Bjarni skrifar flokksmönnum

sínum reglulega.

Ég get ekki séð að þetta sé bundið þeim trúnaði að ég megi ekki birta kafla úr þessu til þess að veita sumum lesendum þessa bloggs innsýn í Sjálfstæðisflokkinn, sérlega fyrir þá sem sem sjá þar aðeins eitthvað "forstokkað blámannabandalag". Í síðasta bréfi vekur Bjarni athygli á eftirtöldum þáttum:

"Ríkisstjórnin hefur hækkað skatta um 90 milljarða.

Fjárlagafrumvarpið mun hækka lán heimilanna um 4-5 milljarða. Skattahækkanir ríkisstjórnarinnar hafa þá hækkað lán heimilanna um 30 milljarða á kjörtímabilinu, eða yfir hátt í 250.000 að meðaltali á hvert heimili.

Aðhaldsaðgerðir eru mun minni en samið var um í stöðugleikasáttmálanum og koma mest fram í því að ekkert er framkvæmt. Opinber fjárfesting er nú hin minnsta í 70 ár en samt er "fjárfestingaáætluninâ" tilefni blaðamannafundar og lúðrablásturs.

Raunverulegur sparnaður er af skornum skammti.
Skuldir ríkissjóðs hafa aukist ár frá ári, vaxtagjöld ríkisins eru komin í 90 milljarða á ári.

Það er í takt við allt framangreint, að nú er stefnt að eignasölu ríkisins til að standa undir útgjöldum í stað þess að greiða niður skuldir."

Formaður lýkur bréfi sínu þannig:

"Kæru vinir,

það er hægt að gera svo miklu betur. Tækifærin eru til staðar. Með hvetjandi umhverfi og raunverulegum stuðningi stjórnvalda er hægt að snúa vörn í sókn á skömmum tíma. Það verður verkefni okkar á nýju ári að kynna fyrir kjósendum áherslur okkar og lausnir. Lægri skatta, skynsamlega nýtingu auðlindanna, ábyrg ríkisfjármál og aukið frelsi til athafna. Það eru spennandi tímar framundan. Við ætlum að leiða þjóðina saman á framfarabraut og til öflugrar sóknar fyrir bættum lífskjörum.

Ég þakka fyrir ánægjuleg samskipti á árinu sem er að líða, óska ykkur öllum gleðilegrar hátíðar og hlakka til samstarfs um sigur á nýju ári. "

Þetta lýsir þeirri braut sem formaðurinn vekur athygli flokksmanna á að hverfa þurfi frá. Það þarf hugmyndaflug að sjá í þessu heitingar gegn þeim verst settu. Sjá í þessu einlægan vilja til að gera þá ríku ríkari á kostnað þeirra verr settu.Sjá í þessu afturhald með því að flykkja sér ekki um ESB. Svo lengi má telja róg og útúrsnúninga villta vinstrisins að hvern meðalsnotran myndi æra.

Ég vil heldur að Bjarni skrifi flokksmönnum eins og mér en að hlusta á Steingrím J. öskra í RÚV og steyta hnefann að landsmönnum þegar árangur hans er dreginn í efa.

Athugasemdir

[Mörður Ingólfsson, 22.12.2012 kl. 21:30]

Já, það er stórmerkilegt að milljarðamæringur þessi, gæslumaður einhverra mestu fjölskylduauðæfa á Íslandi hefur, þvert á eigin hagsmuni, afkomu og velferð sauðsvarts almúgans efst í huga. Það er ótrúleg góðmennska. Skyldi hann hafa fengið hana mataða með silfurskeiðinnni sem hann fæddist með?

[Halldór Jónsson, 22.12.2012 kl. 22:07]

Þú sérð ekki ljósið Mörður minn, aðeins þitt auma sálarmyrkur. Ég væri bara ánægður ef formaðurinn þarf ekki að standa í krónubaslinu þínu og mínu frá degi til dags, þá hefur hann betri tíama til að hugsa um aðkallandi mál sem við megum kannski ekki vera að.

Hinsvegar finnst mér svo mikil vonska fylgja þínum skrifum að ég vorkenni þér hálfpartinn. Hver skyldi afstaða þín vera gagnvart Warren Buffet eða Bill Gates aða Steve Jobs? Er þeir í flokki með Bjarna eða Silvio Berlusconi, mega ekkert gera af því þeir eru ekki á hausnum?

[Mörður Ingólfsson, 23.12.2012 kl. 01:06]

Þakka fögur orð í minn garð, það er ekkert myrkur hjá mér, kæri Halldór, öðru nær. Taktu eftir því að enginn þeirra þriggja heiðursmanna sem þú nefnir erfði auðæfi sín og enginn þeirra fæddist með silfurskeið í munni með einhverskonar náttúrurétt til valda eins og laukur engeyjarættarinnar. Einnig er sennilega ósköp neyðarlegt fyrir þig að þessir menn hafa allir barist fyrir aukinni skattlagningu á auðmenn, öfugt við Bjarna Benediktsson. Ég hef ekkert á móti Bjarna, ég held að hann sé einfaldlega að gera það sem hann álítur vitlegast til að gæta eigin hagsmuna. En alþýðumenn eins og ég og þú eiga ekkert að vera að gapa upp í svona fínimenni og okkur er hollast að muna að Bjarni hefur áhuga á velferð einnar stéttar, sinnar eigin, hinnar fámennu stéttar milljarðamæringa. Hann er ákaflega stéttvís maður, eins og hann á ætterni til. Að svo mæltu óska ég þér gleðilegra jóla og bið þig að fyrirgefa ef ég hef verið full harkalegur í máli á blogginu þínu.

[Helga Kristjánsdóttir, 23.12.2012 kl. 03:03]

Halldór minn! Vegið er oft ómaklega að Bjarna,hann er jú ættstór,en ekki stendur hún einhuga um stefnu Sjálfstæðisflokksins,náin valdamikil ættmenni Bjarna hvetja til fullveldisafsals Íslands. Þótt látið sé að því liggja að hann og Illugi hefðu á árum áður ekki verið mjög mótfallnir inngöngu í Esb.,þá hefur þeim opinberast hvílíkri Ráðstjórn Samfó vill undirgangast,nokkuð sem var ekki auðsætt þá. Hér er fylgst með hverri ,,hreyfingu,, þingmanna,á takkaborði ,Já(s) eða nei(s),það voru vonbrigðin með já-ið hans Bjarna í Icesave,sem hefur eitrað fyrir honum. Á þeim tíma flugu skeytin stór-hættuleg,líkt og “Skudd”,sem stjórnarliðar voru tilbúnir að samþykkja að freta yfir þjóðina. Eldskírn hins unga Bjarna,sem á ekki von á því að í liði Íslendinga væru menn sem seldu sig útlendingum. Mín trú er að á þessu landráðaliði vinni enginn,nema hinn sterki kjarni Sjálfstæðisflokks og Framsóknar,einmitt þess vegna eru fjölmiðlar Rúv.Baugs og síðan IP.styrktir trúboðar á fullu í ófrægingarherferð. Þeir ná ekki inn að hjartarótum almennings,hún bæði sér og veit og skilur.

[Mörður Ingólfsson, 23.12.2012 kl. 04:05]

Ráðstjórn? Ertu að tala um Evrópusambandið, friðarbandalagið sem var að fá friðarverðlaun Nóbels? Ég vona að þjóðrembu og xenofóbíu (útlenska, þýðir ótti við útlendinga) fylgi ekki verkir, því þá þarftu a.m.k. aspirín. En fyrst þið haldið raunverulega að sleiktu, áferðarfallegu milljarðaerfingjarnir í sem fara fyrir Framsókn og Sjallaflokki beri hag annarra fyrir brjósti en milljarðamæringa þá segi ég: Mikil er trú ykkar og gleðileg jól. Þið hljótið að trúa á jólasveininn líka.

[Halldór Jónsson, 23.12.2012 kl. 14:32]

Helga kæra vinkona, ekki bregst þér bogalistin í greiningu hins daglega lífs. Ég er þér sammála um hverjir eru líklegastir til að ná árangri í samstarfi. Ég veit að marga úr hópi eðalkrata langar til að Össur verði áfram utanríkisráðherra. En veistu Helga, mér finnst það bara ekki ganga upp.

Mörður minn grey-kallinn. Ósköp áttu annars bágt ef þú heldur að góð arfsvon geri menn gerspillta og kærleikssnauða í garð allra nema sjálfs sín. Hugsi bara um eigin hag en ekki þjóðar sinnar.

Má ég samt óska þess að jólasveinninn gleymi þér ekki alveg né heldur friðarhugsjón Evrópuhersins.