Vond tilfinning

sækir að mér þegar ég virði fyrir mér Landsdómsmálið úr fjarska.

Mér finnst eins og allt þjóðfélagið beinist að því að koma sökinni á hruni bankanna á einhverja aðra en þjófagengið sem framkvæmdi það. Baldur Guðlaugsson situr í Hegningarhúsinu við Skólavörðusíg í boði Hæstaréttar sem veit betur en Baldur sjálfur hvað hann var að hugsa þegar hann seldi bréfin sín í bönkunum á sama tíma og ég og fleiri heimskingjar seldu sín bréf ekki og töpuðu þeim. Við féllum fyrir vefurum keisarans sem breiddu út lygar um trausta stöðu bankanna. Sumir vefararnir komu til að bera vitni í Landsdómsmálinu svo sakfella megi Geir Haarde og heilsuðu viðstöddum með vinstri hönd á kafi í buxnavasanum svona til áherslu á kunnáttu sinnni í mannasiðum. Ég hef vonda tilfinningu fyrir vitnisburði einmitt þessara manna.

Mér finnst ég vera að einhverju leyti vera jafnsekur og Baldur að hafa látið þetta danka en ekki barist gegn því sem þá var augljóst, að bankarnir væru að fara á hausinn fyrir fádæma krosseignatengsl og opinbert stórsvindl í kringum einkavæðingu þeirra. Þeir menn sem þau leikrit léku hafa hvergi verið snertir meðan smásíldir eins og Baldur eru réttaðir og ég og fleiri sitja eftir eins og aular. Þetta var á allra vitorði en enginn gerði neitt.

Svo mætir Steingrímur J. með spánýtt yfirskegg og þvælir hræsnisfullt í vitnastúku fyrir Landsdómi, opinberar að hann skildi ekki hvað fram hafði farið og þykist svo auðvitað blásaklaus af öllu bankahruni. Maðurinn sem miklu frekar ætti að vera fyrir Landsdómi sjálfur en Geir Haarde fyrir að hafa verið á móti neyðarlögunum og svo vegna afglapa sinna og fjárhagslegs tilræðis við þjóðina í Iceasave.Maðurinn sem kom þessum réttarhöldum af stað með glitrandi króódílstár á hvarmi og "sorg í hjarta".Með lögheimili á Gunnarsstöðum hefur þessi alþýðuhetja búið í flottasta húsinu í Breiðholtinu árum saman af augljósum ástæðum.

Bankarnir kæra endurskoðendur sína fyrir að hafa búið til flotta reikninga sem sýndu stöðu þeirra trausta þegar þeir voru gjaldþrota í raun. Og vissulega er það stóralvarlegt hvernig hluthafar voru blekktir með þeim glanspappírum öllum sem kostuðu hluthafana milljónatugi hvert eintak. En er bönkunum sjálfum stætt á að þykjast ekki hafa vitað betur sjálfir hvar þeir voru staddir? Er þjófurinn alltaf stikkfrí en þjófsnautarnir, sem voru vissulega margir, einir sekir?

Ég hef vonda tilfinningu fyrir Alþingi í heild sinni. Ég hef vonda tilfiningu fyrir réttarfari þjóðarinnar. Ég hef vonda tilfinningu fyrir framtíðinni þar sem við ætlum ekki að klára það sem klára þarf. Ég hef eiginlega vonda tilfinningu fyrir þjóðinni allri þegar ég sé hvernig hún lætur fara með sig af skálkum og illþýði.

Það er vond tilfinning ef ekki ríkir traust meðal manna.Þjóð sem býr við vonda tilfinningu innbyrðis er illa stödd.

Athugasemdir

[Elle_, 15.3.2012 kl. 00:02]

Eg skil alls ekki að bankamenn sem eru í rannsókn fyrir lagabrot (misnotkun, stórþjófnað, etc) skuli fá að vitna fyrir landsdómi gegn manni um mál sem þeir eru næsta víst stórsekir í. 

Og pólitísku andstæðingarnir sem drógu manninn fyrir dóminn fá líka að vera vitni??  

Og svo var Baldur Guðlaugsson ákærður og dæmdur EFTIR að honum var tilkynnt af FME að rannsókninni hafi verið hætt.  Vona að hann vinni fyrir mannréttindadómstóli.

Málið er steinaldarlegt. 

Það er niðurdragandi og beinlínis ógeðslegt að horfa upp á þetta.

[Elle_, 15.3.2012 kl. 00:17]

Og eitt enn: Ættu ekki Jóhanna, Steingrímur og Össur að vera fyrir SAKADÓMI vegna ICESAVE í það minnsta?

[Júlíus Björnsson, 15.3.2012 kl. 03:10]

Þú kaupir í mínu fyrirtæki Billjón og ég kaupi Billjón í þínu, þetta er í lagi báðir fórn Billjón í cash. Annars mun vera til að hækka Quity Ratio hlutfallið til það þykkjast greitt lánadrottnum Cash. Nauðvörn bankanna eftir 2000 þegar grunnvaxtahámark snarféll á Vesturlöndun, undantekning, long palnning ávöxtunarkrafa ráðandi aðila á kauphallar markaði Íslands, Íbúðlánasjóðs og ríkisvernduðu Íslensku áhættu lífeyrissjóðnna. Heimild AGS 2005.