Fávísar fréttir

voru fluttar í RÚV í kvöld.

Framkvæmdastjóri OXFAM fann það út að þeir ríkustu ættu að eyða minna í ofursnekkjur en gefa fátækum auð sinn. Þvílíkur strumpur!

Kommatittir hafa aldrei skilið hvað peningar eru. Þeir geta ekki skilið það að auður þessara ríku manna er allur bundinn í framleiðslufyrirtækjum sem veita fátæku fólki atvinnu, framleiða lífsbjargir handa hungruðum heimi. Án þessa væri eymdin alger. Engin atvinna, enginn matur, ekki neitt nema hungurdauðinn.Hvað myndi verða ef Samherja yrði breytt í pizzur og gefnar til Afríku handa hungruðum þar? Þær yrðu bara étnar einu sinni og svo ekkert meira.

Ef allur auður þessa fólks væri tekinn og dreift á mannkynið myndi það svelta í hel eftir svo sem eina viku. Þá tækju þeir heimsku öll völd af þessu fólki sem fer með það litla sem til er af viti í heiminum. Eða halda menn að þetta fólk sé svona ríkt af einhverri tilviljun?

Svona fávísar fréttir og hugleiðingar um hvað Íslendingar gætu losnað við í sköttum til að sjá sér farborða eru svo yfirgengilega grunnhyggnar að aðeins RÚV og forstjóri OXFAM geta látið sér detta svona della í hug. 

Það er atvinnustarfsemin, tækin og tólin , sem mannkynið lifir á. Ekki konfektkössum sem væri hægt að að kaupa fyrir peninga Bill Gates og Warrebs Buffets.

Þessar grundvallarstaðreyndir geta fávíst fréttaliðið á RÚV eða almennir kommatittir aldrei skilið.

 

Athugasemdir

[Helga Kristjánsdóttir, 16.1.2017 kl. 21:54]

Almennir kommatittir settu ofaní við mann leyfði maður sér að vinna hratt,þá var eigandinn að græða. Sá mæti eigandi gaf frí þótt verkefnum væru lokið fyrir hefðbundinn vinnutíma.