Kvöldstund í Flórídu

leið hratt þegar ég sat í samræðum við tvo landa okkar. Annar fór frá Íslandi fyrir 43 árum og hefur síðan stundað alþjóðleg viðskipti.Skilar skattaskýrslum í 3 löndum og á heimili í þeim öllum, Býr mikið í Luxemburg og er í Flórídu á vetrum. Athugull maður, fjölfróður og skemmtilegur viðræðu eins og lífsreyndir menn eru. Hinn viðmælandinn er mun yngri athafnamaður af Íslandi, sjálfgerður sem hinn fyrri, greindur og glæsilegur fulltrúi sjávarútvegsins.

Sá yngri hafði gaman að ræða Evrópusambandið og lýsti sig mikinn áhugamann um inngöngu fyrir Íslands hönd. Hann þuldi upp marga kosti sem aðild hefði í för með sér. Sá eldri benti honum í allri vinsemd að allt væri ekki sem sýndist í mörgum greinum og sagði sig fulldómbæran á  að Evrópusambandið hefði ekki fært sér sem Luxemburgbúa annað en aukinn kostnað, hærri skatta, aukið atvinnuleysi og hækkað vöruverð. Það þýddi ekki að deila við sig með slagorðum þar sem hann byggi í bandalaginu sjálfur til áratuga. Ekki líkaði hinum yngri þetta allskostar þar sem þetta féll illa að kenningum þeirra Evrópusinna.

Síðan fór hinn eldri að tala um framtíð heimsins af þeirri þekkingu sem hann hefur aflað sér í sögu heimsins. Hann sagði hinum yngri að sér virtist að ríkjabandalög sem ESB hefðu ávallt liðast í sundur eftir tiltölulega skamman tíma. Hann taldi jafnvel Bandaríkin vera  í þeirri hættu að spönskumælandi ríkin syðst myndu vilja skilja sig meira frá alríkinu en nú væri.

Sovétríkin hefðu liðast í sundur eins og menn myndu og erfiðlega gengi að búa þar til ný bandalög þjóða. Rómaveldi hefði fallið, ríki Alexanders  þar á undan, Sparta og Aþena hefðu ekki tollað saman, hið heilaga rómverska ríki heyrir sögunni til sem og veldi Napóleons í Þýskalandi.  Kalmarsambandið hefði klofnað. Keisaraveldi Asusturríkis og Ungverjalands væri ekki lengur til, Tékkóslóvakía líka. Þriðjaríki Hitlers.

 Nú vildu Skotar skilja við England og Írland væri löngu sjálfstætt.Breska heimsveldið væri svipur hjá sjón og lítið nema nafnið. Þjóðirnar hefði tilhneiginu til að halda sér fyrir sig vegna margra ástæðna. Alveg eins myndi fara fyrir Evrópusambandinu. Það bæri dauðann í sér eins og öll þjóðabandalög á undan því. Þjóðir vildu vera sjálfstæðar eins og Afríkuríkin berjast nú í. Sagan væri ekki vinsamleg þjóðabandalögum. Þau stæðust aldrei til lengdar.

Unga manninn setti nokkuð hljóðan við þennan lestur hins lífsreynda manns. En auðvitað gaf hann ekki upp hugsjónir sínar svo auðveldlega og er enn í 4 % armi Evrópusinna í Sjálfstæðisflokknum. 

Mér þótti gaman að hlýða á samræður þessara tveggja gáfumanna. Ég fór samt frá þessu samtali með meiri áhyggjur af framtíð Íslands en ég hafði áður. Sagan er nefnilega allt í kring um okkur og kennir okkur að möntrur, ismar og hagfræðikreddur eru  ekki gott veganesti í þessum heimi. Alþjóðahyggja kratismans stenst heldur ekki dóm sögunnar.Panta rei. Ekkert verður á morgun eins og það er í dag.

Þetta var  minnismerð kvöldstund í  Flóridu þar sem innrás spánskra þjóða  er í algleymingi.

Athugasemdir

[Hrólfur Þ Hraundal, 18.3.2014 kl. 12:00]

Ísland var sjálfstætt en Íslendinga skoti kunnáttu til að halda því sjálfstæði, enda blöstu ekki við þeim þær upplýsingar sem við höfum núna. 

Ísland lenti því undir Norska kónga og Noregur svo undir Svía og svo allt heila draslið undir Dani en það leystist upp eins og umræða fálaga þinna staðfesti að muni alltaf gera.

En það undarlega er að aðildarsinnar sjá ekki, eða vilja ekki sjá staðreyndirnar sem liggja að þessu máli.  

Ísland á auðvelt með að uppfylla öll skilyrði Evrópusambandsins, en Evrópusambandið upp fyllir ekki skilyrði Íslands og er ekki séð að það gerist í náinni framtíð.