Leita í fréttum mbl.is

Blaðaútgáfa vegna hugsjóna

en ekki peninga, var' mér að yrkisefni 26.maí 2007. Þá skrifaði ég í mínum barnaskap í stjórnmálum eftirfarandi pistil: 
 
"Ég hef lengi haft áhuga fyrir því, að Sjálfstæðismenn gæfu út blað á
landsvísu. Þetta er líka eini flokkurinn sem hefur einhverja grundvallarheimspeki til að fara eftir. Hún var skrifuð niður í tveimur málsgreinum þegar flokkurinn var stofnaður og hefur ekki verið breytt síðan. Sjálfstæðisstefnan hefur staðið tímans tönn þó að einhverjir hafi reynt að snúa útúr henni í gegnum tíðina með málskrúði og laga hana þannig að eigin þörfum.

Ég hef hugsað mér það,  að þetta blað væri skrifað af Sjálfstæðismönnum eingöngu  og hugsanlega dreift líka af hinum öflugu flokksfélögum  sem til eru á hverjum stað
Ef félagarnir tæku  þátt í þessu þá eykur þetta félagsvitundina og þannig yrði flokkurinn stærri.

Þetta blað myndi fjalla um stjórnmál og áherzlur sjálfstæðismanna auk þess að vera létt og lifandi. Það yrði ekki galopið fyrir skrifum frá utanflokksmönnum frekar en tilefni gæfust til. Fyrst og fremst baráttutæki fyrir þann stjórnmálaflokk, sem meginmáli skiptir fyrir landið og landsmenn hafa líka fylkt sér um. Blaðinu  yrði dreift um allt land og kæmi út öðru hverju þegar tilefni gæfist til. Ég held að þannig kæmumst við nær fólkinu sem sæi að við erum ekki þær grýlursem andstæðingarnir segja að við séum. Og Jói í Bónus, Jón Ásgeir, Styrmir og Björgólfur Thor gætu ekki ráðið neinu um það hvað í blaðið væri skrifað.  Ég held að við gætum fengið einhverjar auglýsingar  til þess að láta þetta standa undir sér, þó að við hefðum auðvitað ekki aðgang að Baugsveldinu eins og Fréttablaðið. Upplagið yrði þó ámóta jafnstórt og Féttablaðið.

Munurinn væri sá að fólk gæti treyst því að þetta blað gengi ekki erinda neins annars en þeirra almannasamtaka sem Sjálfstæðisflokkurinn er. Hvað þá að það  væri ofurselt ranghugmyndum eða sjálfsáliti einstakra manna. Það er eiginlega enginn endir á því hvað úr þessu gæti orðið.
Ef við byrjuðum fljótlega þá hygg ég að vígstaða SJálfstæðisflokksins  gæti orðið allt önnur
þegar kemur að næstu kosningum. Fólkið myndi sjá að flokkurinn á ekki bara erindi við fólk til að betla atkvæði um kosningar heldur vill hann ræða við fólkið og leita það uppi til þess.

Ég hef talað fyrir daufum eyrum með þetta nokkuð lengi. Enginn af forystumönnum flokksins hefur gefið hætishót fyrir svona hugmyndir. Hér í Kópavogi trúa menn  því margir, að útgáfa Voga hafi skilað einhverjum árangri í Kópavogi. Eða kannske bara forðað verri útreið en raun ber vitni. En kannske var  þetta fólk bara á einhverju ímynduðu egóflippi. Það er auðvitað erfitt að fullyrða neitt eftirá í pólitík en okkur fannst þetta.

Vogar hafa verið gefnir út í bráðum 60 ár. Þeir eru auðvitað Kópavogsblað Sjálfstæðisflokksins í bæjarstjórninni og skrifa því mest um mál sem ná ekki útfyrir bæinn. En miðað við viðtökurnar sem ég hef nú fylgst með í ein 20 ár, þá hef ég ekki ástæðu til að ætla annað en  þetta mætti útvíkka í landsmálin.

