Sigríður Ásthildur Andersen

er varaþingmaður Sjálfstæðisflokksins. Ég er stoltur af því að vera í sama flokki og hún.

Hún skrifar í Sunnudagsmoggann sem mér líkar:

"Ég fékk tækifæri til þess að hafa áhrif á fjárlög ríkisins næsta ár er ég tók tímabundið sæti á alþingi nú í desember. Eða þannig. Aðkoma alþingis að fjárlögunum í desember einkennist af óteljandi breytingartillögum og yfirgengilegum málamiðlunum á alla kanta, skítreddingum myndi einhver segja. Fyrir þann sem kemur inn í vinnuna á þessu stigi endist sólarhringurinn ekki til þess að fá yfirsýn yfir allt sviðið sem fyllist af hæfileikalausum leikurum eftir því sem nær dregur atkvæðagreiðslu.

Málþóf um eitthvað sem engu máli skiptir, í þeim tilgangi að knýja fram milljón krónur hér og þar, er regla frekar en undantekning í desember. Málþóf í þágu skattalækkunar og minni ríkisreksturs þekkist hins vegar ekki. Því miður. Ég skal vera fyrst manna til þess að viðurkenna að fjárlögin, sem ég tók þátt í að samþykkja, kveða á um margvísleg ónauðsynleg ríkisútgjöld, óráðsíu jafnvel.

Hins vegar áttu sér stað undur og stórmerki sem draga úr sárustu kvölinni sem fjárlagafrumvarpið veldur frjálslyndu fólki hægra megin í pólitík. Einn ógagnsæjasti skatturinn var afnuminn í eitt skipti fyrir öll. Vörugjöld, 15-25%, hafa verið lögð á ýmsar vörur sem við öll notum daglega; handáburð, ávexti, gólfteppi, krullujárn, lampa, brauð... Það var eiginlega hátíðlegt að taka þátt í afnámi þessa sérkennilega skatts á svokallaðar almennar vörur.

 

En við erum ekki laus við óeðlilega skatta, ekki einu sinni alveg laus við vörugjöldin. Bifreiðar, áfengi, búvörur og tóbak bera áfram vörugjöld. Efra þrep virðisaukaskattsins er enn allt of hátt, og neðra auðvitað líka. Tollar eru áfram við lýði.

 

Mönnum er mjög í mun að draga úr áhrifum skattkerfisbreytinganna á ýmsa hópa. Alls kyns undanþágur hafa tíðkast. Ferðaþjónustan hefur ekki innheimt virðisaukaskatt en hefur nú verið felld í neðra þrepið. Af hverju ekki það efra? Laxveiði er áfram undanþegin virðisaukaskatti. Bílaleigur og rútubílafyrirtæki hafa fengið undanþágur frá vörugjöldum á bifreiðar. Nú í desember var dregið úr undanþágu bílaleiga en ekki rútufyrirtækja. Áfram verður innflutningur á bílum sem einkum hátekjufólk kaupir (rafmagns- og metanbílar) undanþeginn vörugjöldum eða með verulegum afslætti en aðrir bílar bera áfram allt að 65% vörugjöld. 65%!

 

Hví þessar undanþágur og afslættir yfirleitt? Jú, vegna þess að þessir skattar eru of háir. Afnám vörugjaldsins nú í einu skrefi sýnir að það er hægt að taka skynsamlegar ákvarðanir við fjárlagagerð og ná nægilegri samstöðu um þær á alþingi. Næstu skref þarf að taka við gerð næstu fjárlaga, ekki þarnæstu. Af nógu er þar að taka."

 

Óli Björn Kárason er annar þingmaður Sjálfstæðislokksins sem ér er líka stoltur af. Hann berst í ræðu og riti fyrir lækkun skatta. En því miður er árangurinn enn klénn. Skattar eru of háir á lágar og miðlungstekjur. Kerfið er götótt eins og svissneskur ostur vegna allskyns sértilfærslna eins og Sigríður bendir á.

Allt þetta gætum við lagað ef þessir þingmenn, aðirir verða líklega ekki til þess fyrstir, vildu sjá að það er beinlínis rangt að skattleggja umferðina svona miskunnarlaust eins og gert er. 

Bílar þurfa að verða ódýrari og eldsneytið þarf að verða helmingi lægra. Það er unga fólkið sem þarf bíla til að keyra börnin sín í, bæði hjónafólk og einstætt. Skólakerfið er orðið þannig að það er svo mikill þeytingur um víða vegu í íþróttir, dans, tónlist, skóla og leikskóla. Það er nær að láta bílaleigurnar og rútur borga fullt verð og fullan virðisaukaskatt svo hætt sé að niðurgreiða fyrir ferðamenn.Fólkið vill bíla en ekki hjólhesta hvað sem vinstri menn segja annað.

Fólkið vill komast á gras með börnin sín á sumartíð. Ekki bara í Hljómskálagarðinn.

Það þarf auðvitað að lækka skatta og útsvar á lág- og miðlungstekjur. Mín vegna láta þetta svo hækka stigmagnandi til að ná til ofurlauna forréttindahópana,ofurbónusaanna sjálftökuliðsins og skilanefndanna.

Hætta að skattleggja verðbætur á sparifé eins og vexti og leyfa fólki að eiga skammtíma verðtryggða reikninga í bönkum en ekki með þriggja ára bindingu sem er dæmi svívirðilegt samsæri og samráð gegn almenningi.Berjast gegn verðlagshækkunum og ábyrgðarlausum taxatahækkunum. 

 

Markmið Sjálfstæðisflokksins í húsnæðismálum var aldrei útbreitt leiguliðakerfi heldur EIGN FYRIR ALLA. Það þarf að endurreisa húsnæðiskerfið og lána öllum 80-90 % til kaupa á hentugri fyrstu íbúð án greiðslumats.Gefa fólki kost á að byggja sjálft lítil hús með lóðafyrirgreiðslum sveitarfélaga.     

Ég var ánægður með Sigríði Ásthildi Andersen í dag. Vonandi verða þau bæði Sigríður og Óli Björn alvöruþingmenn næst.

86 nauðganir

voru skráðar í Noregi síðustu 5 ár.

Gerendur í 83 tilvikanna voru menn af ekki-vestrænum uppruna.Í tilvikum sögðu þeir fórnarlömbunum að þeir hefðu rétt ti þessa þar sem konur hefðu engin réttindi til mótmæla.

Þeir sem ekki trúa mér geta farið á: https://www.youtube.com/watch?v=SWWrpv-pbuc

Í hópi brotamannanna eru hælisleitendur áberandi. 

Norðmenn töldust vera um 5 milljónir árið 2013.Fæðingartíðni hefur fallið úr 2.95 árið 1964 í 1.78 árið 2013.Fæðingartíðni í Sómalíu er hinsvegar 4.4, Marokkó 3.6, Irak 4,3,Pakistan 3.2, Indland 1,8 og Bosnía 1.7. 325.000 innflytjendur í Noregi eru ekki af vestrænum uppruna en 335.000 innflytjendur eru af vestrænum uppruna. 97 % norskra nauðgara koma úr þessum 325.000 manna hópi innflytjenda. 

Auðvitað fáum við Íslendingar engar svona upplýsingar frá lögreglunni eins og Norðmenn fá á beinan hátt. Bendir það ekki til að vandamálið sé ekki fyrir hendi hérlendis? Bendir það ekki til þess að við séum svo allt öðru vísi en aðrir að reynsla annarsstaðar frá verði aldrei yfirfæranleg til Íslands?

Ef minnst er á upptöku vegabréfaskyldu og úrsögn úr Schengen-samstarfinu er aðeins svarað með þögninni einni.Fáeinir lykilmenn vilja hafa þetta svona. Málið er þar með afgreitt og engar breytingar verða gerðar.Það má ekki gera minnstu tilraun til að stjórna fólksstraumnum inn til okkar lands því samstarfið í EES og Schengen er svo miklu heilagra á Íslandi en í Bretlandi.

Norðmenn eru 16 sinnum fleiri en við. Vonandi þolum við mannjöfnuð miðað við fólksfjölda.

Trúvillingadómstóllinn

starfar upp á kraft á Íslandi. Á sakabekk sitja 3/4 þjóðarinnar ásamt þjóðkirkjunni, Kristindómnum, allar trúarkenningar og siðaboðskapur,Jesús Kristur, María og gott ef ekki Drottinn sjálfur.

Á dómarbekknum sitja vandlætingarfullir fulltrúar Vintri Grænna, Siðmenntar og Pírata. Þeir eru umboðsmenn Fríkirkjunnar, Ásatrúarmanna. Múslíma, Báháa, Búddista  og hvað þeir heita allir  þessir frjálsu sértrúarhópar.Þeir krefjast jafnréttis og trúfrelsis fyrir þessa hópa.

Sakborningum er gefið að sök að trúa jafnvel á Guð og Biflíuna, prédika um kærleika og góða breytni, halda afsiðunarmessur um jól fyrir börn og unglinga sem þeir nái sér hugsanlega aldrei af án Rítalíngjafa. Sakborningar verði að gera sér ljóst 64. grein Stjórnarskárinnar gildi ekki og sé bara í plati á Íslandi. Sama gildi um ákvæðið um hlutverk skólanna vegna þess að dómararnir hafi ákvðið að trúfrelsi á Íslandi banni þessum 75 % þjóðarinnar að vera með kjaft.

Þeir verði því sekir fundir og skulu því hýddir til hlýðni af hinni algildu visku dómaranna. Þeir skuli steinþegja og ekki efast um óskeikulleika þeirra páfa. Sakborningar skuli sjá til þess líka að kirkjur þeirra séu læstar og engum undir lögaldri hleypt þangað inn.  Þeir skuli vinsamlega hafa dómarana í heiðri og ekki æmta né skræmta opinberlega.

Er enginn búinn að fá nóg af þessum sífelldu réttarhöldum trúvillingadómstólsins og þessum sífellda bannsöng yfir þjóðkirkjunni og öllu sem henni fylgir?

Einstein

Þetta einfalda og almenna gyðinganafn lætur hvern mann sperra eyrun þegar það heyrist.Það er eins og aðeins einn maður hafi borið það. Hann Albert. Reykjavíkurbréfið í Morgunblaðinu byrjar á að fjalla um þetta nafn sem er svo tengt þessum einstaka manni sem bar það. Það sem okkar vitrustu mönnum finnst eiginlega merkilegast við hannn og hans kenningar er það, hvernig í veröldinni datt honum þetta í hug? Hvernig gat hann hugsað þetta upp? Víst er að að fáir er taldir jafningjar. En bréfið er svona í heild:( Vinstri menn segja mér alltaf að enginn lesi Moggann svo ég verð að hjálpa honum Davíð til)

"Hann er nú enginn Einstein,« segja menn stundum um fjarstaddan, þegar gera skal lítið úr honum, án þess að segja beinlínis neitt ljótt, sem hafa megi eftir. Þetta fellur oft í góðan jarðveg og þeir í kring glotta á kostnað hins fjarstadda eða kinka kolli, rétt eins og þeir og snjallyrðismaðurinn séu smáafsteypur af ofurmenninu.

Menn á borð við Albert Einstein eru ekki einungis hafðir til vafasamrar viðmiðunar af þessu tagi. Í þá er vitnað ótt og títt, enda ekki lakara ef önnur rök skortir. En jafnvel þótt frómir menn og óljúgfróðir eigi hlut að, er töluverð hætta á því að með fljóti sitthvað sem Einstein og þeir aðrir hafa aldrei sagt og væri þvert um geð að tengt væri við þá. Bréfritari tekur áhættuna af því að detta í slíkan pytt. Hann þykist hafa heyrt haft eftir Albert Einstein, að áður en alltof langur tími líði frá muni mannkynið verða orðið eins á litið. Þetta átti að gerast á tiltölulega skömmum tíma. En rétt er að hafa í huga að Einstein hugsaði gjarnan í ljósárum í sinni lögmálagerð. Sjálfsagt mætti sannreyna meinta tilvitnun með því að ræsa netið til leitar. En því er sleppt. Helst þykjast menn muna að Einstein hafi talið að mannkynið myndi verða brúnleitt, svona eins og Íslendingar þrá að vera eftir 3 vikur á Costa del Sol. Einstein hefur ekki þurft flóknar formúlur til að komast að þessum niðurstöðum. Hann hefur séð að jörðin skreppur hratt saman, í óeiginlegri merkingu, og svo er það aflið, sem Einstein, með allar sínar gáfur, náði ekki að læsa í formúlu. Ástin.

 Einhver hefur kannski sent honum, í lauslegri þýðingu, ljóð Tómasar, sem upplýsir að hjörtunum svipi saman í Súdan og Grímsnesinu.

 Phileas Fogg vann frægt veðmál og ógrynni fjár, er hann komst á 80 dögum umhverfis jörðina. Það gerði Fogg að vísu án viðkomu á Íslandi, sem gerir sögu hans ótrúverðugri. Ekki Íslandsvinur, Phileas Fogg.

 En nú gæti Phileas farið umhverfis jörðina á skemmri tíma en Íslendingar fóru undan Eyjafjöllunum suður til Reykjavíkur (sem er raunar í annarri átt) og enginn nennti að veðja við hann um ferðina. Jarðarbúar lifa nú allir í næsta nágrenni og því verða aðalskipulög væntanlega færð frá sveitarstjórnum og undir Allsherjarþing S.þ. áður varir. Tvö skilyrði liggja þar með fyrir. Það fyrra að heimslýðurinn búi allur á sömu torfunni, og hitt er doktorsniðurstaða Tómasar skálds um að hjörtunum svipi saman í Súdan og Grímsnesinu.

 

Þar með er mannkynið komið í blandarann eina og sanna og kemur þaðan út ljósbrúnt og brúneygt.

 

Þar með eiga þeir sem flokka menn til góðs eða ills, gáfna eða heimsku eftir skrokklit ekki lengur í nein hús að venda. Nú þarf lítið til að hreytt sé »rasisti« í menn þegar fyrirferðarmestu kjánarnir telja sig hafa fengið síðustu töluna í bingóinu sjái þeir orðið múlatti notað eftir merkingu sinni.

 En þegar spá Einsteins hefur fullkomnast verður væntanlega skollinn á undurblíður friður.

 Sagan sýnir að þeir sem upphefja sig á kostnað fólks annarrar gerðar, þurfa ekki litinn til. Mörg dæmin má nefna. Andúðin á gyðingum víða, og ofsóknir nasista gagnvart þeim eru hrópandi. Stundum er talað um kynþáttahatur annars vegar og kynþáttafordóma hins vegar. »Fordómarnir« fela í sér afsökunarkeim. Þeir dómar eru felldir í krafti þekkingarleysis og heimsku. Kynþáttahatararnir á nasistatímunum þóttust hafa vísindalegan grundvöll fyrir sínum trylling. Kynþáttavísindi blómstruðu og háskóladeildir störfuðu undir hatti þeirra. Læknar á borð við níðinginn Mengele urðu alræmdir. En þessi ófögnuður átti ekkert erindi við vísindin. Stjórnmál, eins og þau leggjast lægst, hatur, heift og vitfirring fékk ekki dulist með skírskotun til vísinda, sem engin voru. 

Sama er að segja um kynþáttahatur á grundvelli litarhafts. Hörundsliturinn hefur ekkert með innræti manna, gáfur eða eðliseiginleika að gera. Þegar litið er til gyðinga, sem eru ekki fjölmennir í heiminum er bent á hversu margir afburðamenn á ólíkum sviðum koma úr þeirra röðum. Þeim lærðist á aldalöngum hrakningum að menntun og þroskuðum hæfileikum næðu ofsækjendur síst af fólki á flótta.

 Gætu helstu kraftakallar hitlersillskunnar litið úr gröfum sínum kæmi þeim margt undarlega fyrir sjónir. Þeir ætluðu að ærast þegar blökkumaðurinn Jesse Owens sló í gegn á Ólympíuleikunum í Berlín 1936. Á þeim árum þegar nasisminn virtist blómstra, samkvæmt óskeikulum kynþáttagreiningum var afburðamaðurinn Owens undirmálsmaður. Blökkumenn hafa löngum skarað fram úr í mörgum greinum íþrótta. Og úr ómerktum gröfum sæju foringjar herraþjóðarinnar að blökkumaður sæti í öndvegi bandarískra stjórnmála. Gyðingar þættu skara fram úr víða. Kínverjar væru á mörkum þess að verða helsta efnahagsveldi heimsins. Og Þýskaland hefði náð miklum áhrifum, virðingu og miklum fjárhagslegum styrk með því að feta hina þröngu braut lýðræðisins. Kannski færi það verst í hin gulnuðu bein að engum vísindamanni dytti í hug að kynþættir hefðu mest með þróun mannkynsins að gera. Kynþáttakenningarnar hefðu reynst gervivísindi allra gervivísinda

 

Kjánaleg hróp manna um rasisma án þess að ljóst sé hvað réttlætir meiðyrðin eru ekki til nokkurs gagns. Yfirborðs-kjag af því tagi og ógrundaðar ályktanir hafa þó ekki langtímaáhrif. Allt er sett í einn graut. Fæst stenst nokkra skoðun. Látið er eins og átrúnaður á Múhameð sé kynþáttabundinn. Heldur einhver að þeir milljarðar manna sem horfa til Jesú Krists sem haldreipi í lífsins óvissu og við kaflaskil lífs og dauða séu af einum og sama kynþættinum? Fjöldi manna er til víða um lönd sem hatast út í blökkumenn eða lítur niður á þá. Slíkir einstaklingar koma ekki eingöngu úr röðum hvítra og flestir hvítir menn hafa óbeit á þess háttar fólki. Vissulega hafa blökkumenn í Bandaríkjunum, ef litið er á þá sem hóp, ekki náð jafnlangt í lífsgæðakapphlaupinu þar vestra og hvítir menn. Þeir hvítu höfðu mikið forskot og það bil minnkaði of seint. En blökkumenn í Bandaríkjunum hafa sem hópur náð miklu lengra en blökkumenn í Afríku.

 

Bandaríkin eru enn eina heimsveldið. Forseti Bandaríkjanna er gjarnan sagður valdamesti maður í heimi. Barack Obama var kosinn forseti í góðri kosningu og endurkosinn fjórum árum síðar. Blökkumenn í Bandaríkjum eru tæp 14% þjóðarinnar. Hvítir menn eru um 78%. Kosning Obama var söguleg og hefði raunar verið óhugsandi fyrir hálfri öld, svo dæmi sé tekið. En hún tekur af öll tvímæli um að húðlitur manna hefur ekki úrslitaþýðingu í bandarískum stjórnmálum. Það gerði Bandaríkjunum gott að kjósa blökkumann sem forseta. En þeir gerðu það ekki þess vegna. Það hafði mikið gengið á í Bandaríkjunum. Óvinsæl stríð og efnahagsleg áföll. Barack Obama var einn af vinstrisinnuðustu þingmönnum landsins. Haustið 2008 voru Bandaríkjamenn einfaldlega tilbúnir til að gefa þess háttar manni tækifæri. Ekki verður endilega sagt að Obama hafi sem stjórnmálamaður nýtt tækifæri sitt vel. En það hafði ekkert með það að gera að hann er blökkumaður.

 

Kynþáttahatur er í raun ekki lengur til nema sem hluti af kynþáttafordómum. Kynþáttahatur byggist ekki á staðreyndum eða upplýstri umræðu. Það breytir engu um þetta þótt fjöldi manna hafi sig enn í frammi undir fána kynþáttafordóma.

