Leita í fréttum mbl.is

Bloggfærslur mánaðarins, nóvember 2014

Rammaáætlun kommanna

fær vonandi verðskulduð málalok á Alþingi. Þessi áætlun var notuð sem skiptimynt meðan kommarnir í VG voru að undirbúa jarðveginn fyrir sovéskan áætlunarbúskap um röð á virkjunum. Raunveruleg áform  þeirra voru um að skipta skortinum einum meðal landsmanna í stað stóriðjustefnunar en ekki að sækja fram í anda frjálshyggjunnar með nýtingu orkuauðlindanna.

Svo köstuðu kommarnir sauðargærunni og rauði feldur úlfsins kom í ljós. Þegar  þeir settu alla bestu virkjanakostina í biðflokk í skiptum fyrir að samþykkja áframhald aðildarumsóknarinnar til ESB. Fullframin pólitísk hrossakaup og sannfæringarsala Steingríms Jóhanns að því hann sagði fyrir kosningarnar.

Þarna frömdu þeir beinlínis samsæri til að skaða þjóðina sem mest með fjamdsamlegri orkunýtingarstefnu og krataskammirnar með Össur í broddi fylkingar voru auðvitað tilbúnir að selja virkjanasannfæringu sína fyrir þetta eina mál, guðspjallið um ESB.

Tuskuháttur Össurar og Jóhönnu var einstæður og sýnir hvernig þetta fólk lætur sífellt stjórnast af vonum um fljóttekna bitlinga fram yfir eigin sannfæringu, hvað þá þjóðarhag. Það gengur algerlega með forgangshraði hjá Samfylkingarkrötunum að afsala Íslandi fullveldinu að sem mestu leyti til Brussel tlil að þeir komist að kjötkötlunum þar.Jón Gunnarsson stóð sig með mestu prýði gegn gargandi formanni VG í Kastljóssþætti Helga Seljan í kvöld. áður hafði Jón staðið í eldlínunni á Alþingi í dag þar sem hann tókst á við rammagerðarfólkið.

Það ber auðvitað þjóðarnauðsyn til að endurskoða þessa gömlu og úreltu Rammaáætlun um virkjanakosti sem að óbreyttu stefndi að því að seinka lífskjarasókn Íslendinga um áratugi að óbreyttu. Mörgum finnst Ríkisstjórnin hafa verið allt of lathent við að drífa í að afskaffa fjöldann af vitleysum frá vinstri stjórninni sálugu. Má nefna sykurskattinn og uppskiptingu ráðuneytanna sem vinnur auðsæ spjöll á stjórnkerfi landsins og sóar mannauði og þekkingu. Bretinguna á Rammáætlun ber því að þakka og sýnir hvers stjórnin er megnuð þegar hún gyrðir sig í brók

Rammaáætlun kommanna og kratanna um virkjanakosti var ein af þeim verstu dellum sem norræna velferðarstjórnin náði að prakka gegn um sofendurna á Alþingi.Því fyrr sem hún er frá þeim mun betra


900 milljóna flipp

er boðað á fjárlögum til að ráða eitthvert gæludýragengi arkitekta og verkfræðinga  til að teikna spítala eftir sérvisku læknastóðsins. Þetta er bara byrjunin og hönnunin verður örugglega pí sinnum þessi upphæð til viðbótar því sem sem er búið að eyða sem skiptir hundruðum milljóna.

Hversvegna eru ekki sendir menn til að finna þann besta spítala í heimi og fá afnot af teikningunum fyrir lítið.Öll útboðsgögn, magntölur, útfærslur. deili,efnisval Það er búið að gera þetta allt áður en nú á að fara að finna upp hjólið aftur hér á Íslandi. Nógu miklar glansmyndir, renderingar og grafík  sem þekja hundruð fermetra. Í stað þess að fá þrautreynda hönnun á spítala sem nýtur alþjóðlegrar viðurkenningar og ráða svo lækna inn í hann sem geta lagað sig að teikningunni.

Spítali er bara nokkurskonar risastórt bílaverkstæði  þar sem allskyns meikarar vinna. Viðfangsefnið er allstaðar það sama, tvífætt hjólalaust spendýr sem er alltaf eins í laginu með sama innvols. Ætti að vera auðveldara en allur þessi aragrúi bílategunda með 100 númer á hverja beygju í púströri.(Hm; Að vísu flækja hömlur á úreldingu málið talsvert spítölum í óhag. En þetta eru áreiðanlega talsvert endurekningar á því sama eins og á réttingaverkstæðunum)

Það er ömurlegt að horfa upp á svona sóun á skattfé borgaranna þar sem lögfræðingahjörðin í stjórnmálunum lætur uppskrúfaða tæknimenn segja sér fyrir verkum af því þeir hafa ekkert vit á því sjálfir sem verið er að ræða. Hér er þörf fyrir almenna skynsemi en ekki einhverja ofurtrú á menn sem ganga með nefið upp í loftið, sletta latínu eða ganga með þverslaufur.

Af hverju má ekki athuga þennan möguleika sem þarf ekki að kosta nema sáralítið. Svona þriggja manna teymi sem leysir málið á þremur mánuðum. Miklu ódýrara en hvaða skilanefnd sem er. Og skilar niðurstöðu sem hægt verður örugglega að nota. 

Horfið bara á kostnaðarskandalann Hörpuna til að sjá hvað er hægt að eyða miklu fé í heimatilbúna vitleysu þegar hægt er að gera svona hús fyrir brot af kostnaðinum bæði einfaldara og jafnskilvirkt án þess að byggja eitt fyrst og svo annað utanum eftir innblæstri sérvitringa.Allt pí sinnum dýrara en upphaflega áætlað. 

Nei, snobbið, pompið og fruktið hafa síðasta orðið. 900 milljóna byrjunarflipp, er það eitthvað sem vert er að gera veður út af?

 


Ríkið hefur skipulagsvaldið

yfir Reykjavíkurflugvelli.

Í afbragðs grein í Morgunblaðinu skýrir hæstaréttarlögmaðurinn Jón Jónsson það fyrir okkur að það er engin leið fyrir Reykjavíkurborg að komast undan því að ríkisvaldið hefur síðasta orðið hvað framtíð Reykjavíkurflugvallar varðar.

Jón bendir á, að taki Reykjavíkurborg flugvöllinn verði þeir að bæta hann fullu verði. Sem er andvirði nýs flugvallar með öllum sem honum fylgir og fylgja ber. Jón bendir á óyggjandi lagarök máli sínu til stuðnings.

Rikisvaldið með Alþingi í fararbroddi hefur vald til þess að synja hvaða dellu sem þeir DagurBé og Essbjörn, studdir af píratahækjunni sinni, ætla að láta yfir Reykjavíkurflugvöll ganga. Allir skrípaleikirnir sem hafa verið framdir í seinni tíð eru í raun marklausir, allt frá umboðslausum Ögmundi og Jóni Gnarr til Hönnu Birnu og  svo gjöf þeirra kumpána á Fluggörðum til Háskólarektors, eru bara út í loftið meðan Alþingi samþykkir þá ekki. Hliðarendaframkvæmdirnar getur ríkið einfaldlega stöðvað ef það kærir sig um.

Fyrir utan það að Reykjavíkurborg getur ekki sannað eignarrétt sinn á neinu landi undir Flugvellinum, þá er það mjög miður hvernig ríkið hefur sofið á verðinum og látið það yfir sig ganga að Reykjavíkurborg þrengi að vellinum sífellt með ráðstöfunum sem rýra notagildi hans.Síðasta atlagan stendur yfir á Hlíðarendasvæðinu með knattspyrnufélagið Val, ópólitískt íþróttafélag allra Reykvíkinga, sem skjöld fyrir framan hina raunverulegu gerendur. Það er lúalegt af þessu tvístirni, að misnota vinsældir svona almenningsfélags og þjóðargersimar eins og Knattpyrnufélagið Valur er, sér til framdráttar í svona pólitísku spili þeirra DagsBé og Essbjarnar. 

Ríkið þarf að gyrða sig í brók og gera sig gildani í kring um Reykjavíkurflugvöll sem 82% landsmanna vilja hafa á sínum stað.

Ríkið hefur skipulagsvaldið.


Ég stend við skrípaleikinn

sem ég skrifaði um í gær.

Í Fréttablaðinu les ég að kjarasamningur tónlistarkennara gildi frá 1.nóvember s.l. til jafnlengdar á næsta ári. Sem sagt, tónlistarkennarar voru á fullu kaupi í verkfallinu allan nóvember og fá það borgað.

Verðu það eitthvað öðruvísi með læknana? Vilja þeir opinberlega afsala sér launum í verkfallinu?

Til hvers eru þá verkföll? Bæði þessi og öll önnur verkföll þar sem samið er afturvirkt? Finnst engum þetta vitlaust nema mér?

Af hverju eru öll þessi félög  ekki látin vinna með lagaboði meðan verið er aðs semja? Til dæmis með samningamenn læsta inni allan tímann og ekki leyft að fara heim?

Af hverju er þessi skrípaleikur?


Verkföll eru skrípaleikur

og leiksýning. Til hvers fara menn af vinnustað og bera líkkistur um bæinn? Hverskonar fíflalæti eru þetta ef vitað er að verkfallsmennirnir eru á fullu kaupi allan tíman sem þeir vinna ekki á þeim taxta sem þeir ætla og munu kúga út úr viðsemjandanum? 

Hvernig stendur á því að mönnum dettur í hug að borga verkfallsmönnum kaup fyrir skemmdarverkin? Þetta er leikhús fáránleikans ef nokkuð er það. Menn geta bara skemmt sér í verkföllum þangað til þeire eru orðnir leiðir á því og langar að fara að gera eitthvað annað. Enginn hefur tapað neinu nema þolendur gíslatökunnar.Sjúklingar sem deyja á spítölunum, nemendur sem fá ekki kennslu. 

Verkföll og "kjarasamningar" í kjölfarið þar sem samið er um sakaruppgjöf   eru hámarksfíflarí og til skammar.

Verkfallsmenn í opinberri þjónustu hegða sér eins og hver annar skipulagður bófaflokkur mannræningja að mínu áliti. Aðeins stigsmunur.  


Fá þeir ekki örugglega kaup í verkfallinu?

blessaðir tónlistarkennararni? 

Annars ná þeir aldrei að jafna tapið af fleiri vikna verkfallinu sínu, þar sem verðbólgan verður fljótari að éta upp kauphækkunina heldur en þeir að kenna upp í launatapið. Búnir að smíða þessa flottu líkkistu.

Er verkfallaskaupið ekki örugglega með í samningnum?


Lekamálið ekki búið!

skrifar Fréttablaðið í leiðara sínum í dag.

Nú skal Lögreglustýran í Reykjavík tekin niður á altari sannleikans. Þá veit maður þó að minnsta kosti það að Sigríður Björk Guðjónsdóttir kýs ekki Samfylkinguna. Enda var ekki einleikið hvað  mér leist strax vel á hana með húfuna.

Satt að segja líður mér ögn skár að  vita það að litla lekamálið er ekki búið hjá 365. Einn leki á dag,kemur lundinni í lag! 


C.I.A.

er skammstöfun á þeirri merku bandarísku stofnun, Central Intelligence Agency.Óhemju víðfeðm stofnun meira að segja með opinbera jafnréttisáætlanir sem gefa hverri íslenskri slíkri ekki eftir.

Kommar, kvislingar og fimmtuherdeildir á Vesturlöndum rakka þessa stofnun niður með öllum ráðum og reyna að koma þeim stimpli á að þetta séu morðvargar kapítalismans sem hafi það að markmiði að skemma allt gott fólk eins og Birgittu Píratakaptein og áhöfn hennar.

Það er jafnan tilefni meiriháttar fagnaðar hjá anarkistum, kommum og kvislingum ef einhverjum eins og Assange, Manning og Snowden tekst að stela einhverju frá þessari stofnun og birta í DV og álíka pappírum heimsins svo hægt sé að níða Bandaríkin með því.En stofnunin heldur ótrauð áfram sem betur fer fyrir okkur öll og stendur af sér slíkar árásir.

Nafn stofnunarinn þýðir eiginlega fremur miðlægur gagnagrunnur eða einskonar þekkingarbrunnur þorpsins okkar heldur en njósnastofnun. Stofnunin safnar þekkingu um óvini okkar svo að við getum varast þá. Það sem við vitum getur ekki skaðað okkur en það sem við vitum ekki getur orðið okkur að aldurtila.WWW.CIA.gov leiðir fólk til skilnings á starfseminni og þeim möguleikum sem í henni felast. Þeir meira að segja auglýsa eftir hæfu fólki til leynilegra starfa. Bandaríkin eru stoltir af CIA og mega vera það.

Við Vesturlandabúar eigum þessari stofnun margt að þakka fyrir að standa vörð um okkar vestrænu gildi og safna upplýsingum um þær hættur sem að okkur geta steðjað. Henni hafa verið kennd mistök sem leiddu til Íraksstríðsins við hann Saddam Hússein. En sá kall var alls ekki alvondur og hafði margt gott gert þjóð sinni á fyrri tíð og fengið verðlaun Sþ fyrir. En þeir Arabar sem landið byggja láta ekki auðveldlega að stjórn eins og fregnir herma. Aðeins svona kall eins og Saddam getur stjórnað slíkri múslímahjörð sem annars rífur hvorn annan og aðra á hol Nú síðast í þeirri viðleitni að stofna kalífaríki á rústum hinna gömlu ríkja. Sem eru eiginlega ekki ríki heldur blýantsteikningar Balfours og breska heimsveldisins.

Miðað við það sem við tók í Írak er ekki ólíklegt að menn muni síðar heiðra minningu Saddams verkfræðings og óska þess að hann væri kominn aftur til að koma lagi á hlutina. En Bush-arnir  á Forsetastóli höfðu síðasta orðið í því máli og engar sögur fara af því hvort þeir hafi einhvern tímann iðrast einhvers. 

Ekki er auðvelt að spá um framvindu mála í þessum heimshluta. Afgahnistan kemst undir stjórn Talibana innan tíðar og einræðisstjórnir verða ríkjandi allstaðar í múslímaríkjunum í Mið-Austurlöndum nema hugsanlega Tyrklandi sem þó stendur alltaf tæpt. Það er miskilningur að halda það að þessu fólki henti lýðræði hvað þá eitthvað beint lýðræði að hætti okkar Stjórnlagaráðs. Það er svo mörgum öldum á eftir okkur í þroska.

Hvernig sem það nú fer allt saman, þá fylgist CIA sem betur fer með öllu sem þeir geta. 


Holuveður?

eða hvað?

Eins og fleiri sem notið hafa hins stórkostlega veðurfars í nóvember sem þekktari er fyrir skítaveður og kulda, þá hef ég undrast hvern morgun hvað sé eiginlega í gangi?

Ég var að lesa um það hvernig Bretinn lét Hudson-vélarnar lenda í Kaldaðanesi þegar þokan grúfði yfir. Hann raðaði olíutunnum meðfram flugbrautinni og kveikti í þeim.Hitauppstreymið greiddi þokuna greiðlega svo að brautin varð sýnileg. Þannig verður manni fljótt ljóst að loftmassi svarar mjög fljótt við varmagjöf.

Maður fór að velta fyrir sér hvílikt óhemjuvarmamagn stígur upp úr svona eldgosi. Ég hef flogið í kring um nokkur eldgos og maður ber sko virðingu fyrir áhrifunum sem skila sér í ókyrrð langt upp frá gígnum.  Getur þá ekki verið að það sé eitthvað til í hugtakinu eldgosaveðri?  Að Holuhraunsgosið myndi einhverja veggi sem hafi áhrif á ferðir loftmassanna sem færa okkur kuldann og skítaveðrið frá pólnum?

Þessi stóri brennari sé að bæta okkur tilveruna með öðru? Geta einhverjir spakir menn ekki slegið á kalóríurnar sem stíga upp með þessum 40.000 tonnum á dag  af SO2 og Guðveithverju af CO og CO2 og slíku Gore-lofti sem hann og aðrir helvítisspámenn græða aldeilis á? Og svo þessum kúbikkílómetra af glóandi hrauni sem gefur frá sér bræðsluvarmann þegar það storknar?  Bretinn hefði þurft að kynda margar tunnur til að jafnast á við þau ósköp.

Holuhraunsgosið minnir okkur sannarlega á það  hvílikt undraland hefur okkur hlotnast sem það byggjum. Þó að kratarnir vilji gefa það hverjum sem er þá er þetta fósturland okkar hinna  með sínum óhemju fjölbreytileika. Mörg okkar viljum halda Holuhrauni fyrir okkur Íslendinga meðan við getum.


Axel Kristjánsson

lögmaður ritar athyglisverða grein í Morgunblaðið í dag. Af því að vinstri menn þreytast ekki á því að segja að engir lesi Moggann og þá auðvitað þeir sjálfir ekki heldur, þá er ástæða til að vekja athygli grein Axels, svo sönn sem hún er. Axel segir:

"Stjórnleysingjar á Alþingi Íslendinga og fylgifiskar þeirra á vinstri vængnum bera mikið lof á menn í trúnaðarstörfum, sem stela gögnum frá leyniþjónustu BNA og afhenda þau fjölmiðlum til birtingar. Þeir hefja þá til skýjanna og vilja flytja þá til Íslands og gera þá að íslenskum ríkisborgurum. Að minnsta kosti tveir slíkir menn eru nú landflótta en hafa ekki manndóm til að standa við gjörðir sínar, enda vart við því að búast. Ýmsir fjölmiðlamenn hafa ruglast í ríminu og tekið undir þennan lofsöng.

 Á mig leita efasemdir um það siðferði, að lofsvert sé að taka gögn úr tölvum yfirmanna sinna og afhenda til birtingar í fjölmiðlum. Sú spurning leitar á mig, hvaða hvatir liggi að baki, e.t.v. peningar? Ekki þykir mér merkilegt siðferði manna, sem afhenda til birtingar gögn, sem þeim hefur verið trúað fyrir, hvort sem það er gert af hugsjón eða fyrir peninga. Ekki þykir mér merkilegt siðferði fjölmiðlamanna, sem birta slík gögn í sínum miðlum til að afla sér vinsælda og fjár.

 Starfsmaður í ráðuneyti hér á landi afhenti fjölmiðlum trúnaðarupplýsingar um hælisleitanda, sem Útlendingastofnun hafði vísað úr landi m.a. vegna efasemda um fortíð hans. Nú fyllast stjórnleysingjar og fjölmiðlamenn hneykslun á afbroti starfsmanns ráðuneytisins og lofsyngja dóm yfir honum og brottrekstur úr starfi. Þeir heimta, að ráðherra segi af sér vegna afbrots undirmanns síns, afbrots, sem er siðferðilega sambærilegt við afbrot, sem þeir hafa lofsungið til þessa.

 Trúnaðarbrot í starfi hjá leyniþjónustu BNA er lofsvert, trúnaðarbrot í starfi hjá ráðuneyti á Íslandi er ekki lofsvert.

 Tvöfalt siðferði, Pírata-siðferði, vinstra siðferði?"

Birgitta Jónsdóttir Alþingismaður Piratanna(stjórnleysingjanna?)hefur verið framarlega í flokki aðdáenda Julian Assange. Sama Birgitta hefur aldrei verið spurð út í njósnatölvuna sem fannst í Alþingi. Íslenskir rannsóknablaðamenn skrifuðu hana hjá CIA og málinu lokið.

Birgitta er á móti byssunum frá Noregi og hefur þeim nú verið skilað.

Birgitta er ávallt með þeim skeleggustu þegar kemur að siðferðisleysinu í pólitík hægrimanna. Snowden er lofsunginn í hinnu hlutlausu vinstri pressu  með reglubundnu millibili. Margir þeirra framámanna vilja fá hann hingað sem hælisleitanda. Sömuleiðis Assange. Myndu þessir kallar ekki bara sóma sér vel með Tony Omos?

Er ekki mikilvægt að fólk átti sig á því af hvaða rótum réttlætistilfinning Birgittu, Píratanna,kommanna og skoðanaelítunnar stafar þegar þarf að hrekja ráðherru

Sjálfstæðisflokkssins og aðstoðarmanns hennar í nafni siðferðis og heiðarleika?

Greining Axels Kristjánssonar lögmanns á hinu tvöfalda siðferði stjórrnleysingjanna og villta vinstrisins var þörf hugvekja og á hann að minnsta kosti mínar þakkir fyrir.

 


« Fyrri síða | Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 3
  • Sl. sólarhring: 9
  • Sl. viku: 50
  • Frá upphafi: 3417958

Annað

  • Innlit í dag: 3
  • Innlit sl. viku: 47
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband