"Góðafólkið"

á iðinn málsvara í Árna Matthíassyni á Morgunblaðinu.

Þar lýsir Árni þessi atburðum á Landsfundi, sem hann væntanlega sem vinstrimaður hefur ekki upplifað sjálfur heldur reiðir sig á frásagnir annarra.

"Svo gerðist það í vikunni að tveir dánumenn úr Sjálfstæðisflokknum tóku til máls undir lok landsfundar flokksins. Annar fékk gott hljóð, eins og hann lýsir því sjálfur (ég var ekki viðstaddur), en hinum var ekki eins vel tekið, því »lýðurinn« ærðist, stappaði í gólfið og baulaði að sögn ræðumannsins sem varð að hætta máli sínu vegna óánægju viðstaddra. Þetta kemur nokkuð á óvart í ljósi þess að hann var aðeins að bergmála Útvarp Sögu og því hefði ég búist við því að salurinn hefði sprungið af hlátri, hlegið viðkomandi uppistandara niður úr ræðupúltinu frekar en að baula."

Hann lýsir velþóknun sinni á atburðarásinni með setningunnni:

"Nú er það rétt hjá viðkomandi ræðumanni að hver á að hafa rétt til að taka til máls en þeir eiga ekki síður rétt til að tjá sig sem eru ósammála honum. Þeir mega líka segja skoðanir hans galnar og rasískar ef þeim sýnist svo - málfrelsi er fyrir alla. Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Það var gegn svona skoðunum sem leiða til uppþota á frjálsum fundum sem Hitler stofnaði stormsveitirnar. Þá ferðaðist Hitler borg úr borg og barðist fyrir sínum skoðunum. Fyrst í miklum minnihluta hrakinn og hæddur.  "Besserwisserarnir" þá, hugsanlega jafn víðsýnir eins og Árni þessi, töldu nefnilega réttlætanlegt að henda bjórköllum og grjóti í Hitler og hans fólk í stað þessa að rökræða. Eða með orðum Árna sjálfs:" Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Akkúrat kjarni málsins.  Stormsveitirnar voru upphaflega stofnaðar til þess að fleygja ólátabelgjunum út og koma skikk á fundina fyrir óeirðaseggjum sem hegðuðu sér í átt til þess sem um ræðir á Landsfundi Sjálfstæðisflokksins. Reyndu að hleypa upp fundunum af því að þeir vildu ekki því að : " sumar skoðanir eru nefnilega svo galnar að ekki er hægt annað en hafna þeim án umræðu." að dómi Árna þessa.  Stormsveitirnar voru upphaflega stofnaðar til að verja fundafrelsið svo fyndið sem það er nú í ljósi þess sem síðar varð.

Auðvitað var ástandið í Þýzkalandi á þeim tíma þannig að jaðraði við borgarastríð lengi vel. En þessir tímar geta komið aftur þegar stjórnmálamenn eins og Merkel ganga gersamlega gegn þjóðarvitundinni að mönnum er nóg boðið og reisa höfuð sín til varnar eins og hinn traðkaði aumasti ormur. 

Ekkert er nýtt undir sólinni og mikil hitamál geta leitt til óeirða eins og við sáum í Gúttóslagnum og árás kommúnista  á lýðræðið á Austurvelli 30 marz. Svo næst í búsáhaldabyltingunni sem  æst var upp af kommúnistum innan úr Alþingishúsinu að hluta til. 30 marz varð að kalla út varalögreglu en í búsáhaldabyltingunni munaði hársbreidd þegar almennir borgarar gengu fram fyrir skjöldu að verja úttaugaðar hetjur okkar.

"Góðafólkið" eins og Árni þolir ekki rökræður.Það vill bara berja okkur "rasistana" til hlýðni fyrir að hafa skoðanir á innflutningi flóttamanna af því bara að þær séu "galnar"

Er það sjálft bara ekki með speldi fyrir augunum og neitar að ræða það hvort hópar innflytjenda hafi hugsanlega reynst í ætt við það sem Árni skrifar:" ..múslímar (sem= innskot mitt) séu upp til hópa blóðþyrstir villimenn - eigum við að viðurkenna það sem skoðun?"

Það eru býsna margir sem benda á múslímahverfin í Svíþjóð og spyrja hvað það sé sem fælir lögregluna frá því að fara inn í þessi hverfi. Styður það þá skoðun að innfluttir múslímar hafi reynst í því landi upp til hópa sérstakir dánumenn? Eru fjöldagöngur hvítserkja í London sem öskra "Breska lögreglan fari til helvítis" tákn um rangindi "rasista" sem "góðafólkið" verði að standa vörð um að nái ekki til innflytjenda? 

