Sókn og gagnsókn

eru hugtök í herfræðinni.Sumir segja að sókn sé besta vörnin. Aðrir segja eins og Glistrup lagði til, að hafa bara "Danmark overgiver sig" á símsvara í Forsvarsministeriet. Stinga sér til sunds þó ekkert sjái til lands eins og heilræði verðbólgupabba hljóðuðu eitt sinn.

Íslenskir vinnuveitendur eru líklega í ætt við Glistrup gamla. Dag eftir dag dynur áróðurinn frá Gunnari Steini og ámóta "leigubyssum"  hvernig sífelldar afleiðingar af þversku atvinnurekenda mynda aðstæður sem enda með því að sjúklingar næstum því deyja vegna mannvonsku þeirra? Hversu aðþrengdir launþegar séu og hafi dregist afturúr meðan stjórnamenn í Granda stundi sjálftökur á tugum prósenta úr 150 í 200 þúsund? Hvernig þessi ódó geti verið að neita þjáðum verkalýðnum í BHM um sanngjarnar launahækkanir þegar að líklega öll óflokkuð menntun hefur stigið svona skyndilega í verði?

Í þessu tilfelli er íslenska ríkisstjórnin sá aðili sem kröfurnar beinast helst að.Og hún er verri pólitískt séð en fyrri ríkisstjórn. Þeir sem taka út píslirnar eru sem fyrr auðvitað aumingjaliðið, við þeir gömlu, öryrkjar og sjúklingar, svo nemendur og börn. Ráðherrarnir sjálfir hafa það gott og Hanna Birna er kominn aftur á þimgið LSG sem hefur ekki mikið fjallað um  að það sé órói á vinnumarkaði. Það eru víst svaka vandræði í fasteignasölu  af því að þinglesningar eru stopp. Og bráðum ætla 67 þúsund manns að hafa generalprufu í allsherjarverkfalli. Þá fá menn aldeilis að sjá.

Ég hefði velt fyrir mér skilaboðunum sem Jón Loftsson sendi Hvamm-Sturlu eitt sinn. Þau hljóðuð einfaldlega að fyrir hvern mann sem Sturla léti drepa myndi Jón láta drepa tvo menn af Sturlu. Hvort hann Sturla væri ekki alveg eins til í að vera bara góður vinur sinn og senda honum Jóni Snorra son sinn í fóstur? 

Af hverju eiga bara launþegar að stjórna leiksýningunni í afkáraleikhúsinu? Af hverju er ekki hægt að boða verksviptingu í tvo daga fyrir hvern einn í verkfalli? Þurfum við ekki að fara að hætta þessu hálfkáki og horfast í augu við alvöruna. Láta það kosta sem þarf fyrir sjúklinga og gamlingja ef svo ber undir að þurfi að loka allri umönnun. Láta okkur skotspænina þjást almennilega alla en ekki bara eins og bara valdir hópar eigi núna að hálfþjást.

Þurfum við ekki að afgreiða kjaramál og vinnudeilur með nýjum lögum? Sýnist engum að gamla lagið stefni bara út á ófærur hvort eð heldur í sókn eða gagnsókn?                              

Athugasemdir

[Eðvarð Lárus Árnason, 28.4.2015 kl. 12:03]

Nú er að því komið að stjórnvöld verða að setja lög á öll verkföll.Samningsaðilar eru búnir að setja málefni sín í þvílíkan hnút sem þeir og engir sjá fram á hvernig beri að leysa. Til að milda lagasetninguna ætti ríkisstjórnin að gera lagfaringar s.s hækka laun þeirra hópa sem lægstir eru í launum, og jafnframt hækka persónuafslátt, einnig lækka tryggingargjald til að auðvelda litlum fyrirtækjum rekstur sinn. Verkfallsréttur er sagður heilagur. Enginn réttur getur verið svo heilagur að hann geti og meigi eyðileggja sameign okkar, þjóðina sjálfa. Kostnað sem kann að verða af þessum lagfæringum má sækja í sameign okkar, sjávarauðlindina.

[Anna Sigríður Guðmundsdóttir, 28.4.2015 kl. 14:42]

Halldór. Hvergi í siðmenntuðu ríki ættu læknar, lögfræðingar, né annað hálaunafólk sérfræðingasamfélags-stýrða að hafa verkfallsrétt.

Ef falda kerfisvaldsins sérfræðingamenntað hálaunafólk skilur allsekki hvað orðið VERKALÝÐSBARÁTTA þýðir, þá er best að frumskógarvæða bara allt samfélagið með lagasetningu, sem leyfir slíka siðblindu valdaráns-gripdeildanna!

M.b.kv.