Leita í fréttum mbl.is

Handritin heim og meira sement!

var hrópað á stúdentafundum í gamla daga. Við vorum ungir og vildum lyfta þjóðinni upp úr hjólförunum.

Gerðum við það?

Ég veit það eiginlega ekki. Það var önnur kynslóð en mín  sem gerði áætlunina um Sementsverksmiðjuna. Sú kynslóð endurheimti líka handritin. "Værsgod, Flatöbogen" sagði foringinn sem frægt er orðið. Það var líka sama kynslóð sem gerði áætlanirnar um Áburðarverksmiðjuna. Mín kynslóð vann við að byggja þetta og  notuðum framleiðsluna. Og mín kynslóð með hjálp þar næstu kynslóðar kenndri við  bréfaguttanna, við eyðilögðum báðar þessar verksmiðjur. Svo nú framleiða Íslendingar hvorki áburð né sement heldur flytja allt inn fyrir gjaldeyri og tala um hvað eigi að gera við orkuna ef útlendingar vilji ekki byggja álver? 

Það er talað um fæðuöryggi. En hvorki  áburðar-né sementsöryggi? Sem þó er býsna nátengt ef maður hugsar um það.

Ég fagna því sem gamaldags Íslendingur, og því ekki tækur í Samfylkinguna,  að Framsóknarmenn  hafa nú lagt fram frumvarp um nýja áburðarverksmiðju. Ég hefði viljað að Sjálfstæðismenn hefðu þá  látið sig örlög Sementsverksmiðjunnar á Akranesi einhverju varða. Verksmiðjan er þarna enn þá, höfnin og hvað eina.  Hvað þarf til að endurreisa hana veit ég ekki. Ég veit það bara að hún framleiddi góða vöru síðast. Af hverju ekki aftur? Hvorutveggja áburður og sement er orkufrekur iðnaður.

Er ekki augljóst að þjóðin þarfnast bæði sements-og áburðaröryggis alveg eins og þess að Íslendingar verði ekki svo útþynntir af hælisleitendum og öðrum innflutningi óþjóða að þeir hætti að geta lesið handritin. 


« Síðasta færsla | Næsta færsla »

Athugasemdir

1 Smámynd: Þorkell Guðnason

Þótt, í þessu samhengi sé ég bara krakki við hliðina á þér, sem hokinn ert af sements- og steypureynslu, ætla ég að lýsa mig þér sammála sem aldrei fyrr. Veit fyrir víst, að Sementsverksmiðjan var látin líða fyrir tæknihindranir, sem markaðsráðandi framleiðendur nágrannalands smeygðu inn í verkkröfur stórframkvæmda hérlendis. Þessi góða vara sem þú þekktir flestum betur, uppfyllti ekki smásmyglis kröfurnar sem þar var plantað henni til höfuðs. Það var nefnilega fleira en flugið okkar sem fékk að kenna á undirlægjuhættinum.

Þorkell Guðnason, 28.2.2014 kl. 00:25

2 Smámynd: Geir Magnússon

Alltaf er fróðlegt að lesa pistlana þína, Halldór. Bíð ég þess að heyra frá þér um þá regindellu að setja eþanól í bensínið og byggja vindmyllur til raforkuframleiðslu í miðjum stauraskógi Landsvirkjunar.Eþanólið hér í Ameríku kostar þjóðina óhemjufé í niðurgreislum og styrkjum til maísbænda og eþanólframleiðenda, auk þess, sem það skemmir benzínvélar og mengar meira en benzín. Allt gert til að kaupa atkvæði í Iowa fylki, en þar eru fyrstu prófkosningar í forsetakosningum.

Geir Magnússon, 28.2.2014 kl. 09:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.6.): 349
  • Sl. sólarhring: 366
  • Sl. viku: 4034
  • Frá upphafi: 2597377

Annað

  • Innlit í dag: 284
  • Innlit sl. viku: 3054
  • Gestir í dag: 257
  • IP-tölur í dag: 255

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband