Davíð

er nafn sem menn hafa undur gaman að því að tala um fram önnur nöfn. Maður þarf ekki að segja föðurnafnið, það vita allir við hvern er átt. 

Við bloggarar förum ekki varhluta af skeytum sem fljúga til okkar þar sem skýringin á öllu sem aflaga fer í landinu er þessum eina manni að kenna. Þessi bloggari er ekki saklaus af því að hafa hnýtt í hann einhvern tímann eins og fleiri hefur hent. En oftar hefur hann verið með honum en á móti og er ánægður með það.

Það er viðurtekin rangtúlkun á hrunsögunni að það hafi verið þessu eina manni að kenna. Og líka auðvitað flokknum hans sem leiddi ríkisstjórnina sem fékk hrunið í fangið 2008.  Það er skondið að lesa Fréttablaðið í dag og sjá hvernig  einn mesti óhappamaðurinn  í íslenskri efnahagssögu frá þjóðveldisöld lýsti afskiptum sínum af hrunmálinu. Hallaði hann þar stórlega réttu máli og ló víða til eins og slíkra er von. Þegir auðvitað um eigin afglöp en klínir öllum slæmu á aðra en sig. Þannig verður útkoman sú er að hann hafi bjargað Íslandi eiginlega einn og sér. Það er auðvitað yfirgnæfandi ósvífni að ætlast til þess að einhver upplýstur maður trúi votti af því sem þarna segir. En þetta getur blekkt unga fólkið og svona umskrifun staðreynda er fyllilega lögleg þó annað orð lýsi þessu betur.

En í tilsvörum sem ég fékk frá leynigesti einum á blogginu mínu sem nefnir sig Prédikara eða Cachoetes Scribendi, þá stendur þetta:

“ Geir Haarde talaði samt á svipaðan veg í fjölmiðlum og Davíð í desember 2007 í viðtali. Davíð hafði oft áður sem forsætisráðherra talað eins einarðlega og hægt var sem forsætisráðherra án þess að ganga of langt í orðavali en var hrópaður niður af andstæðingum sínum á Alþingi sem í fjölmiðlum ekki hvað síst og var reynt að koma því inn hjá þjóðinni að hann hefði horn í síðu útrásarsnillinganna - sér í lagi Baugsböðlanna. Menn hlustuðu ekki á varnaðarorðin því miður.

En varðandi það sem eignað er Davíð í öllum sköpuðum hlutum, þá held ég að verði að taka undir það sem Stormskerið sagði í bloggi sínu sem og í Morgunblaðsgrein : „Auðvitað hefur Dabbi gert einhver mistök í gegnum tíðina, enda mannlegur einsog við hin, en við ættum eingöngu að kenna honum um það sem raunverulega er honum að kenna, einsog t.d. morðið á Kennedy og heimsstyrjöldina síðari, - en ekki ALLT.“

Már láðist í síðasta innleggi að minnast á að í í orðum Davíðs sjálfs sem og í rannsóknarskýrslu Alþingis kemur kemur berlega í ljós að Seðlabankastjórar áttu fund í febrúar 2008 með ríkisstjórninni þar sem forsætis- og utanríkisráðherra sátu að minnsta kosti. Þar var varað við því að bankahrun yrði á næstu mánuðum, aldrei síðar en í október 2008.

Ríkisstjórnn kallaði á alla viðskiptabankana á sinn fund strax í kjölfarið. Þeir mættu með endurskoðendur sína og hlógu góðlátega að seðlabankastjórunum og sýndu „endurskoðað“ bókhaldið því til sönnunar að ekkert væri að óttast. Því gerði ríkisstjórnin ekki neinar ráðstafanir.

Þegar það kom í ljós að ríkisstjórnin myndi ekki bregðast við, setti Davíð á fót yfir 40 manna starfshóp sérfræðinga innan Seðlabankans til að undirbúa hrunið sem bankinn hafði varað við. Hefði Davíð ekki gert þetta þá hefðu íslensk fyrirtæki eða ríkisstjórn eftir 8. október ekki getað fengið greitt fyrir vörur sem seldar voru til erlendra birgja frá ÍSlandi, né heldur fengið innflutt eldsneyti, lyf né nokkuð annað frá útlöndum, sérstaklega ekki eftir að bretar settu Ísland á lista alþjóðlegra hryðjuverkasamtaka.”

Ég veit ekki hver þessi maður er sem þarna skrifar. En oftar en ekki stendur hann föstum fótum í sannleikanum og hefur víðfeðma þekkingu. Ég amast ekki við dulnefni hans þess vegna þó ég sé ekki aðdáandi slíks, þar sem mig grunar að hann hafi sínar ástæður til að dyljast.

Menn minnast offorsins í kommúnistunum  og forsætisráðherranum í í stjórninni sem var barin inn með búsáhöldunum til að koma ákveðnum manni út úrSeðlabankanum. Nótt eftir nótt voru sendar hryðjuverkasveitir að heimili hans til að varna honum og konu hans svefns. Ógnandi stóð þetta hyski vörð um húsið þó það reyndi ekki inngöngu.  Lygaherferðin var kynt nætur og daga og eineltið var í forgangi á öllum rásum af því að maðurinn var staðfastur í því að Íslendingar ættu ekki að borga “erlendar skuldir óreiðumanna”. Fyrst eftir að þjóðin hafði í tvígang hafnað kröfum kommúnista  sem vildu hengja Icesave klafann um háls þjóðarinnar, létti aðsókninni nokkuð. Það er því núna bara fyndið að horfa á þessa sömu aðila snúa öllu á haus og reyna að koma því inn eftir á að þeir hafi í raun bjargað þjóðinni úr klóm þessa sama manns.

Þegar maður spyr um álit almennings á stjórnmálamönnum síðustu áratuga þá er einn maður í sérflokki með þrefalt álit  þess sem næstur kemur. Sbr. skoðankönnun hér til hliðar. Hinn þögli meirihluti mun kíklega ekki láta blekkjast hvaða lygar sem afglapar og ómerkingar hafa skrifað og eiga eftir að skrifa um þennan mann.

Davíð finnst mér hafa dugað vel.

Athugasemdir

[Björn Jónsson, 21.8.2014 kl. 17:30]

Er ekki allt hrun sem orið hefur og verður í gangna gerð á Íslandi, Davíð að kenna ??

[Þórir Kjartansson, 21.8.2014 kl. 17:49]

Það dettur nú ekki neinum sanngjörnum manni í hug, Halldór að kenna Davíð Oddssyni einum um  hvernig fór.  En það er heldur engin leið að mæla á móti því að í stjórnartíð hans og Halldórs Ásgrímssonar (tala yfirleitt um þá í sama orði) var bankagangsterunum gefinn laus taumurinn og lengi hvattir áfram m.a. af Davíð sjálfum. Það eru til þó nokkrar upptökur af því. En auðvitað hefur hann eins og margir aðrir séð hvert stefndi talsvert áður en allt fór í strand. En þá var of seint að bjarga málunum.

[Predikarinn - Cacoethes scribendi , 21.8.2014 kl. 18:13]

Þórir.

Á Íslandi hafa gilt, allt frá því við gengum í EES ,sömu reglur um fjármálastarfsemi og er í Evrópusambandinu - nákvæmlega eins og jafnvel ívið meira íþyngjandi hér en þar.

Hér er listi um slíkar reglur sem í gildi hafa verið á Íslandi og vef-þjóðviljinn birti með smáu letri í fjölmiðlum

i janúar 2009, en þá fóru menn á himinskautum sögðu hér algert reglu- og aðhaldsleysi og það allra helst að kenna þeim manni sem var valdur .þá þegar að bankahruni alls hins vestræna heims - Davíð ! Sannkleikurinn er vitaskuld sá að þetta eru það margar reglugerðir og lög að það þurfti heilsíðu til að koma því fyrir í smáletursauglýsingu í Morgunblaðinu :

.

https://www.andriki.is/getOneArticle.asp?art=07012009

.

Það er því erfitt að kenna um að skort hafi aðhald í lögum og reglum um fjármálastaefsemi til að skýra glæfra útrásarkónanna.

Auðvitað hvetur góður forsætisráðherra fyrirtæki til dáða - skárra væri það nú. Dæmi um hið gagnstæða er bölsót flugfreyjunnar og ráðuneytis hennar með jarðfræðinemann í kjölfari sínu sem talaði niður og bölsótaðist út í allt og alla - ekki hvað síst var allt fyrr og síðar einum manni að kenna - jú þið gátuð ykkur til um það : DAVÍÐ !

Hitt er annað að hafi menn sem stjórnuðu banka- og fjármálæakerfi þjóðarinnar ákveðið að brjóta þessi lög öll sömul þá er ekki hægt að kenna öðrum en þeim böðlum sjálfum - ekki manninum sem hvetur þá til dáða, enda sá maður þekktur af löghlýðni.

Það hefur þó ekki komið í veg fyrir að hatursmenn téðs Davíðs hafi leitað dyrum og dyngjum að einhverri þeirri nál sem kynni að finnast um óheiðarleik hans um árutgi þá sem hann hefur stjórnað ríki eða borg eða þar sem hann kunni að hafa makað krók sinn við fyrirgreiðslu til einstakra manna eða fyrirtækja. Það hafa menn aldrei fundið.

Hvaða íslenskur stjórnmálamaður hefur upplýst um það annar en hann, að bornar voru mútur á hann, töldum í hundruðum milljóna króna til að fá hann til að tala fallega um og hygla ákveðnum geislaBAUGSfeðgum og fyrirtækjum þeirra ?

Einmitt téður Davíð Oddsson - það eitt og sér vekur upp spurningar um aðra stjórnmálamenn sem hafa þagað svo kjörtímabilum skiptir um slíkt ! Hver man ekki til dæmis eftir Samfylkingarráðherranum sem stjórnaði bankamálum þessa lands og flokkur hans fór á sama tíma með stjórn Fjármálaeftirlitssins þegar allt fjármálakerfi heimsins hrundi ?

Muna menn eftir því þegar sá ráðherra var í Gosaböndum annars af geislaBAUGSfeðgunum um miðja nótt á heimili sínu ? ? ?

[Þórir Kjartansson, 21.8.2014 kl. 18:30]

Heill og sæll aftur Predikari góður.  Ég nenni nú aldrei að skrifa einhverjar langlokur í kommentakerfum en ætla að taka undir það með þér og segja Davíð það til hróss að enginn getur sagt með sanni að hann hafi nokkurn tíma verið að nota sína aðstöðu og völd í eiginhagsmuna skyni. En mér finnst þú og margir aðrir bloggarar, sem greinilega eru harðlínumenn í pólitík falla allt of oft í þá gryfju að drepa málinu á dreif með því að benda á að þessi eða hinn pólitíski andstæðingurinn sé alveg kolómögulegur og miklu verri en þinn maður sem verið er að ræða um.  Lofaðu svo einn að þú lastir ekki annan, segir máltækið.

[Helga Kristjánsdóttir, 22.8.2014 kl. 01:03]

....Hatursmönnum Davíðs er ekkert heilagt,þeir eiga ekki trúnað,tryggð og ættjarðarást,þess vegna er þeim illt til þeirra sem verja fósturjörðina,sem aftur á móti þeim er skítsama um,nema að komast í stöður til að féfletta hana....Og þetta þykir þeim væmið trúið mér: "Þá legg ég að föngum,mitt líf við þitt mál ,hvern ljóðstaf,hvern blóðdropa,hjarta og sál” -- Mærð er betri en flærð.