Á Sprengisandi

með Sigurjóni M. Egilssyni á Bylgjunni kenndi ýmsra grasa. Fyrir þá sem misstu af þeim þætti geta hlustað á hann á vefsíðunni  Bylgjan.is .

Ekki fannst mér uppbyggilegt  að hlusta á Svandísi Svavarsdóttir þrástagast á því að ríkisstjórnin sýni spilin. Ásmundur Daðason hélt því fram á móti að meira skpti að til verka væri vandað og mál væru vel undirbúin. Á morgun koma tillögur hagræðingarhópsins í ljós samkvæmt því sem Ásmundur Daði sagði.

Síðan komu frambjóðendur í prófkjöri Sjálfstæðismanna, Halldór Halldórsson, Hildur Sverrisdóttir og Júlíus Vífill Ingvarsson og veittu  innsýn í sín áherslumál.

Afgerandi var að Hildur Sverrisdóttir styður Aðalskipulagstillöguna þar sem Reykjavíkurflugvelli er útrýmt.Hún vill ekki vill vill ekki snúa aðalskipulaginu á hvolf eins og hún orðaði það.  Hún hrósar Jóni Gnarr fyrir mörg góð mál. Hún er reiðubúin að starfa með öðrum að góðum málum segir hún.  Þá var hún búin að segja nóg fyrir mig. Hún styður ekki Reykjavíkurflugvöll.  Í heild fannst mér ekki  mikið á hennar málflutningi að byggja, fannst hann frekar barnalegur af alvöruframbjóðanda að vera og mér fannst hreint út á stundum að hún væri í skökkum flokki.  Skyldu margir sjá í henni leiðtogaefni fyrir Sjálfstæðisflokkinn í Reykjavík? Það efa ég stórlega.

Júlísu Vífll  lögmaður og borgarfulltrúi til margra ára sýndi mikla þekkingu sína á borgarmálum. Hann benti á að ofuráhersla á þéttingu byggðar leiddi til þess að barnafjölskyldur flýðu borgina unnvörpum. Hann tók dæmi  úr Skugghverfinu þar sem engin börn fyrirfinndust. Hann vill gefa fólki kost á að byggja í úthverfunum auk þess að þétta megi byggð líka á ýmsum stöðum. Hann lagði áherslu á að Reykjavíkurborg hefði safnað skuldum á yfirstandandi kjörtímabili. Skuldaaukningin væri 115 % og rekstrarhalli  hefði verið á hverju ári. Á valdatíma Sjálfstæðisflokksins var ávallt skilað afgangi. Nú síðast hefðu gjaldskrár verið hækkaðar um 40 % á meðan laun hefðu hækkað 17 % frá 2010 umfram neysluvísitölu.

Júlíus vildi fá meiri tíma til að ræða Aðalskipulagstillöguna en fékk ekki og taldi hana ekki í  tengslum við borgarbúa, hvað þá vilja  70.000 undirskrifta.   Það væru heldur ekki  tengsli við borgarbúa þegar 94 % foreldra í Grafarvogi mótmæltu sameingu í skólamálum og það væri ekki einu sini hlustað á þá en málin keyrð í gegn. Aukin útgjöld ungra fjölskyldna með gjaldskrárhækkunum valda því að þær flytja burt, Gylfi Arnbjörnsson hefði líka sagt þær vera galin aðferð til að hafa áhrif á kjarasamninga, Reykvíkingar væru  ekki lengur leiðandi afl í slíkum samningum því hér  vantaði leiðtoga fyrir borgarbúa.

