Leggjum niður RÚV

er mín niðurstaða eftir að hlusta á Hrafnaþing á ÍNN nú í kvöld.

Það er ekki hægt að þola lengur framgöngu þessarar stofnunar RÚV eins og hún  hefur verið rekin til margra ára. Hlutdrægni, pólitísk afskipti og ef ekki einskonar landráðastarfsemi með innflutningi erlendra afla til að ráðast gegn löglega kjörnum stjórnvöldum þessa lands er komin út fyrir allan þjófabálk.

Síðustu afrekin voru m.a. aðförin að Sigmundi Davíð þar sem erlendir aðilar í samsæri með íslenskum aðilum eru fluttir til landsins til að ginna forsætisráðherra landsins í viðtal á upplognum forsendum. Aðförin tókst og upphlaupslið og árásarsveitir kommúnista söfnuðust á Austurvöll og börðu Sigmund úr úr embætti sem kannski var búinn að vinna fyrir því að einhverju leyti.

Næst kostar Björk Guðmundsdóttir að sögn ferð Evu Joly til Íslands þar sem hún veður beint inn í þátt hjá RÚV til að blanda sér í íslensk innanríkismál rétt fyrir kosningar. Þar segir hún hreint út að okkar helstu ráðamenn séu helst ótíndir reyfarar sem skreyti í Panamaskjöl og þjóðin verði að kjósa frá í kosningunum eftir viku.  

Svokallaðir fréttamenn RÚV gapa upp í þessa konu sem hefur ekki hingað komið í annan tíma nema til að raka saman fé fyrir sjálfa sig og sá fræjum haturs og grunsemda í þjóðarsálina. Þessi franski kommúnisti með óverulegt kjörfylgi í sínu fósturlandi  situr upp á kaup fyrir franska alþýðu á Evrópuþinginu. Vinstri flokkarnir hérna ætla að keyra okkur í Evrópubandalagið með hjálp RÚV þar sem við munum fá 5 þingmenn alls af yfir 700 sem þá geta verið sessunautar Evu Joly. 

Hatursmaður Sjálfstæðisflokksins er fenginn til að setja saman klámþátt á RÚV til að hneyksla hvern meðal Íslending. Hann fær svo að setja saman skemmtiþátt sem reynir að falsa myndir af formanni Sjálfstæðisflokksins með því að sýna þær hægt sem gefa í skyn að hann sé blindfullur að baka kökur í barnaafmæli. Enn eitt stykkið í kosningabaráttunni af hálfu þessa endemis apparats RÚV.

Það eru gerðar skoðanakannanir af þessari stofnun sem allar stefna til vinstri, annað hvort með ráðum eða dáðum. Andstyggilegheit fréttamanna og spyrla í garð allra sem eru ekki vinstrisinnar eru svo áberandi og alvanaleg að þetta fólk er hætt að reyna að leyna því. Og Hemir Már Pétursson úr Allaballanum gamla hefur sama stílinn á Stöð 2 þar sem Jón Ásgeir ræður ríkjum.

Öllum þunga þessara miðla er svo beint beint gegn Sjálfstæðisflokknum sem á sér formælendur fáa.  

Allt þetta vinstra fólk kemur svo skælbrosandi fram í öðrum þáttum og þykist alhlutlausir venjulegir þulir og fréttamenn.

Ég hef verið stuðningsmaður Ríksútvarpsins frá dögum Jóns Múla og Gufunnar. Ég hef reynt að verja RÚV sjónvarpið lengst af og vonað að það myndi einhvern tímanna læknast af þeirri vinstri veiki sem þar er búíð að ríða húsum um árabil.Hún fer hinsvegar versnandi dag frá degi. Varla einn fréttamaður sem ég man í svipinn virðist vera hlutlaus á RÚV og heldur ekki á Stöð 2.

Nú er ég búinn að fá nóg. 

Ég vil loka þessari stofnun RÚV og leggja hana niður. Ég verð andstæðingur hennar og allra sem þarna vinna og bið hana aldrei þrífast. Hvernig henni verður lokað má einu gilda, seld eða rifin, hirði ég ekki um. 365 er löngu gjaldþrota að réttum lögum og safna áfram skuldum eins og RÚV.Einhvern tímann hlýtur að koma að skuldadögum. 

