Hversvegna hata þau okkur svona mikið?

er fyrirsögn á grein Styrmis Gunnarssonar í Mbl. á laugardaginn var.

Styrmir veltir fyrirsögninni fyrir sér og mér finnst hann komast að þeirri niðurstöðu helst að við eigum að rétta fram hinn vangann þegar hryðjuverkamenn slá okkur. Við höfum verið svo vondir við þessi grey á árum aður að þeir eigi mikið inni hjá okkur.

 En grein Styrmis er hér:

"Þýzkur þingmaður Græningja, Franziska Brantner að nafni, varpaði fram spurningu á Twitter í kjölfar hryðjuverkanna í Brussel og hún var svona: „Hvers vegna hata þau okkur svona mikið?“

Eitt svar við þeirri spurningu má finna í hinni athyglisverðu bók Gunnars Þórs Bjarnasonar sagnfræðings, „Þegar siðmenningin fór fjandans til“ – Íslendingar og stríðið mikla 1914-1918, sem út kom fyrir síðustu jól.

Þótt þar sé fjallað um samskipti Belga og Kongóbúa eiga þær lýsingar efnislega við um samskipti hinna kristnu evrópsku menningarþjóða við nýlendur sínar víða um heim og þá m.a. í Norður-Afríku og Mið-Austurlöndum.

Gunnar Þór segir: „Mannréttindi voru ekki Evrópubúum efst í huga í Afr- íku, þótt þeir hafi ekki átt í neinum vandræðum með að réttlæta nýlendustefnuna með göfugum markmiðum. Þau fólust í því að breiða út kristna trú, útrýma þrælahaldi og siðmennta Afríkubúa

… Fyrst og fremst sóttust Evrópubúar þó eftir landi, auðlindum álfunnar, mörkuðum og vinnuafli innfæddra … Átakanlegt dæmi um það hvernig Afríkubúar urðu fyrir barðinu á græðgi nýlenduherranna eru örlög innfæddra í Kongó.

Leópold annar Belgíukonungur hafði augastað á þessu feiknastóra landflæmi í suðurhluta Afríku, sem var töluvert stærra en Frakkland, Þýzkaland, Ítalía og Spánn til samans. Árið 1885 stofnaði hann fríríkið Kongó og tókst að fá stórveldin til að viðurkenna yfirráð sín. Kongó var um tveggja áratuga skeið í reynd persónuleg eign konungs en varð belgísk nýlenda árið 1908.

Leópold talaði hátíðlega um að mennta Kongóbúa og lyfta þeim á hærra menningarstig. Raunverulegur ásetningur hans var þó að kreista eins mikinn ágóða út úr þessari eign sinni og framast var unnt. Verzlun með fílabein var afar arðbær en eftir að farið var að nota loftfyllta gúmmíhjólbarða á reiðhjól og bifreiðar um 1890 varð fjandinn laus. Gúmmí varð mjög eftirsótt en það var á þessum árum eingöngu unnið úr kvoðu gúmmítrjáa

… Ástandið í Kongó var skilgetið afkvæmi nýlendustefnunnar. Framferði Evrópumanna var hrottalegt, þeir svifust einskis í gróðafíkn sinni, líkast því sem þeir hafi vonast til að frumskógurinn skýldi þeim fyrir augum umheimsins. Konum og börnum var haldið gíslum þar til karlmennirnir höfðu reitt af hendi tilskilið magn af gúmmíkvoðu

… Fólk var hýtt miskunnarlaust, limlest fyrir minnstu sakir og jafnvel myrt í hópum. Heilu þorpin voru brennd til grunna. Stundum var vopnuðum sveitum nýlenduherranna gert að skila inn afskornum útlim fyrir hverja byssukúlu, sem þær höfðu notað.“

Og svo spyr þingmaður á þýzka þinginu nú: Hvers vegna hata þeir okkur svona mikið? Þetta er að vísu ekki lýsing á því, sem gerðist í Mið- Austurlöndum, en dettur einhverjum í hug að áþekkir atburðir hafi ekki gerzt annars staðar þar sem fulltrúar hinna evrópsku menningarþjóða fóru um fyrir rúmum hundrað árum?

Þar bjuggu þær gjarnan til ný lönd, sem tóku ekkert mið af stöðu mála á staðnum heldur hentuðu þeirra hagsmunum. Þannig urðu Írak, Sýrland og Líbanon til. Svona eins og Danir hefðu ákveðið að Vestfirðir skyldu tilheyra Grænlandi.

Þetta er ekki tilraun til að afsaka hryðjuverk. En þetta er tilraun til að skilja hvað veldur þeim ósköpum, sem eru að dembast yfir Evrópu og hafa m.a. þau áhrif að Íslendingar – sem og aðrir – hljóta að spyrja sig spurninga áður en þeir taka ákvörðun um að heimsækja helztu menningarborgir Evrópu.

Þótt ekki sé lengur krafizt afskorins útlims fyrir hverja byssukúlu (áttu refaskyttur hér ekki í eina tíð að skila refaskottum?) varð hugsunarháttur nýlenduherranna býsna lífseigur.

Sumarið 1956 lærði ég ensku á skóla í London og fylgdist því grannt með Súez-deilunni sem þá varð til. Sir Anthony Eden, forsætisráðherra Breta, talaði um það eins og sjálfsagðan hlut að Bretar og Frakkar ættu Súez-skurðinn, sem lá um land Egypta. Það var eins og ef Bandaríkjamenn hefðu kastað eign sinni á Miðnesheiði og talað eins og okkur kæmi ekki við hvað þar gerðist.

Þjóðverjar voru látnir borga svo þungar stríðsskaðabætur eftir heimsstyrjöldina fyrri að önnur heimsstyrjöld brauzt út. Það er hægt að færa rök fyrir því að Evrópuþjóðirnar, þ.e. þær sem hlut eiga að máli, eigi að borga fyrrverandi nýlendum sínum bætur fyrir meðferð- ina á fólkinu og stuld á auðlindum þessara þjóða.

Það er skollið á eins konar stríð í Evrópu og því mun ekki linna fyrr en nýlenduþjóðirnar horfast í augu við eigin sögu og afleiðingar hennar. Forseti Íslands, Ólafur Ragnar Grímsson, segir réttilega að í hryðjuverkunum í Evrópu felist „atlaga að lýðræði okkar og siðmenningu, mannréttindum, jafnrétti og frálsri umræðu“.

En á móti má spyrja: Í nafni hvaða siðmenningar voru útlimir skornir af í Kongó fyrir hverja byssukúlu fyrir rúmum hundrað árum? Hryðjuverkamennirnir sem vaxa upp á götum Parísar, Brussel, Lundúna og fleiri borga í Evrópu munu ekki hætta að drepa fólk fyrr en hinar siðuðu þjóðir Evrópu hætta að bregðast við aðsteðjandi vandamálum með gaddavírsgirðingum, táragasi og gúmmíkúlum og hótunum um að beita alvörubyssukúlum.

Það er kominn tími á að rétta fram höndina til fátæka fólksins í heiminum. Ella mun það storma um borgarhliðin í Evrópu, eins og það gerði í París fyrir rúmlega 200 árum."

Þarna finnst mér ritstjórinn fara út á hála gler í málflutningi sínum.

Eigum við að fara sýna ISIS vináttu af því að Bretar hafi verið svo vondir við þeirra fólk? Að þeir hafi bara verið að kvitta reikninginn í París eða Lahore? Eigum við að hleypa hér inn á okkar sósíal hverskyns múslímskum trantaralýð og efnahagsflóttamönnum af því að einhver Belgíukóngur hafi verið svo vondur við forfeður þeirra?

Hvert er maðurinn að fara?

Vesturlönd verða að vera reiðubúin að beita alvörubyssukúlum  því "Það er skollið á eins konarstríð í Evrópu og því mun ekki linna fyrr en nýlenduþjóðirnar horfast í augu við eigin sögu og afleiðingar hennar."  

Styrmir virðist vilja endurreisa friðkaupastefnu Chamberlains sem höfundur Reykjavíkurbréfsins í Sunndudagsblaðinu fer ágætlega í þá sömu helgi. Hvernig honum getur dottið í hug að styrjöldinni muni ljúka með því að við gefumst bara upp, iðrumst beisklega og réttum þeim aleiguna?

Efnahagsflóttamennirnir Sómölsku sem hafa flykkst til Svíþjóðar ætla sér ekki annað en að sækja þessar skaðabætur til Svía, láta þá borga eins og þeim þóknast. Þessi skríll ætlar ekki að gerast Svíar eða taka þátt í sænsku þjóðfélagi á nokkurn hátt nema til að hafa það til átu.

Mig varðar ekkert um það af hverju múslímar hata okkur svona mikið. Mér er alveg nóg að vita að þeir hata okkur nægilega mikið til að drepa 12 kristna menn á klukkutíma 24/7. Svo er RÚV að birta myndir af Páfanum heimta að við borgum bara meira til flóttamanna? Ekki gaf Páfagarmurinn mikið til að bjarga Gyðingum á sinni tíð þó Hitler byði honum það víst.

Af hverju megum við ekki reyna að hegða okkur í samræmi við það sem er staðreynd?  Þeir hata okkur svona mikið.

