Enn títuprjónn

í flugvöllinn í Vatnsmýri með áformunum byggingu Hótels allra Hótela beint í flugstefnuna á neyðarbrautinni. Geta menn ímyndað sér hvað hótelgestir verða rólegir að horfa út um gluggana niður á brautina. Svona eins og að horfa inní fallbyssukjaft? Sumir eru greinilega búnir að lofa að gera sittthvað fyrir suma sem sumir munu svo gera fyrir suma þegar ...

Dagur Bé, Hjálmar Sveins og Essbjörn svífast einskis í því að reyna að koma illu af stað.Dagur Bé. sannaði þegar hann fíflaði alla landsmenn með Rögnunefndinni, að hann er stórhættulegur maður í pólitískum refsskap, líkur Machiavelli og öllum hollara að taka vara á öllu sem frá honum kemur.Hjálmar Sveinsson er öllu hættuminni því hann kemur til dyranna umbúðalaust og sér ekkert athugavert við ofbeldi gagnvart einkabílnum að hætti góðra kommúnista. Hlutverk EssBjarnar virðist vart annað en að vera viljalaus trébrúða eins og Gosi sem sprellar þegar Dagur blæs í púkablístruna og fær neflengingu að launum. Enginn veit fyrir hverju Halldór Pírati gengur sem heldur þessu öllu á floti. Líklega er  hann bara einhvers staðar annars staðar að plotta í stóra framtíðarflokknum.

 

Ég skildi ekki hvers vegna hótellóðin var seld á 800 milljónir þegar hún var metin fyrir Reykjavíkurborg á 1.2 milljarða. Ég botnaði ekki í fréttaflutningi RÚV af þessum kaupum. Hver seldi hverjum hvað? Getur einhver útskýrt þetta atriði fyrir mér?

Borgarstjórinn blíði er sífelld atburðauppspretta fyrir allt sem getur pirrað allflesta. Einn títuprjónn á dag kemur Deginum í lag. 

Athugasemdir

[Bjarni Jónsson, 1.10.2015 kl. 21:50]

Þú getur líka sett þig í spor hótelgesta, sem horfa ekki niður á flugbrautina, heldur í gagnstæða átt og sjá vél koma inn til lendingar.  Það gæti minnt á alræmt hryðjuverk á Manhattan, og gestunum væri vorkunn að snúa sér við og fá sér "einn gráan".

Það er ekki lengur nóg fyrir Innanríkisráðherra að lýsa yfir stuðningi við flugvöllinn.  Fíflagangur Dags & Co er kominn á svo alvarlegt stig, að hann verður að stöðva strax í haust (og helzt fyrir Landsfund).