Halldór Jónsson

12.11.2013 | 08:26

Hvimleiðar frásagnir

hellast yfir mann alla daga af því hvað stjórnarandstaðan segir um þetta eða hitt.

Þeir sem hana skipa þrástagast í þinginu um aukaatriði og RÚV er stútfullt af frásögnum af því hvað þeir segja. Stjórnarsinnar sem eru að moka flórinn eftir þetta fólk úr fyrra ríkisstjórnarliði fá minni athygli ríkisfjölmiðlisins. Mikið lifandis er mér persónulega sama hvað Steingrímur J. og Össur Skarphéðinsson eru að bulla um þetta eða hitt. Mig varðar bara ekkert um það sem þeir segja vegna þess að fyrir mér er það áhrifalaust snakk og meiri líkur en minni að þeir hafi rangt fyrir sér eins og allt síðasta kjörtímabil.

Ég bíð eins og fleiri eftir að ríkisstjórnin noti meirihlutann á Alþingi til að afgreiða nauðsynleg mál og moki flórinn. Þar dugar ekkert hálfkák. Nú eru komnar fram tillögur hagræðingarhópsins og þá finnst mér að eigi að drífa í að framkvæma þetta en ekki vera að eyða tímanum í að hlusta á eða pexa við þessa kóna og aðra jafn áhrifa-og tilgangslausa.

Það er hreinlega hvimleitt að hlusta á þessar sífelldu frásagnir af pexi og bulli.

Flokkur: Stjórnmál og samfélag | Breytt s.d. kl. 08:29 | Facebook

Athugasemdir

Mikið rétt Halldór minn,sérkennilegt að halda úti Ríkssjónvarpi ,sem er púra samfylkingar sinnað. Þá munaði nú ekki mikið um að skálda frétt um að los væri komið í stjórnarsamstarfið,vegna þess að fjármálaráðherra sæist ekki er Sigundur bar upp þingsáliktunartillög í seinustu viku, held þeir hafi unnið fréttina eftir Facebook-færslu.

Helga Kristjánsdóttir, 12.11.2013 kl. 11:57

Meðan lítið vitrænt kemur frá ríkisstjórnarflokkunum, er um óendanlegan delluakur að plægja fyrir fjölmiðla, sem giska í eyður og bulla það sem upp á vantar. Þessi ríkisstjórn verður að fara að sýna tennurnar. Ef ekki, þá heldur bullið áfram og það með réttu. Það gengur ekki lengur að bulla bara einhverja steypu og standa síðan ekki við nokkurn skapaðan hlut. Almenningur er búinn að fá sig fullsaddan af því.

Hundskist til að bretta upp ermar og girða í brók! Það er verk að vinna!

Halldór Egill Guðnason, 12.11.2013 kl. 15:47

Akkúrat Helga, þeir framleiða sögur ef þeir kunna engar sjálfir.

Ég er sammála nafni, það verður að fara að bretta upp ermar. Mér finnst lognmollan vera áberandi það sem af er. En það getur vel verið að það taki meiri tíma en menn ætla að undirbúa verkin. Vonandi fer eitthvað að ske.

Halldór Jónsson, 12.11.2013 kl. 22:48

Stjórnarandstaðan hefur þó ekki lagst í málþóf enn þá eins og gert var á síðasta þingi, af þáverandi stjórnarandstöðu. Það ætla ég að vona að heyri sögunni til, enda skrumskæling á þingræðinu.

Þórir Kjartansson, 13.11.2013 kl. 07:51

Framkvæmdavaldið getur farið sínu fram á mörgum sviðum þó þetta lið þenji sig á Alþingi.

Halldór Jónsson, 13.11.2013 kl. 21:37