Vefarar keisarans !

Ég horfði á viðtal Egil Helgasonar við Skotana 2,  sem eru höfundar að Vatnsmýrartillögunni sem Hanna Birna var svo dolfallin yfir í sjónvarpinu á dögunum.

Mér fannst þeir boða nýja byggð í Vatnsmýri, sem nokkurskonar "Endlösung der Judenfrage". Endalok útþenslu borgarinnar, sem hefur verið að þenjast út til allra átta síðan ég man eftir mér fyrst og bærinn endaði í Sogamýri.   Sama Mene Tekel Kvosarspekingarnir hafa þulið æ oní æ.  Allt verður gott ef 15.000 manns flytja á flugvallarsvæðið og hjóla oní Kvos að fá sér einn kaldann.

Ekki stóð á Hönnu Birnu að lofsyngja glitvefnað Skotanna. Hún tók andköf í hrifningu yfir þessum teikningum öllum. Vissulega fallegum og gerðum úr besta hýjalíni og tölvukúnst, glitskýjum og speglunum í glergluggum húsanna á vorkvöldum í Reykjavík. Jafnvel seglbátar brunuðu á Tjörninni í logninu sem alltaf er í Reykjavík.

Síðan í byrjun janúar hef ég ekki vaknað einn einasta dag þar sem  hjólandi var um götur höfuðborgarsvæðisins.  Hvað þá að mig hafi langað í spásséritúr út á næstu biðstöð frístrætós. Það hefur hinsvegar verið Fokkerflogið yfir Kópavog flesta daga stundvíslega fyrir átta á morgnana meðan ég er að skafa klakann af einkabílnum. Besta vininn  sem maður á í svartnættinu á köldum skammdegismorgnum og treystir á til að koma sér í vinnuna heilum á húfi, börnunum í leikskólann osfrv. osfrv. Í Guðs bænum hættið þessum formælingum á einkabílnum. Hann er þarfasti þjónninn á hagvaxtaröld.  

 Og svo er það formúlan um vexti sem allir vefarar keisarans minnast ekki á. (1+r)^n x mannfjöldinn í dag.

Margfaldist og uppfyllið jörðina sagði Drottinn allsherjar. Með ca. 2 % fjölgun borgarbúa í 5 ár þá er Vatnsmýrin full eftir 5 ár.  Eru þá  fleiri  óbyggð svæði ? Laugardalurinn ? Hljómskálagarðurinn ? Kirkjugarðarnir ?

Hvert eiga þeir að fara sem fæðast eftir 5 ár ?  Og hvaðan eiga þeir að fljúga ?

Frá  Reykjanesbæ ?  

O santa simplicita sagði Bruno á bálinu. Og aðeins barnið sagði: Keisarinn er ekki í neinu !

 

Athugasemdir

[Predikarinn - Cacoethes scribendi , 25.2.2008 kl. 00:11]

Heill þér Ólafur F. og flugvallarvinum.

Millilandaflug frá Reykjavíkurflugvelli fyrir okkur smælingjana, ekki bar pappírstígrana á einkaþotunum.

Auk þess legg ég til að leggja breytingartillögur um aflagðan Reykjavíkurflugvöll í eyði.

[Magnús Þór Hafsteinsson, 25.2.2008 kl. 17:39]

Sæll Halldór

Fyrsta færsla mín á bloggi á eyjan.is er tileinkað nýlegri hugmynd þinni:

http://magnusthor.eyjan.is/2008/02/jaratkvi-um-forseta-og-flugvll.html

[Sturla Snorrason, 25.2.2008 kl. 21:04]

Sæll Halldór

Val Hönnu Birnu og Co. á tillögu skotanna var okkar happa tilaga, því hún er svo ljót að hún gerir ekki annað en að rýra hennar málstað. Það sést best á könnun hjá Mörtu bloggvinkonu minni, sem er gerð þegar kynning á Vatnsmýrasamkeppninni stendur sem hæðst, um 60% vilja hafa flugvöllinn og Marta er enginn flugvallasinni.

Samgönguráðuneytið verður að kaupa HR lóðina og það strax, Þetta er framtíðar staður fyrir flugstöð. Það ætti ekki að vera erfitt þar sem HR liðið er í gríðarlega vondum málum með þennan skóla, þessi bygging er mjög flókin og alltof dýr, svo verður það dýrkeypt að bíða eftir Öskjuhlíðargöngum og öðrum samgöngubótum. Það er hætt við að kennarar og nemendur leiti eitthvað annað.

Samgönguráðuneytið á að stuðla að uppbyggingu í miðri borg. 

[Valur Stefánsson, 26.2.2008 kl. 21:46]

Sammála þér Dóri og Sturla þessi vinnings tillaga er þvílík snilld og þessi stóra tjörn sem er nú á hæsta punkti Vatnsmýrarinnar.  Þessi skotar eru bara snillingar. 

Og Snorri þú kemur með það sem við Halldór höfum verið að ræða varðandi kaup á HR lóðinni áður enn skaðinn verður of mikill fyrir skólann.