Árni Páll

er  heldur bljúgur til að byrja með á Sprengisandi gegn nærgöngulum spurningum Sigurjóns. Árni á í raun ósköp bágt sem formaður með einu atkvæði.

Verandi með þetta ótrygga kommadót innanborðs í flokki sem er búinn að týna uppruna símun, sem var að sameina alla vinstri menn undir stjórn eðalkrata. Sjálfur er hann auðvitað gamall rauðliði að öllu uppeldi og gerð og því umdeildur sem forystumaður í því fæðingarfatlaða fyrirbæri sem Samfylkingin er auðvitað.  Hörðu kommarnir fóru sem kunnugt er í VG þannig að engin sameining varð. Og gömlu kommarnir geta aldrei á sárshöfði setið við gömlu kratana. En sameining vinstri manna var aldrei möguleg sem sést best eftir af skaplyndi forystuúlfsins í klofningnum sem síðan hefur marg opinberað einræðiseðli og fláttskap sitt þar sem Stalín er hin mikla fyrirmynd.

Það sem Samfylkingin þarf að gera er að sparka kommunum eins og Árna Páli sjálfum, Össuri og fleirum  út og verða aftur að stjórnmálaflokki eðalkrata.

Árni gerir mikið með hvað hvað hann hefur góð tengsli við verkalýðshreyfinguna og segir að kröfurnar hafi ekki verið nógu ákveðnar gegn íhaldinu frekar en hjá  Möggu Thatcher sem hafi verið farin að setja verkalýðshreyfingunni fyrir hvað hún mætti biðja um. Helst var að skilja að Gylfi Arnbjörns sækti fyrirmæli á flokkskontórinn hjá Samfylkingunni. Óbeint er þetta viðurkenning Árna Páls á því að kauphækkanir eigi að vera sem mestar og hann muni að því hafa unnið. Hann skilur hinsvegar alls ekki af hverju Samfylkingin eykur ekki fylgið en fólkið streymi til Pírata. Hann vill gera gott í störfum sínum en fólkið virðist bara ekki kunna að meta það.

 

Árni fimbulfambar um beint lýðræði eins og þjóðaratkvæði og bullar um breytingar á rammaáætlun kommanna frá fyrra þingi sem lögbrot. Þarna er ástæðan fyrir því hversu mislukkaður hann er sem pólitíkus, hann sér ekki út fyrir augnspeldin frekar en gömlu kommarnir gerðu og gera enn. Talar um nauðsyn á friði á Alþingi. Hann skilur ekki að kosningar fóru fram 2014 og þjóðin vill framkvæmdir strax en ekki málþóf um fundarstjórn forseta. Árni segir að málþófið sé það sem helst þarf til þess að stjórnarandstaðan hafi áhrif?

Í fylgi Pírata skilur hann auðvitað ekkert í.

Ástæðan fyrir Píratafylginu blasir hugsanlega betur við Sjálfstæðismönnum en mörgum öðrum.  

Ástæðan fyrir velgengni Pírata er hugsanlega helst að leita í tímabundnu brotthvarfi Sjálfstæðisflokksins úr stjórnmálum. Flokkurinn virðist halda að hann geti keyrt áfram eftir kvótaheimspeki Hólmsteins þegar þjóðin er ekki sammála í grunninum, sbr. afstöðuna til makrílsins.

Flokkurinn virðist ekki lengur hafa trú prentmiðlum eða skrifuðum áróðri þó að Reykavík Grapewine og fleiri útgáfur ungs fólks sanni það að unga fólkið les það sem það vill lesa. Vandamál Sjálfstæðisflokksins er helst það að hann hefur glatað öllu sambandi við ungt fólk undir þrítugu. Facebook er ekki að gera síg í pólitík hans þó sumir haldi því fram. Unga fólkið hlustar ekki  á síbylju um kvótaheimspekina og aukna kerfismennsku í stofnun jafnréttissjóða. Það leggur ekki leið sína í grafhýsið við Háaleitisbraut þó að það væri hugsanlega móttækilegt fyrir prédikunum um framtíðarsýnir þess sjálfs og bætta möguleika.

Árni Páll má eiga að hann ver skattlagningu þrotabúanna. Skattlagningin er lögleg eins og hann hafi verið búinn að undirbúa að sjálfsögðu. Læknaverkfallið var það hægt að leysa öðruvísi spyr Sigurjón, án þes að þetta færi  holt og bolt. Nei nei segir árni Páll, læknar fengu bætur vegna afleiðingar ónýtrar krónu. Ríkisstjórnina skortir heildstæða stefnu í kjaramálum segir Árni Páll því hún var áður búin að semja sérfræðilækna, einn hópur fékk bætur fyrir ógeðslega ósanngjörnu krónuna okkar segir Árni og þá hafa menn það.

Nú mega þeir taka erlend lán sem eru með erlendar tekjur, forréttindi með dollara eins  rúblur í Sovét. Þinn flokkur var í ríkisstjórn þá þegar svona ástand var hér segir Sigurjón. Árni svara því ekki en hamrar enn að ríkisstjórnin hafi enga heildstæða kjaramalastefnu, né gefi fyrirheit um að losna úr gengisfellingum.  

Þrátt fyrir vaxandi mælsku þegar líður á þáttinn þá er greinilegt að gamli komminn hefur ekkert lært og engu gleymt. Árni skilur ekki efnahagslegt samspil launa og gengis, skilur ekki málið um samhengi innlendra launahækkana við þann gjaldmiðil sem í notkun er , sbr. Grikkland. 

Það eru hættu merki segir Árni eftir 20 % kauphækkanir. Ríkisstjórnin var með dauðafæri á stöðugleika en gróf undan hækkunum fyrir láglaunafólk. Framlag ríkisstjórnar var að lækka gjaldskrár sem hún dró fram í júní. Ríkisstjórnin gróf þannig undan samvinnu, skapaði reiði, klúðraði og hafnar því að skattleggja vel stæða eins og við gerðum segir Árni.

Sigurjón segir jafnt á komið með stöðugleikasáttmálann þeirra sem fór í vaskinn. Við unnum kraftverk í atvinnumálum segir Árni Páll. Það er ekki sama stemning fyrir ESB segir Sigurjón. Það eru vandræði á evrusvæðinu segir Sigurjón. Er ekki rétt að að þar séu vandræði víða?

Víðast hvar er verið að ná ákveðinni viðspyrnu segir Árni Páll, það er víða uppsveifla. Hér munu óverðtryggðir vextir hækka og við verðum berskjölduð fyrir sveiflum ef við ekki veljum stöðug lífskjör með lágum vöxtum og þess vegna verður ESB áfran mikilvægt í umræðunni. En  við erum ekki  ekki eins máls flokkur segir Árni Páll. Trúi því hver sem má.

Í tíð þessarar ríkisstjórnar hefur stöðugleikinn verið lengur og meiri en áður segir Sigurjón. Við skiluðum góðu búi segir Árni Páll, fjármálin eru í góðu lagi vegna okkar starfs í fyrri stjórn. Nú þolir ekki þessi stjórn góða daga.

Eru bjartir tímar framundan spyr Sigurjón? Það er margt jákvætt segir Árni Páll, við náðum samstöðu um meðferð  erlendu kröfuhafanna eins og við vildum alltaf og Sigmundur  er að gera núna og við þurfum að bæta opinbera þjónustu þar sem enginn verðu skilinn eftir segir Árni Páll að lokum.

Þátturinn skildi mig eftir með fleiri spurningar um Samfylkinguna og formann hennar en ég hafði fyrir.

Athugasemdir

[Halldór Egill Guðnason, 29.6.2015 kl. 04:11]

Sósíalistar skilja ekki einföldustu hagfræði. Þess vegna eru þeir sósíalistar. Árni Páll er engin undantekning þar á. Hérumbil nöturlegt að hlusta á viðtalið við hann. Er þessi mannvitsbrekka virkilega formaður stjórnmálaflokks?

Góðar stundir, með kveðju að sunnan.

[Halldór Jónsson, 29.6.2015 kl. 08:38]

Takk fyrir kveðjuna nafni. Hvernig viðrar á þig þar sem þú ert og hvar er það? Hvað ertu að veiða?

Þú hefur lagt á þig eins og ég að reyna að verða einhvers vísari um þessa Samfylkingu og formann hennar. En ég kemst að sömu niðurstöðu og þú, að sósíalistar skilji ekki hagfræði. Árni áll sklur ekki samspil launahækkana eða aukins ríkisrékstrar á gjaldmiil eins lands. Hann heldur ef gjaldmiðillinn heiti evra, þá sé hægt að hækka kaup og lækka vexti eins og hver vill. Grikklandsfárið stafi þá líklega af einhverju öðru. Ég held að houm sé ekki við bjargandi sem stjórnmálaleiðstogi og hann eigi að fara að gera eitthvað annað

[Elle_, 30.6.2015 kl. 22:52]

Halldór, það er ekki hægt að skilja þennan flokk.  Hann er alltaf langt úti á túni. En lestu póstinn þinn.

[Halldór Jónsson, 3.7.2015 kl. 08:18]

ertu að meina þetta skrif til þín?

Hi Dori,

I went to her/his website and read the comments on the USA being the murder capital of the world.  What refreshing observations.  I have lived in the USA for 45 years in Alabama, Florida, North Carolina, Virginia, Maryland, New Jersey and Ohio.  I have never had any problems nor felt threatened.  Typical left-wing ignoramuses propaganda, trying to defame a country that may have its faults, but that I am thankful of being a citizen of.   I know you go to Florida annually.  Have you ever feared for your life down there?

Please forward my thanks to her/him from me.

BW