Ég kem ekki auga á annað stjórnmálaafl í landinu en Sjálfstæðisflokkinn,  sem getur tekið upp viðspyrnu þeirrar gróðavæðingar sem mótar mestalla prentumræðu í landinu.  Allt drukknar í poppmennskunni og því sem peningavaldið ákveður að fólkið fái að sjá, .... jólaguðspjallið erí boði ......, .....það er ...... sem færir ykkur ......

Af hverju gefumst við svona upp fyrir þessu nýríka liði öllu ? Éeg veit ekki hversu margir myndu  lesa Moggann fyrir peninga ef væri ekki fyrir minningargreinarnar, sem eru kannske síðustu leifar mannlegheita í fjölmiðlum á Íslandi. Hitt er allt selt.

Ég er auðvitað gamaldags og úreltur fyrir löngu.  Þó er ég sæmilega tölvulæs og get fylgst með því sem fyrir augu ber.  En mér finnst Íslendingar um þessar mundir láta mata sig á skoðunum og segja sér fyrir verkum af fólki sem er hvorki fært til þess né heppilegt eins og leigupennar útgáfufélaganna eru. Mér finnt við þurfa nýjar raddir þó  kverúlantarnir megi fyrir mér vera áfram á Útvarpi Sögu.    Kannske les unga fólkið ekki neitt nema fréttir af músíkk og tilboðum í Bónus og aðrir kæra sig kollótta, þannig að prentmiðlar utan auglýsinga eigi ekkert erindi.  Samt kjósa yfir 80 % þannig að liljur vallarins vaxa á akrinum einhversstaðar.

Ég vildi þessvegna bara koma þessu frá mér ef einhver skyldi slysast til að lesa þetta. Ég er hættur að skrifa í Moggann þar sem ég hætti að fá þar inni og hef því ekki annan vettvang en þennan.  

Þetta er kannske dautt mál og þar með er það búið.   Mér finnst samt Íslendinga nútildags vanta hugsjónir og meðvitund um þá ábyrgð, sem fylgir því að vera Íslendingur.  Eiga þetta land og söguna án þess að vera í spreng með að breyta því í eitthvað fjölmenningarfyrirbrigði og gefa það til framandi fólks, þó það sé önnur saga.  "
 
Þó að liðin séu 7 ár síðan ég skreif þetta, þá finnst mér þetta samt ekkert vitlausara nún en mér fannst það þá. Frambjóðendur flokksins virðast lítið gefa fyrir mínar hugmyndir þó svo að VOGAR hér í Kópavogi hafi komið út allar götur síðan þá.
 
Hugmyndafræðilega stendur Sjálfstæðisflokkurinn um þessar mundir ekki sérstaklega vel ef horft er á fylgi flokksins. Það finnst mér benda til þess að flokknum gangi ekkert vel að koma sínum skilaboðum á framfæri meðan andstæðingarnir gala alltaf hærra og meira.Auðvitað þarf þetta að bera sig líka og ég held að það geti gert það.
 
Blaðaútgáfa vegna hugsjóna væri nýr flötur fyrir Sjálfstæðisflokkinn sem mörgum sýnist að þurfi að rífa sig upp og fara að ná til fólksins aftur í ríkara mæli en nú er. 

 

« Síðasta færsla | Næsta færsla »

Athugasemdir

1 Smámynd: Eðvarð Lárus Árnason

Stétt með stétt var einusinni slagorð sjálstæðismanna. Það var í á gömlu góðu daga. Sjálfstæðisflokkurinn var virtur og stór flokkur. Þetta var sýn þegar litið var til flokksins áður fyrr. Hvernig er ásýndin í dag ? Ístöðulítill minkandi stjórnmálaflokkur. Leiðtogar flokksins eru skíthræddir við alla mótstöðu, hvort sem mótstaðan kemur fram frá Samfylkingu, VG, Pappírslausum innflytjendum. Huglausir Sjálfstæðismenn fara á hnén fyrir ESB sinnum. Nú er að verða gríðarlegur mismunun afkomumöguleikum í dag. Já ja í dag er ekki til flokkur sem heldur utan um þjóðina, og getur kennt sig við, og stuðlað að stétt með stétt. Ástæða fylgistaps flokksins er vegna hugleysis og ístöðuleysi. Áður en farið er út í blaðaútgáfu þarf að stilla sjálfstæðisflokkinn að nyju, og SAVE flokkinn. Þá er tilefni komið til blaðaútgáfu.

Eðvarð Lárus Árnason, 28.7.2014 kl. 12:05

2 Smámynd: Kristmann Magnússon

Ja ekki er það gott ef þú færð ekki lengur inni í Mogganum - þú með þína fínu hugmyndafræði.

Og alveg er ég sammála þér um að flokurinn Þinn þurfi að fara að rífa sig upp til að ná til fólksins.

En á blaðið þitt að vera eingöngu til að mata fólkið á "réttum" upplýsingum og hvað á það að heita "Allt fyrir foringjann" (Alles fuer den Fuehrer) ? ? ? ! ! !

Kristmann Magnússon, 28.7.2014 kl. 12:14

3 Smámynd: Þorkell Guðnason

"Fjölmiðlaveldi" er heilaþvottavél. Þar gildir ekki góðmennskan, heldur lögmál "teygjusölumannsins" sem okkur er talin trú um að selji okkur fréttina rétt mælda og óteygða - en á því vill verða misbrestur.

Þess vegna þyrfti Dóri og félagar sinn frí-Mogga og Framsókn sinn frí-Tíma o.s.frv Er samt til efs að slíkt muni eiga nokkuð í RUV+360&5

Svo ég éti upp eftir sjálfum mér um pólitíkina:

"Svipaðir hlutir eru líka að gerast hér og víðar um heim. Valdagræðgi er réttur dagsins.

Áróðurshýenur og "spindoctors" menntaðir í stjórnmálafræði, beita einhæfri menntun sinni fyrst og fremst til eineltis og eyðileggingar málflutnings pólitískra andstæðinga. Almannahagur skipir þá" ...litlu sem engu.

Þorkell Guðnason, 28.7.2014 kl. 13:35

4 Smámynd: Halldór Jónsson

Ég helt nú að lesendur áttuðu sig á þvi að greinin er gömul og margt breytt þó aaðalinntakið sé ekki endilega mikið öðruvísi.

Þið sáuð í dag að vinstripressan á RÚV rauk upp eins og naðra þegar Davíð skrifaði orðið múlatti. Líklega má tengja það við múlasna. Það má ekki kalla negra negra eða syngja tíu litla negrastráka við börnin, þá rekst maður á þessa sérfræðinga em ætla að stjórna málnotkunini

Já Mannsi, þú spyrð á blaðið þitt að vera eingöngu til að mata fólkið á "réttum" upplýsingum og hvað á það að heita "Allt fyrir foringjann" (Alles fuer den Fuehrer) ? ? ? ! ! ! " Sjálfstæðisflokkur er itthvað sem þú getur aldrei skilið Mannsi minn, þeim þroska hefur þú líklega ekki náð en nennþá þar sem þú sérð púka og forynjur í öllum hornum án þess þó að kveikja sjálfur á eldspytu. Það eru einhverjir aðrir alltaf sem eiga að kveikja fyrir þig. Flokkur er samstarfssamningur um samfélagsstefnu en ekki einokun á tilteknum saumavélamerkjum

Halldór Jónsson, 28.7.2014 kl. 14:02

5 Smámynd: Kristmann Magnússon

Nei Halldór minn

Ég er nú tilbúi nn hvenær sem er hvor okkar hefur náð meiri þroska síðan við vorum hjá Ísak í gamla daga og er alls óhræddur við útkomuna úr þeirri rannsókn.

