Hvernig reiknast síldin?

í Kolgrafarfirði inn í kvóta næsta árs?

Ég les á bloggi Jóns "fisks" Kristjánssonar að þarna hafi verið megnið af síldarstofninum samankominn. Hvað er hún að vilja þarna? Til þess að fremja sjálfsmorð spyr maður sig?

Hafró er búin að setja vísindalega kvóta á þá fiska og síldar sem má drepa svo að stofnarnir haldi sér. Hversu mörg tonn af síld fara þarna forgörðum óveidd?

Ef maður horfir á myndir kafarans, þá gæti maður giskað á að sé svona eitt lag á botninum á 10 km2 svæði þarna við og útifyrir Kolgrafarfirði og 20 síldar liggi á fermetra og vigti hálft pund hver þá eru þetta einhverjar 200 milljón síldar upp á 100 milljón pund eða 50 000 tonn. Hvað hefði þetta magn gefið í tekjur ef það hefði verið veitt? En það var ekki veitt því það átti að friða það.

Eru vísindin okkar svo klár að við getum reiknað okkur hagnað út úr því að geyma fisk í sjónum fremur en að veiða hann þegar gefur? Er svona mikil hætta á ofveiði yfirleitt? Eða helst verðið á kvótanum betur uppi með nægum takmörkunum? Veðið má ekki rýrna í bankanum.

Ef veitt er í óhófi og framboðið minnkar hættir þetta þá ekki sjálfkrafa að borga sig? Hvernig á að reikna svona atburði inn í módelin? Hvað ef þorskurinn syndir út fyrir landhelgina okkar? Hvað er þessi makríll að vilja hingað. Veit hann ekki að ESB á hann?

Verður ekki að skera síldveiðar myndarlega niður á næsta ári til þess að viðhafa ábyrga fiskveiðistjórn?

Athugasemdir

[Gunnar Rögnvaldsson, 17.12.2012 kl. 23:17]

Þakka þér Halldór. 

Þetta eru erfiðar spurningar. En sannleikurinn er sá að síldin gerði þetta í þágu vísindanna, Halldór minn. Það vita allir. Allir. 

Svo munu grænir þörungar setjast á dauða síldina og þá er þetta allt saman orðið gott og korrekt.

Þetta hlýtur einhvern veginn að gagnast iðnaði með ferðamenn.

Ó já, næsti

Kveðjur

[Halldór Jónsson, 17.12.2012 kl. 23:23]

Góða kvöldið Ármaður Íslands Gunnar Rögnvaldsson !

Heldurðu ekki að ESB þurfi að fá að vita um þetta svo hún geti auki við kvóta Spánverja á kostnað Norðursjávarveiðimanna eins og Skota. Þeir eiga bara að gera eitthvað annað eins og skipulagt hefur verið.

[Gunnar Rögnvaldsson, 18.12.2012 kl. 00:18]

Best gæti ég trúað því Halldór, að ríkisstjórn Íslands selji Evrópusovétsambandinu þá hugmynd um málið, að flest sé svona aðframkomið og á barmi sjálfsmorðs í náttúru síldarinnar hér við land —og eingöngu hér við land— vegna þess að sjálft Ísland og ekkert íslenskt þessa lands er enn komin með samhæfða náttúru síldar við náttúru Evrópusovétsambandsins í Brussel.

Dugi sú saga ríkisstjórnin hins vegar ekki til að eyðieggja sjávarútveg Íslendinga til langframa, þá mun hún (ríkisstjórnin) fiska upp með contingency-planned-backup-sögu sína upp úr mörgum skúffum úr einu eða öllum af hinum mörgu skrifborðum Össurar, Steingríms J. Sigfússonar, svo einnig af ristuðum og rústuðum borðendum skrifborða frú Jóhönnu forsætisráðherraínu; um að geislavirkan úrgang í hafinu vegna svæsins Sviðaáts Snæfellinga og jafnvel allra Vestfirðinga, sé hér um að ræða. Og þá mun stjórnbrjálæðissýslan fræga í Evrópusovétinu fyrir alvöru fara af stað.

En ef það skyldi svo í kjölfarið bara smá pínu fréttast til Brasselveldisins að það sé einhvers staðar grænn litur á þessu máli; já þá munu allar karlkerlingar undir vopnum í pappírsherveldi Evrópusovétsambandsins, krefjast þess að Íslendinga megi aldrei í framtíðinni koma nálægt fiskistofnum landsins, né neinu tengdu fisk, í allri hinni stóru landhelgi okkar. Össur mun matreiða þetta fábjánarí fyrir viðeignandi blábjánum Brusselsveldisins. Svona um leið og kveikt er á honum ofan í púðurdós frú Merkels. Sem oftast klæðist grænum búningum.  

Þetta gæti orðið okkur dýrt spaug. Og ekkert til að gantast með, nei.  

[Halldór Jónsson, 18.12.2012 kl. 11:35]

Takk fyrir þessa Heljarslóðarorustu Gunnar, stílvopnið bregst ekki.

hefurðu hugleitt tillögur hægri grænna um ríkisdalinn? Sem er náttúrlega ekkert annað en eignakönnun og seðlaskipti.