Leita í fréttum mbl.is

Menntakerfið okkar er sjúkt

hvað sem hástemmdum yfirlýsingum stjórnmálamanna líður.

Það er að skila ófullnægjandi vöru með of miklum kostnaði. Ólæsir og óreiknandi nemendur koma upp úr grunnskólanum í miklum mæli. Kennarar okkar eru því  miður að skila þessari niðurstöðu þegar gengið er útfrá því að efniviðurinn hafi ekki versnað  að marki á síðustu áratugum.

Orsökin er fólgin í minnkun bekkjardeilda og afnámi vals í bekki á grundvelli námsgetu. Góður kennari getur alveg kennt 35 nemendum sem vilja og geta lært meðan hann getur ekki kennt 20 nemendum þar sem helmingurinn vill hvorki né getur lært á sama hraða og hinir betri námsmenn. Hinir betri námsmenn  fá ekki viðfang krafta sinna í skólanum og við erum því að kasta hæfileikum mannauðs á glæ. Sama er uppi á teningnum í framhaldsskólanum. Eigi að stytta hann verður að taka upp sömu skiptingu.

Menntakerfið okkar er sjúkt og verður að skera upp ef lækka á kostnað og auka skilvirkni. 


« Síðasta færsla | Næsta færsla »

Athugasemdir

1 Smámynd: Ingibjörg Magnúsdóttir

Skv. starfslýsingu þinni ertu ekki kennari og hefur líklega ekki starfað í né komið inn í grunnskóla eftir að skólagöngu þinni lauk. Þú staðhæfir ástæður fyrir lélegri námsárangri án nokkurra raka. Það gengur ekki að skrifa hér inn einhvers konar alhæfingar um starfshætti í grunnskóla, án þess nokkurn tíma að hafa starfað í slíkri stofnun.

Það er enginn vettvangur sterkari en veikasti hlekkurinn. Það þarf að finna brotalömima. Ekki er eingöngu hægt að skrifa hana á grunnskólann. Það verður að skoða þetta í þrívídd: kennarar, nemendur, foreldrar.

Ingibjörg Magnúsdóttir, 25.10.2014 kl. 01:10

2 Smámynd: Halldór Jónsson

Ingibjörg góð

Ég hef ekki starfað í grunnskóla en ég gekk í Austurbæjarbarnaskóla og þar áður í Ísaksskóla þaðan sem ég var sá eini læsi þegar ég kom í 9 ára H í barnaskóla. Ég var líka í gaggó aust og í landsprófinu vorum við 35 í bekknum. Þú þarft ekkert að segja mér um að það sé ekki hægt að kenna án þess að hafa sálfræðipróf. Við kunnum bæði að lesa skrifa og reikna á barnaprófi og lærðum svo algebru án vandræða í gaggó. En okkur var líka raðað í bekki eftir getu og A bekkureinn fór svo til allur áfram.

Halldór Jónsson, 25.10.2014 kl. 18:35

3 Smámynd: Halldór Jónsson

Við nemendurnir vorum ekki með nein hegðunarvandamál. Menn fengu bara á snúðinn ef svo bar undir. Í mínum bekk hegðuðum við okkur og vissum að við áttum að læra og hlýða.

Halldór Jónsson, 25.10.2014 kl. 18:36

4 Smámynd: Halldór Jónsson

Þó ég hafi aldrei starfað í þessum nýmóðins grunnskóla þar sem nemendurnir ráða því sjalfir hvað þeir læra og hvað ekki,þá sé ég muninn þegar ég skpyr 10-12 ára túristakrakka hvað 7x8 séu og fæ viðstöðulaus svör meðan krakkar í síðasta bekk verða að hafa tölvu eða síma til að svara.

Halldór Jónsson, 25.10.2014 kl. 18:49

5 Smámynd: Ingibjörg Magnúsdóttir

Er ekki sammála þér að minnkun bekkjadeilda hafi slæm áhrif. En er sammála þér um að ekki sé raðað í bekki eftir námsgetu. En það er alveg sama hvort raðað sé eftir getu, að þá er 35 manna bekkur ekki æskilegur kostur. Einn kennari getur ekki sinnt svo mörgum nemendum svo vel sé í öllum tilfellum.

Skólar eru ólíkir, en í mörgum tilfellum fá góðir nemendur að njóta sín. Í gegnum tíðina hefur skólastarf þróast, til hins betra í flestum tilfellum. Og þeir sem sinna kennslu eru fæstir með sálfræðipróf.

Þú segist hafa verið eini nemandinn í 9 ára bekk sem var læs. Ég þekki auðvitað ekki bakgrunn samnemenda þínna eða þær aðstæður sem ríktu, en það segir mér nú svolítið að það hafi bara verið einn nemandi læs í 9 ára bekk á þínum tíma!

Efast um að slíkt eigi sér stað í nokkurri bekkjardeild 9 ára krakka í dag í íslenskum grunnskóla!

Hvernig ber að túlka þetta? Voru kennarar í þá daga verr menntaðir en í dag? Ekki er hægt að segja að nemendur í þá daga hefðu verið meiri tossar en í dag. - En kannski er skýringin að þú hafir einfaldlega lent í einhverjum tossabekk. - Afsakaðu orðbragðið, en nú á dögum þykir tabú að nota orðið tossi.

En ég ætla ekki að orðlengja þetta neitt meira, það má ræða þetta út í hið óendanlega. En sem betur fer líðst það ekki nú á dögum að nemendur séu beittir líkamlegu ofbeldi eins og fyrr á árum.

En svona í lokin, að þá er það mín kenning að nemendur geti lesið það sem þeir hafa áhuga á. Ef námsefnið höfðar ekki til þeirra kemur það út í lélegri lesskilningi.

Bestu kveðjur, Inga

Ingibjörg Magnúsdóttir, 25.10.2014 kl. 22:53

6 Smámynd: Halldór Jónsson

Ingibjörg

Við vorum miklu fleiri í bekk í gamla daga en nú er. Það var raðað í bekki eftir getu. Getum við þá sæst á að raða sé í bekki eftir getu og síðan verði kennurum greiddur bónus á launin fyrir hvern nemanda umfrma staðafjöldann? Enn meiri bónus ef meðaleinkunn fer upp um tiltekið stig vaxandi? Engin verkföll nauðsynleg í kjarabaráttunni?

Þýðir nokkuð að tala um breytingar við kennarastéttina?

Halldór Jónsson, 27.10.2014 kl. 12:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 5
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband