Davíð trompar

með því að segjast ekki ætla að taka laun fyrir að vera Forseti. Hann láti sér nægja eftirlaunin sem hann fær fyrir ævistarfið í stjórnmálum. Einhver 40 % af Forsetalaunum.

Hvað á maður að segja við þessu? Hvað munu rægjendur Davíðs segja? Ég er eiginlega mát. Þetta er svo einstakt. Að einhver vilji vinna verk fyrir þjóðina ókeypis. Ég er svo gersamlega klumsa.

En vegir Davíðs eru órannsakanlegir eins og áður. Hann er engum líkur hvað sem menn segja.Hann sér yfirleitt vinkla á málum sem engir aðrir sjá. Jafnvel ekki ég!

Davíð hefur trompað rækilega út.

Athugasemdir

[Vagn (IP-tala skráð) 15.5.2016 kl. 19:34]

Æðislegt, forsetaframbjóðandi sem strax er farinn að tala eins og einráður og alvaldur. Forseti getur ekki hafnað launum. Hann getur gefið þau vilji hann þau ekki en greiðslunum getur hann ekki hafnað. Launataxti hans er ákvarðaður af kjaranefnd. Launagreiðslur undi taxtakaupi og undirboð á vinnumarkaði eru lögbrot og forseti er launþegi.

[Hilmar (IP-tala skráð) 15.5.2016 kl. 21:03]

Ég veit um handfylli af Pólverjum sem eru strax tilbúnir að vinna á 60% launum með við Íslendinga. Þetta er æðislegt fordæmi.

[Halldór Jónsson, 15.5.2016 kl. 21:18]

Þetta er ekki rétt Vagn, hann getur þetta alveg.

Þetta er ekki undirboð Hilmar, þetta er þjóðrækni þroskaðs manns.

[Hilmar (IP-tala skráð) 15.5.2016 kl. 22:02]

Þetta er sýndarmennska í þeim tilgangi að fá athygli dagsins.  Þjóðrækni þroskaðs manns ... heyr á endemi.  Hvað erum við öll hin sem þiggjum laun fyrir vinnu okkar ... óþjóðlegt hyski?

[Jósef Smári Ásmundsson, 16.5.2016 kl. 08:05]

Var þessi maður ekki frumkvöðull að því að gera eftirlaun þingmanna og æðstu yfirmanna margföld á við hinn venjulega verkamann. Þetta útspil minnir óneitanlega á þegar Eva Peron stofnaði sjóð fyrir fátæka og dreifði úr honum hluta af þeim fjármunum sem hún og eigimaðurinn var búinn að sölsa undir sig frá þjóðinni, og uppskar gífurlegar vinsældir. 

[Jón Valur Jensson, 16.5.2016 kl. 09:15]

Davíð talaði í viðtalinu við Björn Inga Hrafnsson um þessi mál út frá lítilli þörf sinni fyrir hin háu forsetalaun, honum nægi 1,1 milljón sem hann fái hvort eð er (svipað eða litlu meira en ráðherrar). Eigum við ekki að láta hann sjálfráðan um þetta, ef hann nær kosningu? Það myndi spara ríkissjóði 120 milljónir á fjórum árum. Sjá viðtalið, sem er reyndar hið áhugaverðasta um margt, hér (smellið): http://www.dv.is/frettir/2016/5/15/david-vill-ekki-laun-nai-hann-kjori-gagnryndi-gudna-th/

[Ásthildur Cesil Þórðardóttir, 16.5.2016 kl. 09:56]

Jamm það var einmitt það sem það var "tromp"

[Guðbjörg Snót Jónsdóttir (IP-tala skráð) 16.5.2016 kl. 11:08]

Ég stoppaði líka við þessi orð Davíðs, og fannst þetta skynsamlegt hjá honum, enda á forseti þjóðarinnar ekki endilega að hafa himinhá laun og miklu hærri en ráðherrarnir. Mér hefur alltaf þótt Davíð vera skynsemdarmaður á sína vísu. Þess vegna styð ég hann, fyrsta inspektorinn, sem ég hafði í MR. Hann verður hressilegur og skemmtilegur forseti. Hann er ekki óumdeildur frekar en Ólafur Ragnar var og hefur verið, en báðir hafa þeir hæfileikann til að fylkja allri þjóðinni á bak við sig, hvar í flokki sem fólk stendur. Það er mikil kúnst að geta gert það. Það þarf líka reyndan mann eins og Davíð til að vera í oddvitasæti þjóðarinnar á þessum viðsjárverðu tímum, sem við erum að upplifa núna, þegar allt getur gerst.

[Ragnhildur Kolka, 16.5.2016 kl. 11:33]

Það má treysta því að Davíð mun ávallt hafa hag Íslands í fyrirrúmi. Hann hefur aldrei talað þjóðina eða þjóðarvitundina niður eins og helsti andstæðingur hans í þessum slag hefur gert.

Sjá fyrirlestur Guðna Th a Bifröst 2013: Guðni Th Jóhannesson - Notkun og misnotkun sögunnar. Þorskastríðin, Icesave og ESB.

[Halldór Jónsson, 16.5.2016 kl. 11:55]

Já, það var svo sem auðvitað að þið fégráðugu kommarnir mynduð gera allt til að hrópa Davíð niður fyrir þetta tromp. Trump þarf heldur ekki á laununum að halda nái hann kjöri.

[Elle_, 16.5.2016 kl. 13:03]

Hugsið ykkur ef Dögun skriði nú loks yfir 1-prósentið.  Ætli hann yrði kommaflokkur?

[Jósef Smári Ásmundsson, 16.5.2016 kl. 14:08]

Aldrei heyrt þessa kenningu að einhver flokkur sem nær ákveðnu fylgi yrði þar með kommaflokkur. Samkvæmt þeirri kenningu væru allir flokkar á íslandi kommaflokkar nema Alþýðufylkingin, Dögun, Þjóðernisflokkurinn og Kristilegi flokkurinn hans Jóns Vals. Nú og svo að sjálfsögðu Íslandsflokkurinn hans Jóns Þórhallssonar. Held þú verðir að rökstyðja þessa kenningu þína ELLE.

[Elle_, 16.5.2016 kl. 14:12]

Jósef maður verður ekki endilega að röstyðja kaldhæðni.

[Elle_, 16.5.2016 kl. 14:13]

Rökstyðja.

[Jósef Smári Ásmundsson, 16.5.2016 kl. 14:30]

Nei, að sjálfsögðu ekki ELLE. En þetta var bara svo djúpt að áttaði mig ekki á að um kaldhæðni væri að ræða.

[Ásmundur (IP-tala skráð) 16.5.2016 kl. 14:39]

Ef þetta er tromp, þá er hægt að trompa það enn frekar með því að bjóðast til að borga með sér gegn því að fá forsetaembættið.

Það væri hægt að hafa útboð þannig að sá sem byði hæst hreppti hnossið.

Ljóst er að sægreifar væru tilbúnir að greiða mjög háar upphæðir til að koma í veg fyrir að að frumvarp að þeirra ósk færi í þjóðaratkvæði.

Nei, góðir hálsar, forsetaembættið er ekki til sölu. Sá lágt erum við ekki sokkin. Þess vegna getur forseti ekki afþakkað laun. Hann tekur við þeim og greiðir af þeim skatta en ræður svo hvað hann gerir við eftirstöðvarnar.

Þetta veit Davíð enda lýsti hann því yfir að hann hygðist ekki taka eftirlaun þegar hann varð formaður stjórnar seðlabankans. 

[Kolbrún Hilmars, 16.5.2016 kl. 17:10]

Eru það launin sem lokka fólk til þess að bjóða sig fram til forseta?  Á þriðju milljón á mánuði og það til æviloka?
Óneitanlega svolítið síðbúnar upplýsingar fyrir marga.

 

[Predikarinn - Cacoethes scribendi , 16.5.2016 kl. 17:16]

Jósef Smári

Það var meðal annars Svavar Gestsson sem kom þessu á aásmt flestum ef ekki öllum vinstrimönnum.Mig minnir að Davíð hafi ekki talað með eða fyrir þessu fyrirkomulagi. 

Davíð er sporgöngumaður um þessi mál. Hann tók ekki starfslokalaun þegar hann hætti sem borgarstjóriþó hann ætti hátt í árs laun inni ef hann vildi. Þá tók hann ekki eftirlaun eftir þessum lögum sem þú nefnir þegar þau tóku gildi fyrir mörgum árum .æo flestir aðrir þingmenn og fyrrum ráðherrar geri það. Sömuleiðis tók hann ekki við starfslokalaunum sem seðlabankastjóri þegar hann var hrakinn burt með lítilmannlegum hætti af hatursmönnum sínum í stjórnmálum.
Þetta útspil sem hann er með nú, er því í fullu samræmi við fyrri ákvarðanir hans að afsala sér launum sem hann átti fullan rétt á. Ekkert kosningatrikk við það.
Komi á daginn að hann verði að taka við laununum, er þá ekki bara eðlilegt að hann vísi fjársýlu ríkisins að afhenda góðgerðarstofnunum sem hann nefnir til sögunnar launin í einhverju hlutfalli ??

[Jóhann Kristinsson, 16.5.2016 kl. 18:33]

Hvað heldur þú Kolbrún?

Kveðja frá Houston

[Ásthildur Cesil Þórðardóttir, 16.5.2016 kl. 19:12]

Mér sýnist nú eiginlega eftir umræðunni að dæma, hafi þetta tromp verið vinhögg 

[Jóhann Kristinsson, 16.5.2016 kl. 19:20]

Flott að þurfa ekki að greiða Dabba 120 milljónir fyrir firsta kjörtímabilið. Fyrir utan allan sparnaðinn á næstu fjórum kjörtímabilum.

Sannir islendingar kjósa ekki ESB og opin landamæri frambjóðandann Guðna Th. sem lítur niður á meirihluta kjósenda og kallar þá ómentaða þjóðarrembinga sjómenn og verkamenn.

Kveðja frá Houston

[Halldór Jónsson, 16.5.2016 kl. 19:26]

Er eitthvað til í þessu hjá Ásmundi?

"Nei, góðir hálsar, forsetaembættið er ekki til sölu. Sá lágt erum við ekki sokkin. Þess vegna getur forseti ekki afþakkað laun. Hann tekur við þeim og greiðir af þeim skatta en ræður svo hvað hann gerir við eftirstöðvarnar.

Þetta veit Davíð enda lýsti hann því yfir að hann hygðist ekki taka eftirlaun þegar hann varð formaður stjórnar seðlabankans. "

Geta menn ekki látið taka sig af launaskrá?

[Predikarinn - Cacoethes scribendi , 16.5.2016 kl. 20:15]

Kæri Halldór.

Kann að vera rétt að ekki sé hægt að afþakka launin. Hann getur sett upp yfirlýsingu til  fjársýslunnar sem greiðir út launin og falið henni að leggja launin inn á góðgerðar- og hjálparstofnanir í einhverju ákveðnu hlutfalli sem hann gefuir upp. Laununum yrði þá vel varið.

[Ásthildur Cesil Þórðardóttir, 16.5.2016 kl. 20:42]

Það er ágætis hugmynd Jón Valur. 

[Ásmundur (IP-tala skráð) 16.5.2016 kl. 21:26]

Er þetta Jón Valur sem bullar hér sem predikari?

Það var aðeins einn vinstri maður sem samþykkti eftirlaunafrumvarp Davíðs sem var sem klæðskerasaumað fyrir hann. Það var Guðmundur Árni Stefánsson.

Einhver fjölmiðill rannsakaði hvort Davíð tæki eftirlaun löngu eftir að hann sagðist ekki myndu gera það. Laun hans skv skattaframtali og upplýsingar frá þeirri stofnun sem hafði með málið að gera bentu eindregið til þess að hann tæki eftirlaun.

Sjálfur var hann spurður en neitaði nú að svara þó að hann hefði lýst því yfir áður að hann myndi afþakka eftirlaunin.

Davíð virðist vera að leika sama leik og ríkisstjórnin; að gefa loforð sem ekki stendur til að efna þótt hann komist í aðstöðu til þess.  

[Halldór Jónsson, 16.5.2016 kl. 22:11]

Það væri merkilegt ef menn gætu ekki ákvðið að taka ekki laun. Þegar maður fer í vinnu þá er gerður ráðningasamningur. Þar er lína fyrir kaup. Það hlýtur að mega gera breytingar á henni þegar maður skrifar undir?

[Jóhann Kristinsson, 16.5.2016 kl. 22:23]

Auðvitað er hægt að semja um breytt launakjör, svo framarlega sem að báðir aðilar eru samþykkir.

Launalögin fyrir forsetaembættið eru til að tryggja að Guðni Th. fái sínar 2 1/2 milljón í mánaðarlaun, ef svo illa fer að hann verði kjörinn næsti forseti.

Kveðja frá Houston

[Espolin (IP-tala skráð) 16.5.2016 kl. 22:38]

Stéttarfélögin eru einmitt þessa dagana að skera upp herör gegn svona "sjálfboðaliðastörfum" sem ýmis fyrirtæki hafa verið að bjóða. Enda ólöglegt að semja um lakari kjör en taxtakaup. "Sjálfboðaliðastörf" launþega eru hvorki sanngjörn né eðlileg. Og þá er sama hvort sjálfboðaliðinn er elliært gamalmenni sem sækist eftir völdum eða Albanskur unglingur í hótelþrifum sem sækist eftir landvist.

Menn geta ekki ákvðið að taka ekki laun og atvinnurekendur geta ekki ákvðið að greiða ekki laun. Launin hafa verið ákveðin og löggjafinn heimilar ekkert minna. Oftast flokkast "sjálfboðaliðastörf" sem mansal í lagalegum skilningi.

[Jóhann Kristinsson, 16.5.2016 kl. 22:54]

Greiðir forseti félagsgjöld til BSRB?

Hefur forsetinn verkfallsrétt?

Ef kjaradómur fer með launakjör forsetans, þá hlýtur Dabbi að geta farið fram á enginn laun í hans 20 ára forsetatíð?

Kveðja frá Houston

[Espolin (IP-tala skráð) 16.5.2016 kl. 23:59]

Kjaradómur fer með launakjör forsetans, þá hlýtur Dabbi að geta farið fram á að þeir standi á haus og syngi þjóðsönginn. Kjaradómur fer ekki að skipunum forseta. Forseti hefur ekkert vald yfir kjaradómi og launagreiðslum ríkissjóðs.

[Jóhann Kristinsson, 17.5.2016 kl. 00:14]

Hver er að tala um að forseti hafi vald yfir kjaradómi eða launagreiðslum ríkissjóðs?

Mér þykir líklegt að báðir aðilar forseti og ríkissjóður þurfi að senda inn greinargerðir fyrir kjaradóm. 

Ef kjaradómur fær beiðni upp á enginn laun, þá er hægt að taka það til greina og spara ríkissjóði nokkur hundruð milljóna í launagreiðslur til forseta.

Espolin ert þú einn af Góða Gáfaða Fólkinu (GGF) og finnst að allir sem ekki eru sammála þér og GGF séu ómentaðir fásinna þjóðarrembingar sjómanna og verkamannalýtur eins Og Guðni Th. Heldur fram í ræðu og riti?

Kveðja frá Houston

[Espolin (IP-tala skráð) 17.5.2016 kl. 01:58]

Við hrunið þegar þingmenn og ráðherrar vildu lækka laun sín þá þurfti sérstök lög og lagabreytingar til þess. Kjaradómur starfar aðeins eftir lögum og þau veita honum ekki heimild til að hlusta á bónir launþegans eða ríkissjóðs. Forseti og ríkissjóður geta því ekki sent inn greinargerðir fyrir kjaradóm og búist við að þær verði lesnar. Og hvorugur getur sett lög sem heimila kjaradómi að lækka eða hækka laun forseta.

Og ef þú telur þig ómentaðan fásinna þjóðarrembing Jóhann þá er það þitt mál og kemur mér ekkert við.

[Óákveðinn kjósandi (IP-tala skráð) 17.5.2016 kl. 03:20]

Skref í rétta átt. Setur vonandi gott fordæmi, svo við losnum við þá úr stjórnmálum sem eru þar að leita að metorðum, svölun fyrir metnaðargirnd, eða þrá auðæfi og völd. Stjórnmál eiga bara að vera stunduð af fólki sem þráir að þjóna almenningi og stuðla að heill samfélagsins, en er ekki að uppfyllingu eigingjarnra eða persónulegra markmiða. Vonandi hefur Davíð þroskast til að verða slíkur maður. Það gæti sett öðrum gott fordæmi og kennt samfélaginu mikilvæga lexíu, ef rétt reynist. Metorðagjörnum á að beina á brautir íþrótta og viðskipta, en ekki án aðhald, og skynsamt samfélag kemur í veg fyrir að fólk á því þroskastigi sinni stjórnmálum samfélaginu öllu til skaða. Stjórnmálin ættu bara að vera fyrir þá þjónustulunduðustu, sem hafa ekkert að sanna eða sýna, og ekkert þrá nema að þjóna og gera siðferðilega skyldu sína. Ég vona að Davíð sé svona maður. Hvern sem við kjósum kjósum ekki tækifærissinna, menn sem ráðast á garðinn þar sem hann er lægstur, og menn sem vita ekki fyrir hvað þeir standa. Kjósum einhvern sem við teljum þroskaðan hugsjónamann, eða sleppum því að kjósa. 

[Óákveðinn kjósandi (IP-tala skráð) 17.5.2016 kl. 03:23]

Ég veit ekki hvern ég kýs. Ég veit bara að sumir breytast til batnaðar með aldrinum, jafnvel ótrúlega og ég veit að það er satt að það er til fólk sem nær því að losa sig alveg við metnað. Einmitt þess vegna er æskudýrkun slæm. Þróttur og hugvit fylgir stundum æskunni, en þrosað siðvit sem kemur með reynslu sjaldnar. 

[Predikarinn - Cacoethes scribendi , 17.5.2016 kl. 05:58]

Ásmundur

Þú ert fabúleri dauðans og hálfsannleiksskrafari eins og aðrir sem tengjast Einsmálslandssölulandráðafylkingu hinnar björtu framtíðar með vinstri grænu slagsíðuna. 

Þú ásamt þeim reiknióspekingum sem þú nefnir ´ttið ykkur á að launin eru hin góðu laun ritstjórans á Morgunblaðinu.

Og ég heiti ekki Jón Valur, en hjartans þökk fyrir að telja mig vera þann mæta og skynsama mann.

[Predikarinn - Cacoethes scribendi , 17.5.2016 kl. 06:07]

Espolin

Fjársýsla ríkisins greiðir út laun inn á þann reikning sem launþeginn vísar á. Eins og ég nefndi fyrr, þó ekki í smáatriðum, en launþeginn, í þessu tilfewlli Davíð, getur óskað eftir ráðstöfun launa sinna inn á reikning viðkomandi góðgerðarfélaga í stað eigin reiknings.

Enga þarf lagasetninguna, einungis undirritaða ósk launþegans  um hver ráðstöfun launa sinna eiga að vera.

[Ásmundur (IP-tala skráð) 17.5.2016 kl. 08:55]

Predikarinn (Jón Valur?), Davíð hefur ekki sagst ætla að gefa launin sín verði hann forseti. Hann segist ætla að afþakka þau.  

Davíð veit eflaust að hann ræður ekki launum forsetans og getur ekki stundað slík undirboð. Þess vegna er þetta bara lýðskrum og blekkingar.

[Predikarinn - Cacoethes scribendi , 17.5.2016 kl. 09:56]

Ásmundur

Loksins satt orð hjá þér. Hann hefur ekki sagt það. En í ljósi þess að það kann að vera að hann geti ekki afþakkað launin, þá var þetta tillaga að því að launin rynnu þá til góðgerðar- og líknarfélaga í stað þess að renna í vasa hans sjálfs. Þannig væri hann í reynd án launa þar sem ekkert rynni til hans sjálfs. Hitt er annað að því skyldi ekki ríkisstjórnin breyta l0gum þurfi þess, til að sitjandi forseti geti ákveðið að afþakka launin sín? Mér fannst hitt bara snilldin ein að launin rynni í þarft málefni.

[Halldór Jónsson, 17.5.2016 kl. 10:52]

Þetta eer nú orðin sú kostulegasta umræða um keisarans skegg. Ég held að teljarinn á athugasemdunum sé sprunginn.

Hvað haldið þið að myndi gerast ef Davíð myndi biðja Alþingi að setja lög um að hann skuli vera launalaus Forseti? Væri það ekki í þjóðarþágu að þiggja slíkt? 

Nú myndi óákveðinn kjósandi ekki spekulera í því hvort hann vill heldur gratís Forseta heldur en einn sem kostar helling? Sérílagi ef þeir væru báðir líklegir til að gera það sama?

Forsetinn á ekkert með það að vísa laununum sínum eitthvað annað. Þetta er þjóðarpeningur. Ef hann sparast þá er það Alþingis að ráðstafa honum. Hver annar hefur til þess heimild? Einhvert pennaskaft úr BSRB með verkfallsrétt?

[Ásmundur (IP-tala skráð) 17.5.2016 kl. 11:16]

Þetta ótrúlega útspil Davíðs sýnir að hann er kominn út í horn með framboðið í mikilli örvæntingu.

Þetta á eftir að verða enn vandræðalegra og fylgið á eftir að minnka. Efast um að hann nái 10% þegar upp er staðið.

[Predikarinn - Cacoethes scribendi , 17.5.2016 kl. 11:23]

Hárrétt kæri Halldór. Best er ef hann getur afþakkað launin. Það er bara í því tilfelli ef það er óheimilt og þingmenn breyta ekki lögum þar um, þ´s væri þrautalendingin að hann gæfi til líknarfélaga eða slíks. 
Óskastaðan er að koma því við að hann geti afþakkað launin og sparað ríkinu útgjöldin að sjálfsögðu. Um það erum við sammála.

[Predikarinn - Cacoethes scribendi , 17.5.2016 kl. 11:28]

Ásmundur

Þú sem varst kominn á sannleiksbrautina áðan? Ekki detta úr þeim gír strax! Þetta lofaði svo góðu hjá þér!

Davðið er aldrei í neinni örvæntingu með framboð sitt nokkru sinni á lífsleiðinni, það sannar sagan.  

[Jón Valur Jensson, 17.5.2016 kl. 12:22]

Ég get hér með innvirðulega staðfest þau orð Jósefs Smára Ásmundssonar, að Kristin stjórnmálasamtök eru EKKI kommaflokkur! -- og heldur ekki Íslenska þjóðfylkingin!

Ennfremur skal sérstaklega tekið fram, vegna lygaáráttu ESB-snatans Ásmundar, að ég er EKKI hinn ágæti Predikari á Moggabloggi.

[DoctorE (IP-tala skráð) 17.5.2016 kl. 12:29]

Skiptir engu, DO verður aldrei forseti.. ef svo ólíklega vildi til þá er það opinberum til umheimsins að hér á landi búi heimskasta fólk í heimi

[Jón Valur Jensson, 17.5.2016 kl. 12:37]

Ófróðum til upplýsingar er ég með ærið nóg á minni könnu af bloggvefjum. 

Hér er ég (smellið á!):

jonvalurjensson.blog.is (aðalbloggið mitt)

jvj.blog.is (aukablogg mitt)

lifsrettur.blog.is (Lífsréttarsíðan mín)

https://www.facebook.com/jonvalur.jensson

Ennfremur á ég fjölda greina á þessum vefjum nokkurra samtaka:

krist.blog.is (bloggvefur  Kristinna stjórnmálasamtaka, 17 manns í þeim)

thjodarheidur.blog.is (vefur Þjóðarheiðurs, samtaka gegn Icesave)

fullveldi.blog.is (vefur Samtaka um rannsóknir á Evrópusambandinu og tengslum þess við Ísland).

[Ásmundur (IP-tala skráð) 17.5.2016 kl. 14:02]

Jón Valur, vertu ekki með þessi ósannindi.

Ég hef hvergi sagt að þú værir predikarinn - aðeins spurt um það og látið í ljósi grunsemdir um að þú sért hann. Heiftarleg viðbrögð þín draga svo sannarlega ekki úr þeim grunsemdum.

Ég hef heldur ekki verið með neinar aðrar lygar. Skora ég á þig að nefna þær ef þetta er ekki bara marklaust fleipur af þinni hálfu.

Þú gerir Davíð Oddssyni engan greiða með ósannindum.

[Jóhann Kristinsson, 17.5.2016 kl. 23:07]

Espolin, þú skrifar gegn sjálfum þér, þegar þú skrifar að það hafi þurft að breyta lögunum fyrir að lækka laun þingmanna. 

Málið er leyst, þá fer Dabbi fram á fjögurra ára launalækkun í núll krónur og fær þingið til að setja það í lög ef með þarf.

En svona þér að segja, þá held ég að þingmenn séu í stéttarfélagi en forsetinn er það ekki, svolítið öðruvísi viðhorf sem kjaradómur þarf að hafa.

En auðvitað veist þú þetta allt betur en allir aðrir, enda einn af Góða Gáfaða Fólkinu.

Kveðja frá Houston

[Jón Valur Jensson, 18.5.2016 kl. 02:37]

Oft hefurðu, Ásmundur, krítað liðugt um ESB, jafnvel á vef Heimsýnar. En ég sé, að á þessari síðu fullyrðir þú ekki beinlínis, að ég sé Predikarinn, heldur spyrð þess og gælir við þá hugsun, að ég sé sá, gefur það jafnvel í skyn, en mátt alveg hætta því, eða ert þú kannski Steini Briem?

[Ásmundur (IP-tala skráð) 18.5.2016 kl. 16:19]

Allt er afstætt.

Þess vegna er það að skýra rétt frá "að kríta liðugt" séð frá sjónarhóli ESB-andstæðinga sem fara létt með að hagræða staðreyndum.

Skyldu þeir trúa eigin bulli sjálfir?

[Jón Valur Jensson, 19.5.2016 kl. 01:50]

Blessaður haltu þig í þínu Evrópusambandi!