Leita í fréttum mbl.is

Stefnufastur Steingrímur

"Framkvæmdastjórn Evrópusambandsins viðurkenndi í svari til norska fréttavefjarins ABC Nyheter í vikunni að ekki væri gert ráð fyrir ríkisábyrgð á bankainnistæðum í umræddri tilskipun. Íslendingum bæri eftir sem áður að endurgreiða innistæðueigendum innan sambandsins á þeim forsendum m.a. að ekki hefði verið staðið rétt að innleiðingu tilskipunarinnar."

 "Ég er alveg viss um það að það komu aldrei neinar athugasemdir af hálfu nokkurs aðila um innleiðinguna á þessu hérna,« segir Finnur. Undir þetta tekur Benedikt Árnason, fyrrum skrifstofustjóri í viðskiptaráðuneytinu, sem hafði umsjón með innleiðingu tilskipunarinnar. "

Þetta kemur mér í sjálfu sér ekki á óvart. Ég sé ekki að þetta breyti stöðunni í neinum grundvallaratriðum,« sagði Steingrímur J. Sigfússon fjármálaráðherra, en vildi ekki tjá sig frekar um málið."

Sem sagt, þá vill Steingrímur  væntanlega enn einn þann kost að efna Svavarssamninginn ? Var ekki svo mikil vá fyrir dyrum Íslands um áramótin 2008, að það var ekki hægt að ímynda sér hana ef ekki yrði gengið frá málinu í snatri? 

Það breytir þá engu þó að við þurfum ekki að borga Icesave við nánari athugun?Það verður fróðlegt að fylgjast með því hvaða afstöðu Steingrímur tekur þegar Evrópusambandið gerir það að skilyrði fyrir aðild Íslands, að gengið verði frá Icesave.

Steingrímur er greinilega stefnufastur formaður síns flokks.


« Síðasta færsla | Næsta færsla »

Athugasemdir

1 Smámynd: Árni Gunnarsson

Steingrímur er ákveðinn og staðfastur í að láta hvorki fyrri yfirlýsingar né eigin flokksmenn hrekja sig út af götu ESB og AGS.

Svo hefur hann tekið undirskriftir skíthræddra sjálfstæðismanna þar sem þeir kokgleyptu allar kröfur Hollendinga og Breta full alvarlega.

Alltaf man ég hvað Davíð ritstjóri var hróðugur þegar hann sagðist vera búinn að spara ríkissjóði mikið með því að taka ekki lánið til að styrkja gjaldeyrisvaraforðann.

Eða þegar Geir var spurður að því hvað ríkisstjórnin ætlaði að gera þegar bankarnir voru að ryðjast um koll:

"Ekki neitt!" sagði forsætisráðherra og formaður sjálfstæðisflokksins og brosti upp að gagnaugum.

Hvernig væri að prófa að afhenda Fimleikafélaginu Gerplu stjórnsýsluna í svona tvö ár til prufu?

Það virðist enginn stjórnmálamaður halda andlegu jafnvægi eftir að hann kemst í námunda við Stjórnarráðið eða Seðlabankann.

Árni Gunnarsson, 30.7.2010 kl. 16:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (8.5.): 329
  • Sl. sólarhring: 535
  • Sl. viku: 6119
  • Frá upphafi: 3188471

Annað

  • Innlit í dag: 294
  • Innlit sl. viku: 5200
  • Gestir í dag: 286
  • IP-tölur í dag: 282

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband