Hvað ætla Innflytjendur sér?

að gera hér á Íslandi ?

Ætla þeir að gerast Íslendingar og semja sig að siðum þessarar kristnu þjóðar? Eða ætla þeir að koma á fjölmenningu og gettóbyggðum eða stofna hér islamskt ríki?

Því er því algerlega fáránlegt að lesa um niðurstöður fjölmenningarþings á vegum Jóns Gnarr.

Þar segir m.a.:

"Viðurkenna þarf móðurmálskennslu sem hluta af námi barna af erlendum uppruna..., tryggja þarf betra aðgengi að upplýsingum á sem flestum tungumálum og koma þarf á fót miðstöð þar sem tekið er á móti innflytjendum. Þessar tillögur og margar fleiri má finna í niðurstöðum fjölmenningarþings sem haldið var 6. nóvember síðastliðinn á vegum mannréttindaskrifstofu Reykjavíkurborgar.....

Einnig kom fram að auka þyrfti meðvitund um ólíka menningarheima, t.d. þyrfti að bjóða upp á lokaða búnings- og sturtuklefa í sundlaugum borgarinnar og jafnvel bjóða upp á karla- og kvennasund sitt í hvoru lagi, þar sem fólk sé misvant því að vera klæðalítið fyrir framan hitt kynið....

Skólamál voru meðal þess sem var hvað mest rætt og kom m.a. fram að það ylli streitu hjá foreldrum að þau gætu ekki fylgst almennilega með námi barnanna. Lögð var áhersla á persónuleg samskipti og gagnkvæman skilning. "

Mér finnst að gera eigi innflytjendum til Íslands það ljóst frá uppphafi að til þess þurfi þeir að semja sig að lögum og venjum þjóðarinnar í einu og öllu. Læra málið og blandast okkur. Hér verði engin fjölmenning rekin. Hér er Ísland, hér er kennt á íslensku í skólum. Þið verðið að læra okkar mál ef þið ætlið að vera hér í landinu.

Annars getið þið bara farið. Við báðum ykkur ekki um að koma. Þið verðið að þola að við sjáum á ykkur rassinn og þið á okkur. Ekkert kjaftæði um hvernig þið gerið heima hjá ykkur.Það er þar en hér er hér. Við gerum það svona hérna.

Komi þeir sem koma vilja og fari þeir sem fara vilja. Þetta er Ísland þar sem innflytjendur geta aðeins ætlað sér að búa sem Íslendingar.

Hér verður engin fjölmenning.Punktur

Athugasemdir

[Óskar Arnórsson, 17.3.2011 kl. 19:28]

Það þarf að koma upp nefnd sem hefur það verkefni að biðja útlendinga afsökunar á því að á Íslandi býr enn fólk sem er fornmenn í hugsun og sé með meðvitund eins og kórallar í karabíska hafinu.

Kaldir, ferkantaðir og illa upp aldir með allt á hornum sér og sé illa gefið og krónískt neikvætt. 

Kenna þeim að þekkja þetta fólk úr og segja þeim til sé fólk sem segist vera kristið enn það viti hvorki hvað kristin siðfræði sé og hafi engan áhuga á því heldur.

Þetta sé afgangur af fólki sem hugarfarslega sé enn hellisbúar, enn vegna góðmennsku allra hinna hafi það sömu réttindi og venjulegt fólk vegna þess að það lítur eins út....

[Kolbrún Hilmars, 17.3.2011 kl. 19:55]

Margt af því sem kom fram á þessu fjölmenningarþingi geta íslendingar sjálfir tekið undir; s.s. skortur á upplýsingum allrahanda. Hins vegar kvarta innfæddir í hófi, því þeir gera sér grein fyrir því að í landinu er örsamfélag sem getur aldrei veitt sömu þjónustu og tugmilljóna samfélög. Leitt að hafa ekki heyrt neitt jákvætt um íslenska samfélagið frá þessu þingi.

Ég get því tekið undir með þér Halldór; hvað vilja nýbúarnir hér ef allt er svona ómögulegt? Hin norðurlöndin eru jafnopin og bjóða mun betur - eins og Óskar veit mæta vel.

[Óskar Arnórsson, 17.3.2011 kl. 20:30]

Ég veit ekki hvort hin Norðurlöndin eru eitthvað betri en það Íslenska. Það er frekar að þau hafi öðruvísi vandamál.  

Bara orðið "nýbúi" virkar hryllilega fráhrindandi á mig. Ég er "nýbúi" í öðru landi og infæddir fyllast ógeði á að sjá "villimanninn" frá Íslandi éta svið og harðfisk.

Enn það er engin að banna mér það heldur þó fæstir hérna trúi einu orði að þetta sé góður matur...

[Kolbrún Hilmars, 17.3.2011 kl. 20:39]

Óskar, okkur er uppálagt að nota orðið nýbúi en ég get alveg fallist á að þetta er leiðindaorð.

En svona þér að segja, til gamans, þá er íslenska veðrið eitt af því sem nýbúarnir settu útá á þessu þingi; það er ekki börnunum þeirra bjóðandi. :)

[Óskar Arnórsson, 17.3.2011 kl. 21:13]

...hehe. Er það ekki frekar Íslendingar sem eru viðkvæmir fyrir því að útlendingar séu ekki að hæla þessum vindrassi sem Ísland er stundum í hástert?

Alla vega sagði einu sinni konan mín við mig á Íslandi að veðrið hefði verið "leiðinlegt við sig"...

Henni var nær að reyna að tala Íslensku....alla vega eru kvartanir útlendinga oft miklu skemmtilegri enn innfæddra...

Hræðsla við útlendinga á Íslandi er oft vandamál á Íslandi...og það er líka feimni við að taka á vandamálum sem er rakið til útlendinga. Þetta er bara fólk eins og við og það á að koma fram við alla eins..

[Helga Kristjánsdóttir, 17.3.2011 kl. 23:05]

   Óskar, Hver segir að þetta,eins og þú orðar það svo smekklega,sé ekki bara fólk eins og við. Íslendingar hafa tekið vel á móti útlendingum,flóttamönnum og þeim sem þeir sækja sérstaklega eftir til að vinna lág launastörf. Þannig minnkaði vinna mín umtalsvert,þegar ég þarfnaðist hennar mest,við innflutning Fylipseyinga.Það breytti ekki viðhorfi mínu eða framkomu við þá.  Ég átti góð samskipti við þau öll og þau eru góðir kunningjar mínir. Ég get kynnroðalaust sagt að ég sé mótfallin,gengdarlausu flæði innflytjanda,vegna vandamála sem því fylgja.Það er meira áberandi í fari ,,Íslendingsins,,að kunna sér ekki hóf. það höfum við áþreyfanlega verið minnt á síðustu ár. Það er til stjórnunar tæki,sem kallast aðhald,góðra stjórnenda bíður ærið verkefni. KV.

[Óskar Arnórsson, 18.3.2011 kl. 08:46]

"Þetta fólk" er ekkert illa meint gagnvart útlendingum. Vinna minnkar ekkert við að útlendingar komi til landsins. Að útlendingar taki vinnu frá Íslendingum er misskilningur.

Það er frekar að íslendingar hefu aldrei ráðið við sum verkefni ef ekki hefði komið hingar fólk erlendis frá. Og þannig hefur það verið síðustu 40 árin t.d. í fiski og stórum einstökum verkefnum.

[Halldór Jónsson, 18.3.2011 kl. 11:24]

Ég þakka ykkur fyrir umræðurnar.

Ég þarf kannski að tka það fam að ég tel mig ekki ferkantaðan fornmann, hvað þá að ég sé hræddur við útlendinga. Það hefði verið hægt að stýra verkefnum innanlands með öðrum hætti en að moka út mörgum risaverkefnum í einu sem neyddu menn til að flytja inn verkafólk með tilheyrandi þenslu á vinnumarkaði og verðbólgu, seðlabankafári og afleiddri brjálun almennings. Gusugangurinn í efnahagsmálum hefur hefnt sín kirfilega.

Ég er með mínum orðum að reyna að vara við þeirri gettóþróun sem við blasir í nágrannalöndunum. Ég tel að við eigum að læra af því. Við hefðum lítið við 10.000 manna múslímahverfi að gera í Reyjavík þó að land okkar gæti rúmað 10.000 múslíma sem féllu inn í samfélagið með okkur.