 

Ríkisstjórnir landa sem eiga aðild að Sameinuðu þjóðunum vilja reka þá gyðinga sem búa í Ísrael á haf út. Í opinberum þjóðhátíðarræðum eru áköll um að drepa skuli gyðingana. Slíkar öfgar á að fordæma og veitast gegn þeim af hörku. En það er jafnfráleitt að forðast óþægilega þjóðfélagsumræðu með aðkasti og hrópum og reyna að þagga hana niður með vísun til eigin fordóma og hefja rasistastimpil á loft. Umræðan um samskipti Ísraela og nágranna þeirra á svo sannarlega rétt á sér. Með sama hætti og rétt er og skylt að ræða heiðarlega og öfgalaust hversu hratt ríki, stórt eða smátt, ætlar að taka á móti erlendum ríkisborgurum og þá með hvaða skilyrðum. Öfgarnar felast í því að reyna að útiloka slíka umræðu. Umræðubannið var megineinkenni stjórnmálastefnu sem fáir vilja aðhyllast nú.

 

Á löngum blaðamannafundi fyrir skömmu leitaðist Pútín forseti við að flokka vandræði Rússlands undir eðlislæga þörf vestrænna ríkja til að vængstýfa Rússa svo þeir fengju ekki að njóta sín með sanngjörnum hætti.

 

Að svo miklu leyti sem erfiðleikar Rússa eru til komnir vegna efnahagsþvingana annarra ríkja, kemst forsetinn ekki hjá því að líta í eigin barm, þótt evrópskir leiðtogar hafi vissulega haldið mjög illa á málum Úkraínu.

 

En Rússland hefði auðveldlega getað staðið af sér veikburða efnahagsþvinganir. En þegar hrun olíuverðs bættist við fauk í flest skjól. Rússland hefur byggt upp fjölbreytt atvinnulíf í sínu gjöfula landi. Olían var þeim eins og Nokia var Finnum, svo myndin sé einfölduð. Pútín lætur eins og efnahagsþvinganirnar og olíuverðslækkunin sé samræmt óvinabragð gegn Rússum. Það er fráleitt. Því miður, verður að segja.

 

Hrun á olíuverði er hættumerki þegar horft er til heimsins alls. Margir fagna, þegar verð á eldsneyti lækkar. Það gleður bílaeigendur og auðveldar fátækum að halda á sér hita á köldum vetri.

 

En olíuverðslækkunin er skammgóður vermir í þessum skilningi sem öðrum. Hún er vísbending um það, að hjól heimsins spóli í eigin fari. Tekjur munu lækka í kjölfarið. Og það er varasamt að hlakka yfir því, hvernig lækkun olíuverðs er að leika Rússa. Undir lok seinustu aldar gátu Rússar ekki greitt afborganir af skuldum sínum. Það var afleitt, en ekki til heimsvandræða. Fari svo nú, að Rússar geti ekki staðið við ríkisskuldbindingar sínar horfir málið öðru vísi við. Efnahagskerfið er miklu veikara nú, sérstaklega í Evrópu. Bankar víða í Evrópu ráða ekki við það standi Rússar ekki í skilum. Um miklar fjárhæðir er að tefla. Margföldunaráhrifin geta orðið hröð. Evrukreppan síðasta gæti orðið sem barnaleikur hjá því sem þá gerist.

 

Því er nær að reyna að ná til Rússa heldur en að hlakka yfir því að nú herðist snaran að hálsi þeirra. Fleirum gæti orðið erfitt um andardrátt

 

Aðventunni lýkur brátt og boðun hennar rætist. Jólalögin eru spiluð á öllum rásum og brátt fáum við að heyra sálmana fögru sem tengja okkur mörg góðum minningum og alúðlegu andrúmslofti.

 

Jólin eiga að vera tími samheldni og samveru. Fjölskyldan er þá í fyrirrúmi. En fjölskyldan er stærri og »gjörvöll mannkind« þarf að eiga kröfu til vonar og ljóss.

 

Íslandsvinurinn Bing Crosby raular svo notalega eitt frægasta jólalag allra tíma, drauminn um hvít jól.

 

Söngvarinn frægi á einhvern tíma að hafa sagt sem svo: »Ef við gerum ekki jólin að tilefni til að njóta sameiginlega þess, sem hefur fallið okkur í skaut, þá megnar ekki allur vetrarsnjórinn í Alaska að gera jólin okkar hvít.«"

Hér er vítt yfir farið og skarplega athugað. Það er itnað til og lagt út af Einstein. En hann var nú ekki óskeikull að honum sjálfum fannst og víst er að Einstein hafði áhyggjur af mörgu sem fram fór í heiminum á sinni tíð.  Hann fór fyrir hópi vísindamanna sem skrifuðu Bandaríkjaforseta bréf um að láta búa til Bombuna. Og fékk síðan móral að sagt var. Sem sýnir að hann var samt mannlegur einfeldningur eins og við hin þó hannn hefði ýmislegt fram yfir okkur.

Sér í lagi finnt mér athyglivert að íhuga eftir þennan lestur hvað er verið að gera okkur vegna refsiaðgerða vesturveldanna gagnvart Rússum?. Vegna einhverrar deilu um Úkraínu sem snertir okkur ekki. Væri hugsanlega sambærilegt við að einhver ráðamaður okkar hefði flutt Fiskistofu til Svalbarða í fylleríi og  menn í Kópavogi hefðu  orðið fúlir? Sérstaklega ef hávaðinn af Kópavogsbúum teldu sig  vera Íslendinga en ekki Svalbarðinga og vildu ekki flytja þessvegna þangað sem Norðmenn fara með fógetavaldið yfir Rússum? Álíka vitlaust.

Nú hitta þessar refsiaðgerðir þeirra vina okkar, sem við báðum árangurslaust ásjár í bankahruninu hjá okkur, íslensku þjóðina í bakið. Rússar geta ekki borgað makrílskuldina við okkur.  Hvað verður um makrílstofninn okkar í landhelginni eftir áramót?  Eigum við að leggja skipunum? Af hverju gjöldum við nú ekki Bretum, Bandaríkjamönnum og Þjóðverjum rauðan belg fyrir gráan og tökum upp vinsamlegri samkipti við Rússa? Eru það ekki beinir hagsmunir okkar að að Rússum sé hjálpað núna en þeir ekki barðir og hraktir? Hvernig var með hryðjuverkalögin?

Hann Albert Einstein var vissulega einstakur steinn í mannhafinu sem nær víðar en frá Súdan að Grímsnesinu.

 

""Við erum hvít þjóð

eða það mætti allavega halda af rökstuðningi þeirra sem telja Íslendinga kristna þjóð. »Megnið af íbúum landsins eru jú skjannahvítir, og byggja líf sitt á hvítum gildum og menningu. Því er í raun alveg eðlilegt að hampa hvítri menningu umfram aðra menningu, og hvít gildi, sem fela í sér mannvirðingu og náungakærleik, eru auðvitað grunnstoðir samfélagsins."« Svona dytti engum sem gengur heill til skógar að skrifa í fullri alvöru. 

Þegar hin svokölluðu kristnu gildi eru skoðuð nánar þá er satt að segja, fyrir algjörlega guðlausan mann eins og sjálfan mig, erfitt að átta sig á hvað í þeim felst. Í nútímanum virðast kristin gildi nokkurn veginn vera dregin af ýmsum mannréttindasáttmálum, sem flestir litu dagsins ljós eftir síðari heimsstyrjöld. Fram að því, og raunar enn þann dag í dag, frömdu kristnir menn óskiljanleg grimmdarverk í nafni hins eina rétta guðs, hvort sem það voru krossferðir, nornaveiðar eða rannsóknarréttur. Kaþólska kirkjan hefur, með fordæmingu sinni á getnaðarvörnum, stuðlað að útbreiðslu alnæmis í fjölda Afríkuríkja, að ógleymdum þeim kristnu mönnum, kaþólsku prestunum, sem misnotuðu drengi í áraraðir. Þetta geta ekki verið þessi kristnu gildi. 

Þetta minnir óþægilega á orð Barack Obama um pyntingar samlanda hans á undanförnum áratug eða svo. »Bandaríkin pynta ekki. Bandaríkjamenn pynta ekki.« Með þessu reynir hann að selja þjóð sinni, og heiminum öllum, að það sé ekki í bandarískri þjóðarsál að pynta saklausa borgara, sem voru á röngum gatnamótum í Kabúl á röngum tíma. Því miður fyrir forsetann góða, þá hafa Bandaríkin stundað pyntingar, skipulegar pyntingar, og því ekki í boði að segja það ekki samræmast bandarískri þjóðarsál. Til að kóróna það, þá virðist bandarískri þjóð slétt sama um málið. 

Rétt eins og þjóðir hafa ekki vilja, þá hafa þær ekki trú. Eins og segir þá á ég mér ekki guði, hvorki á himnum né á knattspyrnuvellinum. Samt sem áður tel ég mér skylt að koma af kærleika fram við náungann, gera við aðra eins og ég vænti af þeim til baka og þar fram eftir götunum. Ég skal ekki útiloka að á miðöldum, þegar samfélagið var lausara í reipunum og neyðin stærri, hafi þurft einhvern ósýnilegan mann á himnum, og fyrrverandi samstarfsfélaga hans í neðra, til að sannfæra sauðsvartan almúgann um þetta. Í dag eru þessi gildi svo samofin samfélaginu að þau stæðu styrk eins og vel gróið bein, eftir að gipsið er tekið af. 

Ekki misskilja mig. Margt af því besta fólki sem ég þekki eru prestar og kirkjunnar fólk, sem hefur að því er virðist óendanlega ást og virðingu fyrir náunganum, sérstaklega þeim sem minna mega sín. En það sama á við um fjöldann allan af fólki sem á sér enga guði. Það er nefnilega ekki hverju við trúum sem skilgreinir okkur, heldur hvað við gerum"

Svo skrifar Gunnar Dofri blaðamaður á Morgunblaðinu. Hann lætur sig ekki muna um að setja samasem merki milli geðsjúklinga og þeirra sem vilja halda í þjóðina sína og menningu hennar og eitthvað sem hann kallar kristin gildi, hvort sem hann á við þjóðkirkjuna eða eitthvað annað.

Ég er sjálfsagt geðveikur að finnast það yfirgangur í minnihlutahópum að krefjast forræðis yfir 3/4 hlutum þjóðarinnar hvað varðar helgihald í kirkjum og stjórnarskrárvarða ríkistrú og boðun hennar í skólum.

Ég er hvítur maður og flestir líka að þeirri þjóð sem ég hef búið með mitt ómerkilega líf. Ég hef umgengist fólk af mörgum kynstofnum og séð aðra menningu. Eg hef séð það að margt það kæri ég mig ekki um að flytja hingað til lands.  Þessvegna er ég stimplaður rasisti og er slétt sama.  Alveg sama þó að ég persónulega sjái oftast ekki útlit góðrar manneskju í viðkynningu. Hinsvegar hefur maður varann á sér þegar maður hittir mögulega skuggabaldra. Ég hygg að Gunnar Dofri gangi varla svellkaldur beint inn í blökkumannagengi í Harlem eða herflokk Kalífaríkisins til að bjóða þeim að gerast innflytjendur á Íslandi?

Hann virðist segja að Bandaríkjunum hafi ekkki verið heimilt að grípa til máttar síns eftir árásirnar 11 september. En má ekki spyrja á móti, hvort þeim hafi borið einhver skylda til að láta þá sem þar komu við sögu njóta einhverra réttinda sem þeir sem gerendur tóku algerlega af þúsundum annarra? Drápust margir í hertum yfirheyrslum í Guantanamo eftir viðkomu á Íslandi? Allavega ekki þeir sem mest kunna frá píslum sínum að segja og var sleppt. Breytir það einhverju núna? Er þetta ekki búið og gert? Á ég að fordæma Gizur frænda minn frá Haukadal fyrir hertar aðgerðir hans eftir Flugumýrarbrennu þar sem hann lét eftir sína Baugahlín og 3 syni í morðárás á heimili sitt 22.október árið 1253? Var hann  þó sannkristinn maður og vígður messudjákn.

Af hverju er það ógott að vilja sjá fótum sínum forráð? Af hverju eiga menn ekki að líta til reynslu sinnar og annarra við ákvarðanatökur?  Reykjavíkurbréf Morgunblaðsins fjallar einmitt um þá hægu þróun sem á sér stað í veröldinni vegna þess að hjörtum mannanna svipar saman í Súdan og í Grímsnesinu.

En er það forgangsverkefni hjá hvítri þjóð að fara fram í stórum stökkum?

 

 

Stytting framhaldsskólans

er mjög til umræðu hjá Illuga Gunnarssyni menntamálaráðhera.

