Bankasýsla Ríkisins

er rúín trausti, líklega að mati Steingríms J.sjálfs sem stofnaði hana og stjórnar. Eftir teppistöku stjórnarinnar og umækjandans Páls harmar Steingrímur að niðurstaða fundarins hafi orðið afsögn stjórnarinnar í heilu lagi og Páll tilkynnir svo líka að hann vilji ekki stöðuna.

Nú ríður á segir Steingrímur að endurreisa traust Bankasýslunnar sinnar, en fyrri forstjóri flæmdist frá við lítinn orðstír næstliðið.

Mikið lifandis er ég feginn að það eigi að endurreisa traust mitt á þessari stofnun. Ég var hérumbil búinn að tapa allri tiltrú á ágæti stofnunarinnar.En nú hefst endurreisnin og ég mun vonandi biðja fyrir stofnuninni og Steingrími á hverjum morgni. En harmar Steingríms hafa gengið mér næst hjarta. Ekki hvað minnst þegar hann Steingrímur harmaði þau örlög Geirs Haarde að lenda í gálga Landsdómsins sem hann gat með engu móti hindrað. Sagt er líka að Fálkinn gráti þegar hann rífur hjartað úr rjúpunni því hún sé (flokks)systir hans.

Þetta bankaævintýri Steingríms er orðið svo stórkostlegt að hálfa væri nóg. SpKef, BYR, Aríon banki, Landsbankinn sem bráðum fara að lána horuum almenningi fyrir nýjum húsum. Ja við værum illa komin án fjármálasnilldar Steingríms sem veit ekki með vinstri hendi hvað hann gerði með hægri. Hann veit til dæmis ekkert hverjir eiga Aríom Banka eða Íslandsbanka, þar hefur markaðurinn sem hann elskar leyst öll mál fyrir hann.

Mikli Steingrímur! Mikil og óræð er viska þín og vegir þínir órannsakanlegir um refilstigu fjármálanna og musteri Mammons. ESB brosir og breiðir oss öllum faðminn mót.

Við bíðum í ofvæni eftir því hvernig þú munt leiða VG útúr eyðimörkinni á landsfundinum um næstu helgi þegar Hjöleifur og árar hans sækja að þér með svikabrígslum. Þú ert hinn mikli Móses sem leiðir lýð þinn útúr eyðimörkinni. Þá muni blindir fá sýn og haltir ganga og jafnvel Lilja Mósesar mun falla fram og tilbiðja þig þegar hún hefur séð ljós þíns hjálpræðis í Bankasýslu Ríkisins.

Amen

Og guðinn Schengen

brást ekki í ránsmálinu. Það kom á daginn að ræningjarnir höfðu bara pillað sig úr landi þegar þeir voru búnir að ræna. Tóku líklega síðdegisvélina undir nefinu á löggunni sem hafði ekki hugmynd um hverjir fóru né hverjir komu.

 Svo segir í fréttum:

"Hörður Jóhannesson hjá lögreglunni á höfuðborgarsvæðinu og Jón H. B. Snorrason kynntu þetta á blaðamannafundi. Allir þeir sem tengjast ráninu er pólskir ríkisborgarar. Vitað er hverjir ræningjarnir eru og eru þeir eftirlýstir.

Enginn þessara fjögurra manna hefur búið hérlendis. Þeir komu hingað í þeim tilgangi að fremja ránið.... 

. 

....Maðurinn með bakpokann, sem sást á myndum sem lögregla dreifði, er einn mannanna."

 

Tölum endilega ekki um nauðsyn á vegabréfaeftirliti. Tölum endilega ekki um að hingað komi glæpamenn í þeim eina tilgangi að starfa. Það má ekki tortyggja neinn.

Lifi heimskan og heimóttarskapurinn. Gerum allt nema að beita skynseminni og trúum á vísdóm og visku Steingríms og Ögmundar..

Og guðinn Schengen

Hvar eru hinir staddir?

ef þeir áhrifamestu eru svona?

Á bloggi Páls Vilhjálssonar er þetta:

"Eftirfarandi orð Gylfa (Arnbjörnssonar forseta ASÍ)ætti að ramma inn fyrir komandi kynslóðir til að minnast þess að menn með mannaforráð á tímum hruns voru sérstakrar gerðar.

Við eigum ekki að láta skammtíma vanda evru, dollars og jens villa okkur sýn, evran er í fyrsta lagi eins og klettur í hafinu borið saman við þá krónu sem við búum við og í öðru lagi er vandi dollarsins enn meiri en evrunnar þar sem viðskiptahalli og halli á fjárlögum er töluvert meiri en í Evrópu.

Í einni af fjölmörgum ferðum forystu ASÍ til Brussel varð dómgreindin eftir og hefur ekki skilað sér heim enda enginn saknað hennar."

Hvernig getur staðið á því að menn heyra hvorki né sjá í kringum sig? Hvað er að? Hvar er almenningur staddur þegar forystumennirnir hugsa svona? Er nokkur von fyrir þetta land?

Af hverju má ekki ræða um Schengen?

og áhrif óheftstflæði glæpamanna til landsins þegar  talað er um glæpi á Íslandi og hvað ´se hægt að gera í þeim?

Jakob, sem áður var í "Stuðmönnum", nú miðborgarstjóri í litlu stuði  segir:

"Síðan erum við búin að óska sérstaklega eftir því að það verði búin til einhvers konar sérstök viðbragðsáætlun við því sem að gerist fyrsta janúar þegar undanþágum Schengen-samkomulagsins þegar þær renna út. Þá opnast gáttirnar fyrir tveimur meginvöggum óaldalýðs og glæpagengja,“ sagði Jakob í viðtali við Fréttastofu RÚV.

Þekkt og skæð glæpagengi
Jakob segist þarna eiga við þekkt og skæð glæpagengi frá Rúmeníu og Búlgaríu. Hann segist sannfærður um að þeir sem framið hafi ránið séu ekki héðan, fagleg vinnubrögð sem þessi þekkist ekki í öðrum ránum á Íslandi. Kaupmenn krefjist því aukinnar löggæslu. 

„Fyrsta króna skattgreiðandans hefur alltaf verið hugsuð og á að vera hugsuð í að verja hann innrásum og árásum. Þá er forgangsröðunin ekki í lagi ef öryggistilfinningin er ekki til staðar,“

 

Það er alveg sama þó maður sé að rayna að impra á vegabréfaleysinu, manni er mætt með þögninni. Þetta eru eins og einhverjar launhelgar, að tala um Schengen. Omerta, þagnarskylda um leyndardóminn eins og hjá Mafíunni.

 Er löggan á móti minnkun viðfangsefna af því að þá minnkar yfirvinnan? Er hagvöxtur fólginn í meiri glæpum? Rúðubísness, spítalar, aukin sala í varnigi eftir þvi sem meira er stolið? Meira dóp, meiri velta, meira fjör?

Kemur maður ekki auga á ástæðuna? Eða er öllum sama ? Þessu verður ekki breytt? Þetta er eins og veðrið eða önnur náttúrulögmál? Velkomnir hingað allir þér sem hvergi eigið höfði yðar að halla og hungrar og þyrstir?

Af hverju má ekki tala um þetta Schengen mál? 

 

Blóðfórn á fundi Samfylkingar!

þegar töfralæknir dansaði stríðdans og rauð blóði á ræðupúltið úr kjúklingi sem hann sleit hausinn af fyrir framan áhorfendur.

Skyldi þessi gerningur styrkja Samfylkinguna og Jóhanna á vegferðinni til ESB? Veitir af að styrkja hugsjónina með töfrum og Wúdú?

Blóð og eldur er kjörorð Hjálpræðishersins. Skyldi Steingrímur toppa þetta með brennifórn á landsfundi VG á næstunni?

Áfram með Schengen!

virðist vera grunnstefna ríkisstjórnarinnar á hverju sem gengur í Bankasýslunni, þar sem Steingrímur stýrði með beinum hætti á fundum með stjórn og nýráðnum manni.

Þetta sendur í Mogga:

...."Lögreglan á höfuðborgarsvæðinu vinnur að viðamikilli rannsókn á þjófnaði úr verslunum. Í gær var verið að yfirheyra fólk og húsleitir gerðar til að leita að þýfi.
Rannsóknin beinist að erlendum aðilum, samkvæmt upplýsingum Morgunblaðsins, vegna gruns um skipulegan og mjög umfangsmikinn þjófnað úr verslunum.
Málið kom upp fyrir helgi og hefur verið unnið að rannsókn þess síðan. Lögreglan gat engar upplýsingar gefið um málið í gærkvöldi, rannsóknin var sögð á viðkvæmu stigi."

Þetta kemur ofaná ránið hjá Michelsen.

Um áramótin opnast allar flóðgáttir fyrir búlgarska og rúmenska þjófa, sígauna og allt það góðgæti sem Schengen færir okkur úr þeirri átt til viðbótar.

Ekkert af þessu er óafstýranlegt. Það er hægt að setja á vegabréfaskyldu á morgun ef vilji væri til. En þessi ríkisstjórn er upptekin af bankasýslunni og kveðja fimm Íslendinga á dag sem flytja úr landi. Um áramótin getur hún snúið fólksjöfnuðinum við með að galopna landamærin til austurs á sama tíma er hún að keyra niður allt bjargræði í landinu sem veldur því að þeir þróttmestu flýja land. .Annað kemst ekki að hjá hinni norrænu velferðarstjórn.

Áfram með Schengen!

Jón Ólafsson Bravó!

segi ég eftir að hlusta á þennan afburða snjalla athafnamann lýsa vatnsævintýrnu sem hann er búinn að töfra fram í Þorlákshöfn. Þessi strákur, sem var kallaður Jón Bæjó í Keflavík og þótti ekki merkilegur, Jón í Skífunni seinna , Bylgjunni, Norðurljósum,Orca hópnum, maður sem átti allstaðar á brattann að sækja hjá þeim fínu og Hannesi Hólmsteini líka. Hann gerði það! Hann gerði það sem allir aðrir höfðu klikkað á. Hann seldi vatnið. Jón Ólafsson af öllum mönnum. Hann gerði það!

Það var ævintýri að hlusta á Jón svona hógværan og prúðan lýsa því að munurinn að honum og hinum væri sá að þeir feðgarnir væru sjálfir í þessu af lífi og sál. (Og ekki spillir Gulli bróðir myndi ég segja þó að Jón hafi sleppt honum.)

Þetta er ævintýri hvernig þessir gaurar hafa byggt þetta upp og hvernig þeir eru hreinlega mílum á undan öllum öðrum. Jón er stórkostlegur fyrir hugmyndaauðgi sína og þrauteigju.

Ég veit ekki einu sinni hvað fyrirtækið heitir en ég óska þeim öllum til hamingju með það sem þeir eru að gera.

Bravó Jón Ólafsson, ég tæki ofan fyrir þér ef ég ætti hatt !

Skýra íslenzku?

Smáfuglarnir eru ljótu illfyglin. Þeir skrifa svona um þegar Helgi Hjörvar þenur sig yfir spillingunni:

"Það er skylda mín að tala skýra íslensku þegar gerð eru alvarleg mistök í fjármálakerfinu á Íslandi, segir Helgi Hjörvar, þingmaður Samfylkingar

Það er einmitt það - skýr íslenska. Smáfuglarnir velta fyrir sér hvers vegna Helgi Hjörvar notaði ekki sömu skýru íslenskuna um skattamál fyrirtækis síns Arnarsson og Hjörvar sf. sem hann rak með Hrannari B. Arnarssyni aðstoðarmanni Jóhönun Sigurðardóttur? Telur Helgi Hjörvar að sá sem slær í gegn með eftirminnilegu hætti í atvinnulífinu sé hæfur til þess að gegna ábyrgðarstöðum á Alþingi?"

Já má ekki alveg rifja upp þegar þeir félagar stefndu guðhræddum konum eftir að hafa sent þeim prufeintak af Þjóðlífi? Þetta eru þvílíkir englabassar að það hálfa væri nóg. Þeir þola vel að vera nefndir í sömu andrá og Finnur Ingólfsson.

Það má alveg tala skýra íslensku um Helga Hjörvar og Hrannar félaga hans, aðstoðarmann Jóhönnu.

Aular?

Frétt í RÚV:

"Fráfarandi stjórnarmenn í Bankasýslunni sögðu í tilkynningu sinni að þeir hefðu ákveðið að biðjast lausnar, meðal annars vegna þess að viðbrögð þingmanna hafi verið með þeim hætti að það gerði Bankasýslu erfitt fyrir að starfa með eðlilegum hætti. Helgi er í hópi þeirra sem gagnrýndu ráðningu Páls hvað harðast og sagði á Alþingi að hún væri hneyksli. „Hlutverk okkar alþingismanna er að veita framkvæmdavaldinu aðhald, tryggja að það sé farið að lögum og ekki gerð alvarleg mistök. Það er skylda mín sem formanns efnahags- og viðskiptanefndar að tala skýrt íslensku þegar gerð eru alvarleg mistök í fjármálakerfinu á Íslandi,“ segir Helgi, aðspurður um þá yfirlýsingu fráfarandi stjórnar að afskipti þingmanna hafi gert þeim erfitt fyrir að starfa áfram"

Hvaða gauð eru þessir bankasýslumenn? Láta þeir þennan Helga komast upp með að rífa kjaft um hluti sem honum koma ekki við?

Eru þetta tómir aular að láta mokka sig svona ? Eða talar Helgi fyrir Jóhönnu?

Hvað klikkaði?

Hver réði því að Langi-Páll er ekki sestur í stólinn úr því að stjórnin í Bankasýslunni var búin að ráða hann? Þurfti einhver að skipa hann? Steingrímur þá? Eða skipar Helgi Hjörvarhann? Eða einhverjir aðrir Framsóknarfóbíumenn sem koma í veg fyrir að allt fari í gang? Auðvitað er það Páli ekki til framdráttar að hafa þekkt Finn Ingólfsson svona náið. En Finnur lifir samt góðu lífi á Frumherja. Á að kenna Páli um það? Ekki getur hann borið ábyrgð á afrekum Finns?

Er þetta ekki stórkostleg sýning? Enn ein birting á algeru getuleysi þessarar ríkisstjórnar?

Hvað klikkar ?