Enn byggir Dagur

Bergþóruson húsnæði handa hálfu þúsundi af fátæku fólki ef ekki hælisleitendum.

Svo segir í Mogga:

"Norðlingaholti í íbúðarbyggð, þar sem reistar verði 200 íbúðir. Ætla má að meðalfjöldi íbúa á íbúð verði 2,3 og íbúar gætu því orðið allt að 460.

Umhverfis- og skipulagssvið Reykjavíkurborgar heldur opinn kynningarfund um þessa breytingu í dag, þriðjudaginn 31. janúar. Fundurinn er haldinn í Norðlingaskóla og hefst kl. 17.30. 

Í drögum að deiliskipulagsbreytingu sem lýsir fyrirhugaðri uppbyggingu íbúða á svæðinu er skilgreindur nýr byggingarreitur, Elliðabraut. Þar er gert ráð fyrir byggingu 200 íbúða á um þriggja hektara svæði. Húsin verða 3-5 hæðir. Reiturinn er syðst í hverfinu, næst Breiðholtsbraut. Fram kemur í drögunum að breytingartillagan feli í sér óverulega aukningu á byggingarmagni frá því sem ráðgert var. Aukningin nemi fimm þúsund fermetrum. Reikna megi með að atvinnuhúsnæði sem hefði risið á svæðinu hefði að stærstum hluta verið iðnaðarhúsnæði og vörugeymslur (70%) en einnig verslunar- og skrifstofuhúsnæði (30%). 

Mikil uppbygging í hverfinu

Heildardeiliskipulag fyrir Norðlingaholt var unnið árið 2003. Þetta er austasta hverfi borgarinnar og hófst uppbygging þess á árunum 2003-2004. Síðan hefur mikil uppbygging átt sér stað í hverfinu.

 Tilgangurinn með þessari afmörkun atvinnuhúsnæðis á reitnum, sem nú er horfið frá, var meðal annars sá að tryggja nægilega góða hljóðvist í íbúðarbyggðinni, auk þess að tryggja framboð atvinnuhúsnæðis í þessum borgarhluta. »Mat á hljóðvist og mögulegu ónæði frá umferð á Breiðholtsbraut fyrir suðurhluta þessa athafnasvæðis gefa vísbendingar um að ekki sé þörf á að skerma íbúðarbyggðina af með atvinnuhúsnæði ef hljóðvörnum er mætt með öðrum hætti,« segir m.a. í gögnum málsins.(SIC!)

 

Þá segir enn fremur að borgaryfirvöld hafi sett í forgang að fylgja vel eftir húsnæðisstefnu aðalskipulagsins. Hún sé sett í forgang vegna núverandi ástands á húsnæðismarkaði í Reykjavík og höfuðborgarsvæðinu. Leigumarkaður íbúða sé óstöðugur og leiguverð hátt og almennt sé takmarkað framboð á húsnæði á viðráðanlegu verði. Sérstaklega sé mikilvægt að tryggja að félagslegum markmiðum stefnunnar verði náð."

Ekki er að efa að RÚV mun helga Degi sérstaka dagskrá í tilefni þassara stórframkvæmda hans sem koma til viðbótar öðrum byggingaframkvæmdum hans sem hafa verið kynntar frá því fyrir síðustu kosningar. Hátt á þriðja þúsund nýjar íbúðir ef allt er talið?

Þessar byggingar Dags eiga það helst sameiginlegt að rísa inni í framtíðinni sem hallir sumarlandsins þar sem Dagur og þeir sem á hann trúa munu búa langa ævi.