"Góðafólkið" er að verða að vandamáli meðal almennings með upphlaupum sínum sem vonandi leiðir þá ekki til stormsveita á móti.

Athugasemdir

[Gunnar Rögnvaldsson, 28.10.2015 kl. 09:19]

Þakka þér fyrir Halldór.

Ég var einmitt að enda við að æla vegna þessa umrædda pistils í Morgunblaðinu í dag. Ég þekki "Dictatorship of Relativism" þegar ég sé hann.

Kveðjur

[Ómar Ragnarsson, 28.10.2015 kl. 09:29]

Einhvern tíma mælti vitur lýðræðissinnaður stjórnmálamaður eitthvað á þessa leið: Ég hef skömm á skoðunum þínum og er þeim algerlega andvígur en mun berjast fyrir því að þú fáir að setja þær fram.

Það má teljast klökkt að á landsfundum flokks, sem vill hafa ofangreint í heiðri skuli fundarmenn hrekja ræðumenn ítrekað úr ræðustóli.

Þetta var gert þegar Ólafur F. Magnússon var í ræðustóli í desember 2001 og aftur núna.  

[Predikarinn - Cacoethes scribendi , 28.10.2015 kl. 10:15]

Ég tek undir með síðuhöfundi og eins Ómari. Sk0mm vr að þessu, sem og skrílslætin gegn Ólafi F. Magnússyni. Í því tilfelli stóð fundarstjkórinn sig ekki. Sama var bnú að tillagan umrædda var geymd þar til um 2/3 hlutar fundarmanna var farinn af fundi. Meðvituð ákvörðun stjórnenda fundarins sem og formanns nefndarinnar sem viðhafði orð úr ræðustóli sem ekki hæfir formennskunni.

[Halldór Jónsson, 28.10.2015 kl. 12:53]

Takk fyrir Gunnar, því miður fengu margir uppí kok.

Takk fyrir Omar, en því miður eru margir haldir óþoli þegar kemru að óviðurteknum skoðunum. Ég er viss um að þú kannast við það úr þinni baráttu.

Cachoetes, síðasta málsgrein þí er áminning til fundarmanna og fulltrúa á Landsfundum að láta ekki af varðstöðu sinni fyrr en málið er afgreitt. Þetta hvernig fundarstjórinn afgreiddi liðina á undan og eftir og geymdi sér þennan umdeilda lyktar langar leiðir eins og hákarlshjallur. Minnir á Egilesstaðasamþykktina forðum daga sem var gerð akkúrat með þessari aðferð.

[Hilmar (IP-tala skráð) 28.10.2015 kl. 14:51]

Góða fólkið hefur verið að velta því fyrir sér undanfarinn sólarhring, hvernig hægt sé að þagga niður í Guðbergi Bergssyni, sem vann sér það til óhelgis að gera gys að tveim sjálfhverfum smámennum og smápennum af vinstri kantinum.

Þeim er aldeilis farið að fjölga, þessum óhelgu og óhreinu, sem bögga lýðræðislegt einræði góða fólksins.
Þar sem góða fólkið er einatt líka vinstra fólk, þá er það náttúrulega eðlilegt að það taki Svía sér til fyrirmyndar.
Svíar, þetta ofurgóða og frjálslynda fólk hefur umfram aðra, náð ótrúlega góðum árangri í að einangra óæskilegt fólk.
Árangurinn er sá, að Svíþjóð er nauðgunarhöfborg Evrópu, og næstbest í heimi, einungis Lesótó í Suður Afríku stendur sig betur.

Svíar tala ekki við Svíþjóðardemókrata. Þeir fá ekki umfjöllun í fjölmiðlum og stjórmálaelítan horfir framhjá þeim, eins og þeir séu ekki til. Afleiðingin er sú, að demókratarnir eru orðnir stærsti flokkur Svíþjóðar skv könnunum.

Öll þróun í Svíþjóð minnir óbærilega á það sem gerðist í Þýskalandi. Ógæfan verður svo fullkominn þegar stærsti hluti Svía eru komnir í hóp þeirra sem útskúfaðir eru af góða fólkinu.

Góða fólkið er náttúrulega svo innilega heimskt, að gera sér ekki grein fyrir því, að eftir því sem skoðanankúgunin stendur lengur yfir og verður svæsnari, því verri verða afleiðingarnar fyrir góða fólkið sjálft.

Fólk sem fagnar því ógurlega og feinislaust, að skemmdarverk séu unnin á útvarpi Sögu, efur greinilega ekki nokkra tilfinningu fyrir sögunni, að hún geti endurtekið sig.

You have been warned.