Þjóðarstjórnin

er að myndast hjá Birgittu. Líklega fylgist FBI grannt með gangi mála hjá henni.

Það er greinilegt að þjóðin þráði þessa stjórnarmyndun með þriggja manna og 46 atkvæða Samfylkingu heitar en að hafa þennan 8 manna Framsóknarflokk með í spilunum vegna skorts á tiltektum hjá maddömunni.

Guðna Forseta datt þessi stjórnarmöguleiki  í hug væntanlega með tilliti til langrar stjórnmálareynslu sinnar.

Guð blessi Ísland sagði karlinn. Einhverjum gæti dottið í hug að leita til Drottins með blessun ef þessi þjóðarstjórn fæðist. 

Athugasemdir

[Valdimar Samúelsson, 5.12.2016 kl. 10:32]

Guð blessi Iceland.

[Tómas Ibsen Halldórsson, 5.12.2016 kl. 11:29]

Okkur veitir ekkert af Guðs blessunum hverjir svo sem koma til með að fá það hlutverk að stjórna landinu.

[Helgi Jónsson (IP-tala skráð) 5.12.2016 kl. 12:19]

Þið sjallar þekkið það manna best að biðja um Guðs blessunar þegar allt er komið í kalda kol hjá ykkur..:)

[Valdimar Samúelsson, 5.12.2016 kl. 13:00]

Helgi það er eðli mannsins að biðja guð um hjálp þegar allt er komið í óefni. Það er allt núþegar komið í óefni þegar atvinnutölvuhakkarar eru komnir með boltann. Þú veist að bæði Birgitta og mc carthy eru viðriðin mál sem eru á borðum CIA og FBI en það er víst ekki álitshnekkir hér á Íslandi. 

[Tómas Ibsen Halldórsson, 5.12.2016 kl. 15:48]

Það er alltaf gott að leita til Guðs hvort heldur allt er í kalda koli og jafnvel þegar allt leikur í lindi. Það er gott að vera í liði með Guði og hafa Hann í liði með sér í öllum kringumstæðum.

Ég óska ykkur öllum allrar Guðs blessunar.

[Guðbjörg Snót Jónsdóttir (IP-tala skráð) 5.12.2016 kl. 21:37]

Þjóðarstjórnin, já. Þú segir það, Halldór. Þessi Rúvstjórn, sem ég kýs að kalla svo, er ekki stjórnin, sem ég bað um. Það var líka hlægilegt að heyra ofaní Birgittu í fréttunum í kvöld, þegar hún sagði, að það yrði að koma stjórn hér í landinu, sem gæti setið heilt kjörtímabil!!! Það hefði núverandi starfstjórn getað gert, ef stjórnarandstaðan og Rúv hefðu ekki verið svona æst í kosningar í haust. Og svo er það Kata Jakobs, sem talar með tungum tveim og sitt með hvorri, þegar hún í öðru orðinu segist ekki hafa trú á fimmflokkastjórn en er þó að streðast við að taka þátt í slíkum viðræðum. Hvernig er hægt að taka mark á slíkri manneskju? Ég held, að hún ætti heldur að sitja og nota tímann við að analysera bækur Arnaldar og Einars Más heldur en að streða þetta í stjórnmálum, sem hún hefur ekkert í að gera. Það rökréttasta og allra besta í stöðunni væri að láta starfsstjórnina starfa til vors og láta kosningar fara fram aftur þá til að skýra stöðuna, eins og einn greinahöfundurinn benti á í Mogganum í dag. Það yrðu þær kosningar, sem í réttu lagi hefðu átt að fara fram þá. Þá væri Framsóknarflokkurinn líka væntanlega búinn að vinna úr sínum málum og ná vopnum sínum svo, að hann geti fengið fleiri þingmenn en nú. Hins vegar hugsa ég, að Samfó og BF þurrkuðust út af þingi, enda græðir Samfó ekkert á því að vera í þessum stjórnarmyndunarviðræðum, auk þess sem þeir Dagur og Hjálmar hjálpa til við að útrýma flokknum. Ég er heldur ekki viss um, að BF græði mikið á því að klessa sig svona fast upp við Viðreisn, nema þeir gangi fram í þeim kosningum sem ein heild eða kosningabandalag. En það besta væri, að það yrðu kosningar aftur í vor. Þá verða línurnar væntanlega skýrari en núna, og ekki víst, að Píratar hafi eins mikið upp úr krafsinu þá, eins og í haust. Þetta vinstralið er gjörsamlega glötuð samkunda. Hins vegar halda margir, að þessi fimmflokkastjórn verði ekki að veruleika, því að í rauninni er Benedikt að bíða eftir því að fá stjórnarmyndunarumboðið, og er ekki reiðubúinn til neinna samninga við einn eða neinn, ekki einu sinni frænda sinn, fyrr en hann hefur fengið stjórnarmyndunarumboðið sjálfur, því að hann vill sjálfur verða forsætisráðherra, en vill ekki láta Birgittu eða annan færa sér það á silfurfati, heldur verða það í stjórnarmyndunarviðræðum, sem hann stýrði sjálfur. Sjáum bara til, hvað verður, ef og þegar hann fær umboðið. En Rúvstjórnina báðum við kjósendur ekki um, þótt verið sé að reyna að þvinga henni upp á okkur, enda er ég ekki viss um, að þetta gangi um síðir, eða Benedikt verði svo ráðþægur eða viljugur til að semja um eitt eða neitt við neinn, fyrr en hann fer að stjórna umræðunum sjálfur með umboði frá forseta. Það er heila málið.

[Helga Kristjánsdóttir, 6.12.2016 kl. 01:00]

Rétt er þeð Guðbjörg Snót að best væri að bíða til vors að kjósa. Þau sem leiða þessar stjórnartilraun vita að takist það ekki núna er draumur þeirra úti.

[Halldór Jónsson, 6.12.2016 kl. 08:31]

 Þessar kosningar voru aukakosningar RÚV og Austurvallarindjánanna. Réttu kosningarnar eiga að vera í vor. En hvernig á að koma þeim á veit ég ekki.

[Steindór Sigurðsson (IP-tala skráð) 6.12.2016 kl. 13:42]

Er ekki rétt að setja þetta lið á atvinnuleysisbætur þangað til þau fara að vinna. Þá held ég að það yrði ekki mikið mál að mynda ríkisstjór. Það liggur í hlutarins eðli að þeir sem ekki vinna eru á atvinnuleysisbótum.