Getnaðarmálaráðuneytið?

er hugsanlega lausin sem leitað hefur verið að?

Maður hefur haldið að getnaður og barnsmeðganga væri málefni sem einstaklingar hefðu séð um frekar óskipulagt þessa og komið þjóðinni á þann stað sem hún er nú stödd á? Barnsmeðganga konu höfum við haldið til þessa að væri hennar nokkuð einkamál? Getur hún ekki farið í fóstureyðingu nokkuð að eigin vali? hefur hún ekki nokkuð með fæðinguna að gera? Getur hún ekki gefið annarri konu barnið?

Hefði maður ekki freistast til að álykta að staðgöngumæðrun væri einkamál tveggja kvenna, hugsanlega með aðkomu sæðisgjafa að einhverju leyti? Nei, ekki aldeilis er það svo. Alþingi Íslendinga vill hafa hér aðkomu? Skyndilega eru ótal siðferðismál uppi á löggjafarsamkundunni þegar kemur að málefnum slíkra barna.

Ef nú á að fara að skoða þessi þýðingarmiklu fjölgunarmál á löggjafarþinginu, er þá ekki rétt að fara að taka þetta föstum tökum? Verður ekki að fara að vanda meira til verka? Láta ekki mannfjölgunarmálefnin vera svona algerlega stjórnlaus? Gera ekki hitt og þetta í málflokknum án nauðsynlegra leyfa sem hugsanlega má veita eftir innlögn umsóknar eða útdrætti? Verður ekki að vanda til mannfjölgunarmála þjóðarinnar?

Er ekki sérstakt getnaðarmálaráðuneyti best til þessa fallið að afgreiða slík mál?

Athugasemdir

[Helga Kristjánsdóttir, 18.9.2011 kl. 16:06]

Þetta minnir mig á fyrsta árið í elskulegum Kópavogi. Nýflutt að Hraunbraut,býsnast ég og skelli á lær yfir álögðum gjöldum Kópavogsbæjar. Eftir að hafa talið þau upp og endað á gatnagerðargjaldi,kveður vinur okkar upp úr,að nú muni þeir bæta fljótlega við,getnaðargjaldi.Kína-Kóp!!!

[Óskar Arnórsson, 18.9.2011 kl. 21:16]

Íslenska Ríkisstjórnin er eins og margir íslendingar, apa allt hvað þeir geta eftir öðrum þjóðum. Eiginlega snýst allt um að kópera bullið úr erlendum kirkjum þar sem enn er hamast við að halda völdum yfir fólki.

Þegar Alþingi, með alla karla eru farnir að skipta sér af málefnum kvenna á þennan hátt, kemst þar með upp um botnlausan yfirgangið.

Hvað kemur næst? Kynlífsskattur? Gefa yfirvöldum skýrslu um hversu oft sé hafðar samfarir....?

... eða klósettferðir??? ... eða hversu oft er rekið við á heimilinu? þarf í framtíðinni að skrifa allt niður svo hægt sé að reikna út mengunaráhrifin og þar með kostnaðin sem yfirvöld verða fyrir vegna skemmda á gróðri landsins...

Þræladýrkun íslendinga er í hámarki. Þrælarnir sjálfir kvarata að vísu að þeir séu þrælar. Enn þeim hvíður enn meira fyrir frelsinu og þess vegna verður íslensk alþýða áfram þrælar. Af því að vilja vera það.

Barátta kvenna fyrir eigin líkama er barátta allra fyrir frelsi yfir sjálfum sér.

Kirkjan er bara svo sniðug að hún styður mannréttindi með sama hugarfari og pólitíkus lofar gulli og grænum skógum fyrir kosningar með vinstri hendi, og stelur síðan mannréttindum fólks með þeirri hægri, með því að halda minna vitandi fólki í trúarbragðaþrælkun.

Alþingi Íslendinga er líklegast eitt spilltasta fyrirbæri í Evrópu í dag, og þeir sem vita minnst um það eru alþingismennirnir sjálfir.