Ekki brást Dorrit

væntingum mínum og gerði miklu meira en ég bjóst við í uppþotinu við þingsetninguna. Ég held að hún hafi gert mikið til að lægja öldurnar og vernda þingmennina. Raunar var líka sómi að Ólafi Forseta þegar hann fylgdi Dorrit og fór til fjöldans með henni.

Eggjakastarar sem dyljast í fjöldanum eru til skammar. Oftar en ekki með lambhúshettur til að dylja sig. Fólk ætti helst að rífa slíkan höfuðbúnað af svona liði þegar það skýst um fjölmennið eins og rottur eða óeinkennisklæddir lögreglumenn ættu að handjárna þá fyrir aftan bak. Svo má leysa þá og skrá þegar atburðuinn er afstaðinn. En hvað um það, skrílslæti eru tiil skammar og gera málstaðnum engan greiða enda gerendurnir líklega skoðanalaus lýður sem vill bara koma illu af stað og fá útrás fyrir sínar lægstu hvatir.

En ég var stoltur af Forsetafrú minni sem sýni að hún er kona í krapinu. Ekki brást hún Dorrit mér  frekar en fyrri daginn. 

Athugasemdir

[Rafn Haraldur Sigurðsson (IP-tala skráð) 1.10.2011 kl. 14:47]

Dorit er algjör gullmoli og stendur með íslenskri alþýðu ólíkt kommunum sem vilja berja niður baráttuandann og láta alþýðuna borga fyrir útrásarþjófana sem að maðurinn hennar stöðvaði með því að neita að staðfesta Icesave. þau eru sómi Íslands, sverð og skjöldur. vona að þau bjóði sig fram aftur.

[Haraldur Hansson, 1.10.2011 kl. 15:06]

Dorrit var jafn frábær og eggjakastararnir eru ömurlegir. Þegar hún gekk framhjá þar sem ég stóð í mannfjöldanum fylgdu henni 7-8 lögregluþjónar, í hæfilegri fjarlægð.

Mér sýndist hún ekki þurfa neina lögregluvernd, fólkið tók henni vel.

Líka frábært að lögreglan var hluti af hópnum og fékk góðan stuðning fundarmanna. Gott hjá Vilhjálmi Birgissyni að lýsa yfir stuðningi við lögregluna í frábærri ræðu sinni.