"Þetta eru asnar Guðjón !"

Grunaði mig ekki, skýrslan komin eftir hver veit hversu marga milljarða.Útgáfudagurinn væntanlega valinn með tilliti til komandi sveitarstjórnarkosningar.

 Og hvað stendur svo í henni ?

Allt sem við vissum áður samantekið á einn stað. Aðalgerendurnir eru þeir sömu og alltaf er verið að hafa yfir nöfnin á nema ný nöfn bætast við.   Davíð Oddsson er aðalsökudólgurinn, primus motor að ógæfunni og svo auðvitað Sjálfstæðisflokkurinn sem var bara persóna Davíðs og einhverjir jessmenn sem hann reið við fast taumhald og svo skjálfandi ræflar frammi á gangi. Lýsingar á hruninu fyrir mörgum árum, hver stal hverju þá. Ekki hver stelur hverju núna.

Allir brugðust í kerfinu þá nema sá sem er til yfirheyrslu fyrir nefndinni  í það og það skiptið. Sigurjón Digri viðurkennir að hann hafi alltaf grunað að Björgólfarnir ættu sér húsbændur enda ætti hann manna best að vita það þar sem fyrsta útibú þeirra  var opnað í Leningrad. Fullt af viðbótarupplýsingum um hvaða Sjálfstæðismenn of Framsóknarmenn fengu hversu mikil lán á einhverjum tímum. Stöku maður úr öðrum flokkum slæðist með en hann er þá líka yfirleitt pólitísk þátíð.

Nettó niðurstaðan er sú sem kommúnistastjórnin stefndi að. Draga athyglina frá því hvernig hún er að leika þjóðina með svikum og aðgerðaleysi í öllu því sem skiptir máli og rakka niður Sjálfstæðisflokkinn með því að persónugera hrunið í fólki sem honum tengist. Til lengri tíma dugar ekkert nema róttæk úthreinsun allra borgaralegra eiginda til að endurfæða þessa Þjóð á vinstri grænum ódáinsvöllum, saklausa og hreint hugsandi. Allt gamalkunnar hugsjónir sem hafa verið reyndar í mismunandi útfærslum frá Mussólíni til Pol Pot.

Hvernig skyldi sú framtíð Íslands eiga að líta út ? Verða farnar 1.maí göngur að grafhýsum Steingríms J. og Jóhönnu ? Fólksins sem færði þjóðina aftur til hamingunnar og hins einfalda lífs með því að reyta burt arfann? 

Til skemmri tíma skal reynt að eyðileggja framboð Sjálfstæðisflokksins í sveitarstjórnarmálum með því að setja skýrsluna fram fyrir kosningarnar.  Í Kópavogi birtist þetta með því að birta tölur um skuldastöðu Ármanns Kr. Óllafssonar efsta manns á lista á einhverjum tíma fyrir þremur árum. Svoleiðis mál þýðir ekki að útskýra í komandi kosningabaráttu þar sem dómur er fallinn án þess að hlusta á sakborninginn. Það er alveg sama hvað Ármann segir, Guðríður mun vita betur. Allir sem viðskipti hafa stundað eða rekið fyrirtæki skulu gerðir tortryggilegir. Aðeins opinberir starfsmenn eru kjörgengir í pólitík hér eftir.

Nú geta fjölmiðlarnir, bæði ríkisfjölmiðlarnir og þeir sem aðalvíkingarnir eiga,  hakkað á þessu öllu og vandamál dagsins eru gleymd.  Ekkert skiptir lengur máli í nútíð eða framtíð. Svínaríið heldur áfram í bönkunum sem enginn kannast við að vita hverjir eiga, afskriftir á aðalleikendurna halda áfram og afhending fyrirtækjanna til þeirra gengur á fullu. Atvinnuleysið, landflóttinn, aðgerðaleysið, ekkert skiptir máli nema pólitískar nornaveiðar ríkisstjórnarinnar sem fjölmiðlarnir dýrka  flestir.

Karpið heldur áfram. Máttvana réttarkerfið getur ekkert gert. Allt gufar upp áður og ekki næst í neitt til baka. Í framtíðinni verður eiithvað sent til saksóknara. Síðan fer það til Hæsaréttar. Einhverjir geta átt vona á heimsóknum á elliheimilin í framtíðinni. Allt ein háðung fyrir hinn venjulega skuldaþræl.

Kreppan heldur áfram og á henni eru engar lausnir nema tilfallandi túrismi vegna eldgossins. Stýrðar uppákomur eins og skýrsluútkoman draga athyglina frá nútíðinni og framtíðinni og búa í haginn fyrir langtímaáætlanir Samfylkingarinnar.

"Þetta eru asnar Guðjón !"

 

Athugasemdir

[Elle_, 13.4.2010 kl. 11:12]

Rán var það og rán skal það heita, segir Steingrímur fjármálaráðherra.  Og hann kallar það sem kom út úr skýrslunni hrollvekjandi.  Hann ætlar samt sjálfur, með vinnumönnum bresku og hollensku stjórnanna að ræna okkur hin með ÓLÖGVÖRÐU ICESAVE.  Þannig getur hann skellt skuldinni á alla hina.  Eins og hann hefur barist harkalega fyrir að gera.  Ekkert er honum, sakleysingjanum, og hans NÚVERANDI ICESAVE-STJÓRN að kenna.  

RÁN SKAL ÞAÐ HEITA, STEINGRÍMUR. 

[Gunnlaugur B Ólafsson, 16.4.2010 kl. 00:07]

Ekki eru gæfuleg reikningsskilin eins og þau birtast eftir valdatíð fasistaflokksins (er að reyna að tileinka mér þinn skemmtilega samræðustíl) í tvo áratugi. Það er mjög notaleg tilfinning að allir gera sér gein fyrir að sá flokkur á ekkert erindi næstu áratugi.

[Halldór Jónsson, 16.4.2010 kl. 13:20]

Sæll vertu Gunnlaugur

Ef ég væri trúaður á þína spádóma þá legðist ég í þunglyndi. En sem betur fer bjarmar af degi og Sjálfstæðisflokkurinn alsstaðar á uppleið. Það kemur því að fyrr en þig varir að hér geti hafist nýtt framfaraskeið þegar þessi ríkisstjórn hrökklast frá án þess að koma þér og mér í ESB. Og vonandi líka án þess að borga Icesave.