Ég studdi Sjálfstæðisflokkinn vegna stefnu hans, en það þarf í fyrsta lagi að fara eftir stefnunni og einnig að standa við það sem menn segja, en bakka ekki alltaf út og ljúga að mönnum. Það gengur bara í nokkur skipti en þegar menn síendurtaka lygina og svikin þá fer maður nú að efast um heilindi foringjanna í Valhöll. Það er ekki nóg að hafa samstarfssamning um samfélagsstefnu og fara síðan ekkert efrit því sem þar stendur. Svo skulum við ekkert vera að tala um einokun hvorki á saumavélum né steypu. Ég segi nú bara við þig eins og Jón Leifs sagði á sínum tíma við Hjört Hjartarson byggingarvörukaupmann þegar Hjörtur spurði Jón "af hverju getið þið nýju tónskáldin ekki samið músik sem almenningur vill hlusta á"? þá svaraði Jón Leifs og ég segi það sama við þig "Hausinn á yður er nú bara fullur af steypu" ! ! !

Kristmann Magnússon, 28.7.2014 kl. 14:51

6 Smámynd: Halldór Jónsson

Góður Mannsi! Jón Leifs var snjall.

Þú ert hinsvegar ekki snjall að húka sífellt í horninu þínu hundóánægður með allt og alla en reynir ekkert að gera í því sjálfur annað en biðja BrUssel að bjarga þér.

Í alvöru Mannsi þá er ég jafnsvekktur og þú á því hvað lítt hefur miðað löngum og lngum að afnema vitleysurnar. Af hverju er ekki sykurskatturinn aflagður? Tryggingagjaldið fært niður, þvælan um Flugvöllinn osfrv.

Halldór Jónsson, 28.7.2014 kl. 17:09

7 Smámynd: Kristmann Magnússon

Hvað er bloggið þitt annað en bölvað nöldur og óánægja með allt og allt. Ég hef alla vega ekki séð annað en andsk.... nöldur í þér alla daga og ég hef nú ekki séð að þú gerir mikið í því sjálfur að lagfæra hlutina.

Það er ekki nóg að sitja landsfundi og hrópa svo halelúja þegar foringjarnir biðja ykkur um það. Ég hef ekki verið hundáo0ánægður með allt og allt - t.d. hrósa ég Jóni Baldvin heilmikið hvenær sem ég get vegna þess að hann gerði þó eitthvað í hlutunum. Hann kom á vaskinum - hann kom á töluverðum tollabreytingum sem þínir menn bara töluðu um en framkvæmdu aldrei - svo líttu bara í spegil - það ert þú sem ert hundóæanægður með allt og allt og þú matt alveg sitja úti í þínu horni og blása út þar. En reyndu frekar að fá einhverju framgengt innan þessa flokksræfils þíns heldur en að andskotast út í okkur hina sem reynum þó að fá einhverju breytt. Og hana nú og hafðu það ! ! !

Kristmann Magnússon, 28.7.2014 kl. 18:01

8 Smámynd: Þorkell Guðnason

Það er bara aldeilis vélsaumað að þér og það á Pfaff.

En sjáiði þetta:

http://www.mbl.is/frettir/erlent/2014/07/28/sarah_palin_stofnar_frettastofu/

Þarna er komin fyrirmyndin að hlutlausa og réttláta flokksmiðlinum sem yfir alla gagnrýni hlyti að vera hafinn! ;-)

Þorkell Guðnason, 28.7.2014 kl. 18:32

9 Smámynd: Halldór Jónsson

Mannsi, það var í tíð Styrmis sem ég fékk ekkki inni í MOgga og það var hann sem lét gefa mér þennan sandkassa að róta mér í, bloggið svo ég gæti dundað mér þar án þess að ónáða alvarlega ritsthjórn Moggans. Það er kominn annar ritstjóri þangað sem birtir fyrir mig hafi ég eitthvað að segja sem er orðið lítið.

Er maður ánægður með Jón Baldvin Mannsi þegar maður er spurður um hvað maður sé allaf svona ónægður með hjá Sjálfstæðisflokknum ? Ertu bara orðin krataskepna? Helv.þitt!!

Ég er auðvitað mest hættur vegna aldurs að reyna að hafa áhrif á þennan flokksræfil sem bara minnkar og minnkar og hlustar yfirleitt ekki á mig. Hann er að koðna ofan í sjálfan sig einhvernveginn, nær ekki til fólks eins og þín eða þaðan af vitlausara. Maður heyrir aldrei í þér að hringja á Útvarp Sögu. Þar er fullt af liði sem þú getur tekið undir með.

Keli hvað er Sara Palin að segja annað en sumir þeir sem hringja í Útvarp Sögu . Allt ómögulegt. Öfugt við Mannsa sem finnst ekkert gott nema það sem kom frá krötum og Sjálfstæðismenn komu þá í verk því aldrei gat hann neitt einn þessi litli Alþýðuflokkur hans Jóns. Þarna er nú eitthvað fyrir Mannsa að fá sér áskrift á þessa kellingu hana Söru Palin úr að hann vantar hugmyndafræði.

En í alvöru Mannsi þá gætir þú skrifað í svona Sjálfstæðisblað og hamrað á þínum málum. Og rifist við jafningja en ekki útí í horni og þú kannt best.Þá færi fólkið í flokknum kannski að hlusta. En þú nennir því auðvitað ekki lengur frekar en ég.

Hvað er annars langt síðan að þú kaust Sjálfstæðisflokkinn Mannsi? Hvernig geturðu þá haft þetta mikla vit á öllu sem hann svíkur? Af hverju ertu svona viss um að flokksurinn vilji svíkja allt sem hann getur?

Halldór Jónsson, 28.7.2014 kl. 19:05

10 Smámynd: Kristmann Magnússon

Ég kaus Sjálfstæðisflokkinn síðast í síðustu kosningum 2014 til borgarinnar vegna þess að ég vorkenndi honum svo mikið en þar á undan var það árið 1983. Svo fóruð þið illa með vin minn Allbert Guðmundsson og þá var ég með honum, en nú er ég búinn að skrá mig í nýju Viðreisnina sem ég svo sannarlega vona að verði að veruleika.

Þú spyrð "af hverju er ég svona viss um að flokkurinn vilji svíkja allt sem hann getur" ? ? Og svarið er mjög einfalt - - það er reynslan sem hefur sýnt mér það.

Og reyndu nú af fremsta megni að vera ekki svona orðljótur um alla þá sem ekki eru þér sammála - krataskepna - kommadruslur - Þú þyrftir að kynnast fleira fólki - það er til mjög gott fólk í ÖLLUM flokkum.

Og í lokin - ég er svo heppinn að keyra bandarískan bíl með bandarísku útvarpi og það nær bara stöðvum sem eru með jafnartölur þess vegna - og sem betur fer - get ég ekki hlustað á Útvarp Sögu í þeim bíl - Guði sé lof

Kristmann Magnússon, 28.7.2014 kl. 20:30

11 Smámynd: Hrólfur Þ Hraundal

Á flokkaflækinga er ekki mikið að treysta en það er svolítið fyndið þegar menn segjast hafa á ævinni kosið alla flokka, en halda samt en þá, að þeir séu kommúnistar.  

Hrólfur Þ Hraundal, 28.7.2014 kl. 21:01

12 Smámynd: Halldór Jónsson

Takk Mannsi fyrir hreinskilnina, þá veit ég meira um þína pólitísku innréttingu sem þú hefur lengi sveipað í dularhjúp. Þú ert bara orðinn dálítill kratastrumpur með Benna Jóh og ert góðu þar. Við þig leyfi ég mér héreftir sem hingað til að nota allt orðabúrið sem við notuðum í Grænuborg af því að við verðum alltaf í framhaldsbekk af okkar 6 ára bekk elsku kallinn minn. Sumt breytist aldrei eins og fraternitiíð hjá okkur þessum gömlu candísum. Og hafðu það og hananú helvískur mýrarbísinn þinn!!

Takk fyrir Hrólfur,á þig má stóla ávallt og alltaf.

Og ekki klikkar hann Keli.

Halldór Jónsson, 28.7.2014 kl. 21:19

13 Smámynd: Þorkell Guðnason

Sarah Palin er bara djók og segir ykkur auðvitað ekkert að viti...frekar en fyrri daginn. Sú Sarah er nefnilega samnefnari fyrir allar Söhrur og Vigdísirhaux heimsins og auðvitað þurfa aunhvurjar að gegna því hlutverki. Má ég þá heldur biðja um hríðskota Agnesi, Viggu mína drottningu, sem verður minn fosszeti til æviloka eða jafnvel blessaða framsóknarmaddömuna okkar sjálfa

Þorkell Guðnason, 28.7.2014 kl. 22:45

14 Smámynd: Elle_

Kristmann, verð að segja að þetta var oflof um misheppnaðan stjórnmálamann, Jón Hannibalsson.  Maðurinn vill ekki bara selja landið, hann vill gefa það.  

Hann og hvað konan hans nú heitir/hét, þessi sem taldi sig vera stjörnu, voru sko viss um í sinni fávisku að við, íslenskir skattborgarar gætum alveg borgað kúgun Breta og Hollendinga (með hjálp Brussel).  Fyrir nú utan það að ríkissjóður væri nú gjaldþrota, var það ekki okkar skuld. 

Hann gat ekkert gert með tollamál, hvað sem hann nú kann að hafa sagt út í loftið, þar sem tollskráin er alþjóðasamningur, ekki íslenskt neitt, en það ætlar víst aldrei að skiljast.  Það eru ekki vitrir menn sem tala eins og hann og stjarnan hans. 

Elle_, 28.7.2014 kl. 23:03

15 Smámynd: Elle_

Keli, Vigdísi Hauksdóttur kysi ég langt fram yfir hina Vigdísina, vildi hana aldrei í forsetaembættið.

Elle_, 28.7.2014 kl. 23:08

16 Smámynd: Jón Valur Jensson

Ég vil að þú YRKIR um þetta hugðarefni þitt, Halldór.

Sjáum svo til með áhrifin af því.

Jón Valur Jensson, 29.7.2014 kl. 01:01

17 Smámynd: Helga Kristjánsdóttir

Vigdís Hauks er sem betur fer á þingi,en það var hún sem uppgötvaði “Gámamálið” svokallaða,enda fékk hún þá fyrir ferðina.

Helga Kristjánsdóttir, 29.7.2014 kl. 01:48

18 Smámynd: Sigurður Þórðarson

Hvernig var þetta gámamál?

Sigurður Þórðarson, 29.7.2014 kl. 10:17

19 Smámynd: Halldór Jónsson

Var það ekki listaverkagámamálið konunnar sem var að fá toppstöðu rétt í þessu Sigurður?

Halldór Jónsson, 29.7.2014 kl. 12:17

20 Smámynd: Halldór Jónsson

Takk fyrir Jón Valur

Halldór Jónsson, 29.7.2014 kl. 12:18

21 Smámynd: Þorkell Guðnason

Ekki var ætlun mín að taka þátt í einelti gegn V.H.

Þær Palin eru oft í sviðsljósi vegna klaufalegra ummæla. Þyrftu eigin fjölmiðla, því erfitt er að henda reiður á hvenær rétt er eftir haft og hvenær afbakað...sbr t.d:

http://www.theepochtimes.com/n3/580240-palin-wonders-if-malaysian-flight-mh-370-flew-directly-to-heaven-is-fake-sarah-palin-satire-goes-viral/

Þorkell Guðnason, 29.7.2014 kl. 13:27

22 Smámynd: Halldór Jónsson

Reagan mismælti sig nú oft líka.Að maður tali nú ekki um Buskana.Fáránlegt ef menn mega ekki leiðrétta orð sín eða draga til baka. Ég dreg hérmeð til baka Keli að hafa sagt að þú sért helvítis bjáni(hafi ég einhverntímann sagt það sem ég er eiginlega frekar óviss um?)Þú ert bara sérstakur sem er ekki sama og múlatti, negri eða sérvitringur. Sorry Keli, en þú ert bara ágætur eins og þú ert.

Halldór Jónsson, 29.7.2014 kl. 23:00

23 Smámynd: Halldór Jónsson

Já og Mannsi líka þó að hann sé eins og hann nú er!

Halldór Jónsson, 29.7.2014 kl. 23:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 5
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband