Glæpirnir í Kópavogi

 

sem þeir ákærðu Gunnar I. Birgisson og Ómar Stefánsson frömdu og hafa ekki verið ákærðir fyrir voru:

1. Að ávaxta fé Lífeyrissjóðs Starfsmanna Kópavogsbæjar  með allra bestu ávöxtun allra lífeyrissjóða landsins  eða yfir 6 %

2. Að tapa einna minnstu hlutfalli  af eignum allra lífeyrisjóða á landinu.

3. Að eyða engu i vinnuferðir til útlanda.

4., Að fara ekki í neinar boðsferðir til útlanda.

5. Að fljúga ekki með einkaþotum útrásarvíkinganna

6. Að eyða engu í sjálfa sig eða risnu.

7. Að ráðstafa  engu af eignum sjóðsins til vina og vandamanna.

Þetta er ágætt að skoða í samhengi við ástandið hjá hinum lífeyrissjóðunum þar sem stjórnarmennirnir töpuðu 480 miljörðum. En þar er auðvitað enginn ákærður enda ekki í pólitík.

Gunnar og Ómar eru ákærðir fyrir að hafa lánað eiganda og ábyrgðarmanni sjóðsins, sjálfum Kópavogskaupstað, meira en 20 % af ráðstöfunarfé sjóðsins. Einhver nefndi 25 %. Bera má þetta saman við bankastjórana í Glitni og Kaupþingi sem lánuðu næstum alla bankana án trygginga til vina sinna.

Allt byrjar þetta útaf því að Steingrímur J. Sigfússon ráðherra ber fyrir sig einhverjar reglur um lífeyrissjóði og 20 % lánaþak sem hann hefur hugsanlega sjálfur átt þátt í að setja og tekur ákvörðun um það klukkan 21.30 að kvöldi að koma þessu höggi á pólitíska andstæðinga sína. Höggið dugði til að eyðileggja eða stórskaða pólitískan feril þessara manna.

 Sjálfur Steingrímur sleppur með miklu stærri gerninga sem stórsköðuðu allan almenning og hefði  ásamt með félaga Svavari auðveldlega rústað fjárhag íslensku þjóðarinnar ef ekki hefðu verið tekin af honum ráðin á elleftu stund. Hugsanlega verður þessum Steingrími stefnt fyrir Landsdóm vegna ýmissa tiltekta  sinna þegar þannig skipast á Alþingi.

Framkvæmdastjóri sjóðsins, Sigrún Bragadóttir,  er líka ákærð og hefur farið sýnu verst útúr málinu þar sem henni er neitað um vinnu vegna ákærunnar. Flosi Eiríksson er tryggilega falinn bak við skiltin á framhliðinni hjá KMPG sem endurskoðandi og Jón Júlíusson var endurráðinn bæjarstarfsmaður af hinum "spillta bæjarstjóra" að dómi Samfylkingarinnar,  Gunnar I. Birgissonar,  eftir að Jón hafði stokkið í betri vinnu um tíma. Ekki varð ég var við það að haldin hafi verið fagnaðarhátíð neinstaðar  vegna þeirrar ráðstöfunar Gunnars.

Það er greinilega mikilvægt að réttlætið nái fram að ganga vegna glæpanna í Kópavogi. 

 

Athugasemdir

[Helga Kristjánsdóttir, 8.2.2012 kl. 14:00]

Góð samantekt Halldór,með þessum óréttmætu árásum, hefur Samfylking tapað miklu fylgi.

[Baldinn, 8.2.2012 kl. 14:38]

Það er þá í lagi að brjóta lög ef þú græðir á því.

[Ragnhildur Kolka, 8.2.2012 kl. 15:50]

Þetta er ótrúleg atburðarás sem þú rekur þarna.

Í ljósi nýjustu frétta væri það að bíta höfuðið af skömminni að ákæra og dæma þá sem gerðu sitt besta til að bjarga fjármunum starfsmanna bæjarfélagsins.

Og maður bíður spenntur að sjá hvernig tekið verður á þessu máli annars vegar og svo hundruð milljarða tapi hinna lífeyrissjóðanna hins vegar.

Jú, lög voru brotin, en spurningin er: var einhver glæpur framinn?

[Halldór Jónsson, 8.2.2012 kl. 16:47]

Takk fyrir þetta öll.

Ragnhildur Kolka,

Þér ofbýður greinilega samhengið sem kemur í ljós þegar þessi mál eru skoðuð. Mér finnst eftir standa pólitísk aðför kommúnistans Steingríms J. Sigfússonar að pólitískum andstæðingum.

Svona voru kommúnistar 1938 eins og þegar Halldóri Kiljani fannst sjálfsagt að skjóta Búkharín eftir að hafa hlýtt á réttarhöldin yfir honum. Svona eru kommúnistar enn í dag. Steingrímur þerraði krókódílatárin þegar hann þóttist bera sorg í hjarta þegar hann sendi Geir Haarde fyrir Landsdóminn.

Þessir menn svífast einskis í hinni góðu baráttu sem þeir telja sig eiga í við andstæðinga sína í hinu illa auðvaldi.

Í þessu máli liggja spilin á borðinu. Þessir menn voru að reyna að ávaxta fé sjóðfélaganna á þann besta hátt sem hægt var. Hvaða kostri voru í boði? Kaupa hlutabréf í FL-Group? Leggja peningana inn í banka ? Hvaða banka ? Hvaða vexti? Hverjum mátti treysta?

Þetta mál er svo fáránlegt að engu tali tekur. Það tekur heldur engu tali heldur að kommúnistinn skuli komast upp með þetta án þess að nokkur hræri hönd né fót. Það er talað um þessa menn, Gunnar Birgisson og Ómar Kristjánsson eins og þetta séu glæpamenn, það sé ekki hægt að sitja með þeim í bæjarstjórn osfrv.

Hvað er með Ögmund? Sat hann ekki í lífeyrissjóðum og tapaði í braski? Skilar lífeyrissjóðurinn staðgreiðslunni af tapinu í ríkissjóð? Ber ekki Ögmundur Innanríkis ábyrgð á þeirri skattskuld? Hvað segir kommúnistinn kalvíniski um það?