Leita í fréttum mbl.is

Allan sparnað útlægan

með því að útrýma verðtryggingu og afnema vexti.

Það er krafan sem gapir framan í vegfarendur af veggspjöldum vinstri villinganna, Viðreisnar, VG og Samfylkingar.(Það tekur því ekki að nefna Pírata sem alvöru stjórnmálaflokk).

Þessir aðilar virðast ekki geta hugsað öðruvísi en í lánsfé.Þeir virðast ekki geta gert sér grein fyrir að eigið fé kunni að vera til eða geta verið möguleiki. Þeir geta þá ekki heldur gert sér grein fyrir að sparnaður geti verið til. Þeir gera sér ekki grein fyrir því að sparifé kunni að geta verið til. Allavega virðist þeim vera algerlega sama um það fólk sem vill leggja fyrir en ekki eyða og skulda allt sem það getur. Þetta eru því sóunar-og eyðingaröfl. Fólk sem ekki getur hugsað öðruvísi en í sukki, sóun og fyrirhyggjuleysi.

Og af því leiðir endalaus kröfugerð til allra nema sjálfra sín. Sem grannt skoða er auðvitað eðli sósíalismans en hann er sá að ræna Pétur til að borga Páli. Skattleggja aðra og eyða sjálfur.

Enginn íslenskur stjórnmálamaður hefur talað um að verðtrygging gæti verið æskileg fyrir sparendur. Enginn þeirra hefur samúð með öldruðum sem eiga einhverja aura á sparibókinni sinni. Þeir leggja fullan fjármagnstekjuskatt á þá lágu vexti sem bankinn greiðir þannig að ekkert er örugglega eftir af ávöxtun.

Aðeins stjórnarfar síðustu ára og lág verðbólga hefur bjargað þessu fólki frá stórtjóni. Allt það mun taka enda í næstu kjarasamningum þegar "samið"  verður um sjálfsmorð krónunnar og verðbólgan sett í tuga prósentur. Þá verður gamla fólkið rænt enn einu sinni þar sem bankar hafa samráð um að gefa ekki kost á verðtryggingu sparifjár nema til þriggja ára. Það gefur auga leið hversu fús sá gamlingi er til slíks sem er kominn fram yfir meðalævilíkur.

Áberandi er hversu íslenskir stjórnmálamenn eru hræsnisfullir gagnvart öldruðum þegar þeir hreyfa ekki legg né lið til þess að siða bankana til í þessum efnum þegar það er skoðað að ríkið á bankana flesta.  

Það er lágmarkstillitssemi við almenning að bankar geti gefið þeim sem geta geymt einhverjar krónur milli mánaða kost á að hafa verðtryggingu á bókinni sinni þó svo að engir vextir væru greiddir og þá heldur ekki fjármagnstekjuskattur af verðtryggingu eins og tíðkast hefur.

Ekki einu sinni Vilhjálmur Bjarnason hefur tekið afstöðu til svona sjálfsagðra hluta. Ætlar hann að vera í þeim söfnuði sem vill allan sparnað útlægan?

 


« Síðasta færsla | Næsta færsla »

Athugasemdir

1 Smámynd: Jónas Gunnlaugsson

Blogg:  Halldór Jónsson    Allan sparnað útlægan

http://halldorjonsson.blog.is/blog/halldorjonsson/entry/2204913/

Ég var að lesa um verðtrygginguna hjá Halldóri Jónssyni verkfræðingi, og fór að hugleiða málefnið.

Ég vil að sjálfsögðu að aðilar geti lagað umhverfi sitt, safnað í sjóð, líka, peninga sjóð, og þess vegna eignum, það er að búa vel um sig og náungann,

Vera útsjónarsamir, og duglegir, samlegðin, hugmyndirnar og framkvæmdasemin, sú, eða sá sem málar mynd af æskilegum framtíðar lausnum, og sú eða sá sem hafa framkvæmda viljann, að ógleymdum þeim sem samræma og reyna að gera sér grein fyrir hvað muni reynast vel.

