1.maí

er haldinn hátíðlegur um víða veröld í dag.Dagurinn á rætur sínar að rekja til baráttu verkamanna fyrir takmörkun taumlauss vinnutíma í Chicago á níunda áratug nítjándu aldar. Barátta sem kostaði miklar blóðsúthellingar og skapaði dýrlinga sem enn eru heiðri haldnir.

Einn þeirra var Joe Hill. Svíi sem var í forystusveitum verkamanna á þessum tíma. Var trúbadúr sem söng sig inn í hjörtu félagsmanna sinna. Hann var tekinn höndum 1914 í tengslum við skotbardaga. Fundinn sekur um víg og tekinn af lífi 1914.

Erfðaskrá sína eftir dauðadóminn setti hann í ljóð svofellt:

"My will is easy to decide,
For there is nothing to divide.
My kin don't need to fuss and moan,
"Moss does not cling to a rolling stone."

My body? Oh, if I could choose
I would to ashes it reduce,
And let the merry breezes blow,
My dust to where some flowers grow.

Perhaps some fading flower then
Would come to life and bloom again.
This is my Last and final Will.
Good Luck to All of you,
Joe Hill"

Minning brautryðjenda er í hávegum höfð og Joe Hill öðlaðist sinn sess í sögunni og margir telja hann píslarvott.

Vökulögin íslensku gengu út á sömu ráðstafanir og menn voru að krefjast á Haymarket í Chicago þar sem uppruni dagsins er. Sem betur fer hefur mikið áunnist í því að efla virðingu fólks fyrir verkafólki og aðbúnaði þess. Hér á Íslandi þekki ég mig ekki á vinnustöðum nútímans og vinnustöðum þeim sem maður þekkti í æsku. Og voru þeir þó hátíð hjá því sem var á tímum stóru kreppunnar, þegar menn voru klæðlitlir að grafa skurði í vetrarveðri í atvinnubótavinnu austur í Flóa. Sem betur fer er slík villimennska ekki í boði lengur þó mörgum finnist öfgarnar í hina áttina séu ærnar orðnar.

En hvað er að gerast í dag? Þetta er kröfudagur um framfarir og bætt lífskjör. Í Chicago stóð auðvaldið gagnvart fátækum verkamönnum.Sovétríkin komu og fóru án þess að færa það sem menn þráðu. Í dag er mannvirðing komin á hærri stig þó stutt sé allstaðar niður á villimennskuna.

Opinberum starfsmönnum hefur stórfjölgað hjá okkur og kjör þeirra orðin meira en sambærileg við það besta annarsstaðar. Svo hverja eru krefjendur að krefja? Verðum við ekki að líta svo á að fólkið sé fyrst og fremst að gera kröfur til sjálfs síns? Taka sameiginlega á til að allir búi við betri aðbúnað í framtíðinni?

Tímar feitra auðjöfra sem beita öllum brögðum til að traðka á verkafólki er löngu liðinn. Kjör alls almennings hafa batnað ótrúlega síðan á kreppuárunum og þar fyrir. En baráttuandanum er haldið lifandi. Nú er öskrað á Austurvelli gegn auðvaldinu sem er búið að ganga fram af þolinmæði ræðumanns. Hótað er styrjöld í þjóðfélaginu ef ekki verði látið undan. Einskonar minning um baráttu í blóðbaðinu á Haymarket í Chicago.

Allir óska þess að hagur allra megi batna í framtíðinni. En boðað allsherjarverkfall af Austurvelli mun engin áhrif hafa í þá átt. Það er aðeins vinnan sem getur gert það.

Bardagar búa yfirleitt til fátt annað en dauðar hetjur eða dýrlinga eins og Joe Hill.Gleðilegan 1.maí!

Athugasemdir

[Rafn Haraldur Sigurðsson (IP-tala skráð) 1.5.2011 kl. 14:45]

Í dag er 1 mai á sunnudegi, í fyrra var hann á laugardegi. í Ástralíu kalla þeir hann eight hour day vegna þess sem baráttan hefur skilað,átta stunda vinnudegi. Í bandaríkjunum, kanada og puerto rico halda þeir upp á labor day fyrsta mánudag í september sem tryggir það að verkamenn fá alltaf aukafrídag frá vinnu, eins og reyndar verslunarmenn fá hér fyrsta mánudag í ágúst.

Til hamingju með daginn.

[Vilhjálmur Stefánsson, 1.5.2011 kl. 20:48]

Hagur hins vinnandi mans batnar ekki meðan þessi Ríkisstjórn situr við völd og þeir þingmenn úr öllum Flokkum sem sitja nú á þingi. Gleðileg Hátíð'..

[Anna Sigríður Guðmundsdóttir, 3.5.2011 kl. 07:53]

Takk fyrir þennan góða pistil Halldór minn. Maður kemur aldrei að tómum kofanum hjá þér. Þú veist greinilega sitt af hverju og ég ber virðingu fyrir fólki eins og þér, sem þekkir tímana tvenna, mikla vinnu, og veit að ekkert verður til án raunverulegs strits! Ekki einu sinni gjaldeyrir verður til án strits og uppskeru, og sorgleg staðreynd að seðlabankastjórinn okkar skuli ekki einu sinni skilja það.

 Vökulögin voru nauðsynleg á sínum tíma, til að sjómenn fengju einhverja tíma í sólar-hringnum til að sofa og hvílast. Í dag duga ekki laun fólks fyrir þjófaskuldum bankanna þótt unnið sé allan sólar-hringinn.

Sumum finnst kannski fáránlegt að tala um vökulögin í dag, en í raun er ástandið verra núna, en þegar vökulögin voru sett á! Því greiðslu-kröfurnar á almenning eru miklu meiri núna til samfélags-kerfisins/bankaræningjanna/lífeyrissjóðanna en voru þegar vökulögin voru sett! Og fólk fær minna úr samfélagskerfinu/lífeyrissjóðunum/bönkunum en það á rétt á, miðað við hvað það borgar til þessa kerfis í formi skatta og rányrkju-skyldu-greiðslu. Nú snýst allt um að borga þeim ofurlaun sem vinna hjá opinbera ránskerfinu svikula! Ekki veit ég fyrir hvað þeir fá þessi ofurlaun frá stritandi almenningi?

 Nú þarf að setja handjárn á stjórnendur lífeyrissjóðanna/bankanna, áður en þeir stjórnendur ná að kyrkja heiðarlega borgara þessa lands til dauða.

 Hann Helgi í Góu var með frábæra auglýsingu í blöðunum á dögunum, og nú verða landsmenn hreinlega að hlusta á þann frábæra reynsluríka visku-mann, og þótt fyrr hefði verið! Ef Helgi í Góu stjórnaði landinu, værum við ekki í þeim stóra vanda sem við erum í dag! Hann er heiðarlegur, skynsamur og raunsær!

 M.b.kv.