Afglapi aldarinnar

í fjármálum hefur ekki verið útnefndur enn.  Steingrímur J. Sigfússon  flennti grönum og froðufelldi  í ræðustól Alþingis yfir vitleysu íhaldsins í fjármálum 17 ár. Hann  hefur nú verið við völd í 2 ár sjálfur. Heldur því fram sjálfur að hann sé í stöðugri rústabjörgun eftir íhaldið og hann sé að vinna afrek á hverjum degi. Lófatakið er samt orðið dræmt í flokki VG.

Á þessum tíma hefur hann sólundað einum 90 milljörðum fram hjá Alþingi í allskyns bjarganir sem hann segir hafa verið bráðnauðsynlegar.  Hársbreidd munaði að Steingrími þessum tækist að leggja Icesave l samninginn á þjóðina og kalla það glæsilega niðurstöðu. En aðalsamningamaðurinn, félagi Svavar,  er sagður eini maðurinn sem sest hafði á ráðherrastól án tékkheftis. Enda voru þá erfiðir tímar og Svandís í æsku. 

 Fullyrða má að vaxtagreiðslurnar einar af Icesave l  samningi þeirra félaga  hefðu numið mun meira en öllum rekstrarkostnaði Landspítalans. NB. áður en farið væri að tala um að borga niður!  Og enn vill Steingrímur smeygja sykurhúðuðu Icesave lll beislinu upp í þjóðina  með sömu útmálun opins helvítis fyrir Íslendinga ella.

Landspítalinn hefur sagt upp 700 manns og skert þjónustuna af því hann vantar 3 milljarða. Sjóvá fékk 16 milljarða af ríkisfé. Sparisjóður Keflavíkur annað eins og BYR eitthvað álíka, VBS 26 milljarða og Saga  Capital álíka. Steingrímur Jóhann er því í augum einhverra fremur  fjármálalegur örviti og stórhættulegur fyrir þjóðina en bjargvættur.Á sama tíma lætur Steingrímur teikna nýjan hátæknispítala fyrir sig.  Kostnaðurinn sjálfsagt hrein skiptimynt á mælikvarða Steingríms. Stendur þjóðinni virkilega á sama þó þetta haldi áfram á fullu  meðan spítalinn sveltur?   

Nú selur hann með Mávi Seðla Sjóvá með 10 milljarða afslætti til einhverra nafnlausra vina.  Verði  ríkisframlagið dæmt ólöglegt af EES eftir 2 ár,  þá eiga vinirnir nafnlausu að borga mismuninn segir útvarp allra landsmanna. Það þegir um það hvort þeir muni þá eigi fyrir því né hvaða tryggingar þeir bjóði ef til þess kæmi.  Hver skyldi eiga að borga ef þeir geta það ekki ?  Steingrímur eftir Landsdóm ? 

 Verður  Steingrímur útnefndur afglapi aldarinnar?

 

Athugasemdir

[Arinbjörn Kúld, 20.1.2011 kl. 15:39]

Tja, steingrímur ætlar greinilega að toppa aðra þjóðþekkta afglapa með þessu áframhaldi.

Kveðja að norðan.

[Pétur Halldórsson (IP-tala skráð) 20.1.2011 kl. 18:09]

Hann á tvíburabróðir hvað varðar afglöp, hann heitir Robert Mugabe.

[Halldór Jónsson, 20.1.2011 kl. 21:54]

Mugabe. Finnur frændi hefði kannski borið þetta fram Múg-api. En það gæti þýtt api sem múgurinn kýs.

[Ómar Bjarki Smárason, 21.1.2011 kl. 00:31]

Það er verið að skerða þjónustuna, Halldór, til að sníða hana að 250.000 manna þjóð. Þannig má losna við atvinnuleysi að mestu, halda þau sem  taumana hafa.... eða þannig lítur þetta út svona fyrir utan önnur afglöp....

[Júlíus Björnsson, 22.1.2011 kl. 07:02]

Skera niður Regluverkið, Schengen, Seðlabanka, Kauphöll, íbúðalánsjóð. Sameina fákeppni í eina Ríkishollustustofnun fyrir undir heraga, nóg er af vitleysingum sem geta stjórnað slíkum einfaldleika leika fyrir lítil sem engin laun.  Ríki of Forstjóri geta skipt á milli sín því sem fer niður fyrir ráðgerðan kostnað á ári.

Jafna laun karla og kvenna í stjórnsýslunni, með því að lækka laun karlanna.   Þangað til konurnar eru sáttar.

Jarðfræðingar eiga ekki að skipta sér af fjármálum annarra.  Hverjir sannfæra Steingrím?  Hver er heilinn bak við grímuna?