Aðeins 4 % vilja búa á þéttingarsvæðnum sem Aðalskipulagið boðar segir Júlíus að  skoðanakannanir sýni.  Það mætti bæði þétta byggð en  fara samhliða í aðra uppbyggingu fyrir barnafólk í úthverfum  Reykjavíkur. Það væri staðreynd að meðan Reykvíkingum hefði fjölgað um 6% þá hefði fjölgað í nágranna sveitarfélögunum um 26 %. Í þéttingarreitina færi miðaldra fólk í góðum efnum enda sagði henn engin börn að finna við þéttinguna við Skúlagötu, Við ættum ekki að leggja  svona mikla áherslu á að byggja yfir miðaldra fólk í góðum efnum, Unga barnafólkið ætti að vera forgangsverkefni,

Halldór Halldórsson er gamalreyndur sveitarstjórnarmaður, þaulmenntaður í sviðskiptafræðum og  MBA. Hann vildi gefa gaum að  umferðarmálum í einni  heild og vildi  gera umferðarmódel, Hann vildi skoða að leggja Suðurgötu yfir á Áftanes, Hann styður flugvöllinn eindregið og taldi að þéttingaráformin yrðu að endurskoða í samhengi við það. Hann vill ekki neyða fólk af einkabílunum yfir á hjólhesta eða í strætóa.

Reykjavík virtist ekki vera að njóta hagkvæmni stærðar sveitarfélagsins umfram margfalt fámennari sveitarfélög. Halldór benti á að Borgin hefur hærra hlutfall af starfsfólki en önnur sveitafélög og launakostnaður hennar væri 2-3 % yfir landsmeðaltalinu svo merkilegt sem það væri. 1%  væri 730 milljónir króna. Hann sagði að ekki þyrfti endilega að grípa til uppsagna. Virðingu yrði ávallt að bera fyrir  fólki sem ávallt væri á bak við tölurnar. En alltaf væru hreyfingar á starfsmönnum sem mætti grípa sem möguleika til hagræðingar,Betri tengsl við kjósendur gætu leitt til þess að Sjálfstæðisflokkurinn gæti náð hreinum meirihluta, eins og víða er í kring um Reykjavík. Hann var bjartsýnn fyrir sína hönd og flokksins.

Júlíus taldi prófkjör langbestu leiðina til að velja á listann og tók Halldór undir það og hann væri sjálfurá leiðinni í sitt þriðja prófkjör.

Það er nokkuð ljóst að val kjósenda stendur á milli Júlíusar Vífils og Halldórs Halldórssonar um leiðtogasætið á lista Sjálfstæðismanna í prófkjörinu á laugardaginn kemur. Aðrir frambjóðendur virðast ekki eiga það sem til þarf  í það sæti komnir af  Sprengisandi.

 

Athugasemdir

[Eyjólfur G Svavarsson, 11.11.2013 kl. 10:35]

Júlíus Vífill er að mínu mati hæfastur af þessum framboðum. Hann er Lýðræðissinnaður, og vill ekki ana út í einhverjar framkvæmdir sem borgin hefur ekki efni á, og mundi auka álögur á borgarbúa Hann mundi fá mína kosningu væri ég í Reykjavík.

[Halldór Jónsson, 11.11.2013 kl. 14:07]

Tek undir með það að Júlíus er þrautreyndur og rétt hugsandi og ég hef fyrir löngu ákveðið og lofað honum sjálfum að styðja hann umfram aðra. Ég hef bara ekki atkvæðisrétt. :Þeir em ég styð örugglega ekki eru: Þorbjörg. Helga, Hildur Sverrisdóttir, Áslaug Friðriksdóttir. Þau sem ég styð ásamt Júlíusi Vífli eru þau Halldór Halldórsson, Marta Guðjónsdóttir, Björn Þór Bragason, Lára Óskarsdóttir. Hinum fyrrnefndu treysti ég ekki í flugvallarmálinu sem er mitt höfuðmál og ófrávíkjanlegt pðrinsípmál að hann verði kyrr um aldur og ævi.Og hananú.

Það getur vel verið að einhverjir aðrir frambjóðendur í prófkjöri uppfylli mín skilyrði, en ég bara veit það ekki núna.

[Halldór Jónsson, 11.11.2013 kl. 14:08]

Æ ég gleymdi honum Kjartani Magnússyni, hann er sko í uppáhaldi hjá mér, duglegur og klár drengur sem er treystandi.Hann styð ég heilshugar