Það er svo með Ísland að til forystu veljast margir sem betur hefðu verið annarsstaðar, sbr, skrif Óskars.

Íslands óhamingju verður allt að vopni skrifaði einn maður einu sinni.Mér finnst oft eins og okkur sé fyrirmunað að gera rétt í mörgum málaflokkum í einu. Þó erum við yfirleitt ekkert mjög vitlaus mörg hver sem einstaklingar. Það er einhver múgssál sem hleypur í stjórnmálin og byrgir einstaklingunum sýn.

Svo er ekki lýðræði í landinu heldur í alþingiskosningum. Það er sú eins staðreynd sem þyrfti að breyta í sambandi vð okkar stjórnarskrá, að jafnræði þegnanna verði tryggt.

[Tinna Gunnarsdóttir Gígja, 18.3.2011 kl. 14:42]

Hvers vegna ertu alltaf að halda því fram að við séum "kristin þjóð"? Hvað er svona kristið við hana?

[Halldór Jónsson, 18.3.2011 kl. 15:18]

Þjóðin er kristin þó ég sé ekki kristinn sjálfur. En mér líkar vel við kristið fólk og vil heldur vera innan um það en AlQueda fólk

[Tinna Gunnarsdóttir Gígja, 18.3.2011 kl. 18:46]

Hvernig er þjóðin kristin? Við hvað miðarðu?

[Óskar Arnórsson, 19.3.2011 kl. 02:00]

Íslenska þjóðinn er ekkert kristinn og hefur aldrei verið. Það er einstaka manneskja "kristin" í þeirri merkingu sem lagt er í orðið.

Flestir geta ekki útskýrt að neinu gagni hvað kristni er, og það er svo merkilegt að prestar og kirkjufólk er ekkert betra í því enn hver annar.

Þegar einhver segir: "Ég er kristin" þá er það oftar enn ekki bara innihaldslaus frasi sem fólk hendir í kringum sig og vonar að engin hugsi nánar út í...

eiginlega pínlegt...

[Alfreð K, 19.3.2011 kl. 22:39]

Ég tek undir með Halldóri og hann á þakkir skildar fyrir að vera einn af fáum sem þora að tjá sig um og nenna að benda á þessa hluti, sem ættu nú að vera þorra manna annars augljósar.

Hans ábendingar hafa ekkert með fornmennsku að gera, þetta er bara spurning um hvort við viljum að útlendingar fái að flæða stjórnlaust inn í landið okkar og breyta ásýnd þess og menningu frá því sem verið hefur um aldir, hvort það sé yfir höfuð nauðsynlegt og svo ekki síst hvort það sé gert í þökk eða óþökk þeirra sem fyrir eru, en það fólk hefur náttúrulega aldrei verið spurt, eða hvað? Hefði það ekki verið talin hinn almenna kurteisi (spyrja fyrst, framkvæma svo)? (Af hverju þykjast gjörspilltir stjórnmálamenn og heilagir svokallaðir „blaðamenn“ alltaf einir hafa vit á þessum svokallaða málaflokki?).

Þetta hefur ekkert með það að gera að vera á móti hinu og þessu fólkinu eða á móti framandi menningu yfir höfuð, þetta snýst um það hvort menn séu sáttir við að framandi menning ryðji sér rúm í ÞEIRRA EIGIN HEIMALANDI, hvort þeir þurfi allt í einu að búa við það (í nafni svokallaðrar alþjóðavæðingar) að óþekkt framandi lið utan úr heimi geti allt í einu sest að í þeirra heimaþorpi (af því að það á rétt á því skv. einhverjum furðulegum „alþjóðalögum“ sem sumum finnst svo flott að vitna í) og farið svo af stað með kröfur um að samfélagið lagi sig að þeim en ekki öfugt!

Slíkt nefnist á daglegu máli ekkert annað en yfirgangur og frekja, og er nema von að einhverjum heimamönnum bregði og sumir láti jafnvel í ljós óánægju sína og reiði þegar við svo er búið.

[Óskar Arnórsson, 20.3.2011 kl. 21:45]

Það var gott að Alfreð kom og staðfesti akkúrat það sem ég átti við...