000

Við verðum að muna að peningur er ekki sá peningur sem við héldum.

Athuga nautpeningur, hvernig varð orðið peningur til?

Peningur er bókhald, og ekki er gott að bókhaldið, gildi bókhaldstölunnar, sé á reyki.

Þegar við höfum verðtryggingu, þá á til dæmis hagstofan að reikna út verðtrygginguna, og það á að vera sama verðtryggingin á innlánum og útlánum.

Lán, sem ekki er lán, sem er bókhald, til uppbyggingar heimila, á að vera á núll, 0 % vöxtum, og til 40 ára, og ekkert er því til fyrirstöðu að Byggingasjóður Ríkisins, eigi alltaf 50% í heimilunum.

Umsýslan verður 0,0 eitthvað % og má ekki vera of há, umfram þörf.

Bæði umsýslan, og 1% til ríkisins, eru aðeins, leyfðir skapaðir peningar, bókhald, vegna sköpunar á þessu fasteigna, og innviða peninga bókhaldi.

Núverandi reglur eru oft á þá leið að einhver, eða bankinn sjálfur, leggur inn miljarð, og má þá skapa 10 miljarða fyrir sjálfan sig og lána það sem peningabókhald til að byggja fasteignir.

Við vitum að bankinn vill helst ekki fá peningabókhaldið aftur, það er endurgreiðslu, því að þá fær bankinn aðeins skrifaða tölu sem er ekkert, aðeins bókhald.

Fjármálafyrirtækið, bankinn, vill fá verðmætin, fasteignirnar sem þú byggðir og þá skoðum við KREPPUFLÉTTUNA.

Kreppufléttan, endurtekið

Auka húsnæði, til dæmis 10 % er bara betra, og sé það nýtt í ferðaþjónustu, og ef þarf að flytja fólk um set vegna náttúruhamfara.

Hlutfall aukahúsnæðis þarf að vera hærra út um landið, í fólksfærri byggðunum.

Fólksfærri byggðirnar þurfa að geta tekið við fólkinu úr fjölmennu byggðunum, ef það koma náttúruhamfarir þar.

Það kemur vel út í ferðaþjónustunni.

Greiðsla af húsnæðinu sé hlutfall af launum.

Alltaf þarf að vera endurskoðun í gangi, enn als ekki að breyta, nema að það sé skinsamlegt.

000

Við höfum alveg sama háttinn á um fyrirtækin,

000          

Að sjálfsögðu þarf að hyggja að gjaldeyris tekjunum, til að við getum fengið það sem við þurfum frá útlandinu.

Við verðum að skoða þessi mál stanslaust, því að við reynum alltaf að spila á reglurnar.

Við verðum að láta ríkið, þjóðina eiga skrifað bókhald.

Eitt %, 1% af sköpuðu bókhaldi, færi beint til innviða uppbyggingar, og reksturs ríkisins, það gæti verið minna, ég er ekki búinn að athuga hvað mikið af bókhaldi, það er peningum, gjaldmiðlinum, er búið til á hverju ári.

Við gerum þetta þannig að við aðlögum reglurnar að reynslunni jafn óðum.

Allir reiknishausar, og allir sem vilja setja sig inn í málefnið, hafi aðgang að þessum einföldu reglum, þannig að við fáum betri umhugsun um hvað gæti reynst best.

Það þarf að vera æskilegt að laga og bæta og láta allt virka sem best.

Best er að hinar ýmsu einingar, heimili, fyrirtæki, bæjarfélög, landshlutar og landið, séu öll með sjálfbærni, það er að allt efni gangi í hring, og þá engin mengun, út í umhverfið.

Að vísu verðum við að muna að það sem við köllum mengun, er áburður fyrir græna gróðurinn, og jafnvel laga lífverurnar sig að skólpinu, ef það er stöðugt.

Ýmis efni eru óæskileg, sumstaðar.