Ég hlustaði á hann á Útvarpi Sögu í viðræðum við Arnrúði Karlsdóttur.Illugi lýsti því hvernig fjölga myndi í þeim hópum þjóðfélagsins á næstu árum sem ekkert leggja til og hafði þar fyrir aldurssamsetningu þjóðarinnar. Færri hendur yngra fólks þyrfti til að ala önn fyrir fleiri af okkur gömlu aumingjunum og þessar hendur yrðu bara að leggja meira til. Það er ódýrt að segja meiri framleiðni en nefna ekki hærri skatta. Hann sagði að ungt fólk yrði að ná hærri ævitekjum. Arnþrúður spurði þá um greiðslu hærri skatta og neitaði ráðherrann því auðvitað ekki. En með því að stytta skólagönguna þá kæmu hærri ævitekjur.

Hann lýsti þí að ég hefði átt að vera búinn með 1 ár í háskóla þegar ég var að byrja þar tvítugur að aldri.  Ég hlýt því að hafa eytt óþarfa ári í framhaldsskóla þegar ég settist í Háskólann í Stuttgart, mállaus og bjórsoltinn.

Ekki veit ég hvernig það hefði farið ef ég hefði verið yngri. Freistingarnar voru margar ungum sálum. Margir týndust og komu aldrei heim aftur lífs.  Samstúdentar mínir þýskir voru ekkert yngri en ég en margir eldri. Sumir höfðu jafnvel verið hermenn í stríðinu. Ég veit ekki hvaðan Illuga kemur sú viska að allir stúdentar séu yngri í þýskalandi en annarsstaðar.Og víst er að þeir læra núna margt sem við gátum ekki. 

Hitt virðist mér nokkuð augljóst að hann vill stytta skólann af kostnaðarsjónarmiðum og fá fyrr skattgreiðslur af þeim sem eru farnir að vinna. Þetta er einfalt sjónarmið  að mínu mati en ekki til að ná utan um það sem um er að ræða.

Hann fór mikinn um þá staðreynd að fjórðungur pilta úr grunnskóla getur ekki lesið sér til gagns. Ég gat ekki heyrt að hann teldi sig geta neitt  gert í því því hann er búinn að semja við kennara um fyrirkomulag grunnskólans. Þetta á þá bara að vera svona áfram?

Ég ætla mér að efast um það, að fjórðungur nemenda geti ekki lært að lesa sér til gagns. Það er bara grunnskólinn sem er í ekki að veita kennsluna sem þarf. Ég þekki marga kennara og er alveg viss um að þeir gætu kennt fleirum meira ef þeir fengju það. Grunnskólinn er hinsvegar orðinn svo fullur af bulli sem orsakast mikið af því að nemendum er hrært saman en ekki skipt í bekki eftir  námsgetu. Svoleiðis var það ekki þegar ég var í skóla og ég fullyrði að varla nokkur nemandi í öllum mínum árgangi gat ekki lesið sér til gagns. Ætlar Illugi að segja mér að hráefnið, maðurinn sjálfur, nemandinn og kennarinn hafi eitthvað versnað? Neit takk, ég tek ekki við því.

Það hlýtur að vera markmiðið að sem hæst prósenta geti komið læs, skrifandi  og reiknandi upp úr grunnskólanum. Sé það slæmt í lestrinum, þá er það verra í reikningnum mætti Illugi athuga.  En um það er aldrei talað að grunnskólakrakkar geta ekki mjög margir margfaldað og deilt án reiknivélar.

Eina leiðin sem ég sé til þess að hækka prósentuna úr 75 % í 95 % sem ætti að vera vandalaust er að taka minnihlutann frá og setja í sér meðferð í lestri og öðru. Þá myndi læsið aukast á einum vetri. Vegna þess að þá þurfa þeir sem geta lært ekki að hanga yfir þeim sem ekki geta lært jafn hratt og vel og tefja sig. Þeirra hæfileikum er sóað í miskiling um réttindi minnihlutahópa eins og tíðkast.  Það er aðeins þetta bestra fólk sem á erindi í háskólana.

Ef þessi flatneskjustefna á að halda áfram þá verða stöðupróf nauðsynleg við alla inngöngu í háskólana. Nemendur verða bara verr undirbúnir úr styttum, framhaldsskóla og minna í hverjum haus. Illuga til upplýsingar höfðum við kappnóg að gera allan mennstakólann og gátum samt alls ekki lært nóg til hlítar. Það segir sína sögu að meðaleinkunn til stúdentsprófs í MR hafði fallið um einn heilan svo sem  r+umum áratug eftir að ég böslaðist þar í gegn. Guðni rektor sagði mér að haustprófunum væri um að kenna þegar ég var að tala við hann um þetta.

Ætlar Illugi að fá einhvern til að trúa því að við höfum öll bara verið að leika okkur í 25 % af tímanum í MR? Að mínu viti er bara verið að verðfella menntun landsmanna af hreinum peningasjónarmiðum. Þessir peningar munu ekki renna til aumingjaframfærslun okkar eldri því allt rýrnar hjá okkur ár frá ári og sýnu mest þó þegar alþýðuvinirnir á borð við Jóhönnu og Steingrím J. komast að kjötkötlunum. En skerðingar þeirra hafa ekki gengið til baka þrátt fyrir að Illugi og flokkurinn okkar sé búinn að vera ráðherra í bráðum tvö ár.

Stytting framhaldsskólans getur aðeins gengið fyrir þá bestu. En hvort sálin verður búin að skila sér við það stúdentspróf set ég fyrirvara um. En kannski er æskan meira bráðþroska núna en við vorum. Ég hefði ekki haft neitt að gera við styttri menntaskóla, svo mikið er víst.

Líf fer enn mikinn

gegn kristni og kirkju. Hún gaf Ásmundi Friðrikssyni þingmanni umgang í dag og sagði að hann væri frá 15 öld.

Á bloggsíðu setur hún þessa fullyrðngu:

"að er algerlega ólíðandi að skólar hafi milligöngu um trúarinnrætingu barna. Skólar eru fræðslu og menntastofnanir og hafa ekkert með trúboð að gera. Opinberar stofnanir eiga að gæta hvers kyns hlutleysis. Hvað er það sem forsvarsmenn leik- og grunnskóla skilja ekki í þeim efnum?"

62. gr. stjórnarskrárinnar kveður á um að styðja skal og vernda íslensku þjóðkirkjuna og þar sem um er að ræða heimsókn í stofnun sem stjórnarskrárgjafinn felur ríkinu að styðja og vernda, ekki bara í fjárhagslegum efnum, heldur einnig í menningarlegum tilgangi þá er það hvorki brot á lögum né mannréttindum.

Margt fólk virðist hreinlega ekki skilja skrifaðan texta og halda því fram að það viti betur.

 Einnig eru 2.gr. grunnskólalaga síðan 2008, þeim sem skólar og kennarar vinna eftir: „Starfshættir grunnskóla skulu mótast af umburðarlyndi og kærleika, kristinni arfleifð íslenskrar menningar, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi."

Hvaðan kemur þessari konu sú viska að geta sproksett AlÞingismenn og kallað þá miðaldamenn þegar verið er að tala um lög landsins? Geta túlkað stjórnarskrá íslenska lýðveldisins svo og gildandi lög í landinu að eigin smekk og geðþótta? Það er alveg sama hvaða álit einstakir kjósendur hafa á hvorutveggja, þetta er í gildi á Íslandi. Og nýtur stuðning algers meirihluta,-aukins meirihluta meira að segja. Skólanum ber að fara eftir lögunum um kristna arfleifð. Það er ekki spurning hvort þeir eiga að fræða nemendur um kristin fræði. Þeim hreinlega ber að gera það. 

Ef þessari Líf Magneudóttur líkar þetta ekki þá verður hún að breyta lögunum en hætta að túlka þau eftir því sem henni finnst. Það er ekkert spurt um það hvað mér finnst kristna trú og kirkjuna ef lögin segja annað. Þannig verða dómarar í Hæastarétti að hugsa og dæma eftir lögum en engu öðru.

Kannski ætti kirkjan að fara í prófmál gegn LÍf og einhverjum skólanum varðandi þetta atriði. Láta Hæstarétt sker úr um það hvað séu lög í þessu landi. Hvað fólki í embættum leyfist að snúa út úr lögum og stjórnarskrá vegna einhverra minnihlutahópa? Menn mega hafa hvaða trú sem þeim vilja til heimabrúks en kristnin er ríkistrú á Íslandi og allir sértrúarhópar aðrir hafa ekki þá stöðu.

Vilji einhverjir ekki láta börn sín njóta fræðslu um kristni eða kirkju, taka við Testamentinu osfrv., hefur aldrei verið vandamál að sleppa við það. Það var gert í Austurbæjarbarnaskólanum í minni tíð þar. Ég að aðrir vantrúaðir slógum okkur upp á kristnifræði og hækkuðum aðaleinkunnina. Sigga frænka hafði frí enda var hún miklu betri í öllu öðru en ég. Ég held samt að ég iðrist samt einskis þess vegna.

Það er kominn tími til að við berjum i borðið og látum ekki frekjudalla úr kommaflokknum vaða hérna uppi með sitt minnihlutakjaftæði þegar kemur að því að hafa lög landsins og stjórnarská í heiðri. Þetta yfirgangslið gerði atlögu að stjórnarskránni á síðasta kjörtímabili og var barið til baka með skottið milli fótanna.

Það er ólíðandi með öllu þegar svona umboðslaust vinstra undirmengi reynir að vaða yfir allt og alla. Stjórnarskráin og lögin eru svona og ef Líf vill breyta þessu þá bara reynir hún það hafi þessi flokksnefna hennar og Katrinar eitthvað fylgi ennþá. 

 

Læmingjarnir

þóttu okkur krökkunum merkilegt fyrirbrigði að læra um í Gaggó í gamla daga. Þar sagði að Læmingjar söfnuðust saman við sérstök skilyrði og hlypu síðan í hóp fyrir björg.

Þetta var saga sem festi rætur í mínum huga. Einhvern veginn áleitin, hryllileg og hetjuleg.

En svarað er hinsvegar á vísindavefnum eftirfarandi um læmingja:

"Er það rétt að læmingjar kasti sér fram af björgum?

 

Læmingjar eru hópur lítilla nagdýra sem tilheyra ættbálkinum Lemmini. Til eru um 20 tegundir læmingja og lifa þær allar á norðlægum slóðum. Læmingjar eru 8-22 sm á lengd og vega frá 20-112 g, en stærð og þyngd er breytileg milli tegunda. Þeir eru kringluleitir, stuttfættir, smáeygðir, með mjúkan feld og stutt skott. Læmingjar eru ósérhæfðar jurtaætur sem lifa til dæmis á grösum, rótum, laukum og fræjum. Ólíkt mörgum öðrum dýrum á köldum landsvæðum leggjast læmingjar ekki í dvala á veturna.

 

 

Fjallalæmingi (Lemmus lemmus).

 

Það er ekki rétt að stórir hópar læmingja hlaupi niður af klettum í stríðum straumum. Uppruna þessarar hugmyndar má líklega rekja til náttúrulífsmyndarinnar White Wilderness frá árinu 1958, en mögulegt er að þessi þjóðsaga sé enn eldri. Í kvikmyndinni var sýnt hvernig læmingjar virtust kasta sér fram af björgum, en raunin var aftur á móti sú að atriðið var sviðsett; dýrin fóru ekki af sjálfsdáðum heldur voru þau rekin fram af björgunum. Goðsögnin um læmingjana hefur svo lifað fram á þennan dag, meðal annars með hjálp vinsællar tölvuleikjaseríu sem kallast Lemmings(Læmingjar), en í honum sjást litlar verur ganga hugsunarlaust út í opinn dauðann.

 

Þótt sögur af sjálfsmorðstilraunum læmingja séu klárlega ósannar leynist ef til vill í þeim sannleikskorn. Stofnstærð meðal sumra læmingjategunda sveiflast mikið og nær hámarki á nokkurra ára fresti. Þegar stofninn er í hámarki getur skortur á fæðu og búsvæði leitt til þess að læmingjarnir leita inn á ný svæði. Seinni hluta sumars eða á haustin má því stundum sjá stóra hópa læmingja á ferðalagi og þurfa þeir stundum að synda yfir ár og læki í leit sinni að heppilegu búsvæði. Eflaust drukkna sumir á leiðinni, og er hugsanlegt að það geti verið rót þessa útbreidda misskilnings." Læmingjar eru því hugsanlega ekki beinlínis staðnir að sjálfsmorðum með þann eina tilgang fyrir augum heldur leggja þeir ótrauðir til sunds þó þeir sjái ekki til lands eins og Ólafur heitinn Jóhannesson sagði við atvinnurekendur,  sem tregðuðust við að skrifa undir augljósa verðbólgusmaninga. Það er hinn sanni víkingaandi sem þar birtist. Áminnstur Ólafur komst til valda 1971 með tilstyrk kommúnista og hóf ferilinn með því að hækka öll laun í landinu um 10 % og styttingu vinnuvikunnar um 10 %. Sem sagt 20 % kauphækkun á línuna. Og svo pantaði hann skuttogara til hvers krummaskuðs.Það tók 20 ár í óðaverðbólgu að ná tökum á afleiðingunum sem loks tókst í þjóðarsátt stríðsþreyttra bardagajálka. Nú er þetta allt gleymt og nýjir guttar á flottum jeppum teknir við verkalýðsforystunni.Þeir þurfa réttlætingu fyrir tilvist sinni og því skal til orrustu blásið enda er allt að vinna en engu tapa þar sem kaupgreiðslur falla ekki niður einn einasta dag. Og þeir sjálfir fá næturvinnu við samningagerðina. En þegar maður veltir fyrir sér yfirlýsingum hinna nýju verkalýðsforingja þá dettur manni fyrst í huga gamla sagan um sjálfsmorðs hlaupin,  En ef hún stenst ekki þá á hin rétta saga ekki síður við. Nú skal læmingjunum stefnt til hinna eilífu veiðilenda þriðjungs taxtahækkana úr 201 þús í 262 þúsund. Hverjir drukkna á leiðinni skiptir minna máli.Foringjarnir þurfa sanna sig með verkfalli sem getur staðið að hámarkií 3 vikur því þá gefast allir upp og borga nýju launin afturvirkt til upphafs verkfallsins.Sem er auðvitað algerlega óskiljanlegt þar sem verkfall breytist með því í sér íslenskt skemmtiskokk.  Svo hvert stefna læmingjarnir núna? Á eftir læknunum til að byrja með. Svo flugvirkjar hjá Gæzlunni, svo, svo svo... Vantar ekki bara einhvern Ólaf til að spara læmingjunum hlaupin? Þrjátíu prósent á línuna, eru ekki allir til í það? Við sjáum ekki fram á haustið eða gengi dollarans þá. Það er grillsumar framundan með gini og tóníkki sem við fílum í botn. Látum bara djöfulinn taka morgundaginn. Það er hinn sanni víkingaandi. Hinir sönnu læmingjar.

Djöfulsins teboðshræsni

er skilgreining Sigríðar Ingibjargar á umburðarlyndi í trúmálum.

Svo "skrifar Sigríður Ingibjörg Ingadóttir, þingmaður Samfylkingarinnar, á Facebook í dag þar sem hún gagnrýnir forgangsröðun sjálfstæðismanna þegar kemur að samfélagsmálum.

Hún segir Illuga Gunnarssonar, mennta- og menningarmálaráðherra, standa fyrir miskunnarlausum niðurskurði á Ríkisútvarpinu, skattahækkun á bækur og að hann hefti aðgengi að framhaldsskólamenntun.„Viðbrögð flokkssystkina hans eru að ræða um mikilvægi kirkjuheimsókna skólabarna á aðventunni. Djöfulsins teboðshræsni,“ skrifar Sigríður Ingibjörg á Facebook í dag."

Þessi mannvitsbrekka Samfylkingarinnar hefum löngum vakið athygli á sér fyrir skelleggann málflutning í málefnum lítilmagnanna.

það er gott til þess að vita að hún hefur fylgst með alþjóðastjórnmálum og því sem gerist úti i hinum stóra heimi.

Það er líklega ráð að fara að fá fram tillögur hennar til lausnar læknadeilunni, deilu flugvirkja hjá Landshelgsigæslunni og hvernig eigi að tala við Gylfa Arnbjörnsson.

En framtíðarsýn þessarra aðila fyrir þjóðfélagið í heild byggist all nokkuð á því að verði ekki gengið að kröfum þeirra geti þeir alltaf sagt upp og flutt til Noregs í gósenlandið það, þar sem fátt gengur víst lengur nema olían og opinberar framkvæmdir. Hrikalegar fjárfestingar norska olíusjóðsins í Rússlandi eru komnar í uppnám vegna þrenginga Pútíns. Þannig hitta refsiaðgerðir vesturveldanna gagnvart Rússlandi þau sjálf í bakið.Og nú berast öldur þessa hratt að Íslands ströndum þegar okkar fólk kemur heim í og bætist á atvinnuskrána hér.

Kannski Sigríður þessi geti haldið teboð fyrir alla þá sem í vanda eru staddir?

 

 

 

 

 

 

 

 

 

 

 

 

Kastljósið með Líf

Magneudóttur birtir venjulegu fólki  á hverslags villigötum þessi fjölmenningarumræða öll er í huga þessarar konu og þessa Mannréttindaráðs.

Hún segir það blákalt að það sé ekki hlutverk skólanna að hampa einni trú umfram aðra. Þetta er alger umsnúningur á staðreyndum. Skólunum ber auðvitað að hampa þjóðkirkjunni umfram öll önnur trúarbrögð af því að hin evangelíska lútherska kirkja er stjórnarskrárbundin þjóðkirkja og ríkinu, þar með skólunum, ber að styrkja hana og efla. Ella skulu þau breyta stjórnarskránni.

Svo segir þessi kona blákalt að við séum fjölmenningarsamfélag og eigum að gera öllum jafnhátt undir höfði. Ég mótmæli þessari fullyrðingu algerlega enda er fjölmenningarsamfélag rasismi af verstu gerð.Við sem þjóð höfum aldrei samþykkt að verða eitthvað fjölmenningarsamfélag eftir skilgreiningu þessa fólks. Þessu hafa þessir sérviskuhópar vinstri manna prakkað inn í vitund þjóðarinnar þannig að fólk er farið margt að trúa þessari alröngu fullyrðingu.

Við erum Íslendingar. Við erum íslensk þjóð með ýmsa minnihlutahópa innanborðs sem fráleitt geta krafist fullkomins jafnréttis fyrir sína sérvisku og siði þar sem þeir eru ekki íslenskir siðir eða venjur. Þetta fólk á að aðlaga sjálft sig okkar venjum og menningu. Á þeim forsendum var því hleypt inn í landið sem innflytjendum með því fororði að það verði Íslendingar, læri íslensku og taki upp okkar siði og venjur en ekki til að verða einhverjir sértrúarhópar eða þjóðarbrot í þjóðfélaginu í sjöunda lið. Annars er því bara velkomið að fara.

Hér ríkir algert trúfrelsi en með þeim takmörkunum að þjóðkirkjan er hin íslenska kirkja og styðst við mikinn merihluta þjóðarinnar. Menn mega trúa því sem þeir vilja og hafa sína siði á sínum heimilum varði þeir ekki við íslensk lög. Ef þeir tilheyrs þessum minnihlutahópum mynda þeir þó ekkert fjölmenningarsamfélag á Íslandi í óþökk þeirra sem eru fyrir og aldrei hafa verið spurðir álits.Þetta er staðreynd málsins hverju svo sem þetta vinstra fólk reynir að halda öðru fram.

Kastljósið í gær veitir prýðilega innsýn í hugmyndir þessa vinstra fólks sem reynir að þröngva minnihlutaskoðunum  sínum inn á þjóðina með endurteknum rangupplýsingum og orðhengilshætti eins og greinilega sást í þættinum.