Er einkavæðing?

í aðsigi í heilbrigðismálunum með félagsstofnunum hjúkrunarfólks?

Ef svo er þá er hún ekki núna að koma til fyrir baráttu hægri manna og Friedmanista heldur hinu megin frá. Sósíalista megin.Endimörk kjarabaráttu heilbrigðisstéttanna er að færa okkur einkavæðingartækifæri sem við höfum mörg beðið eftir.

Hugsið ykkur, ef hillir undir að við getum minnkað Landspítalann að einhverju leyti og náð tökum á stjórninni í heilbrigðisgeiranum?

Væntanlega fleiri og þá minni spítalar munu verða til og vinna verkin á grundvelli útboða á þjónustu. Læknar munu skera að einhverju leyti eftir gjaldskrá, þetta kostar venjulegur botnlangi, þetta kostar nýr mjaðmarliður og þetta kostar keisaraskurður.

Hjúkrunarfræðingar fá loks laun sem þeir ákveða fyrir sitt félag. Auðvitað verður ekki einokun á markaðnum og einhverjir munu þurfa að gefa afslátt til að fá vinnu. En þetta á markaðurinn að leysa eins og hjá verkfræðingum.

Einkaréttir á störfum verða ekki eins afgerandi og nú er. Erlend samkeppni kemur hugsanlega til á fleiri sviðum þjóðlífsins en núna er.

Var ekki grunnhugsun Friedmans sú að ríkið greiddi aldrei meira en ákveðið gjald fyrir ákveðna þjónustu, skólagöngu, læknisverk eða þannig áfram. Fólkið hefði val um hvaða skóla það veldi fyrir börnin. Samkeppnissjónarmið kæmi þar til á grundvelli marktækra mælikvarða eins og hugsanlega samræmdra prófa?

Sem sagt þá hugsaði Friedman um hagsmuni heildarinnar sem á að borga. Það væri hvergi frír hádegisverður í boði hjá ríkinu því þegnarnir borgi alltaf á endanum.

Ég verð að segja það fyrir mig, þá skil ég ekki hvernig hægt er að reka stóru ríkisfyrirtækin eins og skólana og sjúkrahúsin og stjórna kostnaði þeirra. Þetta er svo yfirþyrmandi verkefni og viðkvæm  og aflsmunur svo mikill. Við fólkið erum svo ofurseld gíslatöku hundraða starfsgreinafélaga sem vilja ein ráða starfsmati sínu að stjórnunarverkefnið er ofurmannlegt. Þvílíkt afreksfólk höfum við oft fengið í stjórnunarstörf til dæmis hjá Landspítalanum sem hafa getað leyst þessi flóknu verkefni fyrir okkur fólkið.

Þess vegna finnst mér að einkavæðing myndi skila okkur betra þjóðfélagi þar sem  hver einstaklingur fengi fleiri tækifæri til þroska og frama. Og meiri starfsánægju líka. Það er ekki ánægjulegt fyrir okkur að hlusta á umönnunarfólkið okkar, sem mér finnst yfirleitt í návígi líkjast meira englum en mönnum, lýsa þvi hvernig það er þrautpínt og barið áfram og síðan níddur af því skórinn launalega.

Möguleikarnir til breytinga eru víða. Af hverju er til dæmis Flugumferðarstjórn bara rekin af ríkinu? Af hverju rekur ríkið Veðurstofu? RÚV? ÁTVR? Herjólf? Af hverju eru fleiri greinar ekki boðnar út?

Lögregla og her og dómstólar geta hinsvegar aldrei verið boðnir út. Þó seta á Alþingi sé það í raun og veru þar sem þar ríkir samkeppni um sætin en þó ekki launin,-ennþá. 

Er ekki hægt að breyta einhverju  til hins betra? Erum við dæmd til þessa ástands óbreytts?

Er einkavæðing ekki líkleg til að bæta  hag fólksins?

Athugasemdir

[Halldór Egill Guðnason, 18.7.2015 kl. 09:16]

Já nafni, thad er kaldhaedni örlaganna, ad hugmyndir um einkavaedingu í heilbrigdisgeiranum skuli koma frá starfsfólkinu sem thar vinnur. Thetta myndi sennilega spara ríkinu milljarda á hverju ári. Engar lífeyrisskuldbindingar og fleira sem hid opinbera losnar vid. Verdur fródlegt ad fylgjast med framvindu thessa máls.

Gódar stundir, med kvedju ad sunnan, thar sem nú geysar stóra stormur (55-60hnútar) og snjókoma.

[Ragnhildur Kolka, 18.7.2015 kl. 10:47]

Mér sýnist þetta vera hið besta mál. En óneitanlega hjákátlegt að fylgjast með hjúkrunarfræðingum reyna að halda því fram að þetta sé ekki einkavæðing. Líklega trúa þeir í einfeldni sinni að aðeins Ríkið geti einkavætt. 

[Halldór Egill Guðnason, 18.7.2015 kl. 14:06]

Ef hjúkrunarfraedingar aetla sér ad stofna félag um thessa hugmynd, aettu their ad hugsa sig tvisvar um med thad ad hafa thad sjálfseignarstofnun. Thad rekstrarfyrirkomulag er baneitrad eins daemin sanna ( t.d. Eir ). Stjórnarmenn sjálfseignastofnana eru nánast einrádir um öll mál og geta gert nánast thad sem theim sýnist. Sennilega betur heima setid, en af stad farid med slíkan óskapnad og haett vid ad ádur en vardi, vaeru hjúrunarfraedingum skammtadur skítur úr hnefa í laun, en sjálfseignastofnunin hirti megnid af hagnadinum. Sá hagnadur rynni alveg örugglega ekki til verktakanna sem störfudu á vegum thessa glaepsamlega rekstrarforms.

Gódar stundir, med kvedju ad sunnan.