Gas kemur upp um sprungur í hafsbotninum, og þar skapast lífveru heimur, sem lifir á gasinu.

Það er ekki gáfulegt að skíta í bælið sitt.

Egilsstaðir,  22.10.2017  Jónas Gunnlaugsson

Jónas Gunnlaugsson, 22.10.2017 kl. 23:08

2 Smámynd: Jón Valur Jensson

Þorsteinn ráðherra (ennþá) Víglundsson gerðist svo djarfur í gær að fullyrða* (með meintan reikningshaus Benedikt Jóhannesson við sama borð!) "að fjögurra manna fjölskylda með 20 milljón króna húsnæðismál [les: lán] gæti sparað sér á bilinu 150-170 þúsund krónur á mánuði í útgjöld ef vaxtakostnaður væri með sambærilegum hætti og í Svíþjóð, Danmörku og Finnlandi."

Þvílíkar ýkjur!

Ég skulda tæpl. 10,27 millj. Íbúðalánasjóðs-lán með 5% vöxtum, verðtryggt (án verðbóta eru eftirstöðvar nafnverðsins 8.448.221 kr.). Þar var mánaðarleg afborgun vaxta 35.265 kr. 1. okt. sl., afborgun verðbóta 3.306 kr. og verðbætur vegna vaxta 7.597 kr., samtals 46.268 kr. Miðað við það myndi sambærilegt 20 millj. kr. lán kosta 89.900 kr. í vexti og verðbætur á mánuði, en Þorsteinn fer langt í að tvöfalda þá tölu! Svo getur hann ekki lofað neinu fólki lánum með 0% vöxtum** og samt án verðtryggingar. Greinilega skrökvar hann langtum meira en tvöfalt maðurinn.

Ætli hann geri þetta daglega og í fleiri ræðum sínum og greinum? En allt á þetta að þjóna þeim áróðri "Viðreisnar", að það sé "krónan" sem kosti okkur þessar upplognu fjárhæðir, og sá málflutningur á svo að hjálpa til að narra þjóðina inn í valdfrekt Evrópusambandið þar sem við hefðum ekki lengur sjálfsákvörðunarrétt yfir okkar eigin málum, en lög ESB fengju allan forgang og yrðu æðst ráðandi !

Þetta er, svo að ég endi þetta með ályktun, raunalegt dæmi um örvæntingarfullan lygaáróður Viðreisnar fyrir þessar kosningar.


* http://www.visir.is/g/2017171029730/bjoda-kjosendum-ad-reikna-ut-hvad-kronan-kostar-tha

** 0% vextir í sumum ESB-löndum koma ekki til af góðu: verið er að reyna að láta atvinnulífið hjarna við, ólíkt uppganginum sem verið hefur hér á landi á síðustu árum.

Jón Valur Jensson, 23.10.2017 kl. 03:35

3 Smámynd: Halldór Egill Guðnason

Hveenig í ósköpunum stendur á því að mbl.is slengir því á forsíðu sína, án þess að sannreyna, að meðalsparnaður hérlendra fjölskyldna sé 150.000.- á mánuði, ef við göngum í ESB.? 

Er allur metnaður blaðamanna horfinn? Starfa eintóm fífl á mbl.is?

Halldór Egill Guðnason, 23.10.2017 kl. 04:56

4 Smámynd: Halldór Jónsson

Svo sleppir Þorsteinn alltaf þeirri staðreynd að hann er að tala um erlent lán, lán í evrum  sem margir fóru nú illa út úr í hruninu. Hann sleppir að vara fólk við því hvað ef gengisfall verður. Hver verður afborgunin þá?

Allt þetta tal evruspekinganna og ESB sinnanna er byggt á þeim sandi að þú verður að vera búinn að skipta öllu í evruna. Og hvaða gengi er þá nota?

Þetta er því miður ekki raunhæft tal hjá þeim í Viðreisn, þetta er ekki framkvæmanlegt á raunhæfan hátt eins og er og þetta tal þeirra er bara villandi. Það þyrfti svo margt að breytast ef ætti að skipta öllu yfir að ég sé ekki að það sé framkvæmanlegt. Enda hver vill fá hér evrópusambands atvinnuleysi frekar en það sem við höfum í dag?

Og dæmið þitt Jón Valur flettir ofan af málflutningi Þorsteins og sýnir að hann fer ekki með rétt mál

Halldór Jónsson, 23.10.2017 kl. 07:30

5 Smámynd: Gunnar Heiðarsson

Verðtrygging eða vextir þurfa ekkert að breytast þó tekin verði upp evra. Verðtrygging er leyfð í evrulöndum, þó engum detti til hugar að taka hana þar upp vegna húsnæðislána. Vextir evrulanda eru mismunandi, eftir því hvernig gengur með hagkerfi hvers þeirra fyrir sig. Ástæða þess að vextir flestra þessara ríkja eru nánast við núllið og sumstaðar undir því núna, er að í þessum ríkjum er lítill sem enginn hagvöxtur, sumum þeirra samdráttur.

Það er því algert bull að halda því fram að innganga í ESB og upptaka evru muni einhverju breyta hér á landi, varðandi lán fyrir húsakaupum.

Varðandi pistil þinn Halldór, um að afnám verðtryggingar á húsnæðislán muni gera sparnað útlægan, þá ættir þú að skoða reiknivélar bankanna. Annars vegar getur þú reiknað hvað bankinn innheimtir af 20 milljóna verðtryggðu húsnæðisláni til 40 ára og hins vegar hvað bankinn er tilbúin að greiða þér mikið fyrir að geyma 20 milljónir á verðtryggðum reikningi í jafn langan tíma. Þar kemur skýrt fram að verðtrygging innlána er allt önnur en verðtrygging útlána. Reyndar gætir þú einnig látið þessa reiknivél reikna út fyrir þig hvað bankinn myndi borga þér mikið fyrir að geyma fyrir þig þessa sömu upphæð í jafn langan tíma, á óverðtryggðum reikningi. Niðurstaðan er nokkuð merkileg!

Það er varla til öruggari fjárfesting en í íbúðarhúsnæði og tryggara veð vandfundið. Af þeirri ástæðu eru lán til kaupa slíks húsnæðis yfirleitt með mun lægri vöxtum en önnur lán, nema hér á Íslandi. Verðtrygging slíkra lána þekkist ekki, nema hér á landi og hvergi á byggðu bóli þekkist verðtrygging lána með himinháum vöxtum, nema á Íslandi! Jafnvel okurlán Mafíunnar blikna í samanburðinum!

Gunnar Heiðarsson, 23.10.2017 kl. 08:18

6 Smámynd: Halldór Jónsson

Auk þú leti mína Gunnar og hver er niðurstaðan?

Ég var ekki að halda því fram að sparnaður yrðu útlægur ef verðtrygging færi af. ég er að biðja um að fólk geit lagt inn á verðtryggða skammtíma reikninga bara til þess að vernda höfuðstóla.Fólk á að geta valið um verðtryggð og óvertryggð lán. Galliner 3.5 % krafa lóifeyrissjóðanna sem heldur þessu svona háu. Lífeyrssjóðir ættu að lána út verðtryggt en með kannski 1 % vöxtum en ekki 3.5% plús 1.5 % eins og er,

Það sem ég er að segja að pólitíkin er föst í því að reikna allt út frá að allt sé tekið að láni, allir grenja um lækkun vaxta en enginn hugsar um aumingja sparandann sem á að sæta eignaupptöku, geta ekki geymt peninginn sinn.

Halldór Jónsson, 23.10.2017 kl. 14:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 4
  • Sl. sólarhring: 8
  • Sl. viku: 51
  • Frá upphafi: 3417959

Annað

  • Innlit í dag: 4
  • Innlit sl. viku: 48
  • Gestir í dag: 4
  • IP-tölur í dag: 4

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband