Leita í fréttum mbl.is

Guðjóna bak við tjöldin

var það auðvitað þegar ég leitaði að honum Guðjóni. 

Kolbrún Bergþórsdóttir sem ég les alltaf er líklega sá áhrifavaldur sem stjórnar víðsýninni og fjölmenningarkærleikanum. Hún skrifar svo í Morgunblaðið í dag:(bloggari feitletrar að vild)

"Það er engin furða að meirihlutinn í borgarstjórn Reykjavíkur hafni því að starfa með Framsóknarflokknum en bjóði Sjálfstæðisflokki upp á ákveðið samstarf í nefndum og ráðum. Það á ekki að lyfta undir stjórnmálaflokka og stjórnmálamenn sem ala á andúð á innflytjendum.

 

Eftir afar umdeilda framgöngu oddvita Framsóknarflokksins í borginni, Sveinbjargar Sveinbjörnsdóttur, í nýlegri kosningabaráttu hefur forysta flokksins fengið ótal tækifæri til að útskýra afstöðu sína til innflytjenda og þá sérstaklega múslima. Þau tækifæri voru ekki nýtt. Nú hefur Sveinbjörg sagt að ummæli sín í kosningabaráttunni um lóðarúthlutun fyrir mosku hafi ekki verið sett fram með nægilega ábyrgum hætti. Þetta segir hún núna eftir að atkvæði þeirra sem hatast við múslima eru komin í hús. Sveinbjörg segist síðan hafa fengið samúðaratkvæði frá kjósendum af því þeim hafi blöskrað hversu margir voru vondir við hana. Greinilegt er að hún finnur mikið til með sjálfri sér.

 

Í stað þess að tala af hlýju og virðingu um innflytjendur og leggja áherslu á mikilvægi trúfrelsis þá hefur stór hluti Framsóknarflokksins, þar á meðal oddvitinn, lagst í botnlausa sjálfsvorkunn og myndar háværan grátkór. Stefið í þeim veinum er að flokkurinn eigi óskaplega bágt vegna þess að hann sé lagður í einelti af andstæðingum sem svífist einskis. Þessi óvinaher er sagður samanstanda aðallega af vinstrisinnuðu fólki, sem þjáist illilega af pólitískum rétttrúnaði, og rætnum fjölmiðlum. Ekki er orði á það minnst að ýmsir góðir og gegnir framsóknarmenn hafa harmað málflutning oddvita Framsóknarflokksins í borginni og sagt að hann samræmist ekki stefnu flokksins. Í þessum hópi eru fyrrverandi formaður flokksins, þingflokksformaður og utanríkisráðherra.

 

Blettur hefur fallið á Framsóknarflokkinn og það verður erfitt fyrir flokkinn að losna við hann. En kannski er flokkurinn sáttur við stöðu mála eftir að hafa fengið tvo menn í borgarstjórn - einstaklinga sem eru reyndar einangraðir nú þegar flokkarnir sem mynda meirihluta borgarstjórnar kæra sig ekki um samvinnu við þá. Borgarfulltrúar Framsóknarflokksins eru hins vegar kokhraustir og kusu í taumlausri sjálfsánægju sjálfa sig í atkvæðagreiðslu um æðstu embætti innan borgarstjórnar.

 

Sá árangur sem Framsóknarflokkurinn náði í borginni virðist ætla að verða flokknum dýrkeyptur, og má kallast pyrrosarsigur, því flokkurinn hefur glatað virðingu og trúverðugleika, eins og hendir stjórnmálaflokka sem daðra við andúð á innflytjendum. Þannig er vandi Framsóknarflokksins allnokkur og mun ekki minnka nema flokkurinn breyti áherslum sínum og virði trúfrelsi og réttindi innflytjenda. Svo væri einnig til mikilla bóta ef framsóknarmenn létu af hinni dramatísku sjálfsvorkunn sinni. "

Það fer eki á milli mála hver er handhafi hinna réttu skoðana. Hver það er sem veit hverjar hinar réttu áherslur eru sem flokkar verði að hafa. UKIP og Marine LePen kæmust líklega ekki mikið lengra af því að hún Guðjóna bak við tjöldin er með aðra og réttari skoðun. 


« Síðasta færsla | Næsta færsla »

Athugasemdir

1 Smámynd: Eðvarð Lárus Árnason

Sæll Halldór. Allt í þessum stjórnmálum er komið á haus. Sjálfstæðisflokkurinn kominn að hluta inn í meirihlutann í Reykjavík. Eftir samkomulag Sjálfstæðisflokksins við vinstra liðið telur nú meirihlutinn 13 fulltrúa af 15 í nefndum.Stöðugt er framsókm núið upp úr múslimaandstöðu en sú skoðun er skoðun margra. Framsókn var ekki aðeins kosin út af mosku afstöðu og andstöðu, sem byggja á við innreið inn í Reykjavíkurborg. Framsókn var eini flokkurinn fyrir kosningar sem vill hafa flugvöllinn á sínum stað. Sjálfstæðisflokkurinn hafði ekki afstöðu, talaði um að það ætti að kjósa um flugvallamálið. Leiðtogar virtust ekki vita að það er búið að kjósa um veru flugvallarins, og landsbyggðin er buinn að tjá sig. Framsóknarflokkurinn er ekki stjórntækur segir vinstra liðið. Sjálfstæðisflokkurinn til borgarstjórnar var ekki boðlegur vegna afstöðuleysis, og nú að bíta hausinn af skömminni og fara að hluta til í meirihluta með vinstra liði. Svona er Sjálfstæðisflokkurinn borgarstjórnar hlutinn í dag, og uppskar í kosningum eftir því. Áttu góðan dag Halldór...

Eðvarð Lárus Árnason, 19.6.2014 kl. 11:31

2 Smámynd: Halldór Jónsson

Hafi þetta verið slæm kosning fyrir Sjálfstæðisflokkinn í Reykjavík þá myndi ég hafa áhyggjur til fjögurra ára.Kosningabaráttan byrjar í dag nefnilega og tíminn líður fljótt. Hugsanlega klúðra DagurB og EssBjörn málunum þannig að að fólkið kjósi aðra flokka næst. Þá verða vonandi til einhverjir valkostir sem fólkið hefur trú á.

Halldór Jónsson, 19.6.2014 kl. 13:30

3 Smámynd: Predikarinn  -  Cacoethes scribendi

Lánleysi Sjálfstæðisflokksins í Reykjvíker mikið með val á forystumönnum sínum.

Páll Vilhjálmsson er með góða greiningu :

Sjálfstæðisflokkurinn í Reykjavík stundaði samræðustjórnmál í samstarfi við vinstriflokkana allt síðasta kjörtímabil með þeim árangri að flokkurinn fékk í vor lélegustu kosningu í sögu sinni.

Sjálfstæðisflokkurinn í Reykjavík heldur áfram vonlausu pólitísku ferðalagi sínu inn í eyðimörk vinstrimanna með því að byrja á því að hafa samráð við vinstrimeirihlutann um nefndarkjör.

Eftir fjögur er óþarfi fyrir Sjálfstæðisflokkinn að bjóða fram í Reykjavík, nema þá sem enn eitt flokksbrotið á vinstri væng stjórnmálanna. Hægrimenn hafa Framsóknarflokkinn.“

Predikarinn - Cacoethes scribendi , 19.6.2014 kl. 17:46

4 Smámynd: Halldór Jónsson

Já Cacoethes

menn virðast hafa þá sýn að þeir séu að koma einhverju til leiðar með því að vingast við óvininn. Ég kann ekki á þessa nýmóðins pólitík,

Já eftir 4 ár? Hvað skyldi þá vera uppi?

Halldór Jónsson, 19.6.2014 kl. 22:43

5 Smámynd: Predikarinn  -  Cacoethes scribendi

Endalok framboðs Sjálfstæðisflokksins í Reykjavík til borgarstjórnar, hysji þeir ekki upp um sig buxurnar. Sjálfstæðismenn verða með 0 mann í borgarstjórn eins og var með framsóknarmenn um hríð.

Þá kom manneskja sem sagði skoðun sína upphátt - og eins og Davíð sagði í mogganum fyrir kosningar að það kýs enginn þá sem hafa ekki skoðun, hvað þá ef þeir standa ekki við hana.

Predikarinn - Cacoethes scribendi , 20.6.2014 kl. 16:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband