:17]

--Ekki þarf til hugsjónanna' að hvetj'ann.

("að" var ofaukið)

[Halldór Jónsson, 1.5.2014 kl. 10:20]

Ómar Bjarki

Þegar ég er í Orlando á hverju ári þá duna þoturnar stanslaust yfir húsin á leið til lendingar á McCoy. Hávaðinn er þannig að maður getur ekki hlustað á spólu fyrir utan og verður að setja á stopp. Þetta gegnur auðvitað yfir Orlando búa því þeir vita allir að á þessu lifir borgin og þeir líka. Samgöngum. Það er 19 milljónir í Florídu. Það koma 35 milljónir túrista til Flórídu. Líkleg stór hluti til Orlando. Þaraf eru aðeins 5 milljónir útlendingar. Evrópumenn hafa sem sagt bara ekki uppgötvað Florídu.

Ég hugsa stundum hvað margar milljónir dollara séu að færa til Orlando og fólksins þar. Hvað skyldu þeir S.Björn og B.Dagur hugsa ef þeir væru þarna? Loka flugvellinum? Hvað skiptir þá máli í borgarlífi? Kyrrð? Ekkert iðandi mannlíf nema á fylleríi?

[Halldór Jónsson, 1.5.2014 kl. 10:23]

Örn Johnson vinur minn og fellow-flugdýr

Takk fyrir ræðuna í Valhöll í gær, þú varst aldeilis góður. Þessar konur eru báða stórættaðar sjálfstæðiskonur, önnur dóttir sjálfstæðismannsins sem vildi báknið burt og hin mikill aðdáandi B.Dags, S.Björns og Gísla Marteins.

Ég efast að það samrímdist hugsjónunum um verndun hvítabajarnarstofnsins að flytja inn til Svalbarða nokkuð sem reynst gæti stofninum hættulegt.

[Halldór Jónsson, 1.5.2014 kl. 10:26]

Ja hérna Jón minn Valur

Bara yrkir til mín hetjukvæði eins og til forna. Til siðs var að menn launuðu skáldum vel fyrir slíkar drápur og á ég eftgir að bíta úr nálinni með það.

En þó góðar þykki mér gjafir þínar þykir mér enn betri vinátta þín og hugsjónaeldur sem yfirleitt brennur þar sem ég vil sjá hann skiðloga.

[Ívar Pálsson, 1.5.2014 kl. 11:06]

Gott að heyra, Halldór, af flugvallarvinum. Ekki eru þeir í liði Dags B. og Co., sem sést af Hverfaskipulags- tillögum í Reykjavík sem samþykktar voru illu heilli. Ég hlóð öllum hverfum niður á bloggið mitt í dag. Skoðið vandlega, t.d. Skerjaförð.

http://astromix.blog.is/blog/astromix/entry/1380592/