Hagar

Guðmundir Andri skrifar í Fréttablaðið um Bónusveldið. Þar sem Guðmundur kemur inná skoðanir sem ég hef lengi reynt að setja fram án þess að nokkur taki undir, þá vil ég taka undir með honum. Guðmundur segir m.a.:"Óskiljanlegt er að leyft skyldi á sínum tíma að sameina Bónus og Hagkaup í eitt allsherjareinokunarfyrirtæki. Enn óskiljanlegra er að yfirvöld skyldu heimila innlimun 10/11 búðanna í þetta veldi. Samkeppni var markvisst útrýmt á matvörumarkaðnum eftir að hafa ríkt í nokkur ár, milli Bónusbúðanna og Haugkaups.Eins og við vitum er frjáls samkeppni óbærilegt ástand fyrir kaupmenn. Enginn hagnast á frjálsri samkeppni nema kannski almenningur - og hverjum er ekki sama um hann?

Við tók þykjustusamkeppni sem við þekkjum svo vel hjá olíufélögum og símafyrirtækjum þessa lands; Öskjuhlíðarsamkeppni. Og um árabil höfum við búið við samkomulag um að þessi búð sé alltaf með krónu ódýrara en hin búðin um leið og þess hefur verið vandlega gætt að halda matvöruverðinu nægjanlega uppi til að hægt sé að greiða sómasamlegan arð. Fyrir arðinn af því að selja Íslendingum mat virtist á tímabili hægt að kaupa heilu og hálfu heimsborgirnar. Seinna kom að vísu í ljós að til stóð að kaupa heiminn út á krít en það breytir því ekki að gróðinn af því að selja Íslendingum gulrætur og paprikur, pillur, kóka kóla, og seinna hlutabréf í genunum í sjálfum sér, fyllti á tímabili unga menn - sem allir voru vinir - slíkri ofsatrú á sjálfum sér að þeir héldu að þeir kynnu fleiri klæki en nokkur annar kaupsýslumaður í heiminum. Það reyndist ekki svo...."

...."Fólk kaus Bónus unnvörpum með buddunum. Þeir Bónus-feðgar fengu mikið frá íslensku þjóðinni - þeim var trúað fyrir miklu. Þeir keyptu sér snekkjur og hurfu inn í tilbúinn heim...."

...."

Sú eyða sem Bónus-feðgar höfðu fundið - var vandlega fyllt. Bónus-feðgarnir glúrnu sáu til þess að engir viðlíka hugkvæmir og þeir kæmust inn á markaðinn til að keppa við þá. Sjálfir voru þeir á snekkjunum sínum. Og það fór sem fór."

 Ég held að Guðmundur hafi hitt naglann á höfuðið í þetta sinn.

Athugasemdir

[Margrét Sigurðardóttir, 19.7.2010 kl. 10:28]

Öskuhlíðarsamkeppni er gott orð yfir vitleysuna.

Ég skrifaði pistil um þjófnað Atlantsolíu þegar þeir auglýstu afslátt en svo var enginn afsláttur þegar til átti að taka og búið var að dæla. Markaðsstjórinn þeirra hafði samband og vildi ræða málin. Hann fór fljótlega að hiksta þegar ég talaði um verðsamráð. Eftir mörg símtöl fékk ég endurgreiddar ca 700 kr. Hvað ætli margir nenni að fá leiðréttingu eftir að hafa verið hlunnfarnir vegna þess að: dælan var biluð, eða tölvukerfi bilaði?

Ég skora á fólk að láta heyra í sér og fá leiðréttingu. Í Krónunni er iðulega hærra verð á kassa en í hillu. Ég tala hátt og snjallt þegar ég læt kassabörnin leiðrétta. Vil að allar biðraðir heyri þegar ég segi frá því að það munaði 500 kr. á harðfisk í hilluverði og svo á kassa. 

[Kristján P. Gudmundsson, 19.7.2010 kl. 18:21]

Margrét er kona, sem greinilega hefur bein í nefinu, og hún er þar að auki réttsýn manneskja. Óskandi að sem flestir taki Margréti sér til fyrirmyndar.

Kv., KPG.