Leita í fréttum mbl.is

Axel Kristjánsson

lögmaður ritar athyglisverða grein í Morgunblaðið í dag. Af því að vinstri menn þreytast ekki á því að segja að engir lesi Moggann og þá auðvitað þeir sjálfir ekki heldur, þá er ástæða til að vekja athygli grein Axels, svo sönn sem hún er. Axel segir:

"Stjórnleysingjar á Alþingi Íslendinga og fylgifiskar þeirra á vinstri vængnum bera mikið lof á menn í trúnaðarstörfum, sem stela gögnum frá leyniþjónustu BNA og afhenda þau fjölmiðlum til birtingar. Þeir hefja þá til skýjanna og vilja flytja þá til Íslands og gera þá að íslenskum ríkisborgurum. Að minnsta kosti tveir slíkir menn eru nú landflótta en hafa ekki manndóm til að standa við gjörðir sínar, enda vart við því að búast. Ýmsir fjölmiðlamenn hafa ruglast í ríminu og tekið undir þennan lofsöng.

 Á mig leita efasemdir um það siðferði, að lofsvert sé að taka gögn úr tölvum yfirmanna sinna og afhenda til birtingar í fjölmiðlum. Sú spurning leitar á mig, hvaða hvatir liggi að baki, e.t.v. peningar? Ekki þykir mér merkilegt siðferði manna, sem afhenda til birtingar gögn, sem þeim hefur verið trúað fyrir, hvort sem það er gert af hugsjón eða fyrir peninga. Ekki þykir mér merkilegt siðferði fjölmiðlamanna, sem birta slík gögn í sínum miðlum til að afla sér vinsælda og fjár.

 Starfsmaður í ráðuneyti hér á landi afhenti fjölmiðlum trúnaðarupplýsingar um hælisleitanda, sem Útlendingastofnun hafði vísað úr landi m.a. vegna efasemda um fortíð hans. Nú fyllast stjórnleysingjar og fjölmiðlamenn hneykslun á afbroti starfsmanns ráðuneytisins og lofsyngja dóm yfir honum og brottrekstur úr starfi. Þeir heimta, að ráðherra segi af sér vegna afbrots undirmanns síns, afbrots, sem er siðferðilega sambærilegt við afbrot, sem þeir hafa lofsungið til þessa.

 Trúnaðarbrot í starfi hjá leyniþjónustu BNA er lofsvert, trúnaðarbrot í starfi hjá ráðuneyti á Íslandi er ekki lofsvert.

 Tvöfalt siðferði, Pírata-siðferði, vinstra siðferði?"

Birgitta Jónsdóttir Alþingismaður Piratanna(stjórnleysingjanna?)hefur verið framarlega í flokki aðdáenda Julian Assange. Sama Birgitta hefur aldrei verið spurð út í njósnatölvuna sem fannst í Alþingi. Íslenskir rannsóknablaðamenn skrifuðu hana hjá CIA og málinu lokið.

Birgitta er á móti byssunum frá Noregi og hefur þeim nú verið skilað.

Birgitta er ávallt með þeim skeleggustu þegar kemur að siðferðisleysinu í pólitík hægrimanna. Snowden er lofsunginn í hinnu hlutlausu vinstri pressu  með reglubundnu millibili. Margir þeirra framámanna vilja fá hann hingað sem hælisleitanda. Sömuleiðis Assange. Myndu þessir kallar ekki bara sóma sér vel með Tony Omos?

Er ekki mikilvægt að fólk átti sig á því af hvaða rótum réttlætistilfinning Birgittu, Píratanna,kommanna og skoðanaelítunnar stafar þegar þarf að hrekja ráðherru

Sjálfstæðisflokkssins og aðstoðarmanns hennar í nafni siðferðis og heiðarleika?

Greining Axels Kristjánssonar lögmanns á hinu tvöfalda siðferði stjórrnleysingjanna og villta vinstrisins var þörf hugvekja og á hann að minnsta kosti mínar þakkir fyrir.

 


« Síðasta færsla | Næsta færsla »

Athugasemdir

1 identicon

Það sem þú kallar tvöfalt siðferði Halldór er skilningur fólks á því að heimurinn er ekki svartur og hvítur og nauðsyn þess að gera greinarmun á málum.

1. Snowden lak upplýsingum sem sýndu það að stofnunin sem hann starfaði fyrir, NSA, vann ötullt að því að safna eins mikið af upplýsingum og hún gat um alla Bandaríska þegna þrátt fyrir að henni er bannað með lögum um hlutverk ŃSA að gera það og þrátt fyrir að stjórnarskrá Bandaríkjana bannar það almennt að slíkt er gert.

2. Gísli lak persónulegum gögnum um einn einstakling með það í huga að hafa áhrif á umræðuna sínu ráðuneyti í hag.

Semsagt, einn einstaklingur tilkynnti það að bjúrókratar lands hans stunduðu stórfeld lögbrot og hinn nýtti sér aðstöðuna sína til að skjóta á persónu sem var með mál í gangi hjá ráðuneytinu hans.

Elfar Aðalsteinn Ingvarsson (IP-tala skráð) 24.11.2014 kl. 12:01

2 Smámynd: Halldór Jónsson

 Elvar minn, bannað eða ekki bannað. Leyniþjónustur eru leyndó og eiga að starfa sem slíkar en ekki stjórnast af DV og álíka pappírum. Veltu fyrir þér nafninu á CIA= Central Intelligence Agency. Intelligence þýðir vitneskja eða þekking. Þú þarft að hafa vitneskju um óvininn til að geta varast hann. En í augum kommanna og kvislinganna er það vont ef Bandaríkin vita sannleikann um þá. Þeir njósna ekki sjálfir eða heldurðu það nokkuð Elvar minn? 

Halldór Jónsson, 24.11.2014 kl. 14:04

3 identicon

Þannig að þú ert ekki bara sáttur heldur ánægður með að við bjúrókratarnir brjótum lög sem eru gerð til að verja borgara á móti okkur.

Flott að vita.

Elfar Aðalsteinn Ingvarsson (IP-tala skráð) 24.11.2014 kl. 15:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 1
  • Sl. sólarhring: 10
  • Sl. viku: 48
  • Frá upphafi: 3417956

Annað

  • Innlit í dag: 1
  • Innlit sl. viku: 45
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband