Ný ríkisstjórn

heldur skírnarveislu sína á Laugarvatni í dag. Kannski verðu hún kennd við þann stað eins og Viðeyjarstjórnin.

Auðvitað er henni misjafnlega tekið eins og gengur. En samt held ég að hún njóti almenns velvilja þar sem almenningur var löngu orðinn upgefinn á sundrunginni í síðustu stjórn og því almenna forystuleysi sem hún sýndi. Hvenær kom Jóhanna Sigurðardóttir fram og ræddi í einægni við landsmenn?

Mér hefur dottið í hug að þeir Bjarni Benediktsson og   Sigmundur Davíð myndu öðru hverju tala við landsmenn beint um vandamál líðandi stundar hjá ríkisstjórninni og hvetja til dáða á þann einlæga og sannfærandi hátt sem þeim er báðum lagið? Þá yrði kannski nauðsynleg viðhorfsbreyting meðal fólks til stjórnmála og þau nauðsynlegu tjáskipti myndu eiga sér stað eins og maður sér af blaðamannafundum forsetans í Hvíta húsinu.  Oft finnst manni að almenning á Íslandi vanti að skilja að ráðamenn eigi líka í vandmálum við stjórnina og stundum eru orsakir fyrir að illa gengur. Íslenskum stjórnmálamönnum virðist oft ganga verr en erlendum kollegum þeirra að nýta sér fjölmiðlatækni í áróðursskyni.

Miklu máli skiptir að stjórnin taki rösklega til höndunum á fyrstu hundrað dögunum og frá henni komi  straumur af leiðréttingum á vinstristjórnarvitleysunni sem fæstar voru brúklegar til lengri tíma litið. Ég vil þó minnast ýmislegs sem Ögmundur gerði í sinni regeringstíð en það var að stoppa Kinverjann  á Grímsstöðum og reyna að verja Reykjavíkurflugvöll lengi vel þó eitthvað hafi bilað á síðara stigi.  Ég vona að flugvöllurinn eigi einhverja vini við ríkisstjórnarborðið því grimmilega er að honum sótt af Gnarrinum og Degi Bee.sem reyna með Salami aðferðinni  hans Stalíns að gera hann óstarfhæfan í fyllingu tímans.

Nýrri ríkisstjórn fylgja mínar frómustu óskir og vona að hennar verði síðar minnst betur en þeirri fráfarandi. 

Athugasemdir

[Gunnar Heiðarsson, 22.5.2013 kl. 09:43]

Það er vissulega hægt að gleðjast í dag, Halldór.

Sá tími sem farið hefur í þessa stjórnarmyndun bendir til að vandað hafi verið til verksins og að þessi stjórn muni skila þeim verkum sem hún ætlar.

Eitt er víst að framundan verður minni sláttur hjá manni á lyklaborðið, þó ekki sé víst að þeim slætti verði alveg hætt. Það má í það minnsta gera ráð fyrir að tilefnin verði færri, a.m.k. vegna stjórnunar landsins.

Kveðja.

[Halldór Jónsson, 22.5.2013 kl. 10:51]

Það er eitt það versta sem getur komið fyrir kjaftaska eins og mig er að missa bölvið sitt. Eða svo var sagt í eina tíð.

Vonandi fer sem þú segir og tek ég undir þín orð.