Meiri læti er lausnin?

á stjórnunarvanda Íslendinga

Hörður Torfason hefur það helst til málanna að leggja að efna til uppþota á Austurvelli til að koma fleiri ríkisstjórnum frá. Hann hefur reynsluna. En eru kostunarmennirnir eins fjáðir og þeir voru þá? Í Mogga í dag segir:

"Hörður segir það til marks um gríðarleg átök í íslensku samfélagi að hér hafi verið fjórar ríkisstjórnir á níu árum. „Við felldum þrjár með mótmælum. Sú fjórða féll við afhjúpun á valdakerfinu á Íslandi, sem er mjög athyglisvert,“ segir Hörður Torfason."

Hugsanlega er plötur Harðar farnar að seljast minna en þær gerðu og heyrast sjaldnar. Þetta er kjörinn vettvangur til að glæða spilunina á RÚV til dæmis sem er áreiðanleg áhugasamt um þessar áætlanir Harðar.

Síðar segir í Mogga dagsins:

"Hann segist aðspurður hafa verið byrjaður að skipuleggja útifundi áður en stjórnin féll. „Ég var byrjaður að sækja um leyfi fyrir fundinum í síðustu viku þegar ég kom til landsins. Ég sagði það við vini mína daginn áður en stjórnin féll að hún væri fallin,“ segir Hörður og vísar til þess að stjórnin hafi glatað stuðningnum."

Þessi "útlendingur" er greinilega á eftir því að fella ríkisstjórn Íslendinga hver svo sem hún verður. Að því að séð verður ekki hvað síst í eiginhagsmunaskyni.

Eru meiri læti það sem okkur vantar akkúrat núna?

 

Athugasemdir

[Eðvarð Lárus Árnason (IP-tala skráð) 20.9.2017 kl. 14:51]

Hver er ástæðan fyrir glundroðanum í stjórnmálum og almennt í þjóðfélaginu ?  Til að greina ástæður þarf kanski að líta um öxl til fyrri tíma.  

Sýndi alþingi agaðri vinnubrögð og naut meiri virðingar áður fyrr. Var alþingi áður skipað hugsjónarfólki ?  

Gæti verið að áður  hafi ríkt meiri  agi og virðing hjá okkur fyrir okkar eigin þjóðarsál.   Alþingi er það fólk sem kjörið er hverju sinni, Hefur það sýnt fram á öguð vinnubrögð sem þjóðin hefur getað borið virðingu fyrir ?  

Sagt er að eftir höfðinu dansi limirnir.  Á meðan þjóðinni auðnast ekki að fá alþingi sem skilar til þjóðarinnar öguðum og réttsýnum vinnubrögðum Verður ekki bóta að vænta.

[Halldór Jónsson, 20.9.2017 kl. 20:46]

Gerðu þá eitthvað til þess að efla Sjálfstæðisflokkinn Eddi, hættu að kjósa glundroðaflokkana