"Bara að hann Davíð væri kominn aftur "

Mér finnst að það sé í raun og veru ekkert að gerast í þjóðfélaginu nema kjaftæði. Það er ekkert verið að gera í því að hjálpa fólkinu á lappirnar.  Það er ekkert að gerast í atvinnumálunum. Atvinnuleysið er að aukast og landflóttinn líka.

 Það er ekkert að gerast í bankamálunum nema það  að rukka inn gamlar skuldir almennings. Jú og selja gömlu þrjótunum aftur tapaðar eigur á spottprís, afskrifa á stórlaxana en bjóða upp húsið hjá Jóni og Gunnu. Ekkert gegnsæi heldur baktjaldamakk sem  sagt er að almenningi komi ekki við. Bankaleynd , bankaleynd ! Svo er hrópað ef spurt er um misferlið. Persónuvernd bannar að komið sé upp um olíusvindlara. Persónuvernd eyðilagði líka DeCode sem núr er komið á hausinn og ómetanlegt vísindatækifæri farið í vaskinn vegna fíflaháttar.

Það er enga atvinnu að hafa því öll fyrirtæki, sem ekki eru orðin ríkisfyrirtæki vegna skulda, leggja ekki í að gera neitt. Enginn tekur lán því það er ekkert arðgæft verkefni í augsýn því enginn getur keypt neitt. Þetta geta kommatittirnir  ekki skilið. Fólk sem ekki getur fengið vinnu kaupir ekki neitt né heldur getur borgað Indriðagjöldin. Því það er enginn markaður. Það er bara vonleysið eitt framundan.

Stórhækkun skatta á minnkandi atvinnutekjur. Fjárhagsleg framtíð þjóðarinnar biksvört og vonlaus með Icesave sem ríkisstjórnin ætlar að hella yfir okkur. Sjávarútvegurinn gengur vel sem betur fer. Til landsins er enga atvinnu að hafa. "Grimsbylýðurinn" eins og Framsóknarmenn kölluðu Reykvíkinga í gamla daga,  hefur ekkert. Það eru bara fluttir inn Kínverjar til að vinna við Tónlistarhúsið sem átti að bæta atvinnuástandið. Og verður verra, miklu verra á næstu mánuðum með þessa aumingja við stjórn.

Ríkisstjórnin rífst innbyrðis um stórframkvæmdir. Helmingurinn segist vilja greiða götuna, hinn helmingurinn berst um á hæl og hnakka til að hindra þær. Svona er vinstri stjórn alltaf. Endar með því að koma engu í framkvæmd vegna rifrildis. Úrræða-og forystulaus hjörð sem kjaftar um samráð og gegnsæi en gerir allt öfugt við það. Sannið þið til, þó svo að farið væri í stórframkvæmdir,  þá verður flutt inn vinnuafl frá öllum óþjóðum í stað þess að láta okkar fólk ganga fyrir. Það getum við þakkað krötunum þegar þar að kemur og öllu EES kjaftæðinu, til viðbótar Icesave.

Maður heyrir fólk andvarpa: "Bara að hann Davíð væri kominn aftur ! Þá myndi kannski eitthvað gerast".

Athugasemdir

[hilmar jónsson, 24.11.2009 kl. 22:36]

Þú vilt sem sagt að maðurinn sem hannaði "kjaftæðið " eins og þú orðar það, fái aukið svigrúm til að bæta í pottinn ?

[Óskar Helgi Helgason (IP-tala skráð) 24.11.2009 kl. 22:43]

Heill og sæll Halldór - sem og, aðrir hér á síðu !

Tek undir; með Hilmari. 

Það væri svona álíka; að fá Sunn- Mýlzka flónið, Davíð Oddsson aftur að valdastólum, eins og að þeir Zimbabwe menn kysu Mugabe gamla yfir sig - næstu áratugina.

Hins vegar; verðum við, að losna við þau óhræsis skemmdar hjú, Jóhönnu og Steingrím, eigi að verða möguleiki á, að finna dugandi fólk, utan úr atvinnulífinu - til lands og sjávar, til þess að taka við, og bjarga því, sem mögulegt væri.

Með beztu kveðjum; úr Árnesþingi /

Óskar Helgi Helgason

 

[Einar Guðjónsson, 25.11.2009 kl. 00:22]

Góðærið á Davíðstímanum byggðist á því að stela innlánsfé í Evrópu, ýmist beint eða óbeint ( skuldabréfaútgáfa bankanna ) með þýfinu var greitt gott kaup og miklir skattar sem enginn fótur var fyrir.

Ef rauntölurnar voru skoðaðar þá var enginn fótur fyrir þessu því við vorum alltaf 30 % latari en næstu þjóðir, illa skipulögð og að auki að burðast með kostnaðarsama spillingu. Hver heldurðu að hafi þanið hér út ríkiskerfið með kunningjaráðningum ?? Auðvitað Davíð. Það er löngu vitað að fólk fer en hið s.k. þjófnaðar góðæri hægði bara þá þróun. 

[Arinbjörn Kúld, 25.11.2009 kl. 00:47]

Sona sona, þetta kemur allt saman, tiltektin eftir sjálfstæðisflokkinn, framsókn og samfylkingu tekur sinn tíma. Hins vegar eru þessari stjórn mislagðar hendur og hún virðist ekki ætla að hafa burði til að framkvæma allt það sem lagt var upp með. Davíð í staðin? Nei takk. Hvað þá? Hef ekki hugmynd, nema kannski byltingu fólksins???

Kveðja að norðan.

[DoctorE (IP-tala skráð) 25.11.2009 kl. 07:57]

Fjarlægðin getir fjöllin blá..

[Halldór Jónsson, 25.11.2009 kl. 08:03]

Kæru kommatittir og aðrir áhugamenn!

Ég hef ekkert annað en eyrun og niðurstöður úr skoðanakönnunum, meðal annar þessari hér til hliðar á síðunni.  Ég skil ekkert í ykkkur að stöðva ekki þessa framsókn Davíðs hér á síðunni.

 Hvaða fólk skyldi þetta vera sem er að greiða atkvæði? Bara almenningur?