Reykjavíkurflugvöllur

 

var á dagskrá á Sprengisandi á sunnudaginn. Ömurlegt var að hlusta á EssBjörn flytja þann boðskap að meirihlutinn í Borginni hafi þá hugsjón hæsta, að byggja íbúðir í Vatnsmýrinni en loka flugvellinum sem allra fyrst. Vísa síðan í einhverja Rögnunefnd sem sé að finna nýtt flugvallastæði í Reykjavík svo að þeim klafa sé lyft af innanlandsfluginu sem á því hvílir samkvæmt einhverri skilgreiningu hans sjálfs. 

Enginn af viðmælendunum virtist gera sér ljóst að Rögnunefndin er varla neitt annað en Pótemkín-tjöld Dags B. Eggertssonar sem hann bjó til í þeim tilgangi að sleppa við að þurfa að ræða flugvallarmálið fyrir kosningarnar vegan yfirgnæfandi andstöðu borgarbúa við lokun vallarins. Settist enda sjálfur í nefndina sem tryggir það að vitræn niðurstaða er ekki væntanleg frá þessum skapningi hans sjálfs utan um þá köllun hans að tortíma flugvellinum til þess að byggja íbúðir sem hafa nauðsynlega nálægð fyrir 101 liðið við búllurnar í Kvosinni.

Þegar þeir fjölbýlishúsagrunnar verða allir grafnir mun líklega þurfa að dæla miklum sjó í Tjörnina til þess að halda vatnsborðinu á sínum stað og sá sjór mun óhjákvæmilega breyta öllu gróðurfari á svæðinu sem við þekkjum núna og fuglalífi.

Nú er búið að framlengja skilafrest nefndarinnar til miðs árs sem bendir til að ekki sé auðvelt að komast að niðurstöðu sem sé Degi Bé þóknanleg. Því löngu er vitað að hvorki er nýtt flugvallarstæði finnanlegt né hefur nokkur ráð á því peningalega  að flytja Reykjavíkurflugvöll. Það sem ég undrast sjálfur er sú óskarpskyggni annarra nefndarmanna en Dags Bé að láta bjóða sér svona pólitíska misnotkun eins og allur þessi blekkingarleikur var settur upp af einum nefndarmanninum. Þvílíkur félagi er þessi Dagur Bé.

Sá klafi sem hvílir á Reykjavíkurflugvelli sem EssBjörn lýsir er settur saman af visntri-meirihlutanum í Reykjavík til fjölda ára. Allsherjar framkvæmdabann er á vallarsvæðinu svo að þar er enn hírst í setuliðsbröggum frá stríðsárunum þrátt fyrir að þaðan sé flogið millilanadaflug austur og vestur. Þessi klafi er smíðaður af EssBirni sjálfum undir hergöngulögum úr púkablístrum Samfylkingarinnar sem hefur verið staðföst í vallarfjandskap sínum allt frá dögum Ingibjargar Sólrúnar og R-listanum hennar illræmda sem þreifst á því að mata Framsókn á Orkuveitukrásum sem endaði auðvitað í gjaldþroti þeirrar stofnunar með hálfkaraðar hitaveitur víða um land frá útþenslustefnu Alfreðsáranna, þar sem risarækjur skipuðu veglegan sess í orkuflórunni. ‘I stað alls þessa hefði verið hægt að hefja Reykjavíkurflugvöll til vegs og virðingar og láta hann moka ómældum fjárhæðum til Borgarinnar með aðflugi einkaþotna til ráðstefnuhalda í Reykjavík og auknu utanlandsflugi Reykvíkinga.

Nú blasir við algert úrræðaleysi í hitaveitumálum Sunnlendinga eftir gjaldþrot útrásar Orkuveitunnar sem sést best af því að næg orka er í eigu hennar fyrir austan Hvítá  en fyrirtækið þykist enga burði hafa til að deifa henni austur yfir Þjórsá. En allt er heitavatnslaust frá Hellu og austur úr og þar sárvantar hitaveit.

Vinstri menn geta yfirleitt ekkert nema talað og talað um allskyns félagslegar lausnir eftir allskyns kynlegum hugmyndum sínum þar sem flest rekst á annars horn. Þeim er yfirleitt gersamlega fyrirmunað að skilja fjármál eins og skuldasöfnun þeirra í Reykjavík sýnir best.

Þetta fólk var kosið frá borgarstjórn í síustu kosningum. En tilviljunin sendi þeim Píratakaftein sem var hægt að kaupa ódýrt með einni mannréttidanefnd sem varla nokkur veit til hvers er. Allavega mat Framsókn þessa nefnd ekki meira en að tilnefna Sjálfstæðismann til að sitja í henna fyrir sig. Enda hefur EssBjörn lýst Framsókn óstjórntæka vegan skoðana á lóðaúthlutun til múslíma.

Flugvallarmálið er því í mínum augum hreinn farsi frá upphafi til enda og Rögnunefnd Dags Bé sem hann stjórnar sjálfur finnst mér bara brandari til áframhaldandi vefsláttar keisaravefaranna Dags Bé og EssBjarnar.

Reykjavíkurflugvöllur sjálfur er jafn nakinn og vinalaus eins og hann hefur verið allar götur síðan að íhaldið hætti í afgerandi stjórnmálabaráttu í Reykjavík fyrir langalöngu síðan. Þó að allur almenningur landsmanna vilji völlinn kyrran á sínum stað, þá ætla kumpánarnir EssBjörn og Dagur Bé. að berja sinn vilja fram í trássi við alla aðra.

Sannir jafnaðarmenn báðir tveir, vefarar keisarans.

Athugasemdir

[Heimir Lárusson Fjeldsted, 11.2.2015 kl. 10:38]

Betra flugvallarstæði finnst hvorki í landi borgarinnar né í næsta nágrenni.

Þjóðin hefur heldur ekki efni á að byggja nýjan flugvöll.

[Kjartan Sigurgeirsson, 11.2.2015 kl. 11:27]

Hvað með Álftanesið Halldór?  Er ekki nokkuð góð aðstaða til lendinga þar.  Að vísu virðast þeir sem þar setjast niður eiga erfitt með að slíta sig þaðan.  Heldurðu að Dagur Bé og Essbjörn leggðu í deilu við héraðahöfðingjann þar um flugvallarstæði?

[Jón Þórhallsson, 11.2.2015 kl. 11:52]

Hérna er kjarni málsins í flugvallarmálinu:

http://thjodarskutan.blog.is/blog/thjodarskutan/entry/1380464/

[Jón Valur Jensson, 11.2.2015 kl. 20:10]

Menn eiga að læra af þessu að kjósa ekki vinstri flokka. Þeir unnu í þágu útlendinga í síðustu ríkisstjórn (Brusselherra, Breta, Hollendinga, hrægamma) og iðka nú skemmdarverk á gatnakerfi borgarinnar og Reykjavíkurflugvelli.

Þá eru nú Bretar skárri, þeir gáfu okkur þennan flugvöll – og Kaninn gaf okkur Keflavíkurflugvöll.

[Erla Magna Alexandersdóttir, 11.2.2015 kl. 20:26]

Allar borgir hafa garða- útivistarsvæði og svæði þar sem fólk fær frið fyrir argaþrasi götunnar.

 Nema á Íslandi.

 Flugvöllurinn er lifæð allra- lika Reykvikinga sem GÆTU SLASAT ÚTI Á LANDI  !

[Örn Johnson, 11.2.2015 kl. 22:25]

Ljóst er að verulegur hluti landsins undir flugvellinum er í eigu ríkisins og verður ekki afhent borginni án samþykkis Alþingis, þannig eru leikreglurnar. Auðvitað mun borgin mótmæla því og í krafti laga um skipulagsrétt sveitarfélaga og auðvitað harðneita að greiða krónu fyrir þetta "dýrmæta" land. Halldór, það á ekki að nota orðin "að flytja" um flugvöll, heldur að byggja nýjan sem tekur mörg ár og þá með ærnum kostnaði, sem hver á að borga? Jú auðvitað þeir sem njóta, í þessu tilfelli Reykjavíkurborg, enginn annar, enda munar fólkið sem flytur inn í blokkirnar sem reistar verða þarna ekki um svoleiðis smámuni, sem eru kannski lítill hluti af því sem það kostar að gera lóðir þarna byggingahæfar með allt að 20 metra djúpum grunnum. Svo hver hugsar um endurnar sem verða að flytja og einhver nefndi sjáarvarnargarða til þess að tjörnin fyllist ekki af sjó! Ljóst er að hugmyndin um að loka flugvellinum til þess að byggja þar blokkir er einhver arfavitlausasta hugmynd sem fram hefur komið. Marfallt ódýrara er að byggja á uppfyllingum úti í Skerjafirði og fyrir utan Ánanaust, rétt eins og Öfirsey er gerð. Svo vita þessir drengir, eins og Dagur B, að þeir verða aldrei dregnir til ábyrgðar á svona rugli.

[Jónas Gunnlaugsson, 13.2.2015 kl. 00:00]

Blanda og blekkingar?

Fjárfestar, byggingaverktakar og íþróttafélög.

Þessi blanda er þekkt í borgum og sveitarfélögum

um veröld alla.

Ef þessu er blandað saman, þá veldur það skelfingu

hjá borgarfulltrúum, borgarstjórum og pólitíkusum.

ooo

Þá er hægt að láta þessa aðila skrifa undir að björgunarbátar á skipi, séu óþarfir, bátarnir séu í flestum tilfellum aldrei notaðir.

Egilsstaðir, 12.02.2015 Jónas Gunnlaugsson