Félag lífeindafræðinga

er að kynna sig til sögunnar með góðum greinum í Morgunblaðinu.

Í þessu félagi eru um hundrað manns og eru þeir í lykilhlutverkum á sjúkrahúsunum. Án þeirra verður starfsemin ekki rekin.

Af hverju skyldi þessi skipulega kynning vera rekin? Að mér læðist sá grunur að undirbúa það að félagið muni geta sett þjóðfélaginu stólinn fyrir dyrnar fljótlega til að tryggja félagsmönnum sínum "mannsæmandi kjör". Rétt eins og ámóta fjölmennt félag flugumferðarstjóra hefur gert með frábærum árangri. Og svo félag ljósmæðra, og svo...

Harmsaga íslensku krónunnar er til komin vegna víxlverkana hækkana kaupgjalds og verðlags. 4000% prósent taxtahækkanir færðu launþegum kaupmáttarrýrnum á tímabili. Nú er enn haldið á þessar brautir meðan Þjóðverjar hækka engin laun hjá sér um langan aldur en ná kjarabótum fram með verðlækkunum á grundvelli aukinnar framleiðni eins og við gerðum að hluta til á þjóðarsáttartímanum.

Íslendingar eru nokkuð blindir í þessum sökum. Þeir leyfa verkföll smárra félaga sem knýja fram meiri hækkanir en stóru félögin og fjandinn er laus. Vantar okkur ekki hér eitthvað ígildi Margrétar Thatcher sem gerði verkföll erfiðari í Bretlandi um skeið eftir að þau höfðu rústað efnahag landsins?

Ég hefði séð fyrir mér að verkföll færra fólks en 5-10,0000 manna væru ólögleg í kjarabaráttu. Fyrr verður ekki hægt að ná tökum á verðbólgunni að mér sýnist.

Því miður óttast ég Félag lífeindafræðinga fyrir hönd krónunnar okkar.

Athugasemdir

[Sigurður Alfreð Herlufsen, 21.4.2012 kl. 10:30]

Ég hef lengi dáðst að aðhaldi og skynsemi þjóðverja í efnahagsmálum.

Þar eru þeir til fyrirmyndar. 

Íslendingar mættu gjarnan taka þá sér til fyrirmyndar að þessu leyti, enda er þjóð okkar enn á gelgjuskeiði þegar kemur að verkalýðsmálum.

Hver hönd er uppi gegn næsta stéttarfélagi og svo er hanaslagur milli kröfuhópa. Ekki er það fögur sýn né gagnleg fyrir þjóðfélagið.

[Haraldur Rafn Ingvason, 21.4.2012 kl. 13:48]

Hér má kynna sér grunnlaun lífeindafræðinga Kjarasamningur BHM og ríkis og hér svo röðum og starfaskilgreiningar skv. stofnanasamningi við LHS.

Flestir þeirra raðast trúlega í launaflokka 2-4.