Leita í fréttum mbl.is

Furðuflokkur

er er þessi Vinstri Hreyfing Grænt Framboð.

 Flokkur sem segist vera eindregið á móti aðild að Evrópusambandinu lýtur alræðisvaldi Evrópusinnans Steingríms J. Sigfússonar. Formaðurinn og ríkisstjórnin siglir þöndum seglum til aðildar ásamt Samfylkingunni. Evrópusambandið fær að dæla hér inn milljörðum til að liðka fyrir skilningi landsmanna á kostum aðildar. Þessir fjármunir renna greinilega að langmestu leyti til Samfylkingarinnar og fyrirtækja henni tengdra. Fjölmiðlaveldi Jóns Ásgeirs og konu hans verður þar auðvitað mikilvirkast og sér því fram á batnandi fjárhag sem ekki mun veita af með langan gjaldþrota-og afskriftahalann á eftir sér.

Hjörleifur Guttormsson er með múður hins áhrifalausa flokksmanns í Morgunblaðinu í dag. Hann telur að flokksmenn eigi að hafa um það að segja hvaða stefna sé framkvæmd af ríkisstjórninni gagnvart sambandinu. Þvílíkur barnaskapur.

En auðvitað kemur það fyrir ekki. Steingrímur er að því leyti líkur Adolf Hitler að hann er gersamlega sannfærður um að þjóðin geti ekki án þess verið að sé ráðherra.  Allir aðrir hafi einfaldlega rangt fyrir sér. Það beri að fórna minni hagsmunum fyrir meiri. Það sé hans persónulega mikla hlutverk í mannkynssögunni sem skipti meira máli en einhver villutrú í röðum óbreyttra flokksmanna eða sauðsvarts almennings.

Verkefni ríkisstjórnarinnar virðist vera að beygja almenning í landinu þar til hann örvæntir og gengst konungi á hönd. Það verkefni gengur ágætlega. Kreppan dýpkar og vonleysi almennings vex.  Gjaldeyrishöft verða hér árum saman ef svo fer fram sem horfir og útlendingar heimta sína 1000 milljarða útúr hagkerfinu. Ríkisstjórnin er búinn að breyta krónuinneignum þessa fólks í gjaldeyriskröfur til að þóknast AGS.

Vöruflutningar til landsins dragast nú saman sem aldrei fyrr.  Og raunar í heiminum öllum sem bendir til dýpkandi alþjóðlegrar lægðar en ekki hins gagnstæða. Við þessar aðstæður er stjórnmálaforysta Steingríms J. Sigfússonar einmitt það sem þessi þjóð þarf á að halda?

Á meðan Róm brennur leikur þessi furðuflokkur á fiðlu. 

 


« Síðasta færsla | Næsta færsla »

Athugasemdir

1 Smámynd: Árni Gunnarsson

Þrátt fyrir að hafa reynt á ítrustu áreynslumörk get ég ekki annað en verið sammála þér núna Halldór.

Og það er nú þyngra en nokkrum tárum taki.

Árni Gunnarsson, 26.10.2010 kl. 11:26

2 Smámynd: Halldór Jónsson

Já Árni minn, á þeim degi urðu þeir Heródes og Pílatus vinir. "Það sem að hann helst varast vann, varð þó að koma yfir hann" segir séra Hallgrímur. Og sagði ekki hann Geir líka " Guð blessi Ísland ".Og séra Sigvaldi: "Það er líklega að koma tími til þess að biðja Guð að hjálpa sér."

Svei mér þá ekki Árni, við verðum að fara að hugsa eitthvað fallegt á þessum síðustu tímum.

Mínar innilegustu samúðarkveðjur " ungi og fallegi vinur", eins og hann Keli minn orðar það gjarnan.

Halldór Jónsson, 26.10.2010 kl. 13:25

3 Smámynd: Árni Gunnarsson

En nú sé ég undarlegar talnaraðir þarna stjórnborðsmegin við síðuna þína. Ef ég sé rétt þá er Davíð Oddsson hrunkóngur með yfirburðasigur í könnuninni "Hvaða fyrirmenni treystirðu best?"

Er spurt um hverjum best sé treyst til að ganga af þjóðinni dauðri?

Ég held að þarna sé á ferðinni kerfisvilla og að þú verðir að leiðrétta þessi ósköp Halldór minn svo við verðum ekki fyrir aðkasti.

Sumir eru svo gefnir fyrir hótfyndni að þeir gætu haldið að þetta væri einhver alvöru könnun.

Árni Gunnarsson, 26.10.2010 kl. 16:59

4 Smámynd: Halldór Jónsson

Já satt segirðu Árni, .etta er rosalegt að gamli sorry Gráni sé eftir allt sá sem best mátti treysta. Og það eftir það sem búið er að ausa yfir hann, þá hlýtur kallinn bara að vera vatns-og drulluheldur. Eins og það sé silikónhúð á honum, það bara perlaren kemst ekki lengra.

Halldór Jónsson, 28.10.2010 kl. 13:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (18.5.): 555
  • Sl. sólarhring: 1016
  • Sl. viku: 5431
  • Frá upphafi: 3196881

Annað

  • Innlit í dag: 511
  • Innlit sl. viku: 4478
  • Gestir í dag: 465
  • IP-tölur í dag: 454

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband