Hefur nokkuð breyst ?

 Í Mogga er þessi frétt:

"SAMKVÆMT heimildum Morgunblaðsins mun Pálmi Haraldsson leggja 800 milljónir inn í rekstur Ferðaskrifstofu Íslands (FÍ) í kjölfar endurskipulagningar félagsins.......

 FÍ lenti í miklum rekstrarvandræðum í september 2008 og fékk tæplega hálfan milljarð króna lánaðan hjá Landsbankanum, sem varð NBI eftir bankahrun, fram að áramótum til að halda rekstrinum áfram......

Skuldir FÍ gagnvart NBI í ársbyrjun 2009 eru taldar hafa numið um 1,3 milljörðum króna. Ríflega þriðjungi þeirrar skuldar var síðar breytt yfir í hlutafé, sem verður fært niður í endurskipulagningunni. Ávinningur bankans af endurskipulagningunni verður því sá að einhver hluti eiginfjárframlags Pálma inn í FÍ mun renna til bankans, og tap af viðskiptum við ferðaskrifstofuna því einhverju minna. Haft var eftir Pálma Haraldssyni í Morgunblaðinu í gær að hann teldi sig njóta trausts og væri þar af leiðandi fær um að útvega fé til að setja inn í rekstur FÍ.Það er þó ekki hluti af samkomulagi við Feng um endurskipulagningu að félagið fái lán frá NBI til að leggja inn í rekstur ferðaskrifstofunnar, heldur að féð komi annars staðar frá........

 Í nóvember 2008 var hlutafé Iceland Express aukið um 300 milljónir, en þar að auki lánaði Fengur félaginu 300 milljónir. Þriðjungur þess láns hefur verið borgaður til baka, en samkvæmt verðmatinu voru 200 milljóna króna vaxtaberandi skuldir inni í Iceland Express á þeim tíma sem verðmatið var unnið. Var þar tekið mið af ársreikningi félagsins fyrir árið 2008, sem hefur þó ekki borist Ársreikningaskrá. Í þeim ársreikningnum kemur fram að Iceland Express tapaði hundruðum milljóna á árinu."

Hefur nokkuð breyst? Pálmi útrásarvíkingur, sem varð gjaldþrota með Fons uppá marga milljarða getur núna reddað 800 milljónum til að rétta af Iceland Express sem hann á og stjórnar. Hann nýtur nægs trausts til að einhver láti hann fá 800 milljónir.

Fyrrum óskabörn Íslands og útrásarvíkingar njóta fyllsta trausts hvort sem þeir heita Jón Ásgeir eða Pálmi. Hefur nokkuð breyst ?

 

Athugasemdir

[Anna Sigríður Guðmundsdóttir, 14.1.2010 kl. 16:17]

Halldór minn. Við þurfum að þrengja hringinn. Það er margur hættulegur maðkur í mysunni. Við verðum að þrengja að svikurum með óvéfengjanlegum rökum. Allir verða að leggja spilin á borðin, segja frá því sem þeir vita og við verðum að gefa smákrimmunum vernd svo þeir þori að segja frá!

Horfa framhjá smá-svikurum til að þeir þori að segja frá stóru svikurunum!?  Enginn er fullkominn og að vera með stórar hegningar í boði fyrir þá sem hafa kanski þvælst inn í smámál er til þess fallið að loka á sannsögli þeirra sem vita eitthvað. M.b.kv. Anna

[Júlíus Björnsson, 14.1.2010 kl. 18:39]

Ríkistjórnin verndar kerfið með lagasetningum þeir sem ráða ríkisstjórnum  ráða miklu um örlög þjóðarinnar og almennings.

[Ómar Bjarki Smárason, 14.1.2010 kl. 21:56]

Hvað ætli það sé langt síðan einhver Íslendingur hafi í raun og veru lagt einhverju fyrirtæki fé. Er það ekki rannsóknarefni svona út af fyrir sig. Enginn af þessum svokölluðu útrásarvíkingum og núverandi auðvisum lögðu nokkurn tíma krónu af eigið fé inn í nokkurt fyrirtæki heldur fengu peningana að láni í bönkum sem þeir höfðu á leigu frá ríkinu og svo virðast þeir hafa fengið þóknun og arð af allri vitleysunni og það fé liggur væntanlega á reikningum á Tortóla eða einhverjum viðlíka stöðum.

Og nú koma koma auðvisarnir til með að nota það fé til að kaupa banka og eignir sem f.v. bankarnir þeirra tóku og eru að taka af saklausum almenningi og græða vel á öllu saman. En varla hafa þeir samvisku til að kalla fé fengið með slíkum hætti. Eða hvað...?

Hér áður fyrr voru til lög til að hegna sauðaþjófum, væntanlega í hlutfalli við glæpinn. Væri ekki rétt að grípa til þessara laga í dag, því það hlýtur að mega færa rök fyrir því að það sé álíka glæpur að hafa fé af sauðum (lesist ríkisvaldinu) og að stela sauðum..... eða stenst slíkur samanburður ekki lögfræðilega skoðun...? Það hljóta enn að vera til lögmenn og dómarar sem eru aldir upp til sveita....!!!

[Júlíus Björnsson, 14.1.2010 kl. 23:58]

Einhver sagði að Breta geymdu reiðuféið á Virgin Islands? Kannast einhver við það?