Vg setur líf ríkisstjórnarinnar á "hold"!

Nærri samtímis landsfundarsamþykkt Sjálfstæðisflokksins samþykkti Vg á bak við luktar dyr að leggja til að hætta viðræðum við ESB. Steingrímur fékk því reddað í horn að þeir gefa Jóhönnu frest  þar til í haust.

Enda sagði Jóhanna á fundi í flokknum hjá sér að núna væri eina tækifæri sem íslenskir kratar myndu fá til að stýra aðildarumsókn frá Íslandi. Hún verður því aldeilis að spýta í núna í sumar. Hún verðu kannski að fara sjálf út til Brüssel og tala þá til ? Því nú eru Bretar og Hollendingar búnir að tengja Icesave inní þetta allt og vissara að hafa snör handtök meðan Vg. eru til friðs.

Kratarnir eyddu einhverjum milljörðum í það að reyna að koma Ingibjörgu Sólrúnu í Öryggisráðið. Nú eyðir Össur einhverjum fimm milljörðum í að koma sér í ESB. Þetta eru höfðingjar kratarnir á milljarðana. Verst að þeir hafa ekkert haft nema sneypuna uppúr þessu til þessa. Og einhver atkvæði kannski frá uppgefnum Evrópusinnum í Sjálfstæðisflokknum.

Steingrímur fær einhverjar útborganir í viðbót á ráðherrataxta. En þetta tekur greinilega enda. Lilja Mósesdóttir sagði Vg ekki lifa af frekara samstarf við AGS og niðurskurð opinberra starfa. Flokkurinn allur er því komin á "hold"  hjá flokksmönnunum. Og Vg virðist líka vera  búið að setja líf ríkisstjórnarinnar á  "hold"  til haustsins í framhaldi af því.

 

Athugasemdir

[Kristinn Karl Brynjarsson, 27.6.2010 kl. 17:29]

ESB-umsóknin og slæleg frammistaða, félaga Svavars og Indriða í samningaviðræðum vegna Icesave, setja svo þjóðina á hold.

 Hvað sem stjórnarliðar segja, þá eru Icesave og ESB-umsóknin, náskyld mál.  

 Icesave-ævintýrið, varð til vegna þess að gráðugir, íslenskir bankamenn, sáu glufur í regluverki ESB.   Fullnaðarsigur Íslendinga í þeirri deilu, yrði því, þó ekki sé sterkara til orðatekið, gríðarlegur áfellisdómur á ESB og regluverk þess.

 Núna eru ca. fjórar vikur, þangað til að sá frestur, sem íslensk stjórnvöld hafa, til að taka til varnar, gegn úrskurði ESA, varðandi Icesave.  Úrskurður sem að ESA, gaf, þrátt fyrir að hafa áður, gefið grænt ljós, á upptöku íslenskra stjórnvalda á þessu regluverki ESB.

 Með ESBdrauminn í farteskinu, munu stjórnvöld aldrei taka til varna af þeim krafti sem þarf, svo réttlát krafa íslensku þjóðarinnar nái fram að ganga.

 Í rauninni, hefur íslenska þjóðin, hafnað lausnum stjórnvalda í Icesavedeilunni.  Stjórnvöld koma því ekki til með að grípa til varna í umboði íslensku þjóðarinnar, heldur í umboði ESB-umsóknar Samfylkingar, studdri af Vinstri grænum.

[Sigurður Þórðarson, 27.6.2010 kl. 18:36]

Ætli það sé ekki þingmeirihluti fyrir aðildarumsóninni lengur?