Ríkisútvarp  sem hljóðvarp, sem segir sannar fréttir úr umheiminum getur verið til umræðu að hafa áfram svipað og það var í gamla daga. Kannski er það eitthvað öryggistæki.  En Ríkissjónvarpið er óþarft með öllu og því á að loka. Það er pólitískt rauðlitað ,hlutdrægt og því óþolandi með öllu auk þess sem dagskráin er yfirleitt hundleiðinleg að margra dómi.

Burt með það og látum einkaframtakið sjá um sjónvarp til landsmanna. Það er búið að sýna það að tæknin er ekki til hindrunar á neinn hátt.  Einkaframtakið getur rekið sjónvarp miklu betur en kommarnir á RÚV eru að gera fyrir okkar skattfé.Það má leigja afnot af dreifikerfinu sem er sjálfsagt ágætt. En þessi stofnun sem slík hefur sannað sig sjálf að vera er óþörf og beinlínis skaðleg fyrir skoðanamyndun í landinu.

Kínverjar reka hér sitt ríkissjónvarp. Þeim væri í lófa lagið að blanda sér í okkar mál.AlJazera líka og svo er um fleiri erlendar stöðvar sem hér nást. Máttur þesara miðla er mikill til að hafa áhrif á Íslendinga. Áróðursbylgjur utan úr heimi brotna hér í íslenskum brjóstum. Það er því óþarfi að reka hér aðra stjórnmálastöð fyrir íslenskt skattfé rekur einhliða áróður eins og RÚV gerir.

 

Því segi ég: Niður með RÚV, lokum því og leggjum það niður.

 

 

 

Athugasemdir

[Helga Kristjánsdóttir, 22.10.2016 kl. 07:44]

Tryggðin við apparatið lifði lengi,en það komu tímar sem ég opnaði ekki Rúv sjónvarp í hálfan mánuð og alls ekki fréttirnar,það var mér aldraðri ofraun. 
 Gott að sjá að kominn er barátthugur í mannskapinn.

[Bjarni Gunnlaugur (IP-tala skráð) 22.10.2016 kl. 08:42]

Þetta er eiginlega orðið grátbroslegt, í fréttum í gær tókst fréttakonu að etja litlum börnum saman í slagsmál þegar hún tók viðtal við þau.  Viðtalið snérist ekki um að fá fram hvað þeim fyndist heldur hvað þeim ætti að fynnast og benda á sökudólga.

Maður brosir svo sem út í annað þegar blessuð börnin eiga í hlut en assgoti var þetta nú samt táknrænt!

[Jósef Smári Ásmundsson, 22.10.2016 kl. 10:37]

Það er tímaskekkja að vera með ríkisstöðvar með skylduáskrift. Að sjálfsögðu á fólki að vera frjálst að kaupa sér aðgang að stöðvum/ eða ekki. En þau rök að leggja apparatið niður vegna þess að maður sjálfur er ekki sammála umfjöllun ganga ekki. 

[Jón Þórhallsson, 22.10.2016 kl. 11:40]

Það þyrfti að byrja á því að aðskilja fréttatengt efni og

afþreyingu með einhverjum hætti.

Ég vil t.d. ekki að minar SKATT-KRÓNUR  fari í að halda úti starfsfólki við að kvikmynda bolta sem að er hent/sparkað fram og til baka.

[Þorvaldur Guðmundsson (IP-tala skráð) 22.10.2016 kl. 11:44]

Ég bjó nokkur ár í Argentínu, þar rak ríkið ekki útvarps- eða sjónvarpsstöð.  Margar einkastöðvar voru í gangi og gátu yfirvöld farið inn í dagskrá þeirra allra ef koma þurfti á framfæri mikilvægum tilkynningum.  Þá getur maður talað um öryggishlutverk en ekki þó að eitthvað komi fram í ríkisstöð sem fáir horfa eða hlusta á.

[Halldór Jónsson, 22.10.2016 kl. 12:07]

Auðvitað Þorvaldur

Sammála Jón Þórhallsson

Rétt Jósef

Sá þetta ekki Bjarni Gunnlaugur

Já Hlega, alltaf opna ég nú samt. Ég les líka alltaf Þorvald Gylfason þó ég viti að mér versnar við það.

[Steindór Sigurðsson, 22.10.2016 kl. 13:14]

Ég er 100% prósent sammála þér núna Halldór leggjum RÚV niður þó fyrr hefði verið.

En ég hélt samt að menntamálaráðherra væri sjálfstæðismaður og ég hélt að menntamálaráðherra væri yfirmaður RÚV. Þannig að það kominn daunillur vinstri fnykur af Sjálfstæðisflokknum, eða hvernig á að skilja þetta?