Hvort eigum við að gera, kyssa á vönd þeirra eða taka upp lurka.

Athugasemdir

[Elfar Aðalsteinn Ingvarsson (IP-tala skráð) 28.3.2016 kl. 16:01]

Þú kannast við gullnu regluna ekki satt?

Ef takmarkið þitt er ekki að drepa miljarð múslima þá er nokkuð mikilvægt að skilja hatur þeirra.

[immalimm (IP-tala skráð) 28.3.2016 kl. 18:19]

Styrmir játaði á sig þáttöku í samsæri gegn íslensku þjóðinni í kjölfar hrunsins.  Hann var aktívur sem stjórnandi stærsta dagblaðisns í "ógeðslega samfélaginu".  Kannski er þetta einhver leið hjá honum til friðþægingar fyrir það.

Íslam hatar allt sem ekki er íslamskt.  Ekkert verður gert að gagni í baráttunni gegn því fyrr en vesturlandabúar skilja þessa einföldu staðreynd.

[Valdimar Samúelsson, 29.3.2016 kl. 10:16]

Það er ekki hægt að afsaka Íslam og aðgerðir sem hafa staðið yfir í 1400 ár. Það er ekki hægt að afsaka þegar lifandi verur eru brenndar í dag hvað þá hálshöggvið, konum hóp nauðgað þangað til lífið fjarar úr þeim. Ég vona að það fari ekki einhver hreyfing í ganga með skrif að þetta sé allt okkur kristnu að kenna. 

[Skeggi Skaftason, 29.3.2016 kl. 11:42]

HALLDÓR gengur hönd í hönd með ISIS - hann bregst við nákvæmlega eins og þeir vilja - þeir VILJA fá okkur til að HATA, ekki bara ISIS heldur ALLA múslima.

Halldór er nytsamur sakleysingi í blóðugum "leik" ISIS. 

Og nú hvetur Halldór til að við "tökum upp lurka". Gegn hverjum?  Flóttamönnum?  ÖLLUM múslimum í heiminum?

[Elle_, 29.3.2016 kl. 15:10]

Ekkert nema harka dugir á glæpamenn ISIS og viðlíka hópa villimanna. Það þýðir ekki að bregðast verði af hörku við saklausum flóttamönnum og saklausum Islamstrúarmönnum. Það þýðir heldur ekki fjálst flæði manna inn í lönd, það væri galið og af hverju værum við þá með landamæri?

Villimenn Islam voru í blóðugu stríði við kristna menn í 1400 ár. Var það vegna nýlenduvelda kristinna manna eða hvað?: Why We Are Afraid, A 1400 Year Secret, by Dr Bill Warner

Það væri samt réttlátt og kannski nauðsynlegt að evrópsku drottnunarveldin (nýlenduveldin) endurgreiddu fólkinu sem þau níddust á og stálu frá, skaðann. Ætli ESB-sinnum og öðrum samfylkingarmönnum finnist það við hæfi?

[Valdimar Samúelsson, 29.3.2016 kl. 16:10]

Ég tek undir með Elle og sem betur fer er stór hópur kvenna sem er með þessa skoðun. Kannski skilja þér betur þegar makar þeirra eru brenndir eða hálshöggnir og börn jafnvel tekin af þeim. Það er allt of margir sem skilja þetta ekki.

[Halldór Jónsson, 29.3.2016 kl. 21:47]

Góð tillaga á Útvarpi Sögu.

Við skulum taka fleiri flóttamenn.

En þeir skulu allir vera munaðarlaus börn sem hafa svo orðið úti í stríðsátökum.

Enga fullorðna múslíma með fordæðuakap sinn í farteskinu eða gamlar ISIS málabækur. Það eru bara ávísun á vandræði.

Íslendingar ættleiða þessi munaðarlausu börn og þau verða að Íslendingum í okkar siðum.

Bara börn úr hópi flóttamanna- Enga fullorðna, hvorki hælisleitendur né flóttamenn. Sama hversu heitt þeir hóta að drepa sig ef við ekki látum þá kújónera okkur.

[Elle_, 30.3.2016 kl. 15:11]

Líka mætti Styrmir og ýmsir hafa í huga að það skiptir engu máli þó þessir vegvilltu morðingjar hafi alist upp í vestrænum löndum ef þeir voru aldir upp frá blautu barnsbeini í umhverfi og af þeim sem hata alla sem ekki eru Islamstrúar og hata vestræna menn, eins og gerist oft með afkomendur innflytjenda.

[Elle_, 3.4.2016 kl. 00:17]

Hættuleg vankunnátta á örlagatímum