Pearl S. Buck

Nóbelsverðlaunahafi fæddist þennan dag fyrir 122 árum.

Hún lét eftir sig þessa línur:

"Like Confucius of old, I am so absorbed in the wonder of the earth and the life upon it, that I cannot think of heaven and the angels." — Pearl S. Buck

Hún var svo hugfangin af undrum veraldar og lífsins að hún mátti ekki vera að því að hugsa um himnaríki eða englana.

Um allan heim eru menn uppteknir af því að brjóta borgir og eyðileggja fyrir hvorum öðrum með trúna á annað líf að yfirvarpi. Sá sem ekki trúir rétt skal engu fyrr týna en lífinu. Ekkert annað skiptir þetta fólk máli.

Spurning er hvort trúarbrögð hafi yfirleitt verið til góðs fyrir mannkindina?  Sú innprentaða hugsun að lífið sé bara táradalur en eftir dauðann taki við sæluvist virðist vera sá kraftur sem öll illmenni eða bjálfar heimsins hafa getað notað sér til framdráttar. 

Veitir það mönnum hamingju að lifa eftir kennisetningum annarra og í sífelldum ótta við harðar refsingar hinumegin sé útaf brugðið? Eða lifa áhyggjulausir og vita að lífið endar óhjákvæmilega hvað sem veltur? Verða menn að hafa formálabók við höndina til að segja sér hvað sé rétt eða rangt?  

Eða er veröldin og lífið hugsanlega alveg sjálfbært án okkar? Heldur áfram hvað sem við gerum?

Pearl S. Buck á afmæli í dag. 

 

 

Athugasemdir

[Jóhann Kristinsson, 26.6.2014 kl. 12:26]

Ég held að formálabók sem segir okkur hvað er rétt og hvað er rangt sé nauðsinnileg.

En trúarbrögð hafa yfirleitt valdið mörgu illu í heimi mannkynsins, það er ekki hægt að véfengja það.

Auðvitað gæti líf á plánetuni Jörð haldið áfram án mannskepnunar, enginn vafi.

Kveðja frá Seltjarnarnesinu

[Halldór Jónsson, 26.6.2014 kl. 13:09]

Ég held að það sé innbyggt í þig og fleiri að sjáir þú neyð þá finnst þér að þú eigir að hjálpa. Þarftu að lesa formálabók fyrst?

[Jóhann Kristinsson, 26.6.2014 kl. 13:40]

Horfðu bara á Hrunið á Íslandi Halldór minn, það vantaði mikið í Formálabókina til að halda að svokölluðum Útrásarvíkingum.

Ef það væri innbyggt í alla að það á ekki að taka það sem aðrir eiga, þá þyrftum við ekki að eyða stórfjármunum í lögreglu og dómskerfi,

Ef það er innbyggt í þig að hjálpa fólki í neyð, þá hefðir þú sjálfur Halldór, staðið við dyr hjálparstofnana og gefið nauðstöddum eitthvað af þínum persónulegum fjármunum og sleppt því að fara í reisur til Flórída.

Eða hvað finnst þér Halldór?

Kveðja frá Seltjarnarnesinu.

[Halldór Jónsson, 27.6.2014 kl. 22:21]

Jóhann,

Öll vandræði mannkyns stafa af afbrigðilegri hegðurn ca. 4% af því. Hitt fólkið er í lagi. Það eru þessi 4 % sen eru vandamálið