[Guðbjörg Snót Jónsdóttir (IP-tala skráð) 22.10.2016 kl. 13:19]

Satt segirðu, Halldór. Látum Samfó og VG eiga þetta útvarp, og látum ríkið stofna aðra útvarpsstöð, sem þeir geta rekið á þeim grundvelli, sem þetta svokallaða Ríkisútvarp var, þegar við vorum ung, með þingskipuðu útvarpsráði, og þar sem Jón Magnússon, Henrik Ottósson og Margrét Indriðadóttir réðu ríkjum á fréttastofunni og létu segja fréttir en ekki búa þær til, eins og gert er í dag, eins og Páll Vilhjálmsson benti réttilega á einhvern tíma í bloggi sínu. Þá losnaði maður líka við þessar kosningaauglýsingar á vegum Samfó, VG og BF og þeirra styrktaraðila. Hugsa sér t.d., að þátturinn, þar sem Sigmundi Davíð var veitt fyrirsát, skuli hafa verið verðlaunaður!!! Annað eins og þvílíkt! Það er líka sorglegt til þess að hugsa, að fólk skuli taka mið af og fara eftir þessum heimatilbúnu skoðanakönnunum Sovétfréttastofunnar, þar sem Píratar eru yfirleitt alltaf efstir, og að Samfó skuli vilja demba Reykjavíkurruglinu yfir okkur á landsvísu. Það held ég verði þá Alþingi, sem komi út úr því! Samfó virðist greinilega ekki vilja sjá né skilja, að Dagur og kompaní hefur gert það að verkum, að þeir tapa svona gífurlega, eins og raun ber vitni um í þessum skoðanakönnunum. Fólk gleymir því bara, því miður, að Reykjavíkurruglið er allt í boði Pírata. Með þessu áframhaldi verður sama sagan uppi á teningnum á Alþingi eins og í borgarstjórninni. Það virðast þeir hjá Rúv vilja eftir öllu að dæma. Þess vegna segi ég það sama og þú og raunar fleiri: Ríkið ætti að losa sig við þetta Samfó/VG-útvarp og leyfa þeim að reka það. Bæti svo við: Stofna svo aðra óháða útvarpsstöð, sem hlustandi er á og maður getur fengið frið fyrir pólitískum áróðri, og virðir það hlutleysi, sem Rúv er löngu hætt að gera. Mál er að linni.

[Halldór Jónsson, 22.10.2016 kl. 18:26]

"...Hugsa sér t.d., að þátturinn, þar sem Sigmundi Davíð var veitt fyrirsát, skuli hafa verið verðlaunaður!!! Annað eins og þvílíkt! Það er líka sorglegt til þess að hugsa, að fólk skuli taka mið af og fara eftir þessum heimatilbúnu skoðanakönnunum Sovétfréttastofunnar, þar sem Píratar eru yfirleitt alltaf efstir, og að Samfó skuli vilja demba Reykjavíkurruglinu yfir okkur á landsvísu. Það held ég verði þá Alþingi, sem komi út úr því! Samfó virðist greinilega ekki vilja sjá né skilja, að Dagur og kompaní hefur gert það að verkum, að þeir tapa svona gífurlega, eins og raun ber vitni um í þessum skoðanakönnunum..."

Bravó Guðbjörg Snót!

[Halldór Jónsson, 22.10.2016 kl. 18:27]

Guðbjörg, hvar og hvenær fékk þessi þáttur verðlaun?

[Guðbjörg Snót Jónsdóttir (IP-tala skráð) 22.10.2016 kl. 22:26]

Eins og þú veist, þá var þetta hluti af sænskum fréttaskýringaþáttum, sem að sögn Rúv fengu verðlaun, en þessi þáttur um Sigmund Davíð var sérstaklega nefndur til verðlauna í Berlín um leið og Ófærð fékk verðlaun þar sem besta sjónvarpsleikritið. Ég heyrði það a.m.k. sagt í fréttum í Rúv í dag, að þessi eini þáttur í þáttaröðinn hafi verið nefndur til verðlaunanna af öllum þeim, sem sænska sjónvarpið lét gera, og sýndi í þessarri fréttaþáttaröð sinni. Mér skildist, að þessi sænska þáttaröð væri eitthvað í ætt við Kastljósið okkar, þó að ég muni nú ekki nafnið á henni.